% Text title            : Rishikashyapaproktam Shivaprasadapatratalakshanam
% File name             : RRiShikashyapaproktaMshivaprasAdapAtratAlakShaNam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 14-15 | vAvRittashlokAH ||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishikashyapaproktam Shivaprasadapatratalakshanam ..}##
\itxtitle{.. R^iShikashyapaproktaM shivaprasAdapAtratAlakShaNam ..}##\endtitles ##
(shivarahasyAntargate bhImAkhye)
kAshyapa uvAcha |
shivaprasAda yogyaM hi pAtraM shrIshAmbhaH svayam |
(shivaprasAdajaM pAtraM shrIshAmbhavaH kevalaM bhave .)
shAmbhavA shambhubhaktA ye bhasmarudrAkShadhAriNaH || 14\.1||
shivali~NgArchakAH shaivAH shivaikaparadevatAH |
shivali~NgaikasharaNA maraNe.api pratikShaNam || 14\.2||
nAnye surArchanaratAH shAmbhavA eva kevalam |
shivaikasharaNA eva manovAkkAyakarmabhiH || 14\.3||
shAmbhavA na vidhAtAraM na viShNuM nAmarAnparAn |
manasApi na manyante manyante tR^iNatulyatAm || 14\.4||
shivabhaktisamApannAH sampannA eva te sadA |
durlabhA shAmbhavI bhaktiH prasAdAdeva sA bhavet || 14\.5||
prasAdaH shA~NkaraH shreShTho bhaviShyati shivAj~nayA |
bhAvAnAM bhAvanAM dR^iShTvA bhavaH prIto bhaviShyati || 14\.6||
no bhAvo vidyate tasya sadA saMsAravartinAm |
saMsArottArakA eva shAmbhavAH sha~NkarAj~nayA || 14\.7||
viShNubrahmAdayo devA munayo manavastathA |
asurAH kinnarA vApi sudhAkaradharArchakAH || 14\.8||
te sarve shAmbhavA eva bhasmarudrAkShadhAriNaH |
shivaikaparadevAste te sarve shivachetasaH || 14\.9||
shivapraNAmaparamA bhaktA muktipathe sthitAH |
pa~nchAkSharaparA eva shrIrudrAdhyAyajApakAH || 14\.10||
shivali~NgArchakAH shaivAH satataM bhavapUjakAH |
bhAvena bhagavatprItA bhavodbhavapadArchakAH || 14\.11||
bhagavAnbhava eveti ye vij~nAyArchayanti te |
tripuNDrabhasmaniTilAH sadAbilvAdipallavaiH || 14\.12||
abhiShichya sadA nIraiH sAyaM prAtarvisheShataH |
pradoShe somavAre cha chaturdashyaShTamIShu cha || 14\.13||
naktaM naivedyabhoktAro niyamAchCha~NkarArchakAH |
nityaM pradoShaniyatA mitAhArAH shivArchakAH || 14\.14||
bhaktAH shaivA dvijA evamanye varNA api kramAt |
striyo vA sa~NkarA vApi pUjya li~NgaM pinAkinaH || 14\.15||
shA~NkarA eva te sarve shivali~NgArchanodyatAH |
pa~nchAsyali~NgaM pa~nchAsya dhyAnapUrvaM yajanti te || 14\.16||
bilvAmbujaiH samabhyarchya prAtaH sAyaM visheShataH |
hArA dAritapApaughA amoghAH sha~NkarArchakAH || 14\.17||
pa~nchAkShareNa yo li~NgaM bilvairabhyarchya shUlinaH |
pa~nchendriyakR^itaiH pApaiH pa~nchapApaishcha muchyate || 14\.18||
shambhavA eva sampUjyAH shivArchana parAyaNAH |
anabhyarchya mahAdevaM maraNe.api pratikShaNam || 14\.19||
nAnyatphalaM cha gR^ihNanti niyamAmitabhAShiNaH |
ta eva sA~NgA vij~neyAH shivali~NgaikapUjakAH || 14\.20||
tada~Ngasa~NgataH sadyaH pApabha~NgaH prajAyate |
mAta~NgakR^ittivasana pAdapUjAprabhAvataH || 14\.21||
teShu dattaM tathA shambhuH svayaM gR^ihNAti sha~NkaraH |
shivakShetrai bhojanIyAH pUjyAshcha shivayoginaH || 14\.22||
anyavarNeShvapi tathA bhasmarudrAkShadhAriNaH |
