% Text title            : Rishibhih Kritam 2 Shiva Stotram
% File name             : RRiShibhiHkRRitaM2shivastotram.itx
% Category              : shiva, lingapurANa, stotra
% Location              : doc\_shiva
% Proofread by          : PSA Easwaran
% Description/comments  : lingapurANa | uttarabhAga | adhyAya 19/27-43||
% Latest update         : October 12, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishibhih Kritam 2 Shiva Stotram ..}##
\itxtitle{.. R^iShibhiH kR^itaM 2 shivastotram ..}##\endtitles ##
R^iShaya UchuH |
namaH shivAya rudrAya kadrudrAya prachetase |
mIDhuShTamAya sarvAya shipiviShTAya raMhase || 27||
prabhUte vimale sAre hyAdhAre parame sukhe |
navashaktyA.a.avR^itaM devaM padmasthaM bhAskaraM prabhum || 28||
AdityaM bhAskaraM bhAnuM raviM devaM divAkaram |
umAM prabhAM tathA praj~nAM sandhyAM sAvitrikAmapi || 29||
vistArAmuttarAM devIM bodhanIM praNamAmyaham |
ApyAyanIM cha varadAM brahmANaM keshavaM haram || 30||
somAdivR^indaM cha yathAkrameNa sampUjya mantrairvihitakrameNa |
smarAmi devaM ravimaNDalasthaM sadAshivaM sha~NkaramAdidevam || 31||
indrAdidevAMshcha tatheshvarAMshcha nArAyaNaM padmajamAdidevam |
prAgAdyadhordhvaM cha yathAkrameNa vajrAdipadmaM cha tathA smarAmi || 32||
sindUravarNAya samaNDalAya suvarNavajrAbharaNAya tubhyam |
padmAbhanetrAya sapa~NkajAya brahmendranArAyaNakAraNAya || 33||
rathaM cha saptAshvamanUruvIraM gaNaM tathA saptavidhaM krameNa |
R^itupravAheNa cha vAlakhilyAnsmarAmi mandehagaNakShayaM cha || 34||
hutvA tilAdyairvividhaistathAgnau punaH samApyaiva tathaiva sarvam |
udvAsya hR^itpa~NkajamadhyasaMsthaM smarAmi bimbaM tava devadeva || 35||
smarAmi bimbAni yathAkrameNa raktAni padmAmalalochanAni |
padmaM cha savye varadaM cha vAme kare tathA bhUShitabhUShaNAni || 36||
daMShTrAkarAlaM tava divyavaktraM vidyutprabhaM daityabhaya~NkaraM cha |
smarAmi rakShAbhirataM dvijAnAM mandeharakShogaNabhartsanaM cha || 37||
somaM sitaM bhUmijamagnivarNaM chAmIkarAbhaM budhamindusUnum |
bR^ihaspatiM kA~nchanasannikAshaM shukraM sitaM kR^iShNataraM cha mandam || 38||
smarAmi savyamabhayaM vAmamUrugataM varam |
sarveShAM mandaparyantaM mahAdevaM cha bhAskaram || 39||
pUrNenduvarNena cha puShpagandhaprasthena toyane shubhena pUrNam |
pAtraM dR^iDhaM tAmramayaM prakalpya dAsye tavArdhyaM bhagavanprasIda || 40||
namaH shivAya devAya IshvarAya kapardine |
rudrAya viShNave tubhyaM brahmaNe sUryamUrtaye || 41||
sUta uvAcha |
yaH shivaM maNDalaM devaM sampUjyaivaM samAhitaH |
prAtarmadhyAhnasAyAhne paThetstavamanuttamam || 42||
itthaM shivena sAyujyaM labhate nAtra saMshayaH || 43||

iti shrIli~NgamahApurANe uttarabhAge ekonaviMshAdhyAyAntargataM
         R^iShibhiH kR^itaM shivastotraM samAptam |

li~NgapurANa | uttarabhAga | adhyAya 19/27\-43||
##
lingapurANa . uttarabhAga . adhyAya 19/27-43..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}