% Text title : Ishvaraproktam Vaidyanathatirthakshetramahatmyam % File name : IshvaraproktaMvaidyanAthatIrthakShetramAhAtmyam.itx % Category : shiva, mAhAtmya, tIrthakShetra % Location : doc\_shiva % Transliterated by : Ruma Dewan % Proofread by : Ruma Dewan % Description/comments : vaidyanAthasthalamAhAtmya | 3-4| vAvRittashlokAH || % Latest update : February 25, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Vaidyanathatirthakshetramahatmyam ..}## \itxtitle{.. IshvaraproktaM vaidyanAthatIrthakShetramAhAtmyam ..}##\endtitles ## \- shivagaurIsaMvAde \- vaidyanAthasthalAvAsAt madIyArchanavaibhavAt | tatsthAnasevanaM kR^itvA sarvasaubhAgyavAnbhavet || 3\.45|| tanme priyataraM viddhi vaidyanAthasthalaM shubham | vaidyanAthasthale tatra gR^idhreNArAdhito R^ichA || 3\.46|| rAmeNa pUjitasso.ahaM skandena raviNApi cha | tatsthAnaM prathitaM bhUmau gR^idhraR^iksUryanAmakam || 3\.47|| shvashurAvAsabhUmiryo himAdrirmama bhAmini | tato.api vaidyanAthe.asmin sthale prItirna saMshayaH || 3\.48|| marudvR^idhAtaTe puNye padAni mama santi vai | svayaMbhUni sahastrANi prasiddhAni nagAtmaje || 3\.49|| sahasreShu padeShveShu madIyeShu cha bhAmini | atipriyakarANyadya pravakShyAmi cha tAnyaham || 3\.50|| prabhAvamatipuNyAnAM madIyAnAM maheshvari | marudvR^idhAtaTasthAnAM nAmAni pravadAmyaham || 4\.1|| sthAnanAma kathyate.adya sAvadhAnayutA shR^iNu | kAveryAstIraryArnadyAH puNyayorubhayorapi || 4\.2|| svAyambhUnyuttamAnyeva pravakShyAmi yathAkramam | priye ratnagirirnAma kAveryA dakShiNe taTe || 4\.3|| asti kShetraM mahApuNyaM sarvasaubhAgyadAyakam | tasmin sthale tvayA sAkaM nivasAmi mudA priye || 4\.4|| tasya ratnagireH shR^i~Nge kalpadruma samA drumAH | champakAstvatha chAmpeyAH panasAH pATalAstathA || 4\.5|| chandanAH pArijAtAshcha sarvadA vilasanti cha | kAveryAshchotare bhAge makShikAparvatottame || 4\.6|| asti tIrthaM mahApuNyamamR^itAkAramadbhutam | tasya tIrthasya pAnena jarAmaraNavarjitAH || 4\.7|| tatratyAjantavassarve tadrakShAstamalaM priye | tatrApi cha tvayA sArdhaM sarvadA nivasAmyaham || 4\.8|| kAveryAyoshchottare tIre kuNDasthaNDilamuttamam | bhAti tatrottaramukhaH sarvadA nivasAmyaham || 4\.9|| mAmihaivArAjadbrahamA kAshikShetrasame purA | kR^iNDasthaNDilanAmno.asya pUrvasyAM dakShiNe taTe || 4\.10|| darvikAtIrthamAbhAti tatrApi nivasAmyaham | tasya pUrve mahat kShetraM madIyaM bhAti sarvadA || 4\.11|| panasAdau suraissAkaM tvayApi nivasAmyaham | kAveryA dakShiNe tIre trishirassthAnaparvate || 4\.12|| navaratnamayaiH kuDyaiH prAsAdairUjjvale vare | nivasAmi suraissArdhaM pashchimAbhimukhe sadA || 4\.13|| gajAraNyamiti khyAtaM kAveryAshchottare taTe | akhilANDAmbayA sAkaM j~nAnabhUmau vasAmyaham || 4\.14|| puNyaM saptamunisthAnaM tasya pUrve virAjate | tasminnapi gaNaissAkaM pashchimAbhimukhe sadA || 4\.15|| nivasAmi tvayA sArdhaM