% Text title : Batukabhairava Ashtottarashatanama Stotram 1 % File name : baTukabhairavAShTottarashatanAmastotram.itx % Category : aShTottarashatanAma, shiva % Location : doc\_shiva % Transliterated by : Gopal Upadhyay gopal.j.upadhyay at gmail.com % Proofread by : Gopal Upadhyay, PSA Easwaran % Description-comments : rudra yAmale vishvasAroddhAre. See corresponding nAmAvalI % Source : Shivanama Manjari 1, page 480 % Latest update : June 23, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. ShrI Batukabhairava Ashtottarashatanama Stotram ..}## \itxtitle{.. shrIbaTukabhairavAShTottarashatanAmastotram ..}##\endtitles ## ApaduddhArakabaTukabhairavastotram || shrIgaNeshAya namaH || || shrIumAmaheshvarAbhyAM namaH || || shrIgurave namaH || || shrIbhairavAya namaH || merupR^iShThe sukhAsInaM devadevaM trilochanam | sha~NkaraM paripaprachCha pArvatI parameshvaram || 1|| shrIpArvatyuvAcha \- bhagavansarvadharmaj~na sarvashAstrAgamAdiShu | ApaduddhAraNaM mantraM sarvasiddhikaraM param || 2|| sarveShAM chaiva bhUtAnAM hitArthaM vA~nChitaM mayA | visheShamatastu rAj~nAM vai shAntipuShTiprasAdhanam || 3|| a~NganyAsakaranyAsadehanyAsasamanvitam | vaktumarhasi devesha mama harShavivarddhanam || 4|| sha~Nkara uvAcha \- shR^iNu devi mahAmantramApaduddhArahetukam | sarvaduHkhaprashamanaM sarvashatruvinAshanam || 5|| apasmArAdi rogAnAM jvarAdInAM visheShataH | nAshanaM smR^itimAtreNa mantrarAjamimaM priye || 6|| graharogatrANanAM cha nAshanaM sukhavarddhanam | snehAdvakShyAmi taM mantraM sarvasAramimaM priye || 7|| sarvakAmArthadaM puNyaM rAjyaM bhogapradaM nR^iNAm | ApaduddhAraNamiti mantraM vakShyAmyasheShataH || 8|| praNavaM pUrvamuddhR^itya devI praNavamuddharet | baTukAyeti vai pashchAdApaduddhAraNAya cha || 9|| kuru dvayaM tataH pashchAdvaTukAya punaH kShipet | devIM praNavamuddhR^itya mantroddhAramimaM priye || 10|| mantroddhAramidaM devI trailokyasyApi durlabham | OM hrIM baTukAya ApaduddhAraNAya kuru\-kuru baTukAya hrIm | aprakAshyamimaM mantraM sarvashaktisamanvitam || 11|| smaraNAdeva mantrasya bhUtapretapishAchakAH | vidravantyatibhItA vai kAlarudrAdiva dvijAH || 12|| paThedvA pAThayedvApi pUjayedvApi pustakam | agnichaurabhayaM tasya graharAjabhayaM tathA || 13|| na cha mAribhayaM ki~nchitsarvatraiva sukhI bhavet | AyurArogyamaishvaryaM putrapautrAdi sampadaH || 14|| bhavanti satataM tasya pustakasyApi pUjanAt | na dAridryaM na daurbhAgyaM nApadAM bhayameva cha || 15|| shrIpArvatyuvAcha \- ya eSha bhairavo nAma ApaduddhArako mataH | tvayA cha kathito deva bhairavaHkalpavittamaH || 16|| tasya nAma sahasrANi ayutAnyarbudAni cha | sAraM samuddhR^itya teShAM vai nAmAShTashatakaM vada || 17|| yAni sa~NkIrtayanmartyaH sarvaduHkhavivarjitaH | sarvAnkAmAnavApnoti sAdhakaHsiddhimeva cha || 18|| Ishvara uvAcha \- shR^iNu devi pravakShyAmi bhairavasya mahAtmanaH | ApaduddhArakasyedaM nAmAShTashatamuttamam || 19|| sarvapApaharaM puNyaM sarvApattivinAshanam | sarvakAmArthadaM devi sAdhakAnAM sukhAvaham || 20|| sarvama~NgalamA~NgalyaM sarvopadravanAshanam | AyuShkaraM puShTikaraM shrIkaraM cha yashaskaram || 21|| nAmAShTashatakasyAsya Chando.anuShTup prakIrtitaH | bR^ihadAraNyako nAma R^iShirdevo.atha bhairavaH || 22|| lajjAbIjaM bIjamiti