% Text title            : ardhanArIshvarastotram 3
% File name             : ardhanArIshvarastotram3.itx
% Category              : shiva, devii, pArvatI, devI
% Location              : doc\_shiva
% Proofread by          : NA
% Description-comments  : Shivamahapurana VayaviyasamhitA pUrvabhAga shivashivAstutivarNanaM adhyAya 15
% Latest update         : August 26, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ardhanArIshvarastotram  3..}##
\itxtitle{.. ardhanArIshvarastotram 3..}##\endtitles ##

brahmovAcha \-
jaya deva mahAdeva jayeshvara maheshvara |
jaya sarvaguNashreShTha jaya sarvasurAdhipa || 1||
jaya prakR^itikalyANi jaya prakR^itinAyike |
jaya prakR^itidUre tvaM jaya prakR^itisundari || 2||
jayAmoghamahAmAya jayAmoghamanoratha |
jayAmoghamahAlIla jayAmoghamahAbala || 3||
jaya vishvajaganmAtarjaya vishvajaganmaye |
jaya vishvajagaddhAtri jaya vishvajagatsakhi || 4||
jaya shAshvatikaishvarye jaya shAshvatikAlaya |
jaya shAshvatikAkAra jayashAshvatikAnuga || 5||
jayAtmatrayanirmAtri jayAtmatrayapAlini |
jayAtmatrayasaMhartri jayAtmatrayanAyike || 6||
jayAvalokanAyattajagatkAraNabR^iMhaNa | ## var ## jayAvalokanotkR^iShTa
jayopekShAkaTAkShotthahutabhugbhuktamauktika || 7||
jaya devAdyavij~neyasvAtmasUkShmadR^ishojjvale |
jaya sthUlAtmashaktyeshejaya vyAptacharAchare || 8||
## var ##  sthUlAtmashaktyaMshavyAptavishvacharAchare

jaya nAmaikavinyastavishvatattvasamuchchaya |
jayAsurashironiShThashreShThAnugakadambaka || 9||
jayopAshritasaMrakShAM saMvidhAnapaTIyasI |
jayonmUlitasaMsAraviShavR^ikShA~Nkurodgame || 10||
jaya prAdeshikaishvaryavIryashauryavijR^imbhiNe |
jaya vishvabahirbhUta nirastaparavaibhava || 11||
jaya praNItapa~nchArthaprayogaparamAmR^ita |
jaya pa~nchArthavij~nAnasudhAstotrasvarUpiNe || 12|| ## var ## sukhasrotaHsvarUpiNe

jayati ghorasaMsAramahArogabhiShagvara |
jayAnAdimalAj~nAnatamaHpaTalachandrike || 13||
jaya tripurakAlAgne jaya tripurabhairavi |
jaya triguNanirmukte jaya triguNamardini || 14||
jaya prathamasarvaj~na jaya sarvaprabodhika | ## var ## pramathasarvaj~na
jaya prachuradivyA~Nga jaya prArthitadAyini || 15||
kva deva te paraM dhAma kva cha tuchChaM cha no vachaH |
tathApi bhagavan bhaktyA pralapantaM kShamasva mAm || 16||
vij~nApyaivaMvidhaiH sUktairvishvakarmA chaturmukhaH |
namashchakAra rudrAya rudrANyai cha muhurmuhuH || 17||
idaM stotravaraM puNyaM brahmaNA samudIritam |
ardhanArIshvaraM nAma shivayorharShavardhanam || 18||
ya idaM kIrtayedbhaktyA yasya kasyApi shikShayA | ## var ## shuchistadgatamAnasaH |
mahatphalamavApnoti shivayoH prItikAraNAt || 19||
sakalabhuvanabhUtabhAvanAbhyAM
jananavinAshavihInavigrahAbhyAm |
naravarayuvatIvapurdharAbhyAM
satatamahaM praNato.asmi sha~NkarAbhyAm || 20||

|| iti shrIshaive mahApurANe vAyavIyasaMhitAyAM pUrvabhAge
shivashivAstutivarNanaM nAma pa~nchadashAdhyAye
ardhanArIshvarastotraM sampUrNam ||
##
NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}