% Text title : Ishvaraproktam Shivaprasadakaranam 2 % File name : IshvaraproktaMshivaprAsAdakaraNam2.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 7 prAsAdakaraNam | 1-96|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Shivaprasadakaranam 2 ..}## \itxtitle{.. IshvaraproktaM shivaprAsAdakaraNam 2 ..}##\endtitles ## (shivarahasyAntargate mahAdevAkhye) \- shivagaurIsaMvAde \- Ishvara uvAcha | kailAsAchalasa~NkAshaM gopurAvalibhAsuram | prAkAravarashobhADhyaM mahAmaNTapasundaram || 1|| paryantarAjadvR^iShabhaM chitravidrumavedikam | gavAkShatoraNayutaM valabhIkulabhUShitam || 2|| nAnAdrumalatopetaM vApIkUpashatAvR^itam | sarobhiH phullakalhArakamalotpalamaNDitaiH || 3|| nAnAvihagashobhADhyaM nR^ityachChikhilAkulam | kR^itvA nagordhvashikharajAlajAlakitAmbaram || 4|| ramyanirjharakaM ma~njura~NgavallIvichitritam | tanmadhye mama devesha kuryAtprAsAdamunnatam || 5|| shataM sahasramayutaM stambhakumbhavirAjitam | vedikApaTTikopetaM chitravidrumaputrikam || 6|| pratolIvalabhIniryaddhArAsAragR^ihAntaram | puShpamAlAparikShiptaM dhUpadIpavirAjitam || 7|| madhye sihmAsanayutaM DolAstaraNashobhitam | vitAnashobhitordhvAntamupadhAnashatAvR^itam || 8|| tasminnAsanaparya~Nke mUrti somAM maheshvari | triNetrAM chAruchandrArkAM tvatsahAyAM sushobhanAm || 9|| skandAnvitAM nIlakaNThAM tripuNDraparishobhitAm | pratiShThApya cha kailAsaprAsAde parameshvari || 10|| sa yatphalamavApnoti tadekAgramanAH shR^iNu | sUryakoTipratIkAshairyAnaiH kailAsasaprabhaiH || 11|| aumaM kaumAramaishAnaM vaiShNavaM brAhmameva cha | prAjApatyaM mahAtejojanolokaM mahastathA || 12|| aindramAsAdya chendratvaM kR^itvA kalpAyutaM divi | manvantara parIvR^ittaM yAvadindrashataM shive || 13|| bhuktvA chaiva bhuvarlokabhogAn devasudurlabhAn | yAvadAyurbrahmaNo.ayaM vaset kailAsaparvate || 14|| merumAsAdya devAnAM bhavaneShu pramodane | kimpuruShApsaroloke yakShavidyAdharAlaye || 15|| bhuktvA bhogAn sa vipulAn pade syAdaichChike bhuvi | AkhaNDalAdhiko bhUyAt mahImaNDalamaNDanaH || 16|| ekaChatrAdhipo rAjA bhavedvIjitachAmaraH | jAtismaro bhavedbhUmyAM kR^itvA dharmaM shivasya tu || 17|| punarmadgaNapo bhUyAnnAsyAnto dharmavartmanaH | mandirAdriM(mantharAdrau mandarAdrauvA) prakurvIta mama prAsAdamuttamam || 18|| shikharAyuta saMyuktaM prAsAdaM divyavedikam | rudrAvatArakrIDAbhirapsarogaNachitritam || 19|| devadAnavagandharvapratimAparishobhitam | santAnapArijAtAdimandarAdyairala~NkR^itam || 20|| devodyAnodbhavairvR^ikShaiH samantAdupashobhitam | sudhAvichitritAH sarvAH kArayetpratimAH shubhAH || 21|| ra~njitAH pa~nchavarNaishcha tatprAsAde visheShataH | mama devyA gaNeshasya skandabhairavanandinaH || 22|| vR^iShAgre chArushR^i~Ngaishcha shobhitaM kArayennaraH | tatprAsAde mahApIThe puShpamAlAvirAjite || 23|| gandhadhUpadivitate dIpamAlAkR^itAntare | nR^ittamAnaM trayAnetraM(? ) somaM somArdhashekharam || 24|| matpArshve tvAM mahAdevIM pashyantIM matpadAmbujam | kR^itvA