% Text title            : Arunachala Pancharatnam with Varttika
% File name             : aruNAchalapancharatnavArttikam.itx
% Category              : pancharatna, shiva, ramaNa-maharShi
% Location              : doc\_shiva
% Author                : Shri Ramana Maharshi; varttikam by K.Lakshmana Sharma('WHO')
% Transliterated by     : Sunder Hattangadi
% Proofread by          : Sunder Hattangadi
% Description-comments  : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update         : June 13, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Arunachala Pancharatna Varttikam ..}##
\itxtitle{.. aruNAchalapa~ncharatnavArttikam ..}##\endtitles ##

               ma~Ngalam
sachchinmAtrasvabhAvAya nityamuktAya shambhave |
ramaNAyAtmanAthAya namo bhagavate sadA || 1||

             granthAvataraNam
tenAruNAchalAkhyasya svasvarUpasya pa~nchabhiH |
shlokaiH kR^itA nutistasyAH kriyate laghuvArttikam || 2||
mANDUkyoditamadvaitaM turyAkhyaM niShprapa~nchakam |
sasAdhanaM stutAvasyAmAtmatattvaM prapa~nchyate || 3||
prAmANyaM yujyate hyasya yato vaktyatra sadguruH |
nityAnubhUtamAtmIyaM tattvaM shivamanAmayam || 4||
vedena guruvAkyAnAM prAmANyaM manyatAM janaH |
manyAmahe tu vedAnAM prAmANyaM guruvAkyataH || 5||
svasvarUpe turIyAkhye sthito yassa bhavedguruH |
upadeshastadIyo yassA syAdupaniShatparA || 6||
vihAya prAyasho vAdAn prAmANyAdvachasAM guroH |
siddhAntA eva sa~NgR^ihya dIyante hyatra vArttike || 7||

               prathamashlokaH
karuNApUrNasudhAbdhe
       kabalitaghanavishvarUpa kiraNAvalyA |
aruNAchalaparamAtma\-
       nnaruNo bhava chittaka~njasuvikAsAya ||
##
karuna - grace; apurna - overflowing fullness; sudha - ambrosia; abdhe - O ocean; kabalita - is swallowed; ghana - solid; viœva - universe; rupa - form; kirana - rays; avalya by series; arunachala - O Arunachala; paramatman - supreme spirit, supreme self; arunah - sun; 
5bhava - be; chitta - mind; kañja - lotus; su - good, auspicious, well (i.e. complete or full); vikasaya - for the blossoming. O ocean of ambrosia, the overflowing fullness of grace! O Arunachala, supreme spirit, by [whose]  series  of  rays  the  solid  form  of  the  universe  is  swallowed!  Be  the  sun  for  the  complete blossoming of [my] mind-lotus. 
##
           prathamashlokasyAnuvAdaH
kR^ipAsudhAmbudhe.aruNAchala prabodhabhAskara
svachitsvarUpatejasA nigIrNasarvalokaka |
hR^idambujAtakoshakapraphullatAvidhAyinIM
prabhAM nijAM prasArya bhostamo vinAshayAntaram ||
##
O  Sea  of  the  Nectar    of  Grace,    Arunachala,  Sun  of  Pure  Consciousness  swallowing  up  (like darkness) all the worlds  by  your  Light  of  Consciousness,  destroy  the darkness within by spreading Thy Light which makes the bud of the Heart-lotus full-blown. 
##
                   vArttikam
hR^idambhojavikAsAya prathame prArthyate shubhA |
tatkR^ipAsvIyabhaktAnAM tatsvarUpatvasiddhaye |
atraiva niShprapa~nchatvaM dishyate cha parAtmanaH || 8||
ahamityakhilasyAntarbhAnaM yat paramAtmanaH |
karuNetyuchyate saiva nAdvaite vikriyA yataH || 9||
karuNAyAH svarUpatvamiShTaM na guNatA vibhoH |
uchyate nirguNatvaM hi vedAntaiH paramAtmanaH || 10||
tayA gR^ihItA ye bhaktAH premiNo vA vichAriNaH |
svarUpAnubhavasteShAM dhruvo hyaj~nAnanAshataH || 11||
niShprapa~nchakamadvaitaM turyaM satyamiti sphuTam |
jagatkabalanasyoktyA pUrvArdhe guruNochyate || 12||
adhiShThAnatayA tasya vishvasyAropitatvataH |
satyatvamasti tasyaiva na tu vishvasya karhichit || 13||
kurute hyasadevAsat karuNA paramAtmanaH |
nAnyat ki~nchana kartavyaM satya AtmA sa eva hi || 14||
saMvidbhAnurasAvAtmA yadbhAsA mAyikaM jagat |
nIyate nAshamatyantaM tamo bhAsA yathA raveH || 15||
asadeva tamo yadvat satyavadgR^ihyate.abudhaiH |
asatyaiva tathA mAyA sakAryA satyavanmatA || 16||
yathA.asattvAt tamo bhAsA kabalIkriyate raveH |
sakAryA cha tathA mAyA kabalIkriyate chitA || 17||
sa eva shiShyate turye chidAnando.advitIyakaH |
na jIvo na jagat ki~nchit taddvayaM cha mR^iShA kila || 18||

