% Text title            : Batukabhairava Lahari
% File name             : baTukabhairavalaharI.itx
% Category              : shiva
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Latest update         : October 13, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Batukabhairava Lahari ..}##
\itxtitle{.. baTukabhairavalaharI ..}##\endtitles ##
(baTukabhairavAShTottarashatanAmagarbhitA)
bhajante yadbhargaprabhavabhuvanAbhogabharitaM
prabhAbhirbhAsvantaM bhagavati bhave bhAvitatanum |
bhayArttA bhaktAyaM bhuvanabhayabha~NgAya bhuvi taM
bhaje bhavyaibhavairbhavabhayaharaM \ldq{}bhairava\rdq{}maham || 1||
bibheti klesho.asmAdatha jagadidaM bhIShaNatamAd
bhayaM vinte kiM vA tridivapatayo vibhyati yataH |
ravaM bhImaM kR^itvA ditijagaNamAmardayati yaH
sa \ldq{}bhUtAnAM nAthaH\rdq{} kiratu karuNAdR^iShTi kiraNAn || 2||
samUhaM duHkhAnAM pariharati yo bhairavavaro
bhiyA sarvAn bhIrUn ravayati tathA rodayati cha |
bibharti svAtmAnaM bharati cha jagat so.atimatimAn
vidhattAM \ldq{}bhUtAtmA\rdq{} matimalitamAM tachcharaNayoH || 3||
ameyAtmA nityaM nijamatimatAmunnatividhau
dayArdraH kR^itsnAni kvathayati kukR^ityAni tarasA |
vidhatte yaH satyaM sharaNamupayAtaM gatabhayaM
sa bhavyo \ldq{}bhUtAnAM\rdq{} hR^idi vilasatAd\ldq{}bhAvana\rdq{} iha || 4||
vapushchaitat kShetraM kShitijalahavirvAyunabhasAM
samaShTyA sampannaM tadapi na vinA kShetrapatinA |
samarthaM sarvorthe bhavati bhagavan ! bhavyad ! tataH
sureshaM \ldq{}kShetraj~naM\rdq{} namati na janaH ko.atra matimAn || 5||
rasAM rAjyaM rAmAM vapuratha vayastattvaghaTitaM
samaShTayA vyaShTyA yo vikR^itisaMhitaM bhUpatiriva |
ala pAlaM pAlaM svalati bhuvi bhaktAnavikalaM
sa bhadraM \ldq{}kShetrANA\rdq{} manavarata \ldq{}pAlaH\rdq{} kalayatu || 6||
prabhurbAlo dIptaH sphaTikasadR^ishaH kuntalaruchA
sphuradvaktro divyairnavamaNigaNairbhAsitatanuH |
trishUlaM daNDaM cha svakarayugale dhAraNA paraH
prasAdaM bhaktebhyo vitaratu sadA \ldq{}kShetrada\rdq{} iha || 7||
sadodyatsUryAbhastrinayanayutaH pANiShu dadhat
kapAlaM shUlaM chAbhayavaradayugmaM smitamukhaH |
ala~NkArai ramyairapi vilasitaH shoNavasanaH
kShatAt trAntu sadyo bhavatu sadayaH \ldq{}kShatriya\rdq{} varaH || 4||
sR^iNiM khaDgaM pAMsha DamarumabhayaM nAgamasitaM
kapAlaM ghaNTA~ncha svakarakamalairvibhradanisham |
nR^imuNDAnAM mAlAM shashadharakalAM pi~NgachikurAn
dardhAno digvAsAH sakalasukhadAtA.avatu \ldq{}virAT\rdq{} || 9||
shavobhUtvA yasmin pralayasamaye bhUtanivahaH
svayaM shete kiMvA vijanavasatau niShThati cha yaH |
aha~NkAre kAshyAM vasati sitasAnau himagireH
\ldq{}shmashAne vAsI\rdq{} me shamayatu sa nityaM yamabhayam || 10||
sadA mAM lakShmIM yaH syati vikurute durvyasaninaM
tamashnAtyAhosvit kusR^itirahitairj~nAnasahitaiH |
subhaktaiH prAptavyo nijajanaripUNAmapi tathA
sa \ldq{}mAMsAshI\rdq{} mAMsaM mama ripugaNasyAttu satatam || 11||
vidhatte yo dhAturduhitR^ikamituH pa~nchamashiraH\-
kapAle rudraH sannashanamathavA yaH ravaraparam |
svayaM rAmo bhUtvA dashavadanamarvatyapi sa \ldq{}rava\-
rparAshI\rdq{} dattvAshIrvachanamaghanAshI bhavatu naH || 12||
tanIyasyA smR^ityA.apyahamatanurudbhUya manasi
prakAmaM vaikalyaM sapadi janayAmItyatimadAt |
tapasyantaM shambhuM vashayitumayaichChadhR^idi tadA
\ldq{}smarasyAntaM\rdq{} kR^itvA hyagamadbhidhAmantakamayIm || 13||
surANAM martyAnAM charaNasharaNaM saMshritavatAM
dayApArAvAro damayati dalaM dveShaNaratam |
tathApyuddAmA ye prashamamupayAntIha na tadA
pibaMsteShAM raktaM bhavati baTuko \ldq{}raktapa\rdq{} iti || 14||
jalenendro bhUtvAjagadimalaM pAti kR^ipayA
tathA.aj~nAnaM pAnaM harati parito rAti sumatim |
kadAchillokAnAM vikR^itimatidR^iShTayA pibati yo
mude.asau madyaM vA madayati tadA \ldq{}pAnapa\rdq{} varaH || 15||
