% Text title            : Rishikashyapaproktam Bhasmadharanamahimavarnanam
% File name             : RRiShikashyapaproktaMbhasmadhAraNamahimAvarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 9 | 2-37||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishikashyapaproktam Bhasmadharanamahimavarnanam ..}##
\itxtitle{.. R^iShikashyapaproktaM bhasmadhAraNamahimAvarNanam ..}##\endtitles ##
(shivarahasyAntargate bhImAkhye)
kAshyapaH (uvAcha) |
bhasmAbhyaktatanurnityaM pUjayedindushekharam |
bhasmadhAraNahInAnAM prasAdo naiva shAmbhavaH || 2||
bhavejjanmashateShveva dvijasyApi visheShataH |
bhasmadhAraNahInAnAM j~nAnaM naivopajAyate || 3||
j~nAnA~NgatvadidaM bhasma sR^iShTamIshena muktidam |
bhasmabhasmeti yo brUyAtsa tu pApaiH pramuchyate || 4||
bhasmanA pAdaparyantaM yaH snAti niyataM sadA |
sa tu santarate ghoraM saMsAraM duHkhadaM naraH || 5||
dvijo vaNiggR^ihastho vA yatirvApi vanAshramI |
trikAlaM bhasmanirato devadevaprasAdabhAk || 6||
bhasmasnAna vihInAtmA kR^itvA karmANyapi dvijaH |
naiva tatphalamApnoti kurvanyatki~nchidapyasau || 7||
pratyavaiti dvijo vApi bhavatyeva na saMshayaH |
bhasmaprabhAvo vedAntaiH sarvadA pratipAdyate || 8||
atharvashirasi svairaM bhasma proktaM hi pAvanam |
shirodgatamidaM bhasmasnAnamApAdamastakam || 9||
agnirityAdibhirmantraiH snAtvA pApaiH pramuchyate |
yo vA kovA.antyajo vApi nityaM bhasmatanurbhavet || 10||
sa maheshaprasAdasya pAtraM bhavati nishchitam |
dvijo vApyuttamAchAro bhasmasnAnavivarjitaH || 11||
yo bhasmadhAriNaM dR^iShTvA nAbhinandati durmatiH |
tasyotpattau cha sA~NkaryamanumeyaM vipashchitA || 12||
yatirvedAntaniShTho.api naiva tadj~nAnamApnuyAt |
paThan vA pAThayanvApi naiva tadj~nAnamApnuyAt || 13||
jIvAtmaikyaM paraM j~nAnaM bhasmasnAnena jAyate |
bhasmAbhyaktatanurnityaM tripuNDraparichihnitaH || 14||
sa tapasvI sa dAnArhaH sarvakarmArhako bhavet |
triNetradayayA pAtraM pavitro bhavati dhruvam || 15||
mitrabhUtaH surANAM cha bhavatyeva na saMshayaH |
bhasmadhAraNahIno yaH shivali~NgaM samarchayet || 16||
na tasya pUjAM gR^ihNAti mahAdevaH parA~NmukhaH |
bhaviShyati na sandehaH pratyuta pratyavaiti cha || 17||
sarvadA sarvakAleShu bhasmadhR^ikpAvanaH shuchiH |
yaH snAti snAnadashakairvidyA buddhyApi mAnavaH || 18||
bhasmasnAnAdinirmukta so.ashuchiH sarvakarmaNi |
pavitraM parametadvai bhasmaiva shrutichoditam || 19||
shrautAnalodbhavaM bhasma mahApApanivartakam |
muktidaM j~nAnadaM puMsAmagnirityAdimantritam || 20||
bhasmadhR^itvaiva sandhyAyAmadhikArI na saMshayaH |
adhR^itvA yadi tadbhasma sandhyAM kuryAd dvijAdhamaH || 21||
bhasmadhR^itvA punaH sandhyAmAcharetsandhyayordvayoH |
shrAddhaM yaj~nastathA homo vivAhopanayAdikam || 22||
devatAbhyarchanaM nityaM kAmyaM svadhyAyatarpaNam |
sarvaM bhasmadhR^igevAshu sarveShAM phalamashnute || 23||
sa tapasvI sadA pAtraM sarvAntsantArayennarAn |
bhasmadhAraNamantreNa duHkhaM tarati mAnavaH || 24||
ashuchirbhinnamaryAdo bhasmadhR^ikpAvano bhavet |
abhakShyabhakShaNaM kR^itvA gatvA.agamyAmapi dvijaH || 25||
bhasmanaH snAnamAtreNa sarvapApaiH pramuchyate |
varAhaM mUShakaM bAlamunmattaM shvAnarAsabham || 26||
spR^iShTvA dR^iShTvA dvijo nityaM bhasmasnAnaM samAcharet |
uda~NkIM sUtikAM dR^iShTvA yastapasyati bhasmanA || 27||
bhasmasnAnena pApAnAM rAshirvaibhasmasAdbhavet |
bhasmadhR^iksarvadA pUjyo yathA(yataH) shivamayo hi saH || 28||
sandhyayoratha madhyAhne nishIye bhasmadhR^igbhavet |
sAchAro.api durAchAro bhasmadhR^ikpAvano bhavet || 29||
bhasmatripuNDrasahito nityamarchati sha~Nkaram |
tena dattaM jalaM patraM sAkShAdgR^ihNAti sha~NkaraH || 30||
havyaM gR^ihNanti cha surAH kavyaM pitR^igaNAH smR^itAH |
bhasmadhAraNamAtreNa shambhustasmai prasIdati || 31||
prasAdaH (prasannaH) sha~Nkaro yasminmuktistasya kare sthitA |
dAnaM yaddIyate dAtrA yo gR^ihNAtyapi vai dvijaH || 32||
bhasmadhAraNamAtreNa ubhayorvardhate phalam |
prAtaH sa tyajyate vipro bhasmanA.a.apAdamastakam || 33||
tripuNDradhR^iksamastaishcha charitairnishi pAtakaiH |
triyAyuShaM tripuNDrA~NkaH rAtripApaM vyapohati || 34||
madhyAhne.api tathA prAtaH pAtakaiH pravimuchyate |
sAya~NkAle bhasmadhArI aparAhNAdaghAtsadA || 35||
mukto bhavati gaurIshapriyakR^itsa bhaviShyati || 36||
bhasmAbhyaktatanurbhavedatha mahArudrAkShamAlAdharo
rudrAdhyAyajapAdaraH shivamahApa~nchAkShare sAdaraH |
shrImat tryambakapAdapa~Nkajavare dhyAyanvimukto bhave\-
tpApaughAdbhavasAgarAddhara mahAdevAshrayAdbhAvataH || 37||

|| iti shivarahasyAntargate R^iShikashyapaproktaM bhasmadhAraNamahimAvarNanaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 9 | 2\-37||
##
- .. shrIshivarahasyam . bhImAkhyaH aShTamAMshaH . adhyAyaH 9 . 2-37..

Notes:
Ṛṣi Kaśyapa ##R^iShi kashyapa## speaks to Garuḍa ##garuDa## about BhasmadhāraṇaMahimā ##bhasmadhAraNamahimA##, especially in context of worship of Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}