% Text title            : Ishvaraproktam Vaidyanatharahasyavarnanam
% File name             : IshvaraproktaMvaidyanAtharahasyavarNanam.itx
% Category              : shiva
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : vaidyanAthasthalamAhAtmya | prathamo.adhyAyaH | 37-67||
% Latest update         : February 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Vaidyanatharahasyavarnanam ..}##
\itxtitle{.. IshvaraproktaM vaidyanAtharahasyavarNanam ..}##\endtitles ##
\- shivagaurIsaMvAde \-

Ishvara uvAcha |

shR^iNu devi pravakShyAmi rahasyamatipAvanam || 37||
vaidyanAthamiti khyAtaM gR^iddhreshanagarAbhidham |
dharmArthinAM dharmadaM tat dhanadaM dhanamichChatAm || 38||
kAminAM kAmadaM hR^idyaM mumukShUNAM cha muktidam |
putradaM putrakAmAnAM sukhadaM sukhamichChatAm || 39||
rAjyadaM rAjyakAmAnAM shubhadaM shubhamichChatAm |
kanyArthinAM cha kanyAdaM rogiNAM roganAshanam || 40||
bhUtapretapishAchAnAM vidrAvaNavichakShaNam |
saMsArasAgaronmagnajantUnAmuDupAdhipam || 41||
yasmiMsthale tu jAtasya jAyamAnasya vA punaH |
jantossaMsArabaddhasya brahmAnando na saMshayaH || 42||
saptAnAmapi koTInAM mantrANAM siddhidaM sadA |
indrAdayashcha dikpAlA vasavAShTau munIshvarAH || 43||
rudrAshcha dvAdashAdityAH tatra vaidyeshvarasthale |
ArAdhayanti siddhyarthaM vaidyanAthaM maheshvaram || 44||
saha bAlikayA nAmnA ma~NgalAkAraNatvayA |
shrIgandhakaNThyAsharvANyA pUjito.asmi maheshvari || 45||
jaTAyuH bhUmiputrashcha sraShTA vighneshvaro guhaH |
bhavatAgriNIrbharadvAjo rAmo bhAnushshashI tathA || 46||
lakShmaNArjunanAmA cha shrImannArAyaNashcha gauH |
hiraNyavarmA vedAshcha siddhAshcha munipu~NgavAH || 47||
R^iShayaH kinnarAssiddhAH gandharvAshchAraNAstathA |
vaidyanAthasthale siddhiM prApustatra dvijottamAH || 48||
shatAnando muniH pUrvaM vaidyanAthaM maheshvaram |
ArAdhya susthale siddhiM prApa tIrthasyavaibhavAt || 49||
tasya chottarabhAge tu bhadrakAlI manoharA |
kAlA~nchanAbhA kalyANI madAj~nAparipAlinI || 50||
bhUtapretapishAchAnAM nigrahAyattamAnasA |
sarveShAmapi bhaktAnAmabhIShTaM pradadAtyalam || 51||
IshAnyAM bhairavo devo nigrahAnugrahe rataH |
sarvAbhIShTaprado nityaM madAj~nAM pAlayatyalam || 52||
durgA dakShiNadigbhAge duShTAnAM nigrahe ratA |
mamAj~nAM pAlayantI sA tasmin vasati sarvadA || 53||
pratIchyAM dishi shAstA cha nigrahAnugrahodyataH |
bhaktAnAM rogahantA cha nagarasya cha rakShaka: || 54||
tasmin saptamahAtIrthAnyadbhutAnyatulAni cha |
santi siddhAmR^itaM teShu tIrthaM dakShiNabhAgataH || 55||
bAlikAyA vAyubhAge svedatIrthamiti shrutam |
agastyatIrthaM pUrvasmin bhAge tu munipu~NgavAH || 56||
ga~NgAkuNDamiti khyAtamAgneye tIrthamuttamam |
kodaNDataTinI nAma rAmakodaNDasambhavA || 57||
dhanuShkoTisamA divyA maNikaNThikayA samA |
gaurItIrthamiti khyAtaM kAveryAntargataM varam || 58||
shaktiga~Ngeti vikhyAtaM siddhAmR^ita jalAntare |
tasya siddhAmR^itasyaiva nAmAni yugabhedataH || 59||
gokShIramikShumAraM cha gR^idhratIrthamiti sphuTam |
tasmin siddhAmR^ite.adyApi maNDUkAH shyAmarUpiNaH || 60||
shatAnandamuneH shApAt na lakShyante munIshvarAH |
gR^idhrakuNDamiti khyAtamasti dakShiNabhAgataH || 61||
tanmR^itikA dhAraNena rogA nashyantyasaMshayaH |
tasyaiva nAmadheyAni kShetrasya vilasantyalam || 62||
gR^idhrarAjapuraM vedapuraM skandapurIti cha |
kiM cha sUryapurI cheti vishrutA jagatI tale || 63||
anantAni cha nAmAni tasya kShetrasya santi vai |
etAni nAmadheyAni prashaMsanti cha ye narAH || 64||
pumarthAn sakalAn prApya shivasAyujyamApnuyuH |
tasmim kShetre visheSheNa shaktimachChikhivAhanam || 65||
varaM dadAti sarveShAM niyantA rakShasAmapi |
bhUtapretapishAchAnAM nigrahe sutarA paTuH || 66||
sarvAbhIShTapradaM tatra vaidyanAthasthale shivAm |
bAlikAM pUjayanti ye te dhanyAH shriyamApnuyuH || 67||

|| iti vaidyanAthasthalamAhAtmye IshvaraproktaM vaidyanAtharahasyavarNanaM sampUrNam ||

\- || vaidyanAthasthalamAhAtmyam | prathamo.adhyAyaH | 37\-67||

##
- .. vaidyanAthasthalamAhAtmyam . prathamo.adhyAyaH . 37-67..

Notes:

Śiva ##shiva## details to Gaurī ##gaurI## about the VaidyanāthaKṣetra ##vaidyanAthakShetra## located in the GṛdhreshaNagara ##gR^idhreshanagara##, and mentions about several establishments in the premises, including those for Bhadrakālī ##bhadrakAlI##, Bhairava ##bhairava##, Durgā ##durgA##, Śāstā ##shAstA## as guardians. The tīrtha ##tIrtha## in that region include Siddhāmṛta ##siddhAmR^ita##, Svedatīrtha ##svedatIrtha##, Agastyaṭīrtha ##agastyatIrtha##, Gaurītīrtha ##gaurItIrtha##, Gṛdhratīrtha ##gR^iddhratIrtha## etc. .
Selected Śloka-s are presented on this webpage.##


##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}