sarvasaubhAgyadAyini | kAveryAshchottare tIre sthANDIshvaramanuttamam || 4\.16|| bhAti tatrAmaraissArdhaM sarvadA nivasAmyaham | kAveryAshvottaretIre jalpeshvaramanuttamam || 4\.17|| tasmin jalpeshvare puNyA nAmnA pa~nchanade shubhe | tatranyAnAM cha jantUnAM mR^itikAle dayAyutaH || 4\.18|| ahaM tArakamantratya marma vakShyAmi sarvadA | kAveryA dakShiNetIre puNyaM puShpavanAbhidham || 4\.19|| tatra vAsomeraismAkaM mama priyataraM priye | kAveryA dakShiNetIre ta~njIshvaramanuttamam || 4\.20|| AnandavallIdevyA cha tvayA saha vasAmyaham | tasya chottarabhAgetu kAveryA dakShiNe taTe || 4\.21|| shrIkaNThanagare tatra vIrasthAne vasAmyaham | manAbhimatamatyantaM muktisthAnaM cha tadbhuvi || 4\.22|| tasya pUrve mahat kShetraM pavitraM pApanAshanam | shrIshabdapUrvaM vikhyAtaM nAnnA jIvantikAsthalam || 4\.23|| yattIrthaM shrIvaTAkhyaM tat bhAti tatra mamAspadam | sArdhaM koTigaNairgauritvayA saha vasAmyaham || 4\.24|| anyadatyadbhutaM pUrve kAveryA dakShiNetaTe | kumbhaghoNamiti khyAtamastikShetraM mahadbhuvi || 4\.25|| tatra saMvasatAM devi narANAmasti nishchayam | hemapadma vichitraM tyAt vaTikAdvaya mAtrataH|| 4\.26|| nAmnA kumbheshvarastatraM saptasthAneshvarAvR^ite | vivasAmi tvayA sArddhaM jagatAmadhinAyike || 4\.27|| marudvR^idhAyAstIre tat someshvaramiti shrutam | tasmin sthale tvayA sAkaM nivasAmyakhileshvari || 4\.28|| paTTIshvaramiti khyAtaM kAveryA dakShiNe taTe | tatrApi cha tvayA sArddhaM vasAmi nikhileshvari || 4\.29|| kAveryA dakShiNe tIre vishrutaM jagatItale | sthAnaM tribhuvanaM nAma mahadasti mamAspadam || 4\.30|| tasmin sthale tvayA sArdhaM nivasAmi maheshvari | anyadatyadbhutaM gauri brahmahatyAvinAshakam || 4\.31|| madhyArjunamiti khayAtaM triShu lokeShu vishrutam | tasya kShetrasya mAhAtmyaM kovA varNayituM kShamaH || 4\.32|| tasmin sthale mahAli~NgaH nivasAmi tvayA saha | tasya svayambhusthAnasya pUrvasyAM matpriyaM sthalam || 4\.33|| mahadvadhAyAstIre tat dakShiNe sakalaM pradam | gomuktIshamiti khyAtaM triShu lokeShu vishrutam || 4\.34|| gomuktIsha tvayA tatra sadA.atula kuchAkhyayA | nivasAmi mudAnR^iNAM vasatAM mokShadAyakaH || 4\.35|| AshcharyANi cha varANi madIyAni vibhAntyapi | R^iShINAM maNDalaM tatra bahUnAmapi vartate || 4\.36|| vasavo.aShTau cha rudrAshcha dvAdashAdityadevatAH | sarvAshcha shaktayashchApi tatra gomuktisha~Nkaram || 4\.37|| ArAdhayanti sidhyarthaM mama priyamume bhR^isham | tasya chottara bhAge tu trikoTIshvaranAmakam || 4\.38|| asti kShetraM mahApuNyaM sarvama~NgaladAyakam | nivasAmi tvayA tatra sarvadA jagadIshvarI || 4\.39|| marudvR^idhAtaTe pUrvadakShiNe bhImadAyake | mAyUramiti vikhyAtaM kAshikShetrasamaM shubham || 4\.40|| mama prItikaraM shreShThamadbhutaM pApanAshanam | tatra devaissamastaishcha pUjyamAnapadAmbujaH || 4\.41|| abhayAmbikayA sAkaM tvayA devI vasAmyaham | eteShu puNyakShetreShu