% Text title            : Shri Aghora Stava 02 49
% File name             : aghorastavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-49
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Aghora Stava ..}##
\itxtitle{.. shrIaghorastavaH ..}##\endtitles ##
sakalabhuvananAthaM sarvadaM sarvavandyaM
      sahamanu manunAthaM pUjayitvA sashaktim |
paramashivamaghorAstrAkhyamantrAdhirAjaM
      parimitaviShayAbhirvAgbhirabhyarchayAmaH || 1||
yatpAshasaMhR^itiShu pAshupataM mahAstraM
      granthiprabhedanavidhau kShurikAstramAhuH |
vighnastutau cha shakalIkaraNe shivAstraM
      vande tadastramahamaishamaghorasa.nj~nam || 2||
yaste bibharti nijamUrdhani mantrachakraM
      yo vA bibhartyavayaveShu tadakSharANi |
so.ayaM nirasya nikhilagrahabhUtarogAn (heyaM)
      jitvAstranAyakaripUnativR^iddhimeti || 3||
vajraM shaktirdaNDakhaDgAhipAshAn
      vAyorastraM sA gadA(sha~NkhaM?) cha trishUlam |
padmaM chakraM sAdhayanti svakR^ityaM
      labdhvAj~nAM te digbhR^itAmAyudhAni || 4||
na bhavati viShapIDA nAripIDA na chAdhiH
      na khalu nikhilarogA nApi bhUtagrahArtiH |
na dhanaharaNabhItirnAbhichArasya teShAM
      sakR^idapi bhuvane tvAM ye.astrarAjaM smaranti || 5||
mantrI japAkusumasannibhabhImamUrtiM
      tvAM ghoramUrdhaparipi~Ngalakeshapa~Nktim |
daMShTrAkarAlavadanaM taTidAbhajihvaM
      vyAttAnanaM ravishashijvalanogranetram || 6||
nAgendrabhUShaNakapAlakR^itA~NkamAlA\-
      shobhAnvitaM bhrukuTibha~NgakarAlavaktram |
dhUmrAmbaraM mukharanUpuramaShTabAhuM
      dhyAyan prasidhyati jhaNatkvaNaki~NkiNIkam || 7||
tvAM dakShiNaiH karatalairasishUlamUla\-
      shaktiM(ktIH) DamaDDamarukaM chaShakaM dadhAnaM (?) |
kheTaM trishUlanR^ikapAlasurendrashastrA\-
      NyArabdhayAtramarimardanamAshrito.asmi || 8||
karNadvaye karayuge bhujayoshcha yugme
      pArshvadvaye padayuge kaTimaNDale cha |
kukShau gale shirasi nAtha chaturdashAhIn
      tattadvibhUShaNakR^itAtmatanUrbibharShi || 9||
vAme shUladale sthitastava hariH shrInIlarudraH puna\-
      rmadhye dakShiNato vidhiH suphalake gaurI guhaH kumbhake |
daNDAgre gaNanAyako dinakaro daNDe.asya mUle smaraH
      tenAghAhigalagrahonmadaripUnastresha nirnAshaya || 10||
tvAM sAttvikaM dhavalarUpamupAsya mokShaM
      samprApnuvanti manujAH sukhasanniviShTam |
AraktavarNamada(tha) rAjasamuddhatA~Nga\-
      mA(sAda)yanti sakalAbhimatArthasiddhim || 11||
shatrukShayAya sakalAmayanAshanAya
      sarvopasargahataye cha tavAtiraudram |
kR^iShNaM kR^ipAnilayatAmasameva shastaM
      yAnodyataM yativarAH kathayanti rUpam || 12||
yadvA damaddamarukAsipishAchashUla\-
      mUlAni dakShiNakarairavaraiH kapAlam |
tvAM kheTakena varaghaNTikayA cha shUla\-
      madhyaM dadhAnamahamaShTabhujaM namAmi || 13||
AkarShaNe nikhilarogahatau ripUNAM
      stambhe vashIkaraNamohanadIpaneShu |
yuddhodyataM tava pura(vapu)staTidaMshubhImaM
      smR^itvogradaMShTramachireNa phalaM labhante || 14||
kR^iShNaprabhaM trinayanaM tribhujaM tripAdaM
      bhImaM mahAshaniravaM vikaTATTahAsam |
tvAM sUchimuShTihananairahibhUShitA~NgaM
      dhyAyanti dhAvanaparaM ripumAraNAdau || 15||
tvAM ShaDbhujaM trinayanaM shashikAntarUpaM
