% Text title            : Ishvara Stotram or Surastavanam
% File name             : Ishvarastotram.itx
% Category              : shiva
% Location              : doc\_shiva
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvara Stotram Athava Surastavanam ..}##
\itxtitle{.. IshvarastotraM athavA surastavanam ..}##\endtitles ## 
atha ShaShTitamaH paTalaH
Anandabhairava uvAcha
vada kAnte parAnande rahasyaM kulasundari |
yasya vij~nAnamAtreNa bhaved ga~NgAdharo hariH || 60\-1||
Ishvarasya stavabrahmaparaM nirvANasAdhanam |
shobhAkoTiyogapateryogendrasya parApateH || 60\-2||
IshvaraM ke na mAnanti brahmaviShNushivAdayaH |
tasya smaraNamAtreNa mahAvAggmI cha mR^ityujit || 60\-3||
mantrI vedAntasiddhAntaM taM bhajanti maharShayaH |
devA manuShyA gandharvAstaM bhajanti maheshvaram || 60\-4||
akAlamR^ityuharaNaM sarvadA sarvatomukham |
sadA tasya stavaM divyaM shrotumichChAmi shA~Nkari || 60\-5||
surastavanaM
shrIAnandabhairavI uvAcha
kaula tvaM shR^iNu sha~NkarapriyakaraM stotraM tadIshasya cha
shrInAthAya namaH kulesha paramaprANesha tubhyaM mudA |
sAnandAya namo bhavAya pataye lokeshvarAyo OM namo
bhUteshAya gaNAdhipAya yataye shrIshUline te namaH || 60\-6||
kAntAya praNavAya yogapataye yogeshvarAyo OM namo
mahArAyAkShareshvarAya mahate nityAya nityaM namaH |
svAdhiShThAnavibhedakAya haraye mUlAbjasambhedine |
nAbherambujabhedine hR^idayAmbhodbhidakAyoM namaH || 60\-7||
kAlAya praNavAya mAyavashine nityaM namo bhAsvate
mokShAya pramatheshvarAya kavaye khaTvA~NgahastAya te |
bhaktishrInidhaye mahendrakhacharAya mAyAshrayAyoM namo |
vij~nAnAya shivAya sUkShmagataye gUDhAya bhUyo namaH || 60\-8||
sarvaj~nAya jayAya bhUtipataye bhUteshvarAya prabho
pa~nchAsyAya harAya devapataye gaurIshvarAya shriye |
bhogAyAntaragAmine hariharAyAnandachidrUpiNe
kalyANAya bhagAya shuddhamatibhirnityaM namaste namaH || 60\-9||
govindapriyavallabhAya vidhaye brahmAdikotpattaye
utpattisthitisaMhR^itiprakR^itaye bAhyAya vishveshvara |
tubhyaM kAla namo namaH pralayayogollAsine bhUbhR^ite
vij~nAtAya girIndrapUjita vibho bhUtAdhipAyAnisham || 60\-10||
gaurIshAya gaNArchitAya manase mAnyAya bhUvAsine
bhUtotsAhamahIshanAthashashichUDAya pradhAnAya te |
nityaM nityakalAkulAya phaNichUDAya prabuddhAya te
tejaHshAntipate satAM patipate nirvAsase te namaH || 60\-11||
shobhAkoTiyutAya chandrakiraNAhlAdAya sUkShmAya te
tubhyaM nAtha namo namaH praNamatAmAnandasindhUtsavA |
heramba shrayakArtikeyajanakAnandapriyAya prabho
pitre sarvasukhAya sarvapataye shrInIlakaNTheshvara || 60\-12||
tribrahmArpitabhUtaye surataye shrIbhAsvate yoginA\-
mAnandodayakAriNe kulapate te nAtha tubhyaM namaH |
brahmAnandakulAya raupyagiraye saundaryasaMsiddhaye
sarvAnandakarAya samparatarAyADhyAya satyaM namaH || 60\-13||
kAshIshaM kaushikIshaM suratarukiraNaM kAraNAkhyaM sukhAkhyaM
gaurIshaM ga~NgirIshaM gurumagurugirishreNiliptA~Ngava~Ngam |
ghoShAkhyaM ma~njughoShaM ghanagaNaghaTitaM ghorasa~NghaTTanAdaM
 chArvIshaM rAghaveshaM ghanahR^idi ghaTamAmIshvaraM ghauTakesham || 60\-14||
lAkShAbhANDaM vishAlo vasati tava kare sthAvaro ja~Ngamo vA
bhUtAdhyakSho vashiShThaH svaparijanakule sarvadA pAhi shambho |
bhaktij~nAnaM na dAtuM chapalamalamaNishreNimAlA vilolA
lokAbhIto kala~NkI vidhishatamukuTashrIpadAmbhoruhaM te || 60\-15||
dhUrtaH shauriH prashAnto vimalamadhurasAmodamAno.apramatto
mAyAmohApadevI suramadamadano dAnasammAnadAtA |
tvaM nAthaM shrIpadAmbhoruhavimalatale te kathaM nA surakShe
pUrvAsyo dakShiNAsyo dhanapativadanaH pashchimAsyo munistvam || 60\-16||
bhedI siddhAntavidyAdharanidhikiraNaH kAraNo.anantashakti\-
ryaH sAkShAt kAmadhenuH sa cha dhanapatipaH sarvabhogAnurAgI |
pAdAmbhoje hi nityaM kalagirisutAnAtha te yogipatvam |
chittaM me cha~nchalAkhyaM shashidharakiraNo vAkpate yogasiddhiH || 60\-17||
kapardI shrIkhaDgAsivaragadayA vedabhujayA
ghanachChAyAsa~NkocharachanAvashachChadmavijayaH |
jayI jetA jAyerjayamanukarotu shriyatamo
jvalajjha~njhAvAte kShaNadhara iha krodha iti me || 60\-18||
athA.a.aj~nA chakrAntargatavivaramAchChannajaTilaH
pratij~nAbha~NgasthakaTakashatakoTiprakaTitaH |
kuThAraste krodhI kamaThakaTavAsI kaThinahA
kakArAdyaM natvA dashakiraNamAno.avatu sadA || 60\-19||
sudhAkhaNDAdevyAH stavanapaThanena priyakaraM
padAmbhojaM cheti prachayati svabhAgyaM kulapate |
pradhAne bhUkhaNDe jayati yadi mR^ityu~njayapadaM
vinodaM bhUyogaM pachati sahasA premataralaH || 60\-20||
yadyevaM prapaThedidamaniyataM kaulAvalIsaMyutaM
stotraM sArarahasyabhAraparamAnandaikachittasthalam |
yogIndrAvagatitvamuktaphaladaM sarveshvaratvaM padaM
chandrAdityasamAgataM parapadAhlAdaikamAtraM labhet || 60\-21||
te shambho yadi pAdAmbhoruhama~NgalavallikA |
pUjyate sarvadA yogI nirvANaguNasiddhaye || 60\-22||
kinna sid.hdhyati bhrUmadhye shivabhaktiprasAdataH || 60\-23||

iti shrI rudrayAmale uttaratantre mahAtantroddIpane anAhata padme surastavanaM
nAma ShaShTitamaH paTalaH || 60||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}