madIyeShu sadA mama || 4\.42|| AvAso lokarakShArthaM tathApi shrR^iNu me vachaH | rahasyabhUtamatyantaM tat sukhAvahahetukam || 4\.43|| anantashaktisahite svayaMli~Nge manohare | uttare sahyajAyAshcha pAvane pApanAshake || 4\.44|| puNye pradhAnabhUte.asmin kShetrANAmuttamottame | vaidyanAthasthale prItigauryAvAseti nirmale || 4\.45|| nAmnA shrIgandhakaNThI cha tvanmUrtiH shubhadAyinI | anantashaktiyuktA sA sarvAbhIShTapradAyinI || 4\.46|| tathA shrIgandhakaNThyAhaM koshashaktisamAhitaH | sarveShAM sarvadA nityaM grahanigrahasAdaraH || 4\.47|| svAmI cha ShaNmukhasteShAM niyantA rakShasAmapi | vasatyanudinaM tatra madAj~nAparipAlakaH || 4\.48|| triShu bhUrAdiShu shive madIyeShu padeShvapi | ShaShTikoTi sahasreShu pratyeka sharadAM shatam || 4\.49|| shivArchanaparANAM tu shreyA bhavati yannR^iNAm | tato.adhikaM mahachChreyaH sakR^idvaidyeshvarasthale || 4\.50|| achikitsA chikitseshaM sarvAbhIShTapradAyakam | bilvairarchayatAM puMsAM bhavatyeva na saMshayaH || 4\.51|| abhiShekaM cha naivedyaM tAmbUlaM cha pradakShiNam | namaskAro jayashchaiva dAnAni dvijabhojanam || 4\.52|| ye kurvanti narA bhaktyA teShAM puNyaphalaM shR^iNu | rogArto roganirmukto netrArthI netramApnuyAt || 4\.53|| putrArthI labhate putraM dhanArthI dhanamApnuyAt | bhUtapretapishAchAdyaiH grastAshchenmanujAH striyaH || 4\.54|| taddoShebhyo vinirmuktAH sarvAn kAmAnavApya cha | trisaptakulamuddhR^itya vrajeyurmatpadaM dhruvam || 4\.55|| snAtvA siddhAmR^ite gaurI gokShIrAkhyeti nirmale | kalpakAkhyaM gaNapatiM sarvAbhIShTapradAyakam || 4\.56|| shrIgandhakaNThIM tvAM mAM cha tvatputraM ShaNmukhaM priye | sevante ye narA bhaktyA stuvanti stutivA~NmayaiH || 4\.57|| te sarve bhavarogaishcha vinirmuktA bhavantyamI | grahAdipIDayA muktA iti tatra kimadbhutam || 4\.58|| prApnuvanti parAM muktiM bhuktvA bhogAnanekashaH | vaidyanAthasthale pUjAM visheShAt kalpayanti ye || 4\.59|| madAsthAnanivAsAste kalpe kalpe bhavantyaho | agastya uvAcha | tachChrutvA vachanaM tasya pArvatI jagadambikA || 4\.60|| AnandAmbudhikallolasvAntarA girijA tadA | pAdAbjaM parameshasya praNanAma muhurmuhuH || 4\.61|| || iti vaidyanAthasthalamAhAtmye IshvaraproktaM vaidyanAthatIrthakShetramAhAtmyaM sampUrNam || \- || vaidyanAthasthalamAhAtmyam | 3\-4| vAvR^ittashlokAH || ## - .. vaidyanAthasthalamAhAtmyam . 3-4. vAvRRittashlokAH .. Notes: Śiva ##shiva## outlines to Gaurī ##gaurI## about the VaidyanāthaKṣetra ##vaidyanAthakShetra## and mentions about several tīrtha ##tIrtha## establishments around River Kāverī ##kAverI## that is also known as River Marudvṛdhā ##marudvR^idhA##. Śiva ##shiva## also mentions the Names and Forms of Devī ##devi## residing with Him in those places e.g. ŚrīGandhakaṇṭhī ##shrIgandhakaNThI## in Vaidyanātha Sthala ##vaidyanAtha sthala##.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}