           dvitIyashlokaH
tvayyaruNAchala sarvaM
       bhUtvA sthitvA pralInametachchitram |
hR^idyahamityAtmatayA
       nR^ityasi bhoste vadanti hR^idayaM nAma ||
##
tvayi  -  in  you;  arunachala  -  O  Arunachala;  sarvam  -  all;  bhutva  -  having  come  into  existence;  sthitva  -  having  been  sustained;  pralinam  -  is  destroyed;  etat  -  this;  chitram  -  picture; hridi – in the heart; aham - 'I'; iti - as; atmataya - as self, as spirit; nrityasi - you dance; bhoh - O [a form of address, linked to the word 'arunachala' in the first line]; te - to you; vadanti - they say; hridayam - heart; nama - name. 

O Arunachala! In you all this picture comes into existence, is sustained, and is destroyed. You dance in the heart as self (or spirit) as 'I', [and hence] they say 'heart' is name to you. 
##
          dvitIyashlokAnuvAdaH
udeti vartate pralIyate.akhilaM jagachchalaM
tvayi prakAshavatpaTe yathaiva chitrasantatiH |
ahantayA.a.atmarUpato.api nR^ityasi svayaM hR^idi
vadantyato hR^idAkhyakaM bhavantamekakaM param||
##
In  Thee  arises,  remains  and  vanishes  all  this  moving  world  like  a  succession  of  the  pictures  on  a  lighted  screen.  Thou  also  dancest  in  the  Heart  as  the  Real  Self  as  'I'.  Therefore,  (the  wise)  speak  of  Thee,  the  One  Supreme  Being,  as  having  the  name  "Heart".
##
               vArttikam
bahavaH pratibadhyante manvAnAH sadidaM jagat |
AtmanAshapadaM kechididaM matvA cha bibhyati |
sha~NkAdvayanirAsAya dvitIyashloka IritaH || 19||
taTasthalakShaNaM chAtra dishyate paramAtmanaH |
svarUpalakShaNaM chApi shuddhaM bhaktivivR^iddhaye || 20||
svataH satyaM jaganmatvA tasyAdhiShThAnamavyayam |
na pashyatyavivekIti tattattvamupadishyate || 21||
jIveshau viShayAshcheti tritayaM jagadAkhyakam |
AropitamidaM sarvamadhiShThAne chidAtmani || 22||
svarUpaM jagataH satyaM sachchidAtmaiva kevalaH |
ato.anveSheNa labdhavyo vihAyedaM sa eva hi || 23||
dR^ishyate jagadityetat tatsattAM naiva sAdhayet |
adhiShThAnaM kimapyastItyetadeva hi sAdhitam || 24||
pratIyate yathA yadyat tat tathetyapramANakam |
vaij~nAnikajanaishchApi spaShTametannirUpitam || 25||
bahirmukhatayA te tu bhedaj~nAnaparAyaNAH |
na svaM veditumichChanti j~nAnaM teShAmato mR^iShA || 26||
sAkShAtkR^itamadhiShThAnaM jagato yena bodhataH |
pramANIkR^itya tadvAkyaM tathA niShThAM labhemahi || 27||
adhiShThAnasadadvaitaM nirvisheShaM niraMshakam |
jagadrUpatayA bhAti manovyApAramAtrataH || 28||
mana eva svayaM mAyA yA.anyathA kurute param |
j~nAyatAM tadidaM spaShTaM suptau jagadabhAnataH || 29||
udeti vartate tasmin lIyate chAkhilaM yataH |
sa evAtmA tataH sarvaM jIveshau viShayA api || 30||
mAyAkAryamidaM yasmAt kevalo.asAvavikriyaH |
nAnena bAdhyate ki~nchit paTashchitrAgninA yathA || 31||
tadAbhAsamayaM chedaM sa eva paramArthataH |
yadevAdyantayoretanmadhye chedaM tadeva hi || 32||
vishvaM vivekadR^iShTyaivaM svAtmani pravilApayet |
pravilApanadR^iShTyA hi svAnveShaNakShamaM manaH || 33||
svAnveShaNasya chAtraiva prakAra upadishyate |
tena svarUpe.avasthAnaM jagadbhramavinAshataH || 34||
taTasthalakShaNaM diShTamevaM tasya parAtmanaH |
svarUpalakShaNaM tvatra sUchitaM chopalakShyate || 35||
svarUpaM tat sphuTIkurvan shivasya paramAtmanaH |
tasyaivAtmatvamasmAkaM darshayatyatishobhanam || 36||
AtmatvenAkhilasyAntarahamityanishaM svayam |
bhAtyasau nAnya AtmA.asti svarUpaM tadidaM vibhoH || 37||
nR^ityasIti padenAtra diShTA.a.anandasvarUpatA |
AtmabhUtasya turyasya tadasaMsAritA.a.atmanaH || 38||
svayaiva mAyayA devo vimohita iva svayam |
bhramatIvAtra saMsAre mAyA.asau na tu vidyate || 39||
arthAdvyAvartanaM chApi dehAdInAmanAtmanAm |
kR^itamevetyatasteShu jahyAdAtmatvabhAvanAm || 40||
sarve vayaM sa eva smo na dehA nApi dehinaH |
nAj~nAnaM na cha saMsAra ityeShA paramArthatA || 41||
manaH kalpayate dehAn jIvAMshcha viShayAnaho |
jAgratyapi yathA svapne mAyaiShA mana eva hi || 42||
shuddhachidrUpa Atmaiva satyo nAnyastataH shivaH |
eSha vedAntasiddhAnta uktaH svIyAnubhUtitaH || 43||
preShTha Atmaiva sarveShAM tadarthamitarat priyam |
ata AnandarUpatvamAtmano gamyate sphuTam || 44||
tadAnandakaNA eva hyAnandA laukikAH smR^itAH |
AtmalAbhasamo nAstItyata evochyate budhaiH || 45||
bahirmukhatvahAnAya dishyate hR^idi tatsthitiH |
antarmukhatayA hyeva sAdhane sampravartanam || 46||
paramArthatayA tveSha paramo hR^idayaM svayam |
sarvAdhArasya satyasya mithyaivAdhArakalpanA || 47||

