% Text title            : Brihaspatikritam 1 Shiva Stotram
% File name             : bRRihaspatikRRitaM1shivastotram.itx
% Category              : shiva, brahmapurANa, stotra
% Location              : doc\_shiva
% Proofread by          : PSA Easwaran
% Description/comments  : brahmapurANa | adhyAya 122/74-82||
% Latest update         : October 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brihaspatikritam 1 Shiva Stotram ..}##
\itxtitle{.. bR^ihaspatikR^itaM 1 shivastotram ..}##\endtitles ##
bR^ihaspatiruvAcha |
sUkShmaM paraM jo(jyo)tiranantarUpamo~NkAramAtraM prakR^iteH paraM yat |
chidrUpamAnandamayaM samastamevaM vadantIsha mumukShavastvAm || 74||
ArAdhayantyatra bhavantamIshaM mahAmakhaiH pa~nchabhirapyakAmAH |
saMsArasindhoH paramAptakAmA vishanti divyaM bhuvanaM vapuste || 75||
sarveShu sattveShu samatvabud.hdhyA saMvIkShya ShaTsUrmiShu shAntabhAvAH |
j~nAnena te karmaphalAni hitvA dhyAnena te tvAM pravishanti shambho || 76||
na jAti dharmANi na vedashAstraM na dhyAnayogo na samAdhidharmaH |
rudraM shivaM sha~NkaraM shAntachittaM bhaktyA devaM somamahaM namasye || 77||
mUrkho.api shambho tava pAdabhaktyA samApnuyAnmuktimayIM tanuM te |
j~nAneShu yaj~neShu tapaHsu chaiva dhyAneShu homeShu mahAphaleShu || 78||
sampannametatphalamuttamaM yatsomeshvare bhaktiraharnishaM yat |
svargasya jIvasya sadA priyasya phalasya dR^iShTasya tathA shrutasya || 79||
svargasya mokShasya jagannivAsa sopAnapa~Nktistava bhaktireShA |
tvatpAdasamprAptiphalAptaye tu sopAnapa~NktiM na vadanti dhIrAH || 80||
tasmAddayAlo mama bhaktirastu naivAstyupAyastava rUpasevA |
AtmIyamAlokya mahattvamIsha pApeShu chAsmAsu kuru prasAdam || 81||
sthUlaM cha sUkShmaM tvamanAdi nityaM pitA cha mAtA yadasachcha sachcha |
evaM stuto yaH shrutibhiH purANairnamAmi someshvaramIshitAram || 82||

iti brahmapurANe dvAviMshAdhikashatatamAdhyAyAntargataM
         bR^ihaspatikR^itaM shivastotraM samAptam |

brahmapurANa | adhyAya 122/74\-82||
##
brahmapurANa . adhyAya 122/74-82..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}