% Text title            : Ishvaraproktam Somavaravratamahimavarnanam
% File name             : IshvaraproktaMsomavAravratamahimAvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 28 somavAravratamahimA | 7-49||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Somavaravratamahimavarnanam ..}##
\itxtitle{.. IshvaraproktaM somavAravratamahimAvarNanam ..}##\endtitles ##
(shivarahasyAntargate mahAdevAkhye)

\- shivapArvatIsaMvAde \-

pArvatyuvAcha |

deva deva mahAdeva trikAlaj~na trilochana |
kiM tava prItikR^ichChambho vrataM sarvAghanAshanam || 7||
pumarthadAyakaM sharva sarveShAM kathayasva me |
tasyAstadvadanAmbhojaM pItvA lochanaShaTpadaiH || 8||
prAha devo virUpAkShaH pratyakShamavadadvratam |

shiva uvAcha |

shR^iNu padmapalAshAkShi vrataM me prItidAyakam || 9||
sAdhu sAdhu mahAprAj~ne sarvalokopakArakam |
yanna kasyachidAkhyAtaM tadadya kathayAmi te || 10||
sarvakAmapradaM divyaM sarvaroganivArakam |
brahmaviShNvAdibhirdevaiH kR^itametanmahAvratam || 11||
naro vA yadi vA nArI dvijo vApyadvijo.api vA |
kR^itvA vratamidaM puNyaM mama lokaM sa vindati || 12||
sarveShvapi cha mAseShu prashastaM sarvakAmadam |
gadanti nigamAH sarve shiShTaM somavrataM tviti || 13||
somavAravrataM divyaM dvijAnAmeva kevalam |
narANAmatha nArINAM saubhAgyArogyavardhanam || 14||
shrAvaNe kArtike vApi gR^ihItaniyamo vratI |
pUjayenmAM mahAdevi so.achirAnmuktibhAgbhavet || 15||
devyuvAcha |

kathaM somavrataM kAryaM ko vidhiH pUjanaM katham |
kasmin kAle cha kartavyaM sarvaM vistarato vada || 16||
shiva uvAcha |

shrAvaNe.asmin vare mAsi tvatpiturmaulisaMsthitam |
kedAreshamahAli~Ngasannidhau niyamAdvratI || 17||
sa~Nkalpya vatsaraM vApi trINi dvAdasha vA.ambike |
sa~Nkpya brAhmaNaiH sArdhaM vratametatsamAcharet || 18||
asya kedAranAthasya shrAvaNe somavAsare |
pUjA kArya visheSheNa shAmbhavairvividhaiH shubhaiH || 19||
somavAravrataM kAryaM prayatnena yathAvidhi |
brAhmaNaireva niyamAdAjanmAntaM maheshvari || 20||
yatnAdupoShaNaM kAryamanyathA nishi bhojanam |
upavAsI pUjayenmAM rAtrau yAmachatuShTayam || 21||
paredyurmAM samabhyarchya nivedyAshIta bhAvataH |
sarveShvapi cha mAseShu somavAraH prashasyate || 22||
kR^iShNapakShe visheSheNa tasya nodyApanaM shive |
naktabhugyadi bhaktaH syAtkShAravarjAnnabhugbhavet || 23||
yanniveditamIshAya tadashnIyAdyathAvidhi |
madhumAMsaM varjIta naktAshI sarvadA shive || 24||
vatsare vatsarAnte vA dvAdashAbde trihAyane |
naktAshanodyamaM kuryAdupavAsI na sa~njvaret || 25||
anyeShvapi mahAdevi shivakShetreShvathArabhet |
ayukte niyataM nityaM bhakto naktAshano bhavet || 26||
somavAreShu vA devi bhUtAyAmaShTamIShu vA |
parvasvapi visheSheNa so.amAsvapi cha sha~Nkari || 27||
shAmbhavo nandinaM naktaM tatra sampUjya havyabhuk |
kArtike prArabhedvApi aruNAchalasannidhau || 28||
somavAravrataM devi sa~Nkalpyaiva hi pUrvavat |

