% Text title            : Rishibhih Kritam Nila Stotram
% File name             : RRiShibhiHkRRitaMnIlastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | nAgarakhaNDa | adhyAya 259/54-68/2||
% Latest update         : August 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishibhih Kritam Nila Stotram ..}##
\itxtitle{.. R^iShibhiH kR^itaM nIlastotram ..}##\endtitles ##
R^iShaya UchuH |
tvaM devaH sarvagoptR^INAM vishvagoptA sanAtanaH |
vighnahartA j~nAnadashcha dharmarUpashcha mokShadaH || 54||
tvameva dhanadaH shrIdaH sarvavyAdhiniShUdanaH |
jagatAM sharmakaraNe pravR^ittaH kanakapradaH || 55||
tejasAM dhAma sarveShAM saurabheya mahAbala |
shR^i~NgAgre dhR^itakailAsaH pArvatIsahitastvayA || 56||
vedastutyo vedamayo vedAtmA vedavittamaH |
vedavedyo vedayAno vedarUpo guNAkaraH || 57||
guNatrayebhyo.api paro yAthAtmyaM veda kastava |
vR^iShastvaM bhagavAndeva yastubhyaM kurute tvagham || 58||
vR^iShalaH sa tu vij~neyo rauravAdiShu pachyate |
yadA spR^iShTaH sa tu naro narakAdiShu yAtanAH || 59||
sevate pApanichayairnigADhaprAyabandhanaiH |
kShutkShAmaM cha tR^iShAkrAntaM mahAbhArasamanvitam || 60||
nirdayA ye prashoShyanti matisteShAM na shAshvatI |
chaturbhiH sahitaM martyA vivAhavidhinA tu ye || 61||
vivAhaM nIlarUpasya ye kariShyanti mAnavAH |
pitR^Inuddishya teShAM vai kule naivAsti nArakI || 62||
tvaM gatiH sarvalokAnAM tvatpitA parameshvaraH |
tvayA vinA jagatsarvaM tatkShaNAdeva nashyati || 63||
parA chaiva tu pashyantI madhyamA vaikharI tathA |
chaturvidhAnAM vachasAmIshvaraM tvAM vidurbudhAH || 64||
chatuHshR^i~NgaM chatuShpAdaM dvishIrShasaptahastakam |
tridhA baddhaM dharmamayaM tvAmeva vR^iShabhaM viduH || 65||
tR^iptidaM sarvabhUtAnAM vishvavyApakamojasA |
brahma dharmamayaM nityaM tvAmAtmAnaM vidurjanAH || 66||
achChedyastvamabhedyastvamaprameyo mahAyashAH |
ashochyastvamadAhyo.asi viduH paurANikA janAH || 67||
tvadAdhAramidaM sarvaM tvadAdhAramidaM jagat |
tvadAdhArAshcha devAshcha tvadAdhAraM tathA mR^itam || 68||
jIvarUpeNa lokAMstrInvyApya tiShThasi nityadA ||

iti shrIskandapurANe nAgarakhaNDe ekonaShaShTitamAdhika\-
dvishatatamAdhyAyAntargataM R^iShibhiH kR^itaM nIlastotraM samAptam |

skandapurANa | nAgarakhaNDa | adhyAya 259/54\-68/2||
##
skandapurANa . nAgarakhaNDa . adhyAya 259/54-68/2..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}