       tR^itIyashlokaH
ahamiti kuta AyAtI\-
       tyanviShyAntaH praviShTayA.atyamaladhiyA |
avagamya svaM rUpaM
       shAmyatyaruNAchala tvayi nadIvAbdhau||
##
aham - 'I'; iti - as; kutah - from where; ayati - does it come; iti - thus; anvishya – having sought; antah - within; pravishtaya - having entered; ati - very; amala - blemishless; dhiya –  by  mind;  avagamya  -  having  known;  svam  -  one's  own;  rupam  -  form;  œamyati  -  becomes still; arunachala - O Arunachala; tvayi - in you; nadi - river; iva - like; abdhau - in the ocean. 

O  Arunachala!  By  a  very  blemishless  mind  having  sought  thus,  "From  where  does  it  
7come  as  'I'?",  having  entered  within,  and  having  known  one's  own  form,  one  becomes  still in you, like a river in the ocean. 
##
         tR^itIyashlokasyAnuvAdaH
udetyahaM kutassa eSha ityatIva shuddhayA
dhiyA hR^idi praviShTayA vimR^igya tattvamAtmanaH |
avaiti chechchidAtmakaM bhavantamAtmarUpato
nadIva sa~NgatA.ambudhiM tvayi prashAntimeti dhIH||