baTukAmeti shaktikam | praNavaH kIlakaM proktamiShTasiddhau niyojayet || 23|| aShTabAhuM trinayanamiti bIjaM samAhitaH | shaktiH hrIM kIlakaM sheShamiShTasiddhau niyojayet || 24|| OM asya shrImadApaduddhAraka-baTukabhairavAShTottarashatanAmastotrasya bR^ihadAraNyaka R^iShiH | anuShTup ChandaH| shrImadApaduddhAraka-baTukabhairavo devatA | baM bIjam | hrIM vaTukAya iti shaktiH | praNavaH kIlakam | mamAbhIShTasiddhyarthe jape viniyogaH || || R^iShyAdi nyAsaH || shrIbR^ihadAraNyakaR^iShaye namaH (shirasi)| anuShTap Chandase namaH (mukhe)| shrIbaTukabhairava devatAyai namaH (hR^idaye)| OM baM bIjAya namaH (guhye)| OM hrIM vaTukAyeti shaktaye namaH pAdayoH | OM kIlakAya namaH (nAbhau)| viniyogAya namaH sarvA~Nge | || iti R^iShyAdi nyAsaH || || atha karanyAsaH || OM hrAM vAM IshAnAya namaH a~NguShThAbhyAM namaH | OM hrIM vIM tatpuruShAya namaH tarjanIbhyAM namaH | OM hrUM vUM aghorAya namaH madhyamAbhyAM namaH | OM hraiM vaiM vAmadevAya namaH anAmikAbhyAM namaH | OM hrauM vauM sadyojAtAya namaH kaniShThikAbhyAM vamaH | OM hraH vaH pa~nchavaktrAya mahAdevAya namaH karatalakarapR^iShThAbhyAM namaH | || iti karanyAsaH || || atha hR^idayAdi nyAsaH || OM hrAM vAM IshAnAya namaH hR^idayAya namaH | OM hrIM vIM tatpuruShAya namaH shirase svAhA | OM hrUM vUM aghorAya namaH shikhAyai vaShaT | OM hraiM vaiM vAmadevAya namaH kavachAya hum | OM hrauM vauM sadyojAtAya namaH netratrayAya vauShaT | OM hraH vaH pa~nchavaktrAya mahAdevAya namaH astrAya phaT | || iti hR^idayAdi nyAsaH || atha dehanyAsaH | bhairavaM mUrdhni vinyasya lalATe bhImadarshanam | netrayorbhUtahananaM sArameyAnugaM bhruvoH || 25|| karNayorbhUtanAthaM cha pretabAhuM kapolayoH | nAsauShThayoshchaiva tathA bhasmA~NgaM sarpavibhUShaNam || 26|| anAdibhUtabhAShyau cha shaktihastakhale nyaset | skandhayordaityashamanaM vAhvoratulatejasaH || 27|| pANyoH kapAlinaM nyasya hR^idaye muNDamAlinam | shAntaM vakShasthale nyasya stanayoH kAmachAriNam || 28|| udare cha sadA tuShTaM kShetreshaM pArshvayostathA | kShetrapAlaM pR^iShThadeshe kShetraj~naM nAbhideshake || 29|| pApaughanAshanaM kaTyAM baTukaM li~Ngadeshake | gude rakShAkaraM nyasyettathorvorraktalochanam || 30|| jAnunorghurghurArAvaM ja~Nghayo raktapANinam | gulphayoH pAdukAsiddhaM pAdapR^iShThe sureshvaram || 31|| ApAdamastakaM chaiva ApaduddhArakaM tathA | pUrve DamaruhastaM cha dakShiNe daNDadhAriNam || 32|| khaDgahaste pashchimAyAM ghaNTAvAdinamuttare | AgneyyAmagnivarNaM cha nairR^itye cha digambaram || 33|| vAyavyAM sarvabhUtasthamaishAnye chAShTasiddhidam | UrdhvaM khechAriNaM nyasya pAtAle raudrarUpiNam || 34|| evaM vinyasya svadehasya ShaDa~NgeShu tato nyaset | rudraM mukhoShThayornyasya tarjanyoshcha divAkaram || 35|| shivaM madhyamayornyasya nAsikAyAM trishUlinam | brahmANaM tu kaniShThikyAM stanayostripurAntakam || 36|| mAMsAsinaM karAgre tu karapR^iShThe digambaram | atha nAmA~NganyAsaH | hR^idaye bhUtanAthAya AdinAthAya mUrddhani || 37|| AnandapAdapUrvAya nAthAya cha shikhAsu cha | siddhasAmaranAthAya kavachaM vinyasettataH || 38|| sahajAnandanAthAya nyasennetratrayeShu cha | paramAnandanAthAya astraM chaiva prayojayet || 39|| evaM nyAsavidhiM kR^itvA yathAvattadanantaram | tasya dhyAnaM pravakShyAmi yathA