      padmAnanaM vidhR^itabhUShaNamUrdhakesham |
vAme kapAladhanuShI dadhataM sakheTaM
      shUlaM sharaM cha parataH praNato.asmi sAsim || 16||
vyAdhAdari(vari)pramathane sati bhUmikampe
      dAhe dishAM prachuravR^iShTiShu chaNDavAte |
pApakShaye sakalavR^iddhiShu shAntikAdau
      bhItau cha deva tava rUpamidaM smaranti || 17||
sajalaghanaghanAbhaM bhImadaMShTraM trinetraM
      bhujagadharamaghoraM raktavastrA~NgarAgam |
parashuDamarukhaDgAn kheTakaM bANachApau
      trishikhanarakapAle bibhrataM bhAvayAmi || 18||
shUlaM mUlaM pishAchaM sharamasisR^iNiyukTa~NkayugbhiNDipAlaM
      vajraM tatsthUlamadhyaM DamarukamaparairghaNTikAM chApakheTau |
pAshaM chakraM cha daNDaM bhujagamanalakaM dakShiNairbAhudaNDai\-
      rmadhye tvAM vidyudAbhaM vijayinamanishaM ghoranAthaM bhajAmaH || 19||
ke.apyaShTakAdhikasahasrakaraM vidustvA\-
      manye.api chAShTashatahastamatarkyaveSham |
kechiddvipa~nchakaramaShTabhujaM pare.api
      kechichchaturbhujayutaM katichiddvibAhum || 20||
kechidvadanti dhR^itaShoDashabAhudaNDa\-
      manye punardvinavasa~NkhyakarAravindam |
tvAM sarvataH prasR^itapANipadaM tu shaivaM
      tejaH sudussahataraM vayamAmanAmaH || 21||
tvAM bAhumUlavalayIkR^itatakShakAhiM
      tanmadhyaveShTitamahAdR^iDhapUrvapadmam |
pAdAbjasaMsthakulikaM karapadmashobhaM
      daNDe kaTIghaTitavAsukimekhalA~Nkam || 22||
tvAM sha~NkhapAlabhujagendrakR^itopavItaM
      jAnudvayasphuradanantamahoragendram |
lUtAdivR^ishchikavirAjivirAjitA~NgaM
      karkoTakAhiparibhUShitakaNThabhAgam || 23||
tvAM prasphurachChikhinibhordhvakachaM sphurantaM
      ghorAnanaM vikR^itaghoratarAhibhUSham |
vandAmahe varatanuM vararUpashobhaM
      vakShollasachchaTachaTAravaruNDamAlam || 24||
AmreDitaprayutasa~NkhyataTitkR^itAsthi\-
      mAlAdharaM kahakahAravabhogibhUSham |
bhUyo vamajjvalanadIptalalATanetraM
      tvAM hu~NkR^itena mama ghAtaya ghAtayArIn || 25||
chakroddhR^itapraNavaphaTkR^itasampuTaM te
      mantrottamaM japati yaH samama~NgamantraiH |
asmAtparaM manushataiH kimihAlpasArai\-
      rAyAtamiShTamanishaM tvayi siddhimeti || 26||
yaH pa~nchaShaDbhirdvidashAShTayugmairvarNairmanoj~naiH parikalpitA~NgaH |
R^iShyAdikaM bIjasashaktikIlayuktyAtisa~nchintya japetsa dhanyaH || 27||
yo mastake.alikatale nayanadvaye cha
      madhye bhruvostava manoriha nAsikAyAm |
karNadvaye hanuyuge dvijapa~Nktiyugme
      kaNThe.asayoshcha jaThare stanayoH krameNa || 28||
varNAnniveshayati vakShasi nAbhideshe
      bAhuprakoShThatalapANiShu vAmatashcha |
sphijyUrujAnutalatashcharaNeShu tadva\-
      tpAyau sali~NgavR^iShaNe charamA~Ngadeshe || 29||
pArshvadvaye hR^idi cha tAluni sAdhakendraH
      pUjAvidhau japavidhau cha susampradAyaH |
(so.ayaM nirasya) nikhilArtimanekasaukhyA\-
      nyAsAdayatyanimiShairapi pUjyamAnaH || 30||
tvAM sheShakalR^iptavalayA~NkitapANipadmaM
      karkoTakAhiparibhUShitadAmashobham |
vakShaHsthalAbharaNatakShakanAgashobhaM
      padmAkhyanAgaparikalpitahArabhUSham || 31||
sushvetapadmapariklR^iptalalATashobhaM
      madhyA~NgalagnakulikodarabandhanAgam |
kechitkaTIghaTitabhUShitasha~NkhapAlaM
      karNAvataMsavaravAsukimAmananti || 32||