bhaktyA pratiShThApya sa me priyataro gaNaH || 25|| mandarAdripratIkAshairvimAnairvishvatomukhaiH | hAvabhAvasamAyuktarudrANInR^ittanirbharaiH || 26|| gatvA shivapuraM divyaM bhuktvA bhogAnanuttamAn | j~nAna yogaM samAsAdya gANA(Na)patyaM labhennaraH || 27|| yaH kuryAnmerunAmAnaM prAsAdaM me maheshvari | sahasrashR^i~NgasaMyuktastambhasAhasrasaMyutam || 28|| vedikAtoraNopetaM valabhIjAlikAnvitam | dikpAlairdevasa~Nghaishcha tattadvarNAyudhAnvitaiH || 29|| kalpitaM shilpivaryaishcha prAsAdAnta pIThake | dhUpadIpasumAmodaprasAritadigantare || 30|| vAmadakShiNapArshve(rshva)sya viShNubrahmAdisevitAm | umAnvitAM mamaiveshi mUrti saMsthApya pUjayet || 31|| sa yatphalamavApnoti na tatsarvAM mahAmakhaiH | sarvayaj~natapodAnasarvatIrtheShu yatphalam || 32|| labdhvA vimAnavaryeNa jitasUryeNa yAti mAm | niShadhaM nAmataH kuryAt prAsAdaM bhaktimAnnaraH || 33|| sahasrashikharopetaM shubhakumbhasamanvitam | valabhIkulasa~nChannaM toraNAruNamaNDitam || 34|| vedikApaTTikopetaM munivaryaishcha shobhitam | vaikhAnasairvAlakhilyairdevagandharvashobhitam || 35|| tAdR^igvidhasudhAklR^iptamUrtibhiH parishobhitam | tatrAsane sukhAsInaM chandrakhaNDajaTAlakam || 36|| tripuNDrabhAlaM mAM devi yogapaTTasanojjvalam | chinmudrAdrAvitAj~nAnaM munInAM bhAvitAtmanAm || 37|| saMvR^itaM munibhistatra nataprA~njalibhiH shive | kR^itvA me dakShiNamUrti vaTamUle pratiShThitAm || 38|| devalokaM pAnavaryaiH sahayuktairvirAjitaiH | vimAnaishchandratAraishcha vR^itamapsarasAM gaNaiH || 39|| bhuktvAtha suchira~NkAlaM devabhogAnanuttamAn | abhUtaM devi pashchAnme j~nAnamaishvaramuttam || 40|| labdhvA mayyeva lIyeta bhaktiyuktaH pramuchyate | kuryAdvA yaH shive bhaktyA himashailAkhyamuttamam || 41|| prAsAdaM parayA bhaktyA divyastambhashatairyutam | jAlikAmAlikAmadhyastambhakumbhashatavR^itam || 42|| vedikAtoraNopetaM divyapIThamanoharam | dhUpadIpAvR^itaM puShpamAlAmuditameduram || 43|| nandibhR^i~NgimahAkAlamUrtibhiH parishobhitam | tiShThantaM mAM tatra mUrtiM kR^itvA vR^iShamukhe karam || 44|| soShNIShaM somamakuTaM puShpApIDamumAnvitam | pratiShThApya labhedgauri vimAnaM sArvagAmikam || 45|| himashailopamairyAnairbhuktvA deva pure sukham | nandanAdivane devi pItvA.amR^itamanuttamam || 46|| sraggandhavAsovibhrAjadapsarobhiH pramodate | yAvadindrAyutaM devi pashchAnme gaNapo bhavet || 47|| nIlAdrishikharAkhyaM vA prAsAdaM toraNAnvitam | vedikApaTTikopetaM gopAnasi virAjitam || 48|| pa~nchAshatstambhasaMvIta chitravidrumaputrikam | virAjitavR^iShAgraM cha dhUyamAnapatAkakam || 49 || (virAjita vR^iShAdhIshadhUyamAnapatAkakam) || 49|| veNuvINAravAnekasamadhUpAdidIpitam | pIThe devi pratiShThApya gajadhnIM mUrtimavyayAm || 50|| triNetrachAruchandrArkA gajamastalasA~NghrikAm | (gajamastalasatpadAm) vidIpitamahAshUlakarAM daMShTrA~NkurAsyakAm || 51|| yAnairvR^iShayutairdevi tiShTheddhi parameShThinaH | loke bhogayuto dhImAnadhIte j~nAnamuttamam || 52|| pashchAttenaiva mAM