% Text title            : Ishvaraproktam Shivaratripujopadesham
% File name             : IshvaraproktaMshivarAtripUjopadesham.itx
% Category              : shiva, shivarahasya, pUjA, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 32 shivarAtripUjAvratakathanam | 1-24.1||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivaratripujopadesham ..}##
\itxtitle{.. IshvaraproktaM shivarAtripUjopadesham ..}##\endtitles ##
(shivarahasyAntargate mahAdevAkhye)

\- shivapArvatIsaMvAde \-

Ishvara uvAcha |

sA tithirdurlabhatarA yogyayuktA visheShataH |
shivarAtrivrataM puNyaM mamaiva prItidaM param || 1||
shivali~NgatayodbhUtastasyAM rAtrau maheshvaraH |
brahmaviShNvorbodhanArthaM chaturdashyAM nishi priye || 2||
mAghe kR^iShNachaturdashyAM somapArdraka R^ikShake |
sA tithirdulabhatarA yogyayuktA visheShataH || 3||
mAghe kR^iShNachaturdashyAM pUjyo.ahaMli~Ngamadhyame |
rAtrau yAmeShu chaturShu anidropoShaNAdibhiH || 4||
naityakaM vratametaddhi sarveShAM sarvadaM shive |
trayodashyardhaghaTikA yadi tasyA~NgatA bhavet || 5||
pradoShapUjA tatraiva kAryA sA praharAdime |
nishIthasamaye grAhyA mAghakR^iShNachaturdashI || 6||
tasyAM samastapuNyAni tIrthAnyAyatanAni cha |
sthAvare vA chare li~Nge sa~NkramiShyanti pArvati || 7||
upavAsaprabhAveNa atandro nishi jAgarAt |
chaturyAmArchanAddevi bilvapatreNa kevalam || 8||
akShayaM puNyamApnoti shivasAyujyamashnute |
shive me shivarAtriM yaH pUjAjAgaraNaiH nayet || 9||
akhaNDitavratI sa syAdAkhaNDalashataM vaset |
shivaloke sarvabhaugaiH surAsuranamaskR^itaH || 10||
nityaM cha kAmikaM devi shivarAtrivrataM mama |
mamaiva bhakto yo devi shivarAtryarchako bhavet || 11||
pUjAjAgaraNopeto rAtrau yAmachatuShTayam |
gaNatvamakShayaM tasya mama kailAsamUrdhani || 12||
varShe varShe mahAdevi narAnAryo dvijAntyajAH |
shivarAtrau mahAdevaM nityaM bhaktyA yajanti hi || 13||
devA vidhIndraviShNvAdyAH sadArAshchAsurA dvijAH |
shivarAtryAM mahAdevaM pUjayanti dR^iDhavratAH || 14||
shivarAtrivratAddevi triHsatyaM na parAtparam |
na pUjayanti bhaktyeshaM rudraM tribhuvaneshvaram || 15||
yo.annabhuk kR^imibhuk sa syAtsanidro.ajagaro bhavet |
nAnAyonisahasreShu bhramate so.adhamo naraH || 16||
dvAdashAbdakamevaM syAchchaturviMshAbdakaM tu vA |
yAvajjanma mahApuNyaM kurvanmadgaNapo bhavet || 17||
mAghakR^iShNachaturdashyAM bhaumaH somaH prashasyate |
bhaumavAreNa saMyuktA kR^iShNA~NgArachaturdarshI || 18||
yadyArdrapAtayuktA chet shivayogAH sudurlabhAH |
sa janmAyutapApaghnastasyAM bilvaikapUjanAt || 19||
shivayogasya yogo.asya sambhaveduttamottamaH |
trayodashIkalApyekA madhye chaiva chaturdashI || 20||
ante chaiva sinIvAlI trispR^ishyaM shivamarchayet |
ardharAtrAdadhashchordhvA yuktA yA syAchchaturdashI || 21||
tasyAmeva prakurvIta so.ashvamedhaphalaM labhet |
pradoShavyapinI chApi grAhyA seyaM shivArchakaiH || 22||
pradoShaikakalAvyAptau paraiShA samprashasyate |
pUrvApare.ahni deveshi nishItha vyApikottamA || 23||
jAgaraM chopavAsaM cha tasyAM kuryAchChivArchakaH |

|| iti shivarahasyAntargate IshvaraproktaM shivarAtripUjopadeshaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 32 shivarAtripUjAvratakathanam | 1\-24\.1||
##
- .. shrIshivarahasyam . mahAdevAkhyaH ekAdashamAMshaH . adhyAyaH 32 shivarAtripUjAvratakathanam . 1-24.1..

Notes:

Śiva ##shiva## delivers Upadeśa ##upadesha## to Pārvatī ##pArvatI## about observing Śivarātri ##shivarAtri## during Māgha Kṛṣṇa Caturdaśī ##mAgha kR^iShNa chaturdashI## which was the night when He had appeared as a Śivaliṅga ##shivali~Nga## to induce Awareness in Brahmā ##brahmA## and Viṣṇu ##viShNu##. Śivarātri ##shivarAtri## during Māgha Kṛṣṇa Caturdaśī ##mAgha kR^iShNa chaturdashI## - especially the one that is in conjunction with Trayodaśī ##trayodashI## - even though for a moment, is of special significance - whereby a prior Pradośa Pūjā ##pradoSha pUjA## should be conducted.

Śiva ##shiva## explains other significant Yoga-s ##yoga## that may occur with Śivarātri ##shivarAtri##, and about the merits of observing Śivarātri ##shivarAtri##.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}