shivali~NgAsaktakaNThA nIlakaNThapadArchakAH || 14\.23||
avimukte cha kedAre rudrakoTau mareshvare |
bhR^igutunde narmadAyAM o~NkAre cha prabhAsake || 14\.24||
puShkare naimishAraNye mahAkAle triyambake |
gokarNe cha kurukShetre shrIshaile puNDarIkake || 14\.25||
dakShiNe tatra kailAse vR^iddhAdrAvaruNAchale |
goparvate sahyamUle shrIkaNThe ratnaparvate || 14\.26||
shrImAtR^ishikhare chaiva gajAraNye.atha jApyake |
kumbhaghoNe.arjune chaiva mAyUre shvetakAnane || 14\.27||
kamalAlayasa.nj~ne cha vedAraNyorusetuke |
hAlAsya veNuvipine tAmraparNyAstaTadvaye || 14\.28||
sahyApagArodhasI cha kShetraniShThAshcha shAmbhavAH |
pUjanIyAH prayatnena shivaprItyarthameva hi || 14\.29||
yatra bhu~Nkte shAmbhavastu shivo bhu~Nkte cha tatra hi |
pUjyAH sadA dAnamAnaistena prIto bhavechChivaH || 14\.30||
shivabhaktA mahotsAhAH shivArchanaparAyaNAH |
shAntA dAntA jitakrodhAH shivanAmajapAdarAH || 14\.31||
bhasmarudrAkShasampannAH shivotkarShaikavAdinaH |
vedino haratatvasya shivakShetranivAsinaH || 14\.32||
anyakShetrapratyabhij~nArahitA bhUtibhAvinaH |
shivameva yajantyeva sarvakAryeShu sAdaram || 14\.33||
ta eva vaidikA j~neyAH shrautapuNDrAdidhAriNaH |
shrautali~NgamidaM proktaM bhasmarudrAkShadhAraNam || 14\.34||
rudrAdhyAyajapaH shrautaH shrautaH pa~nchAkSharIjapaH |
rudrAli~NgArchanaM shrautaM shrautI shijapasmR^itiH || 14\.35||
shrautadharmArthaniratAH shAmbhavA eva kevalam |
ashrautamUrdhvapuNDraM tu naiva dhAryaM shivArchakaiH || 14\.36||
nAnyakShetre vasennityaM shAmbhavaH shambhutatparaH |
nAnyaM suraM vApi naraM kinnaraM vA bhajetsa hi || 14\.37||
evaM ye shivabhaktibhAvaniratAste shAmbhavAH kevalaM
dArodArakumAravR^indasahitAH shrIsha~NkarArchAratAH |
mArApArasharAbhighAtarahitA vedAntasArAdarA
mohApAramahAghasaMsR^itibharaM hArAstyajantyeva te || 14\.38||
shA~NkarA eva deveshaM stuvanti bhavabhAvitAH |
bhAvanAmAtrasulabho durlabho hyakR^itAtmanAm || 15\.1||
shiva eva hi sarveShAM shAsakastArakaH satAm |
sa eva bhaktibhAvena pUjito bhuktimuktidaH || 15\.2||
shivanaivedyatuShTA~NgAH santuShTA jyeShThapUjakAH |
niShThAvantaH kR^ipAvantaH shipiviShTapadAshrayAH || 15\.3||
tuShTAH puShTAH sadA bhaktAstejiShThAH shivapUjakAH |
stuvanti stotravaryeNa nR^ityantyugrAgrato mudA || 15\.4||
bhasmarudrAkShakavachA jaTAmakuTabhUShaNAH |
rudrAkShavarakoTIrA rudrAkShA~Ngadaka~NkaNAH || 15\.5||
sAshrunetrAH skhalajjihvAste nR^ityanti shivAgrataH |
sotsAhakaratALaishcha shAmbhAH li~NgaprapUjakAH || 15\.6||
shivali~NgaprabhAsa~NgakR^ipApA~NgAvalokakAH |
ana~NgavaramAta~Ngabha~Ngasa~NgAntara~NgakAH || 15\.7||

|| iti shivarahasyAntargate R^iShikashyapaproktaM shivaprasAdapAtratAlakShaNaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 14\-15 | vAvR^ittashlokAH ||
##
- .. shrIshivarahasyam . bhImAkhyaH aShTamAMshaH . adhyAyaH 14-15 . vAvRRittashlokAH ..

Notes:
Ṛṣi Kaśyapa ##R^iShi kashyapa## speaks about indicators and significations of Grace of Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}