sadA sadbhiH sevyaH sakalavasudhA.a.asechanaparaH
surArAdhyaH sAdhyaH saralasaralaiH svAntarasitaiH |
susaMskAreH siktAn svajanasahitAn sAdhu vidadhat
svayaM siddhaH \ldq{}siddhaH\rdq{} satatamavatAt siddhasahitaH || 16||
sakAmaM smartR^ibhyo dishati ruchimatsiddhimatulAM
bhajadbhyo niShkAmaM vitarati tathA muktimamalAm |
akhaNDabrahmANDaprathitamahimodyadyutimayI
yataH sarvA sampadvilasati sadA \ldq{}siddhida\rdq{}vibhau || 17||
ayante tatraiva prasabhamakhilAH kintu madhupAH
praphullaH puShpaudho bhavati madhubhR^itsarasaH |
nidhAnaM siddhInAM lasati hi tathaivAtra baTuke
samR^iddhaiH sat\ldq{}siddhaiH\rdq{} shubhati satataH \ldq{}sevita\rdq{} iha || 18||
mukhadvAre pUjyaH prathamamahi ka~NkAlabaTuka\-
stR^itIyenAkShNA sa krudhamupagataH shoShayati kam |
sukha~nchAtmIyAnAM kalayati karAlo.api nitarAM
sa \ldq{}ka~NkAla\rdq{} ka~NkeShvavalati cha shiro.ajasya chuTati || 19||
jagajjAle kAlaH prabala iti loko.api manute
balaM svIyaM kShINaM hatamatiralaM hanta ! tanute |
dhR^itavyAlo bhAle lasadamR^itasUH shUladharaNaH
paraM tasyApIsho jayati nahi kiM \ldq{}kAlashamanaH\rdq{} ? || 20||
kalAnAM yAH kAShThA baTukavapuShastAH pariNatA\-
stathA di~NnAthaH sanniha hi sakalAstAH sa tanute |
kalAtItA kalyA kaluShamakhilaM sA kShapayatAt
\ldq{}kalAkAShThA\rdq{} rUpA tridashamahitA tasya cha \ldq{}tanuH\rdq{} || 21||
sitA shyAmA raktA sphuritavapuSho rAjati Chavi\-
rvipadbhUdbhR^idbhittyai bhavati nijabhaktasya cha paviH |
jaDAnAM jA.ayaM yaH prakharakiraNairasyati ravi\-
rmudastAchChAstrANAM chayamapi baTuH kauti sa \ldq{}kaviH\rdq{} || 22||
trayIgItaH prItaH pashupatiradhIshastri jagatAM
guNAtItaH shItadyutikara kalAla~NkR^ita jaTaH |
mahAdevo duShTagrahakR^itasapatrAkR^itiharaH
\ldq{}trinetraH\rdq{} trAtA me jagati na paraH ko.api vibudhaH || 23||
laghUn sthUlAn sUkShmAn kimaNuparamANUnatha tato\-
.apyatIva kShINAn yaH karabadaravat pashyati sadA
ato lokaH stokaH prathitamahimA taM prati yataH
praNAmaiH samprINan gadati \ldq{}bahunetraH\rdq{} kR^ipayatu || 24||
trilokyAM yadbhaktAn danujacharitAH ke chana yadA
vyathante tAn hantuM sa iha nayane pi~Ngalayati |
sadA te te dR^iShTavA sapadi vilayaM yAnti tadanu
bruvantIshaM taM \ldq{}piM~Ngalapadayuto\rdq{} \ldq{}lochana\rdq{} iti || 25||
sadA pANau shUlaM vahati bhagavAn bhairava iti
pratItyA nishchintA yajanabhajanadhyAnaniratAH |
prabhorbhaktau raktA drutamiha labhante.abhilaShitAn
sa Aste shrI \ldq{}shUla\rdq{} sthitiparilasat\rdq{}pANi\rdq{} mahimA | 26||
samarthAnAM sArthaM sukhayati samantAdasumatAM
svakIyAnAM sR^iShTiM sarasamatha saumyaM nishamanam |
paraM vishvAsArthaM baTuka ! bhavatA yo.atinishito
dhR^itaH \ldq{}khaDgaH pANau\rdq{} sa hi bhavati teShAmiha na kiM ? || 27||
ayaM devaH krUraH kimu samitishUraH kimathavA
kR^ipApUro.adUraH sharaNamupanItAya kimu vA ? |
susaMvittyai sUraH prathitacharito vismayakaraH
sa ka~NkAlI sha~NkAvalimapanayatvAshu vitatAm || 28||
tamasyAtmAnaM yaH pariNamayate svepsita dhiyA |
tadA dhUmre kR^itvA dahanasadR^isho lochanavare |
nihanti prachChannAn danujamanujAna duShTamatikA\-
nato \ldq{}dhUmraprakhyaH\rdq{} sa jayati tathA lauchana (?)yutaH || 29||
kuto.api svAmI me sa hi nahi vibhetIti sudR^i.DhaM
hR^idi sve manvAnAn baTukamanujApArpita hR^idaH |
tato vighnairnighnAn kvachidapi vilokaiyaSha bhagavA\-
niyarti svAn bhaktAnavitumabhito\ldq{}.abhIru\rdq{}ranisham || 30||
kShitau DAkinyAdyA vividhaghR^ita dehAH parivR^itA
vyathante jIvAn yAH kulisha hR^idayA nAthayati tAH |
anAthAnAM nAtho bhayajanakashabdodgiraNakR^idr
ravaprodyadbhairavyuditagaNanAtho hyavatu saH || 31||

|| iti baTukabhairavalaharI sampUrNA ||
##

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}