% Text title            : Ishvara Stotram 2
% File name             : Ishvarastotram2.itx
% Category              : shiva
% Location              : doc\_shiva
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvara Stotram 2 ..}##
\itxtitle{.. Ishvarastotram 2 ..}##\endtitles ## 
atha dviShaShTitamaH paTalaH
shrIAnandabhairavI uvAcha
atha nAtha pravakShye.ahaM kAkinIgurudevayoH |
mantroddhArastava j~nAnaM yena siddho bhaved yatiH || 62\-1||
etatstavanapAThena sahasrAkhyAntasiddhiShu |
rAjatvaM labhate sadyo.athavA yogI cha sampadi || 62\-2||
yathA janakarAjA cha viShaye gurubhaktimAn |
mahAsiddho mahAj~nAnI tathA bhavati sAdhakaH || 62\-3||
surA nAgA rudragaNAH sarve vidyArthasevakAH |
yogI j~nAnI tathA siddhAH khecharA yakSharAkShasAH || 62\-4||
munayaH krodhavetAlAstathA chaNDeshvarAdayaH |
etachChubhastavendreNa stutvA sarvatra siddhigAH || 62\-5||
pUrNaH pUrNendubimbAnanakamalakaTAkShAdaghaughApahArI
nArIndhAtA vidhAtA samavati na cha tAn yogayogyAn mahendrAn |
sampattiprANayogI niravadhivaradAnandagoptA sharIro
bAlo mR^ityu~njayasya prabhuriti bhayahA pAtu me guptadeham || 62\-6||
kAmakrodhApahantA janayati bharatAn bhAratAn pAtu pR^ithvIM
yo yogI bhAvayogI mama kulaphaladaH sarvadA shaM karotu |
tatkroDe lokachakraM tilatulatulasesannibhaM bhAti sUkShmaM
tachChrInAthA~NghripAdadvayamajaramahaM bhAvaye hR^itprapa~nche || 62\-7||
mAyAM mohe vivekI shata\-kitava\-ripUchChedakaH prerakastha\-
korShANI guptatandrAvanibhavamanujo yo mahAma~NgalasthaH |
lokAtIto titIro jaya jaya karuNAnAtha dAtA tapasvI
mantroddhArArthaguptaM samavati ya iha prANanAthaM tamIDe || 62\-8||
bhAvAnto yo.atigurvI hR^idi jayakamale.ate.amarapratyatharvo
vAgdevI devatAyai nama iti manunA mohito vAkpatIshaH |
mantrArthoddIpanAkhyo vijayasakhAkoTibhirveShTito yo
bAlArkAnandarashmiprachayashatamakhaH pAtu mAM duHkhajAlAt || 62\-9||
hR^iShTA~NgA sa~NgatA~NgAnanavimalashikhAkoTibhirvarjito yo
mantrAchchaitanyahartA praNavamayashivaM tatsadAnte shivaM cha |
dhyAtvA mAheshvarAyAM nama iti japanAt te mahendrAdhipaH syAt
kAlIputraH sa eva tvamabhayavaradaH sevyate yaiH sa muktaH || 62\-10||
haMsaH prANAvihantA tvamakhilavaradastvaM nidAnaH pradhAnaH
shAntIshastvaM pratiShThaH praNavashivasadAbhadramAheshvarAya |
ante.atyuchchairnamo.ante manumiha japate sampade doShabha~NgA\-
dAnandAbdhau tvamIsho gururiha chapalaM chApalaM mAM prapAhi || 62\-11||
AnandodrekakArI tvamapi sakaruNAsAgaro bhaktidAtA
dAtA vidyAdharINAM tvamapi suraripuH pArvatIprANanAthaH |
tAre bindvAdharADhyaM kSharamathavidhumattaM mantramekAkSharaM te
tArAntaM tryakSharantaM prajapati yadi yo yogirAD bhUtale syAt || 62\-12||
sarpANDasthaM susiddho haravidhumadharaM chandrabindusvarUpaM
japtvA nityaM vilomaM praNavamR^itiharaM vahnikAntA tadante |
etadrUpaM padaM yo bhajati varagataM hemama~njIranAdaM
mamrekShAnandachittaM vijayavarakulAnandadaH prANagaM te || 62\-13||
uchchATe mohane vApyarivashasamaye shAntipuShTyAntavashye
te mantrAn yojayitvA japati yadi sudhIH shrIpadAbjAvalambI |
sidhyet ShaTkarmasAraM paramagurugataH sa bhavet kalpashAkhI
rAjendraH sarvaloke dhanapatisadR^ishaH shambhunAthaprasAdAt || 62\-14||
khAntaM shakrAdirUDhaM vidhunayanayutaM kAmabIjaM trishaktiM
chAdye.ante OM shivAyAnalavadhumilitaM yo japennAthamantram |
tenAmnAyo japitvA kulapathanirataH sAdhakaH shrIvareNyaH
kiM tasyAsAdhyasiddhiM trijagati sa sukhI sanmukhI yogamArgI || 62\-15||
sarvAtIto vihArI padagatirahitaH sarvagAmI virAmI
hastAbhAvo vinetA niravadhivaradaH sarvarUpI virUpI |
mantraj~nastvaM sumantrI mahamayasamayaH saMshayAsArahantA
mantA vishveshvarINAM parapashupataye.ante namaH pAtu namram || 62\-16||
yogI bhogI virAgI tvamatulavibhavaH sambhavaH pa~nchachUDo
vANI sheShaH priyeshaH shashigrathitamR^iDAshobhitA~Ngo hyana~NgaH |
kAmo mAyA rameshaH prathamadinakarashreNi shobhAvaliptaH
sarvA~NgaM yaH prapAyAdamalakamalagaH krodhago yo.avalokam || 62\-17||
etachChrIsha~NkarastotraM yaH paThenniyataH shuchiH |
saMvatsarAd bhavet siddhiH sarvaj~nAnapradAyinI || 62\-18||
shuchau vApyashuchau stauti bhaktyA yaH sAdhakottamaH |
sa sarvayAtanAmukto yogI granthivibhedakaH || 62\-19||
akasmAt siddhimApnoti premAnandasubhaktidAm |
shatamaShTottaraM chAsya purashcharyAvidhiH smR^itaH || 62\-20||
na snAnaM na japaH kAryaM na pUjAdividhAnakam |
kevalaM stavapAThenAnAhate susthiro bhavet || 62\-21||
chira~njIvI vItarAgo vItasaMsArabhAvanaH |
paThitvA dhArayitvA cha yogabhraShTo na sambhavet |
anAyAse yogasiddhiM prApnoti vipulAM shriyam || 62\-22||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavIbhairavasaMvAde IshvarastotravinyAso nAma
dviShaShTitamaH paTalaH || 62||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}