% Text title            : Ardhanarishvara Stotram 6
% File name             : ardhanArIshvarastotram6.itx
% Category              : shiva
% Location              : doc\_shiva
% Author                : kalhaNa
% Transliterated by     : Ruma Dewan
% Proofread by          : Ruma Dewan
% Description/comments  : Kavyamala 14
% Latest update         : April 17, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ArdhanArIshvarastotram 6 ..}##
\itxtitle{.. ardhanArIshvarastotram 6 ..}##\endtitles ##
(kalhaNakR^itam)
bhAlaM vahnishikhA~NkitaM dadhadadhishrotraM vahansaMmR^ita\-
krIDakuNDali jR^imbhitaM jaladhijachChAyAchChakaNThachChaviH |
vakSho bibhradahInaka~nchukachitaM baddhA~NganArdhasya vo
bhAgaH pu~NgavalakShmaNo.astu yashase vAmo.athavA dakShiNaH || 1||
vAme sA~njanamakShi dakShiNadishi shyAmAyamAno galaH
pANau tiShThati darpaNo.atra mukuTe.amutra sthitashchandramAH |
tanmAteyamayaM piteti suchirAtsapratyabhij~naM shanai\-
ryasyotsa~NgamagAdguho bhavatu vaH prItyai saM gaurIshvaraH || 2||
mu~nchebhAjinamasya kumbhakuhare muktAH kuchAgrochitAH
kiM bhAlajvalanena kajjalamataH kAryaM tavAkShNoH kR^ite |
sandhAne vapurardhayorbhagavatoritthaM niShedhe.apyaheH
kartavye priyayottarAnusaraNodyukto haraH pAtu vaH || 3||
vihitamajagoshR^i~NgAgrAmAbhyAM dhanurghaTitaM tathA
narakaraTinordehArdhAbhyAM gaNaM pratigR^ihNataH |
dvividharachanAvAllabhyAnAM nidheruchitA vibho\-
rjayati laTabhApumbhAgAbhyAM sharIravinirmitiH || 4||
nedaM parNasamIraNAshanatapomAhAtmyamukShauragau
pashyaitAvata eva samprati kR^itau tanmAtravR^ittI bahiH |
premNaivArdhamidaM charAcharaguroH prApteyamAtmastutI\-
ritthaM devavadhUmukhAchChrutisukhAH shR^iNvatyaparNAvatAt || 5||
kApyeteShu ruchiH kacheShu phaNinAM puMskokilasyeva te
gobhiH kaNThataTasya hR^iShyati puro dR^ikshya chakShuHshruteH |
sandhAne.abhinave mitho bhagavatorjihvA pR^ithakspardhinI
bhinnArthA sadR^ishAkSharAmapi vadantyevaM giraM pAtu vaH || 6||
dAtuM vA~nChati dakShiNe.api nayane vAmaH karaH kajjalaM
bhauja~NgaM cha bhuje.a~NgadaM ghaTayituM vAme.api vAmetaraH |
itthaM svaM svamashikShitaM bhagavatorardhaM pashyatoH
sAdhArarasmitalA~nChitaM dishatu vo vakraM manovA~nChitam || 7||
gADhAli~Ngana ma~NgalaM bhavatu te svastyastu vashchAATavaH
kiM brUmaH priyayA vilAsakalaha shraddheya evAsi na |
ityukte nibiDapravAsachakitairyAvadgaNaiH sthIyate
sa~NghaTTaH shivayoH sa tAvadadhikaspaShTaH shivAyAstu vaH || 8||
tadardhanArIshvaramUrdharatnamardhaM vidhorastu samR^iddhaye vaH |
yadadrikanyAvadanAtiriktadvitIyabhAgabhramamAtanoti || 9||
tadvItavyatirekamadritanayAdehena mishrIbhava\-
nniShpratyUhamiha vyapohatu vapuH sthANorabhadrANi vaH |
veNyA bhogivadhUsharIrakuTilashyAmatviShA veShTitA
jUTAherapi yatra bhAti dayitAmUrtyeva pR^iktA tanuH || 10||
prauDhAH ka~nchukino jaradvR^iSharaH kubjastuShAradyuti\-
rnityApto.api bahiShkR^itaH parikaraH so.ayaM samasto.apyaho |
ardhAdyadvasatIkR^itAdbhagavatA chAritracharyAvidA
sA bhidyAdduritaM charAcharagurorantaHpuraM pArvatI || 11||
lIlodyAnavanashmashAnagamane svechChAparAdhInayoH
samyaksAmbaratAdigambaradashAsavrIDanirvrIDayoH |
paryAptAtularAmaNIyakamahAshrIbhairavAkArayoH
kShemaM vaH shivayoH samAsamadR^ishordishyAdachintyaM vapuH || 12||
chUDendoriva rochiShA mukulitaM vAtAyanAbhaM shriyaH
pAnArthaM pariShevitaM madhukarAkAraiH kumArAnanaiH |
aunnatyAdadhivAsya vaktrapavanairghrANopayogIkR^itaM
kasyorojasarojamasti na manastoShAya gaurIshayoH || 13||
ardhaM snigdhavimugdhamiddhahutabhugdigdhaM tathArdhaM jaga\-
tpAyAdIshvarayostadakShi tilakasthAnasthitaM vIkShya yat |
krIDAkarmaNi kArmukaM karatale kartuM kirITendunA
sotsekashcha nirutsukashcha yugapaddevaH smaro jAyate || 14||
vyAlA vAyubhujastR^iNeDhi cha tR^iNAnyukShA bubhukShAturo
niShkaupInapaTaH kuTumbabharaNo kiM tvasmi chintAkulaH |
daurgatyAditi piNDamekamakarodgaurIsharUpeNa yo
yashchAbhIShTaphalapradastrijagataH kasmaichidasmai namaH || 15||
jyAghoShairbadhirIkaroti kakubho bAhU muhuH pashyati
svasya svena vikatthate rachayati prochchaistarAM tarjanIm |
yasminkevalameva kelirabhasAjjAte.ardhanArIshvare
vIraMmanyatayA sa manmathabhaTo vAtUlitastaM stumaH || 16||
vapuHkhaNDe khaNDaH prativasati shailendraduhituH
shikhaNDe khaNDenduH svayamapi vibhuH khaNDaparashuH |
tathApi pratyagraM sharaNamupayAtaM prati vibho\-
rakhaNDo vyApAro jagati karuNAyA vijayate || 17||
premArdhaM vapuSho vilokya militaM devyA samaM svAmino
maulau yasya nishApatirnagasutAveNInishAmishritaH |
Aste svAmyanuvartanArthamiva tatkR^itvA vapuH khaNDitaM
deyAdadvayabhAvanAM sa bhagavAndevo.ardhanArIshvaraH || 18||

iti kAshmIrakamahAkavishrIkalhaNakR^itaM ardhanArIshvarastotraM sampUrNam |

##
Notes:

The ArdhanārīśvaraStotram ##ardhanArIshvarastotram## has been composed by Mahākavi Kalhaṇa ##mahAkavi kalhaNa## of Kāśmīra ##kAshmIra##.

Śloka-s ##shlokAH## of this composition are found in the Kalhaṇa's RājaTaraṅgiṇī ##kalhaNavirachitA rAjatara~NgiNI##. The English Translation by M. A. Stein about Kalhaṇa's RājaTaraṅgiṇī ##kalhaNavirachitA rAjatara~NgiNI## provides more details about Mahākavi Kalhaṇa ##mahAkavi kalhaNa## of Kāśmīra ##kAshmIra##.


Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}