% Text title            : Agastyadi Munibhih Kritam Ramanatha Stotram
% File name             : agastyAdimunibhiHkRRitaMrAmanAthastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | brahmakhaNDa | setulkhaNDa | adhyAya 49/61-74||
% Latest update         : June 9, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Agastyadi Munibhih Kritam Ramanatha Stotram ..}##
\itxtitle{.. agastyAdi munibhiH kR^itaM rAmanAthastotram ..}##\endtitles ##
agastya uvAcha |
Adideva mahAdeva vishveshvara shivAvyaya |
rAmanAthAmbikAnAtha prasIda vR^iSha bhadhvaja || 61||
aparAdhasahasraM me kShamasva vidhushekhara |
mamAhamiti putrAdAvahantAM mama mochaya || 62||
sutIkShNa uvAcha |
kShetrANi ratnAni dhanAni dArA mitrANi vastrANi gavAshvaputrAH |
naivopakArAya hi rAmanAtha mahyaM prayachCha tvamato viraktim || 63||
vishvAmitra uvAcha |
shrutAni shAstrANyapi niShphalAni trayyapyadhItA viphalaiva nUnam |
tvayIshvare chenna bhaveddhi bhaktiH shrIrAmanAthe shiva mAnuShasya || 64||
gAlava uvAcha |
dAnAni yaj~nA niyamAstapAMsi ga~NgAditIrtheShu nimajjanAni |
rAmeshvaraM tvAM na namanti ye tu vyarthAni teShAmiti nishchayo.atra || 65||
vasiShTha uvAcha |
kR^itvApi pApAnyakhilAni lokastvAmetya rAmeshvara bhaktiyuktaH |
nameta chettAni layaM vrajeyuryathAndhakAro ravitejasA.addhA || 66||
atriruvAcha |
dR^iShTvA tu rAmeshvaramekadApi spR^iShTvA namaskR^itya bhavantamIsham |
punarna garbhaM sa naraH prayAyAtkiM tvadvayaM te labhataM svarUpam || 67||
a~NgirA uvAcha |
yo rAmanAthaM manujo bhavantamupetya bandhUnpraNamansmareta |
santArayettAnapi sarvapApAtkimadbhutaM tasya kR^itArthatAyAm || 68||
gautama uvAcha |
shrIrAmanAtheshvara gUDhametadrahasyabhUtaM paramaM vishokam |
tvatpAdamUlaM bhajatAM nR^iNAM ye sevAM prakurvanti hi te.api dhanyAH || 69||
shatAnanda uvAcha |
vedAntavij~nAnarahasyavidbhirvij~neyametaddhi mumukShubhistu |
shAstrANi sarvANi vihAya deva tvatsevanaM yadraghuvIranAtha || 1\.49\.70||
bhR^iguruvAcha |
rAmanAtha tava pAdapa~NkajaM dvandvachintanavidhUtakalmaShaH |
nirbhayaM vrajati satsukhAdvayaM suprabhaM tvatha amoghachidghanam || 71||
kutsa uvAcha |
rAmanAtha tava pAdasevanaM bhogamokShavaradaM nR^iNAM sadA |
rauravAdinarakapraNAshanaM kaH pumAnna bhajate rasagrahaH || 72||
kAshyapa uvAcha |
rAmanAtha tava pAdasevinAM kiM vratairuta tapobhiradhvaraiH |
vedashAstrajapachintayA cha kiM svargasindhupayasApi kiM phalam || 73||
shrIrAmanAtha tvamAgatya shIghraM mamotkrAntikAle bhavAnyA cha sAkam |
mAM prApaya svAtmapAdAravindaM vishokaM vimohaM sukhaM chitsvarUpam || 74||

iti shrIskandapurANe brahmakhaNDe setukhaNDe ekonapa~nchAsha\-
ttamAdhyAyAntargataM agastyAdimunibhiH kR^itaM rAmanAthastotraM
samAptam |

skandapurANa | brahmakhaNDa | setulkhaNDa | adhyAya 49/61\-74||
##
skandapurANa . brahmakhaNDa . setulkhaNDa . adhyAya 49/61-74..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}