##
Searching    for  the  Truth    of  oneself,    with  the  exceedingly  pure  mind  diving  into  the  Heart to find "Whence arises this I", if one has the Experience of Thee as the Self who is Pure  Consciousness,  then  the  mind  becomes  forever  still  in  Thee  like  the  river  that  has  joined the ocean. 
##
              vArttikam
j~nAtvaivamAtmalAbhAya yatamAnasya siddhaye |
R^ijumArgastR^itIyena vispaShTamupadishyate || 48||
AbhAsamAtro jIvo.ayaM chijjaDagranthirUpakaH |
tachchidaMshanidAnaM tu bhavatyAtmA paraH svayam || 49||
hitvA jaDAMshaM dehAdi shiShTAM chaitanyarUpiNIm |
shuddhAhantAM samAdAya tanmUlaM svaM gaveShayet || 50||
nimajjet salile labdhuM magnaM vastu yathA tathA |
ahantAmUlamanviShyan nimajjet sAdhako hR^idi || 51||
svAmino gandhamAdAya yathA shvA taM gaveShayet |
shuddhAhantAM tathA.a.adAya dhIH svamUlaM gaveShayet || 52||
gaveShaNe sthirIbhUtaM mano vishati hR^idguhAm |
tadA bhAyAt svabhAsA.a.atmA shAmyedapi mano.antataH || 53||
manonAshAdapArthakyaM svataH siddhaM prakAshate |
manaHkR^ito hi bhedo.ayaM dvayorbrahmAtmanoriha || 54||
idamanveShaNAt svasya tattvasya hR^idi majjanam |
sAdhanaM paramaM muktervichAra iti chochyate || 55||
atyantyaikyamanAvR^ittiM darshayiShyannato guruH |
nadIM dR^iShTAntayatyabdhiM gatvA tadrUpatAM gatAm || 56||
AtmAnubhUtireShaiva muktirityabhidhIyate |
satyA sthitiH paraM dhAma kaivalyaM sahajA sthitiH || 57||
svaj~nAnamamR^itatvaM cha maunaM nirbhayatetyuta |
sthitimetAM parAM turyAM shaMsanti bahudhA budhAH || 58||
AtmA tu j~neyatAM naiti turye j~nAtA.api nAsti hi |
j~nAnAj~nAnavinirmukta AtmA j~nAnasvarUpakaH || 59||
j~neyaj~nAtR^ivihino.asAvAtmA bhavati kevalaH |
anAtmanyAtmadhInAshaH svAtmaj~nAnamitIryate || 60||
naShTaM yasya vichAreNa mano hR^idi nimajjanAt |
Atmaiva sa hi nAtmaj~no brahmaiva brahmavinnahi || 61||
brahmabrahmaj~nayorbhedaM manvAnaH pAramArthikam |
mithyAgraheNa tenaiva pratibadhyeta sAdhakaH || 62||
j~nAnAdvimuktirityukterj~nAnamityartha eva hi |
na j~nAnaM kAraNaM muktermuktirj~nAnaphalaM cha na || 63||
AtmanaH sahajA muktiH svarUpaM j~nAnamAtmanaH |
sa muktirnityasiddhaiva svayameva svakAraNam |
vyAvahArikadR^iShTyA tu j~nAnAnmuktiritIryate || 64||
na vaktuM nApi mantuM vA shakyametat paraM padam |
maunavyAkhyAnanirdeshyaM vedyaM cha svAnubhUtitaH || 65||
na vaktA na cha mantA vA tatra kashchana shiShyate |
ata etat padaM turyaM maunamityabhidhIyate || 66||
vAcho.api manasA sAkaM nivartante yato.advayAt |
anubhUya tamAnandaM na bibheti kutashchana || 67||
yatrAsti bhedavij~nAnaM nAbhItistatra karhichit |
iti cha shrUyate yasmAt turyamevAbhayaM padam || 68||
svasvarUpaparij~nAnAt kathamaikyaM parAtmanA |
iti prashno nirAdhAra aikyaM svAbhAvikaM yataH || 69||
atroktena vichAreNa labhyaiShA paramA gatiH |
nAnyathA labhyate seyamiti vedAntanirNayaH || 70||
iha diShTaH sa evArtho nadIdR^iShTAntayojanAt |
anyatrAnekadhA chApi spaShTaM bhagavatA satAm || 71||
nopAsanena yogena puNyairvA.api cha karmabhiH |
labhyetedaM padaM turyamityevaM cha pradarshitam || 72||
mithyeyaM jIvatA yAvanna lupyeta vichAraNAt |
tAvat saMsAranirmokSho na bhavet kila dehinAm || 73||
jIvatvamAdimo dharmaH kartR^itvAdyAstadAshrayAH |
jIvatA.a.aropitA pUrvaM kartR^itvAdyAstataH param |
jIvatvanAshe sarveShAM nAsho.ataH sahajA sthitiH || 74||
sarvadharmaparityAgo yo gItAsu vidhIyate |
kartR^itvAdikahAnaM sa jIvatvatyAgapUrvakam || 75||
sarvadharmaparityAgo jIvatvatyAga eva hi |
atyAge jIvatAyAstu tyakto dharmo na kashchana || 76||
ityaupaniShadaM svAsthyaM paramaM padamavyayam |
atropadiShTaM draShTavyamadvaitaM turyanAmakam || 77||
R^ijumArgamimaM hitvA charantyanyapathA tu ye |
kAlena paramaM dhAma yAnti te hR^innimajjanAt || 78||

