% Text title            : Ishvarena Devanamshodhanam
% File name             : IshvareNadevAnAMshodhanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 52 - devAnAMshodhanam | 1-35||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvarena Devanamshodhanam ..}##
\itxtitle{.. IshvareNa devAnAM shodhanam ..}##\endtitles ##
so.ahaM nityo.apyanityashchabrahmAbrahmAhamevahi |
prA~ncho.aha~nchaiva pashchA~nchadakShiNodIchae vahi || 1||
adhashchordhvamahaM lokA dishashcha vidisho.apyaham |
pumAnnapuMsakashchAhaM strIchAhaMsarvadevatAH || 2||
naiva strI napumA~nchAhaM naiya chAhaM sanAtanaH |
asharIrashsharIreShu hyashIrNashshIryakeShvaham || 3||
jyotiShAmahamevAsmichAtmajyotissadAvyayaH |
analAnilasUryendubhUtAnAmantarAsmyaham || 4||
mAM najAnanti bhUtAni bhUtAdishchAhameva hi |
ChandasAmahamevAdirgArhapatyo.ahamevahi || 5||
dakShiNAgnyAhavanIyassatyo.ahaM gaurahaM surAH |
gauryaha~ncha variShTho.ahaM kaniShTho.ahaMsanAtanaH || 6||
R^igyajussAmAdharvANi madgiro hi sureshvarAH |
akSharo.ahaM kSharo.aha~nchaguhyo.ahaM puShkaraM tathA || 7||
aNoraNIyo.asmi surA mahato.ahaM mahAMstathA |
vishvatashchakShurevAhaM vishvatobAhurIshvaraH || 8||
vishvamaulivishvapAdassahasrAkShasahasrapAt |
dashA~NgulamidaM sarvamatyatiShThAmi bho surAH || 9||
amR^itasyAhamIshAnassarveShu puruSho.antaraH |
vyapohyashIrShakapAlaM sarveShAM saMsthito.asmyaham || 10||
aiSho.antarAhaM puruSho hiraNyashmashrurevahi |
manaso.ahaM javIyAMshcha mayAvAsyamidaM jagat || 11||
mayyeva lIyate chAnte matto.anyannAsti ki~nchana |
aprANo.asmyamanAshubhro nirgatAkSho.ahamevahi || 12||
na praj~no.ahaM na chApraj~no nobhayapraj~na eva hi |
ahaM bhUteShu supteShu jAgarmi satataM surAH || 13||
ahamavyakta eveshovyaktobhUtahR^idisthitaH |
sthANurnirguNa evAsmikAryakAraNavarjitaH || 14||
kSharAkSharAdirahitaH paramAtmAhameva hi |
ahaM cha na divA rAtrirna sannAsatsadAshivaH || 15||
AkAshakoshassaMveShTuM sukaro yadi jAyate |
tadA mAntvanavij~nAyaduHkhasyAntobhaviShyati || 16||
vedaissarvaishcha vedyo.ahaM vedAnteShvahasAsthitaH |
sve mahimnyahamevaiko hyahamaupaniShatparaH || 17||
vedAdissvara evAhaM praNavo.ahaM sanAtanaH |
praNavAditrimAtro.ahaM sarvamantrAtmakastvaham || 18||
pa~nchAkSharamayashchAhaM pa~nchapAtakavarjitaH |
nAsa~Ngo naiva me sa~Ngo.apyahaM bhuvanamevahi || 19||
vishvAtIto vishvadhAmA vishvAdhika umApatiH |
bhavantaH pashavassarve bhavatAmpatirasmyaham || 20||
matprasAdAdbhavantohi muktaye yatatAdhunA |
majj~nAnaM vedavAkyotthamanyachChilpaMsurottamAH || 21||
brahmaivAhaM saMsarAmi vidyayAvidyayA surAH |
nirmukto mochayAmyeva sarvaM sAsuramAnuSham || 22||
shravaNAyApi labhyo.ahaM karmabhirnasurAsurAH |
shR^iNvanto.api yatishreShThAnamAMvindantikechana || 23||
atonyadArtaMvibudhAssarva~njagadidandhruvam |
kathambhavantomanyantetahbruvantumamAgrataH || 24||
vibhUtirmama yA proktAshraddhayA veda nAnyathA |
nAvishvastachetasedeya~nj~nAnaMvedAntavAkyajam || 25||
datvA narakamApnoti sahapUrvapitAmaheH |
sarvopaniShadAM sAraM mayaitatsamudAhR^itam || 26||
bhavadbhyassamyagadhunA hR^idayagranthibhedanam |
nAshiShyAyApyabhaktAya nAputrAyedamevahi || 27||
dadyAdetachChAmbhavebhyo yatibhyassurasattamAH |
deyametatsurashreShThAstasyamuktirayatnataH || 28||
matprasAdena sarveShAM muktayassyuH kare sthitAH |
shirovrataM yaishcharitaM deyaM teShAmidaM surAH || 29||
shirovratamidaM devAH purA chIrNammayaivahi |
agnirityAdibhirbhasmagR^ihItvA~NgAnisaMspR^ishet || 30||
vratametadidaM devAH pashupAshavimokShadam |
shraddhayA tapasA devA mama li~NgArchanenahi || 31||
bhasmatripuNDrakaNThaishcha pApAdbhinnobhavennaraH |
pa~nchAkSharAvartanaishcha pa~nchapApapraNAshanam || 32||
rudrAddhayAyajapashchaiva bilvamUle visheShataH |
mama kShetreShu niyataM vAsAchcha surasattamAH || 33||
avimuktanivAsAchcha tatraivAnte tanukShayAt |
umAsahAyamanmUrtidhyAnenaivasurAstathA || 34||
etadeva paraM j~nAnaM labhyate matprasAdataH |
nAnyathA labhyate j~nAnaM karmopAsanatassurAH || 35||

|| iti shivarahasyAntargate mAheshvarAkhye IshvareNa devAnAMshodhanam ||

\- || shrIshivarahasyam | mAheshvarAkhyaH prathamAMshaH | adhyAyaH 52 \- devAnAM shodhanam | 1\-35||
##
- .. shrIshivarahasyam . mAheshvarAkhyaH prathamAMshaH . adhyAyaH 52 - devAnAM shodhanam . 1-35..

Notes:
Śiva ##shiva ## schools the Deva-s ##devAH## about His Presence in all that is manifest and non-manifest; including so in the Deva-s ##devAH## who execute their respective functions due to being empowered by Him. He speaks to them about the merits of worshipping Him and performing Śivaliṇga Pūjā ##shivali~Nga pUjA##.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}