charmAsichApasharavajraparashvathA~Nga\-
      shUlAdimadhyasR^iNidaNDadharaishcha hastaiH |
pa~nchAnanaM dhavaladaMShTramagAdhanetraM
      tvAma~njanAbhamaribhIShaNamAshrayAmaH || 33||
hastairabhIvaraparashvathakR^iShNasAra\-
      yuktaishchaturbhirabhishobhitamAnanaishcha |
tvAM pUjayanniha sahasradalAbjasaMsthaM
      vA~nChAM vrajeddashabhirAvaraNairupetam || 34||
kAlyAdyAbhiH parivR^itatanuM shaktibhirdiggatAbhi\-
      stanmadhyasthaiH parichitatanuM bhIShaNAdyaishcha randhraiH |
brAhmyAdyAbhirdishi dishi tanuM(vR^itaM) mAtR^ibhirlokapAlaiH
      sA~NgaM dhyAyan japati sumatirbhUtale yaH sa dhanyaH || 35||
kR^itvA chakraM rajobhistava tadanuguNaiH karNikAkesarADhyaM
      madhye cha dvAdashAraM kR^itaniyamavidhiH ShoDashAraM cha bAhye |
madhye tvAM pUjayitvA dishi dishi paritaH kesareShvaShTashaktI\-
      richChAdidvAdashAreShvatha yajati mahAstrANi chatvAri dikShu || 36||
sheShAreShvaShTarundrAnvidiguditatanUn bhIShaNAbhIShaNAdIn
      bAhye.astrairAtmadiksthaiH saha kulishamukhairbhautikAdIni chAShTau |
tasyAdhivyAdhinAshaH sakalamabhimataM shatrunAshashcha sadyaH
      shAntiH puShTishcha vidyA dhanamaparimitaM kShetrasampattirante || 37||
yastvAM yuddhodyatA~NgaM yajati kR^itamatirbhAskarAdyairgaNeshaiH
      kShetreshaiH koNasaMsthaiH tridashapatimukhairaShTarudraiH parItam |
Adye tajj~nAnarUpaprabhR^itibhirapare vIraghoShAdirudrai\-
      stadbAhyasthaishchaturthadraviNapatimukhaiH pa~nchame kAlamukhyaiH || 38||
ShaShThe chochChuShmamukhyairanishamabhimukhaiH saptame viShNumukhyai\-
      ranyasmin tIkShNadaMShTraprabhR^itibhiramareshAdibhishchAparasmin |
AdhAre lokapAlairdishidishi dashame sAyudhaiH sevyamAnaM
      bhogAnAsvAdya sarvAn bhuvi tanuvirame mokShamApnoti so.ayam || 39||
chakraM sragvajrashaktIrDamaruparashughaNTAhikhaDgaprakheTAn
      bibhrANaM daNDapAshau dhvajanarashirasI chApabANau bhujaishcha |
dorbhyAM dvAbhyAM mahAstraM niyutaravinibhaM lUtamuNDAhibhUShaM
      chArkAbhaM kuNDalADhyaM kumatavihataye ghoranAthaM bhajAmaH || 40||
vidyunmAlAnalAbhaM bhujagaparivR^itaM bhIShaNaM nimnanetraM
      shUlaM pAshaM cha ghaNTAmanalamasimahAkheTakau prajvalantau |
savye.abhIshaktichApAna sharaparashurujA dakShiNe ghoravaktraM
      pArshve ghorAstramevaM niyamitamanasA saMyaje sarvasid.hdhyai || 41||
japtvAyutaM (tava manUttama)miShTa(ma~Nga)yuktaM
      hutvA sahasra(mapakR^itya)mapAkaroti |
sandhyAsu chAShTasahitaM shatamatra japtvA
      dhyAyan kuberasadR^ishaM shriyameti martyaH || 42||
AdhAranAbhihR^idaye cha gale cha tAlu\-
      bhrUmadhyamUrdhnyakhilashaktipadeShu devam |
tejomayaM sarati yaH kramashashcha mokShaM
      yo vyutkrameNa sa naraH punareti bhogam || 43||
yadvaibhavaM tava mahAstramahAnubhAvaM
      stotuM na mantrapatayastadasheShamIshAH |
kA shaktiratra vada tAdR^ishamIdR^ishAnAM
      kashchaikadeshagaNako gaNakIrtimeti || 44||
etAmaghorAstrapadAnuviddhAM
      yaH strotramAlAM paThati trisandhyam |
vijitya(nirjitya)shatrUn vigatAmayo.asau
      prApnotyasheShAnapi vA~nChitArthAn || 45||

|| iti shrIaghorastavaH sampUrNaH ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}