dhyAtvA paThennaraH || 40|| shuddhasphaTikasa~NkAshaM nIlA~njanasamaprabham | aShTabAhuM trinayanaM chaturbAhuM dvibAhukam || 41|| daMShTrAkarAlavadanaM nUpurArAvasa~Nkulam | bhuja~NgamekhalaM devamagnivarNaM shiroruham || 42|| digambaraM kumArIshaM baTukAkhyaM mahAbalam | khaTvA~NgamasipAshaM cha shUlaM dakShiNabhAgataH || 43|| DamaruM cha kapolaM cha varadaM bhujagaM tathA | agnivarNaM samopetaM sArameyasamanvitam || 44|| dhyAtvA japetsusaMspR^iShTaH sarvAnkAmAnavApnuyAt || dhyAtvA japetsusaMspR^iShTaH sarvAnkAmAnavApnuyAt || mantramahArNave sAttvikadhyAnam \- vande bAlaM sphaTikasadR^ishaM kuNDalobhAsitA~NgaM divyAkalpairnavamaNimayaiH ki~NkiNInUpurADhyaiH || dIptAkAraM vishadavasanaM suprasannaM trinetraM hastAgrAbhyAmbaTukeshaM shUladaNDairdadhAnam || 1|| mantramahArNave rAjasadhyAnam \- udyadbhAskarasannibhaM trinayanaM raktA~NgarAgasrajaM smerAsyaM varadaM kapAlamabhayaM shUlaM dadhAnaM karaiH || nIlagrIvamudArabhUShaNayutaM shItAMshukhaNDojjvalaM bandhUkAruNavAsasaM bhayaharaM devaM sadA bhAvaye || 2|| mantramahArNave tAmasadhyAnam \- dhyAyennIlAdrikAntiM shashishakaladharaM muNDamAlaM maheshaM digvastraM pi~NgalAkShaM Damarumatha sR^iNiM khaDgapAshAbhayAni || nAgaM ghaNTAM kapAlaM karasarasiruhairbibhrataM bhImadaMShTraM, divyAkalpaM trinetraM maNimayavilasatki~NkiNInUpurADhyam || 3|| || iti dhyAnatrayam || sAttvikaM dhyAnamAkhyAta~nchaturvargaphalapradam | rAjasaM kAryashubhadaM tAmasaM shatrunAshanam || 1|| dhyAtvA japetsusaMhR^iShTaH sarvAnkAmAnavApnuyAt | AyurArogyamaishvaryaM siddhyarthaM viniyojayet || 2|| viniyogaH OM asya shrIbaTukabhairavanAmAShTashatakasya ApaduddhAraNastomantrasya, bR^ihadAraNyako nAma R^iShiH, shrIbaTukabhairavo devatA, anuShTup ChandaH, hrIM bIjam, baTukAyeti shaktiH, praNavaH kIlakaM, abhIShTatAM siddhyirthe jape viniyogaH || hrIM hrauM namaH shivAya iti namaskAra mantraH || || atha dhyAnam || vande bAlaM sphaTikasadR^ishaM kuNDalodbhAsivaktraM divyAkalpairnavamaNimayaiH ki~NkiNInUpurADhyaiH | dIptAkAraM vishadavadanaM suprasannaM trinetraM hastAgrAbhyAM vaTukamanishaM shUladaNDau dadhAnam || karakalitakapAlaH kuNDalI daNDapANiH taruNatimiranIlo vyAlayaj~nopavItI | kratusamayasaparyAvighnavichChiptihetuH jayati vaTukanAthaH siddhidaH sAdhakAnAm || shuddhasphaTikasa~NkAshaM sahasrAdityavarchasam | nIlajImUtasa~NkAshaM nIlA~njanasamaprabham || aShTabAhuM trinayanaM chaturbAhuM dvibAhukam | dashabAhumathograM cha divyAmbaraparigraham || daMShTrAkarAlavadanaM nUpurArAvasa~Nkulam | bhuja~NgamekhalaM devamagnivarNaM shiroruham || digambaramAkureshaM baTukAkhyaM mahAbalam | khaTvA~NgamasipAshaM cha shUlaM dakShiNabhAgataH || DamaruM cha kapAlaM cha varadaM bhujagaM tathA | AtmavarNasamopetaM sArameyasamanvitam || || iti dhyAnam || || mUlamantraH || OM hrIM baTukAyApaduddhAraNAya kuru kuru baTukAya hrIM OM isakA japa 11 21 51 yaa 108 bAra kare || atha stotram || OM hrIM bhairavo bhUtanAthashcha bhUtAtmA bhUtabhAvanaH | kShetraj~naH kShetrapAlashcha kShetraj~naH kShatriyo virAT || 1|| shmashAnavAsI mAMsAshI kharparAshI smarAntakaH | raktapaH pAnapaH siddhaH siddhidaH siddhasevitaH || 2|| ka~NkAlaH kAlashamanaH kalAkAShThAtanuH kaviH | trinetro bahunetrashcha tathA pi~NgalalochanaH || 3|| shUlapANiH