% Text title            : Batukabhairava Hridayam
% File name             : baTukabhairavahRidayastotram.itx
% Category              : hRidaya, shiva
% Location              : doc\_shiva
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, NA
% Latest update         : November 21, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Batukabhairava Hridayastotram ..}##
\itxtitle{.. shrIbaTukabhairavahR^idayastotram ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||
|| shrIgurave namaH ||
|| shrIbhairavAya namaH ||
pUrvapIThikA
kailAshashikharAsInaM devadevaM jagadgurum |
devI paprachCha sarvaj~naM sha~NkaraM varadaM shivam || 1||
|| shrIdevyuvAcha ||
devadeva pareshAna bhakttAbhIShTapradAyaka |
prabrUhi me mahAbhAga gopyaM yadyapi na prabho || 2||
baTukasyaiva hR^idayaM sAdhakAnAM hitAya cha |
|| shrIshiva uvAcha ||
shR^iNu devi pravakShyAmi hR^idayaM baTukasya cha || 3||
guhyAdguhyataraM guhyaM tachChR^iNuShva tu madhyame |
hR^idayAsyAsya deveshi bR^ihadAraNyako R^iShiH || 4||
Chando.anuShTup samAkhyAto devatA baTukaH smR^itaH |
prayogAbhIShTasiddhayarthaM viniyogaH prakIrtitaH || 5||

|| savidhi hR^idayastotrasya viniyogaH ||
OM asya shrIbaTukabhairavahR^idayastotrasya shrIbR^ihadAraNyaka R^iShiH |
anuShTup ChandaH | shrIbaTukabhairavaH devatA |
abhIShTasiddhyarthaM pAThe viniyogaH ||

|| atha R^iShyAdinyAsaH ||
shrI bR^ihadAraNyakaR^iShaye namaH shirasi |
anuShTupChandase namaH mukhe |
shrIbaTukabhairavadevatAyai namaH hR^idaye |
abhIShTasiddhyarthaM pAThe viniyogAya namaH sarvA~Nge ||
|| iti R^iShyAdinyAsaH ||

OM praNaveshaH shiraH pAtu lalATe pramathAdhipaH |
kapolau kAmavapuSho bhrUbhAge bhairaveshvaraH || 1||
netrayorvahninayano nAsikAyAmaghApahaH |
UrdhvoShThe dIrghanayano hyadharoShThe bhayAshanaH || 2||
chibuke bhAlanayano gaNDayoshchandrashekharaH |
mukhAntare mahAkAlo bhImAkSho mukhamaNDale || 3||
grIvAyAM vIrabhadro.avyAd ghaNTikAyAM mahodaraH |
nIlakaNTho gaNDadeshe jihvAyAM phaNibhUShaNaH || 4||
dashane vajradashano tAluke hyamR^iteshvaraH |
dordaNDe vajradaNDo me skandhayoH skandavallabhaH || 5||
kUrpare ka~njanayano phaNau phetkAriNIpatiH |
a~NgulIShu mahAbhImo nakheShu aghahA.avatu || 6||
kakShe vyAghrAsano pAtu kaTyAM mAta~NgacharmaNI |
kukShau kAmeshvaraH pAtu vastideshe smarAntakaH || 7||
shUlapANirli~Ngadeshe guhye guhyeshvaro.avatu |
ja~NghAyAM vajradamano jaghane jR^imbhakeshvaraH || 8||
pAdau j~nAnapradaH pAtu dhanadashchA~NgulIShu cha |
digvAso romakUpeShu sandhideshe sadAshivaH || 9||
pUrvAshAM kAmapIThasthaH uDDIshastho.agnikoNake |
yAmyAM jAlandharastho me nairR^ityAM koTipIThagaH || 10||
vAruNyAM vajrapIThastho vAyavyAM kulapIThagaH |
udIchyAM vANapIThasthaH aishAnyAmindupIThagaH || 11||
UrdhvaM bIjendrapIThasthaH kheTastho bhUtalo.avatu |
ruruH shayAne.avatu mAM chaNDo vAde sadA.avatu || 12||
gamane tIvranayanaH AsIne bhUtavallabhaH |
yuddhakAle mahAbhImo bhayakAle bhavAntakaH || 13||
rakSha rakSha pareshAna bhImadaMShTra bhayApaha |
mahAkAla mahAkAla rakSha mAM kAlasa~NkaTAt || 14||
|| phalashrutiH ||
itIdaM hR^idayaM divyaM sarvapApapraNAshanam |
sarvasampatpradaM bhadre sarvasiddhiphalapradam ||

|| iti shrIbaTukabhairavahR^idayastotraM sampUrNam ||

##
Encoded and proofread by  Gopal Upadhyay gopal.j.upadhyay at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}