Ishvara uvAcha |

atretihAsaM vakShyAmi shR^iNi shailasute.anaghe || 29||
chAkShuShasyAntare devi dakSho medhAya dIkShitaH |
sarvaiH surAsurairdevi brahmaviShNvAdibhirdvijaiH || 30||
mAmanAdR^itya tvAM chApi yaj~naM kartuM prachakrame |
surAdyA vIrabhadreNa shikShitA dIkShito.api hi || 31||
chandro.amR^itamayashchAyaM niShpiShTaH karapa~NkajaiH |
somo hInAmR^ito gauri rohiNyAmAyajattadA || 32||
kedAre somanAthAkhyaM li~NgaM saMsthApya pUjayan |
sa punardakShashApena pIDito mAmanUnuvat || 33||
balIvardamAvardhayanmArdavena
krudhA traipuraM nirdahannarda te yaH |
inAkShNaiva hArdaM tamonAshayan loka\-
jAlaM sashokaM punIte maheshaH || 34||
tatastuShTo.asmyahaM devi tasya stutyA cha bhaktitaH |
somavAravratasyAsya prabhAveNa girIndraje || 35||
tenoktaM yadi tuShTo.asi tiShThAtrastho nirantaram |
yAvachchandrashcha sUryashcha yAvattiShThati medinI || 36||
tAvanme sthApite li~Nge umayA saha tiShTha bhoH |
rohiNyAshcha patishchaivaM prArthayitvA cha mAM shive || 37||
tataH shuddhasharIro.asau gaganastho virAjate |
mamottamA~Nge devishi sthAnaM dattaM visheShataH || 38||
devAn prINAti sadyo.api somadharmapradAnataH |
prathamAM pibate vahni dvitIyAM bhAskaraH shive || 39||
tR^itIyAmatha devendrashchaturthI maruto.akhilAH |
vasavaH pa~nchamIM tasya kalAM ShaShThIM tu vAsavaH || 40||
AdityAH saptamIM devi rudrAstasyAShTamIM kalAm |
navamIM R^ibhavo devi dashamIM yakShaguhyakAH || 41||
ekAdashI shive sAdhyA dvAdashIM viShNureva hi |
brahmA trayodashIM tasya nirR^itistu chaturdashIm || 42||
amAvAsyAsu pitaraH kalAM tasya pibanti hi |
somo.amR^itamayo devi devAnAM bhojanaM shashI || 43||
kalAbhiH poShayan devAn oShadhInAM gaNaM shive |
somavallIShu nitarAM yaj~nArthaM soma AhitaH || 44||
somenAdityabalinaH somena pR^ithivI mahI |
sarveShAmatha R^ikShANAM madhye vai soma AsthitaH || 45||
ityeShA bahvR^ichAnAM hi shrutirAha maheshvari |
sarveShAM janitA soma shakraviShNvanilAtmanAm || 46||
tasmAttadAviShTatayA somavallIbhireva hi |
pravardhayanti yaj~nAMshcha saumyA ye brAhmaNAH shive || 47||
tasmAdyaj~neShu sarveShu agnIShomaH pashuH smR^itaH |
tasmAdvratamidaM devi somavAraM mameShTadam || 49||

|| iti shivarahasyAntargate IshvaraproktaM somavAravratamahimAvarNanaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 28 somavAravratamahimA | 7\-49||
##
- .. shrIshivarahasyam . mahAdevAkhyaH ekAdashamAMshaH . adhyAyaH 28 somavAravratamahimA . 7-49..

Notes:

Śiva ##shiva## describes to Pārvatī ##pArvatI## about worshiping Him and observing Vrata ##vrata## on Somavāra-s ##somavArAH## - especially those of Śrāvaṇa ##shrAvaNa## and Kārtika ##kArtika## māsa ##mAsa##.

He outlines the Somakalā-s ##somakalAH## wrt the tithi-s ##tithi##, that form the nourishment of the Deva-s ##devAH##.

Selected ślokas are presented on this page.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}