           chaturthashlokaH
tyaktvA viShayaM bAhyaM
       ruddhaprANena ruddhamanasA.antastvAm |
dhyAyanpashyati yogI
       dIdhitimaruNAchala tvayi mahIyaM te|| 4||
##
tyaktva - having given up; vishayam - objects; bahyam - external; ruddha - restrained; pranena - by the breath; ruddha - restrained; manasa - by the mind; antah - within; tvam - you; dhyayan - having meditated; paœyati - sees; yogi - yogi; didhitim - light; arunachala – O Arunachala; tvayi - in you; mahiyam - are exalted; te - they. 

O  Arunachala!  Having  given  up  external  objects  and  having  meditated  upon  you  within  by a mind restrained by the restrained breath, the yogi sees the light. They are exalted in you.
##

       chaturthashlokasyAnuvAdaH
vihAya bAhyavastu vAyurodhanAnmano haThA\-
nnirudhya yogagassmaran bhavantameva sarvadA |
mahimni lInadhIH prabhe kShaNena modate bhR^ishaM
athotthitassa vAsanena chetasA tu saMsaret||
##
Giving up external objects and quelling the mind by force - by stilling of the breath - and ever meditating on Thee, the Yogi, with his mind merged in Thy Glory, sees the Light (of Consciousness) and is very happy for the time being. But, getting out (of the State) with the mind and it's Vasanas (tendencies toward the world), he returns to Relativity.
##
       vArttikam
shiShyete yatamAnau dvau yogI premI parAtmani |
chaturthe yoginaM vakti premiNaM pa~nchame guruH || 79||
tatra yogI haThAdrud.hdhvA prANAyAmena mAnasam |
chijjyotirvIkShaNaM labdhvA tadAnIM modate bhR^isham || 80||
manorodho haThAt siddho na sthiro bhavitA kvachit |
lInameva manastiShThet savAsanamathodiyAt || 81||
manonAshena muktirhi na layena kadAchana |
lInaM hi punarAyAti naShTaM naivodiyAt punaH |
anAshAnmanaso yogI jIvatvaM na jahAti hi || 82||
sphuTIkartumimaM bhedaM manaso layanAshayoH |
gururvakti purAvR^ittAM kathAM kasyApi yoginaH || 83||
samAdhervyutthito yogI pipAsArditamAnasaH |
shiShyamAdishya tIrthAya samAdhiM prAvishat punaH || 84||
yayuH shatAni varShANAM vyutthito.abhUt tataH param |
jalAthapreShitaM shiShyaM vegenAtha smaraMstadA |
uvAchochchaishcha bhostIrthaM kimAnItaM tvayetyasau || 85||
pipAsAvAsanAyuktaM mano lInaM hyabhUchchiram |
udiyAya cha vegena samAdhervyutthitasya hi |
anAshAnmanaso hyevaM vegena smR^itirudgatA || 86||
mahimni ramate yogI na svarUpaM prapadyate |
ityuktyA yogino bhogo dishyate na tu mokShaNam || 87||
alpamapyantaraM kR^itvA bhayametIti cha shruteH |
nAbhayaM vindate yogItyayamartho nirUpitaH || 88||
vinA vivekamatroktaM svashaktyA cha haThena cha |
yatamAno hi diShTo.atra na tu sarvo.api yogagaH || 89||
yAvanna sajjate so.ayaM vichAre.aha~NkR^itiM tyajan |
paraM vA sharaNaM yAti tAvannAyaM vimuchyate || 90||

           pa~nchamashlokaH
tvayyarpitamanasA tvAM
       pashyansarvaM tavAkR^ititayA satatam |
bhajate.ananyaprItyA
       sa jayataruNAchala tvayi sukhe magnaH || 5||
##
tvayi  -  in  you;  arpita  -  surrendered;  manasa  -  by  mind;  tvam  -  you;  paœyan  -  seeing;  sarvam - all, everything; tava - your; akrititaya - as form; satatam - always; bhajate - who worships; ananya - otherless; pritya - by love; sah - he; jayati - triumphs; arunachala - O Arunachala; tvayi - in you; sukhe - in bliss; magnah - having drowned 