khaDgapANiH ka~NkAlI dhUmralochanaH | abhIrurbhairavInAtho bhUtapo yoginIpatiH || 4|| dhanado.adhanahAri cha dhanavAnprItivardhanaH | pratibhAnavAn nAgahAro nAgakesho vyomakesho kapAlabhR^it || 5|| nAgapAsho kAlaH kapAlamAli cha kamanIyaH kalAnidhiH | trilochano jvalannetrastrishikhI cha trilokabhR^it || 6|| trilokapaH trinetratanayo DimbhaH shAntaH shAntajanapriyaH | baTuko baTuveshashcha khaTvA~NgavaradhArakaH || 7|| bhUtAdhyakSho pashupatirbhikShukaH parichArakaH | dhUrto digambaraH shUro hariNaH pANDulochanaH || 8|| prashAntaH shAntidaH shuddhaH sha~NkarapriyabAndhavaH | aShTamUrtirnidhIshashcha j~nAnachakShustapomayaH || 9|| aShTAdhAraH ShaDAdhAraH sarpayuktaH shikhIsakhaH | bhUdharo bhudharAdhIsho bhUpatirbhUdharAtmajaH || 10|| ka~NkAladhArI muNDI cha Antrayaj~nopavItavAn | ## variation ## kapAladhAri muNDI cha nAgayaj~nopavItavAn | jR^imbhaNo mohanaH stambhI mAraNaH kShobhaNastathA || 11|| shuddhanIlA~njanaprakhyo daityahA muNDavibhUShitaH | balibhug balibhu~NnAtho bAlo.abAlaparAkramaH || 12|| sarvApattAraNo durgo duShTabhUtaniShevitaH | kAmI kalAnidhiH kAntaH kAminIvashakR^idvashI || 13|| jagadrakShAkaro.ananto mAyAmantrauShadhImayaH | sarvasiddhiprado vaidyaH prabhaviShNuritIva hi hrIM om || 14|| phalashrutiH | aShTottarashataM nAmnAM bhairavAya mahAtmanaH | mayA te kathitaM devi rahasyaM sarvakAmadam || 15|| ya idaM paThati stotraM nAmAShTashatamuttamam | na tasya duritaM ki~nchinna rogebhyo bhayaM bhavet || 16|| na cha mArIbhayaM ki~nchinna cha bhUtabhayaM kvachit | na shatrubhyo bhayaM ki~nchitprApnuyAnmAnavaH kvachit || 17|| pAtakebhyo bhayaM naiva yaH paThetstotramuttamam | mArIbhaye rAjabhaye tathA chaurAgnije bhaye || 18|| autpattike mahAghore tathA duHkhapradarshane | bandhane cha tathA ghore paThetstotramanuttamam || 19|| sarvaM prashamamAyAti bhayaM bhairavakIrtanAt | ekAdashasahasraM tu purashcharaNamuchyate || 20|| yastrisandhyaM paTheddevi saMvatsaramatandritaH | sa siddhiM prApnuyAdiShTAM durlabhAmapi mAnavaH || 21|| ShaNmAsaM bhUmikAmastu japitbA prApnuyAnmahIm | rAjashatryuvinAshArthaM paThenmAsAShTakaM punaH || 22|| rAtrau vAratrayaM chaiva nAshayatyeva shAtravAn | japenmAsatrayaM martyo rAjAnaM vashamAnayet || 23|| dhanArthI cha sutArthI cha dArArthI chApi mAnavaH | paThen (japen) mAsatrayaM devi vAramekaM tathA nishi || 24|| dhanaM putraM tathA dArAnprApnuyAnnAtra saMshayaH | rogI bhayAtpramuchyeta baddho muchyeta bandhanAt || 25|| bhIto bhayAtpramuchyeta devi satyaM na saMshayaH | nigaDishchApi baddho yaH kArAgehe nipAtitaH || 26|| shR^i~NkhalAbandhanaM prAptaM paThechchaiva divAnishi | yaM yaM chintayate kAmaM taM taM prApnoti nishchitam | aprakAshyaM paraM guhyaM na deyaM yasya kasyachit || 27|| sukulInAya shAntAya R^ijave dambhavarjite | dadyAtstotramimaM puNyaM sarvakAmaphalapradam || 28|| jajApa paramaM prApyaM bhairavasya mahAtmanaH | bhairavasya prasannAbhUtsarvalokamaheshvarI || 29|| bhairavastu prahR^iShTo.abhUtsarvagaH parameshvaraH | jajApa parayA bhaktyA sadA sarveshvareshvarIm || 30|| || iti shrIbaTukabhairavAShTottarashatanAmastotraM sampUrNam || ## Encoded and proofread by Gopal Upadhyay gopal.j.upadhyay at gmail.com PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}