prApya brahmaNA parimuchyate | vR^iShabhAkhyaM hi yaH kuryAtprAsAdaM parameshvari || 53|| maNTapaM vA suvihitaM stambhakumbhashatAvR^itam | rAjadvR^iShAgrakalashaM puShpamAlApariShkR^itam || 54|| tatra pIThe kAlaharaM mAM pratiShThApya sha~Nkari | kAlasya makuTe pAdahastashUlena tADitam || 55 || (vidhyantaMkAlamakuTe shUlenAtha nija~NghriNA) || 55|| kAlaM cha patitaM chAgre ugraM mAM chandrashekharam | daMShTrAkarAlavadanaM kR^itvA beraM labhennaraH || 56|| gANA(Na)patyaM priyaM me syAt vimAnenArka bhAsvatA (rochiShA) | gatvA shivapuraM devi j~nAnaM labdhvA vimuchyate || 57|| mahendrAkhyaM tu yaH kuryAt prAsAdaM parameshituH | nAnAla~NkArashobhADhyaM stambhakumbhashatA vR^itam || 58|| gavAkShapa~Nkti madhyasthAM shikharaprakarAnvitam | vedikAdvAravihitaM dR^iShadbhiH pihitaM dR^iDhaiH || 59|| tasminnAsanavarye mAM pratiShThApya tvayA saha | mUrtiM kR^itvA tAmramayIM rAjatIM svarNanirmitAm || 60|| chandrApIDAM triNayanAM mandasmitamanoharAm | vAmadakShiNabhAge me gaNeshaguhasaMyutAm || 61|| sa phalaM labhate martyo bhuvi bhAgyasamanvitaH | putrapautrairyuto dArairvaMshalakShasamanvitaH || 62|| kAvyasaMshobhiyAnena puShpamAlAvirAjatA | kailAsaM dakShiNaM prApya yakShendrArchitabhogabhuk || 63|| prAsAdaM hema kUTAkhyaM kR^itvA stambhashatAnvitam | gavAkShashikShAvitataM tryakShaprItikaraM shive || 64|| saMrAjadvedikA kumbhapatAkAvalishobhitam | tatra sihmAsanAsInamardhanArIshvaraM hi mAm || 65|| pratiShThApya labhenmuktiM bhu~Nkte bhogAnanuttamAn | viShayAn viShavat tyaktvA niHsheShaM mAmavApnuyAt || 66|| hemnA vA rAjatenApi tAmrakAMsyasupittalaiH | maNibhiH sphaTikairvApi vidrumairvA maheshvari || 67|| ADhyo vA dravyarahito bhaktyA kuryAchChivAlayam | mR^inmayAtkoTiguNitaM puNyaM syAddArubhiH kR^ite || 68|| koTikoTiguNaM puNyaM mR^itkAShTAdiShTakAmayam | triguNaM cheShTakAdibhyaH shailairdevi shivAlayam || 69|| dR^iShadbhiH kR^iShNavarNaishcha tataH koTiguNaM bhavet | mR^ichChailayoH samaM j~neyaM phalamADhyadaridrayo || 70|| vane vApi nadItIre puNyaparvatamUrdhasu tIre nadIpaterdevi bhaktyA kuryAchChivAlayam || 71|| sthAvaraM shivali~Ngasya gR^ihe vA puruShAdhikam | na kAryamAlayaM devi charali~Ngasya sha~Nkari || 72|| yatra kvApi shive bhaktyA kuryAchChailaiH shivAlayam | jIrNaM vA patitaM vApi khaNDitaM sphuTitaM tathA || 73|| pUrvavatkArayedyuktaH sarvasmAllabhate phalam | navAdapi mahAdevi jIrNoddhAraH prashasyate || 74|| prAsAdaM gopuraM vApi prAkAraM maNTapaM tathA | karturabhyadhikaM puNyaM labhate nAtra saMshayaH || 75|| bhaktyA vittAnusAreNa kuryAtprAsAdasa~nchayam | alpe mahati vA puNyaM samamADhyadaridrayoH || 76|| vittashAThyena yaH kuryAtpuNyamADhyo.api mAnavaH | na sa tatphalamApnoti pralobhAkrAntamAnasaH || 77|| tasmAnmadAlayaM devi kuryAdvittamava~nchayan | aShTeShTakAbhirapi vA kuryAdeva shivAlayam || 78|| prasAdArthaM maheshasya prAsAdaM parameshvari | tathaivAnyasya karaNe sAhAyyamapi vA svayam || 79|| vAchA dhanena