O Arunachala! Seeing you by mind surrendered in you, he who by otherless love always worships everything as your form, triumphs having drowned in bliss in you.
##
       pa~nchashlokasyAnuvAdaH
tvadarpitena chetasA.anuraktamAnasastvayi
tvadAkRRititvato.akhilaM jagatsamIkShya sarvadA |
ananyabhaktiyogato bhajansukhAmbudhau tvayi
nimagnadhIrjayatyasau sa uttamo hi yogiShu  ||
##
He that loves Thee, having his mind absorbed in Thee, ever seeing all the world as forms of Thee, and cherishing Thee with undivided love, excels (all other yogis), being merged in Thee, the Sea of Bliss. He is indeed the best of yogis.
##
       vArttikam
ato vishiShyate premI tadarpitamanAH sadA |
vismR^itya svaM cha tatpremNA vIkShate tanmayaM jagat || 91||
##"## yo mAM pashyati sarvatra sarvaM cha mayi pashyati |
tasyAhaM na praNashyAmi sa cha me na praNashyati ##"## || 92||
##"## yoginAmapi sarveShAM madgatenAntarAtmanA |
shraddhAvAn bhajate yo mAM sa me yuktatamo mataH  ##"##||
iti gItAsu sandiShTaM pAramyaM premiNaH kila || 93||
pashyaMstaM sa sadA preShThaM tadAnande nimagnadhIH |
muktaprAyo hyasau kAlAnmuktimAtyantikIM vrajet || 94||
bhaktiyogena labhyeta parasmin prema shobhanam |
uktA bhAgavate bhaktirnavadhA shravaNAdikA |
prapattirnavamA tattu parasmai svanivedanam || 95||
##"## daivI hyeShA guNamayI mama mAyA duratyayA |
mAmeva ye prapadyante mAyAmetAM taranti te ##"##||
ityupAyaH prapattirhi mAyAmokShAya dishyate || 96||
mAyayA viShayeShveva prItiH sa~njAyate nR^iNAm |
prapanno mAyayA muktaH parasmin premavAn bhavet || 97||
ataH parasmin kartavyA bhaktiH paramashobhanA |
Atmatvena pR^ithaktvena katha~nchit paramaM bhajet || 98||
bhajanAt premNi sa~njAte pArthakyaM sraMsate chirAt |
abhedaH shiShyate satya evaM bhaktaH kR^itI bhavet || 99||
premavA~njayatItyuktyA yogibhyo.asau vishiShyate |
ato vichAre no cheddhIrichChet premNA.a.aptumIshvaram || 100||

       stotrasamudAyArthaH
##"## na hi j~nAnena sadR^ishaM pavitramiha vidyate ##"## |
iti pUrvoktamevArthamiva darshayati svayam || 101||
vR^iddha ityuchyate j~nAnI premI bAla itIryate |
aha~NkAraparItAtmA yogI prokto yuveti cha || 102||
atra yauvanamevAdyaM tato bAlatvavR^iddhate |
sAha~NkAratvamevAdau niraha~NkAratA parA |
yogAdbhaktistataH prema tato j~nAnamiti kramaH || 103||
uttamo bhavati j~nAnI nikR^iShTo yogatatparaH |
madhyamo bhavati premI teShAmevaM bhidA matA || 104||
mokShakAraNasAmagryAM bhaktireva garIyasI |
bhaktiprakAre sarvasmin vichAraH paramottamaH || 105||
vichAreNAnnatAM yAti paramasya svayaM hR^idi |
vichArI paramo bhakto j~nAtvaivaM svaM vichArayan || 106||
vichAreNaiva sampUrNaM parasmai svanivedanam |
vichAreNAnnatAmetya na tato bhidyate yataH || 107||

       ma~Ngalam
Ishvaro gururAtmeti mUrtibhedavibhAgine |
parasmai ramaNAkhyAya pa~ncharatnakR^ite namaH || 108||

       iti shivam

##
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit.  The original pancharatna was
composed by Maharshi in Tamil and also translated by him into Sanskrit.
   
##
etad ramaNa maharSherdarshanamaruNAchalasya devagirA |
pa~nchakamAryAgItau ratnaM tvidamaupaniShadaM hi ||

iti shrI pArAsharyasya bhagavato maharSherAchArya
ramaNasya darshanamaruNAchalapa~ncharatnam  ||
##

Encoded and proofread by Sunder Hattangadi

This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}