% Text title            : Rishikashyapaproktam Rudrakshamahimavarnanam
% File name             : RRiShikashyapaproktaMrudrAkShamahimAvarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 11 | vAvRittashlokAH ||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishikashyapaproktam Rudrakshamahimavarnanam ..}##
\itxtitle{.. R^iShikashyapaproktaM rudrAkShamahimAvarNanam ..}##\endtitles ##
(shivarahasyAntargate bhImAkhye)
kAshyapa uvAcha |
rudrAkShadhAraNaM puNyaM shivaprItikaraM sadA |
prasAdajanakaM sAkShAt shambhornityaM pinAkinaH || 1||
rudranetrasamudbhUtA rudrAkShataravo.abhavan |
bindavastraipure yuddhe mIlitAkSheNa shambhunA || 2||
patitA bhUtale vatsa te bhUmau taravo.abhavan |
dvAtriMshadakShajAtIyAH sakaNTAH suShirAvR^itAH || 3||
ratnaiH svarNaishcha dhAryAste rAjatenAthavA sadA |
sUtreNa kShaumajenApi sarvairdhAyA yathAruchi || 11||
ashuchirvA shuchirvApi sarvAvasthAM gato.api vA |
rudrAkShamAlAbharaNaH pavitro nAtra saMshayaH || 12||
triNetrapriyapAtraM sa iti shAstravidAM matam |
ekAnanaH shivaH sAkShAttaM dhR^itvA shivasAdbhavet || 13||
dvimukhaM pArvatI shumbhustaM dhR^itvA pApamochitaH |
trimukhaM vahnirUpAtmA taM dhR^itvA.abhakShya pApabhuk
(taM trimukhaM dhR^itvA abhakShyabhuk pApabhuk cha pUyate) || 14||
chaturvaktrassvayaM brahmA taM dhR^itvA brahmalokagaH |
pa~nchavaktraH svayaM shambhustaM dhR^itvA pa~nchapAtakaiH || 15||
vimuchyate kShaNenaiva sAkShAt tryakShaprasAdabhAk |
ShaDvaktraM skandadaivatyaM dhR^itvA skandasalokagaH || 16||
saptAnanaM svayaM devI taM dhR^itvA vahnilokagaH |
aShTAnanaM tu rudrAkShamaShTamUrteH priyaM sadA || 17||
taddhAraNAdaShTavasuloke.asau modate chiram |
navAnanaM svayaM bhImo bhImapApaiH pramuchyate || 18||
dashAsyaM cha sadA dhR^itvA na yAmIM yAti yAtanAm |
ekAdashAnanaM raudraM talloke nivasechcha dhR^ik || 19||
dvAdashAsyaM somadhAma pradoShAghavinAshanam |
trayodashAsyaM pApaghnaM dhR^itvA viShNupadapradam || 20||
chaturdashAsyaM rudrAkShaM shivaj~nAnapradaM shubham |
evaM chaturdashamukhaM rudrAkShaM dhArayetkramAt || 21||
sarvapApairvinirmuktaH pashchAnmukto bhaviShyati |
dvijo vA shvapacho vApi yo rudrAkShANi dhArayet || 22||
sa tarasvI sa mUrdhanyo vadAnyo mukta eva hi |
sadA shivaprasAdasya pAtraM nAtra vichAraNA || 23||
mukhaM mukhena saMyojya dhAryA rudrAkShamAlikA |
no chetsvatapaso hAnirbhaviShyati shivAj~nayA || 24||
dvAtriMshatkaNThasthAne tu ShaT ShaT karNayuge tathA |
bAhvoH ShoDasha dhAryANi maNibandhe tu dvAdasha || 25||
vakShasyaShTAdhikashataM bhruvoshchaikaM shikhAsvapi |
dvichatvAriMshatirmUrdhni sa~Ngraho.ayaM prakIrtitaH || 26||
sahasraM bibhR^iyAnnityaM mAlA vA yAvatI bhavet |
ka~nchukaM vA yathA joShaM makuTaM mUrdhni dhArayet || 27||
sahasramadhamaM proktamindralokapradAyakam |
dashasAhasradhR^i~NmartyaH somalokamavApnuyAt || 28||
ayutaM sUryalokasya lakShaM tu brahmalokagaH |
koTiM bibharti yo dakShaH sa cha viShNumayo bhavet || 29||
anantAkShadharo yastu shiva eva bhaviShyati |
rudrAkShamAlayA japto mantro.anantaphalapradaH || 30||
rudrAkShadhAraNe lajjA yeShAmasti svabhAvataH |
te sarve durbhagA j~neyA abrahmaNyAH sadaiva hi || 31||
rudrAkSheti vadanmartyo dashagodAnajaM phalam |
prApnoti shivasArUpyaM tena dehena muchyate || 32||
mR^iNmayenApi rudrAkShaM kR^itvA yatnena dhArayet |
rudrAkShadhAraNAdrudro bhavatyeva na saMshayaH || 33||
teShAmevAtmavij~nAne ye vai rudrAkShadhAriNaH |
bhikShavo.api cha rudrAkShAn dhR^itvA muktA bhavanti hi || 34||
rudrAkShamAlAbharaNaH shivali~NgaM prapUjayet |
tatkR^itAmeva tAM pUjAM gR^ihNAti parameshvaraH || 35||
arudrAkShakR^itAM pUjAM na gR^ihNAti maheshvaraH |
yo bhasmadhArI niyataM sa rudrAkShadharo bhavet || 36||
yo rudrAkShosaharosItabhasitamahApuNDremastorubAhu
sampUjya pramathAdhinAthamajaraM(raH) bhakto.atha muktiM labhet |
bhUyAchCha~Nkaraki~Nkaro.api sumahArudrAkShabhasmA~Ngako
mArArAtipadAmbujArchanarataH kiM kiM na vindetsa hi || 39||
yo rUdrAkShoruvAkShAH sitabhasitalasadbhAlabAhvakShimUlo
lIlAshIlAhi kAlajvaladanalakulavyAlamAlAttashUlam |
dhyAyanbuddhyA.anishaM dhyAyati gatidahR^idA dhanyamAnyorumanyuM
lokAdhyakShAnushikShAkShapitakaluShadhIrmuktaye shAmbhavo yaH ||

|| iti shivarahasyAntargate R^iShikashyapaproktaM rudrAkShamahimAvarNanaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 11 | vAvR^ittashlokAH ||
##
- .. shrIshivarahasyam . bhImAkhyaH aShTamAMshaH . adhyAyaH 11 . vAvRRittashlokAH ..

Notes:
Ṛṣi Kaśyapa ##R^iShi kashyapa## speaks to Garuḍa ##garuDa## about RudrākṣaMahimā ##rudrAkShamahimA##, and especially mentions about attributes of Rudrākṣa ##rudrAkSha## bearing various numbers of faces.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}