vA devi svasyAshaktau sadA shive | kuryAdvaghnakaro (kuyadvighnaM naro) yastu narake pachyate chiram || 80|| yAvadbrahmashataM gauri yaH shivAlayabha~NgakR^it | kiM pUrNe bahunoktena bhaktyA vittAnusArataH || 81|| kuryAddevi shivakShetraM janma prApyeha mAnavam | vApIkUpakarA ye syustaTAkaM vA shivAlaye || 82|| yAvattadvidutoyAnAM sahasraparivatsaram | (yAvanto bindavastatra tAvadvarShasahasrakam) | sudhAsAgaramadhyastho nivaset sa pitAmahaiH(haH) || 83|| vanavATIkaro yastu puShpArchAyA(yai) maheshvari | ekaM bilvataruM vApi ropayedyaH shivAlaye || 84|| yAvattatpatrakusumaM bIjamUlaphalAni cha | tAvadvarShasahasrANi mama loke mahIyate || 85|| utsavArthaM maheshasya vAhanAni cha kArayet | gajamashvaM bhUtagaNaM vR^iShaM chApi maheshituH || 86|| sauvarNaM rAjataM vApi dAruNA ra~Ngachitritam | kR^itvA bhavedgaNendro.asau mama kailAsamauligaH || 87|| rathaM cha mama deveshi dhvajakumbhapariShkR^itam | sahasrashatachakraM vA dashachakraM manoharam || 88|| uttamaM shatachakraM syAt dashachakraM tu madhyamam | adhamaM ShaTchatushchakraM rathaM shilpavido viduH || 89|| tAdR^ikkalAchitritaM cha puShpamAlAparIvR^itam | kadbhirdeva(rdeva)gandharvairbrahmasArathimunnatam || 90|| kR^itvA mallokamApnoti punarAvR^ittivarjitam | gR^ihotsavArthe kurvIta puruSho.ardharathaM shive || 91|| Ishvara uvAcha | madAlayaM (shivAlayaM) yaH parameshvarasya karoti loShTairapi bhaktiyuktaH | kailAsamAyAti vimAnavaryaiH surendrapadmodbhavaviShNuvandyaH || 92|| bAlye cha kAShThena shivaM cha kR^itvA mR^idApi vA pAMsubhireva li~Ngam | sampUjya puNyairlabhate gaNendratAM bhaktyA kR^itatvAdagaNayya puNyam || 93|| prAsAda prakaraM maheshasadane kR^itvA prasAdaM labhet shambhormukhyagaNendratAmupagato mandAra(vR^indAra)vR^indArchitaH | tasminnIshvaramUrtayaH suvihitAH saMsthApya meghAyutaM puNyaM prApya sa modate girisute pAtAdishakojjhitaH || 94|| yo vAhanAni ruchirANi gajAMshcha bhUta\- kailAsavaryamagaje prakaroti bhaktyA | divyaM sudhAMshuvaradIdhiti sannibhA~Nga labdhvA shive mama nivaseta gaNendram || 95|| kR^itvA rathAdhipataye varachAruchakra \- prodyatpatAkakanakottamakumbhamaulim | vedAshvasArathividhiM rathamIshamUrtiM saMsthApya karShati mahotsavakaraH sa muktaH || 96|| || iti shivarahasyAntargate IshvaraproktaM shivaprAsAdakaraNaM 2 sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 7 prAsAdakaraNam | 1\-96|| ## - .. shrIshivarahasyam . mahAdevAkhyaH ekAdashamAMshaH . adhyAyaH 7 prAsAdakaraNam . 1-96.. Notes: Upon being asked by Devī ##devI##; Śiva ##shiva## describes the procedure and merits of construction, reconstruction and resurrection i.e. jīrṇoddhāra ##jIrNoddhAra## of ŚivaPrāsāda ##shivaprAsAda## i.e. Śivālaya ##shivAlaya##. He mentions about installation of the Sthāvara ##sthAvara## and Cara ##chara## Śivaliṅga ##shivali~Nga## and His 25 Forms i.e. PañcaviṃśaMūrti ##pa~nchaviMshamUrti##.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}