% Text title            : Batukabhairava Stavarajah
% File name             : baTukabhairavastavarAjaH.itx
% Category              : shiva, stavarAja
% Location              : doc\_shiva
% Proofread by          : Rajesh Thyagarajan
% Latest update         : September 18, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Batukabhairava StavarajaH ..}##
\itxtitle{.. baTukabhairavastavarAjaH ..}##\endtitles ##
uktaM cha rudrayAmale |
Achamya prANAnAyamya |
merupR^iShThe sukhAsInaM devadeva trilochanam |
sha~NkaraM paripaprachCha pArvatI parameshvaram || 1||
shrIpArvatyuvAcha |
bhagavansarvadharmaj~na sarvashAstrAgamAdiShu |
ApaduddhArakaM mantraM sarvasiddhipradaM nR^iNAm || 2||
sarveShAM chaiva bhUtAnAM hitArtha vA~nChitaM mayA |
visheShatastu rAj~nAM vai shAntipuShTipradAyakam || 3||
prasAdhanamiti vA pAThaH |
a~NganyAsakaranyAsadehanyAsasamanvitam |
vaktumarhasi devesha mama harShavivarddhanam || 4||
Ishvara uvAcha |
shrR^iNu devi mahAmantramApaduddharahetukam |
sarvaduHkhaprashamanaM sarvashatruvinAshanam || 5||
apasmArAdirogANAM jvarAdInAM visheShataH |
nAshanaM smR^itimAtreNa mantrarAjamimaM priye || 6||
graharAjabhayAnAM cha nAshanaM sukhavarddhanam |
snehAdvakShyAmi te mantraM sarvasAramimaM priye || 7||
sarvakAmArthadaM mantraM rAjabhogapradaM nR^iNAm |
ApaduddhAramantrasya mUlavidyAM shR^iNu priye || 8||
yasya saMsmaraNAdeva bhUtAnAM nAshanaM varam |
praNavaM pUrvamuddhR^itya devIpraNavamuddharet || 9||
baTukAyeti vai pashchAdApaduddhAraNAya cha |
kuru dvayaM tataH pashchAdbaTukAya punarvadet || 10||
devIpraNavamuddhR^itya mantroddhAramima priye |
ekaviMshativarNAstu mantre satyaM prakAshitaH || 11||
yantroddhAramimaM devi trailokye chAtidurlabham |
tadyantraM cha pravakShyAmi yantre devaM cha pUjayet || 12||
trikoNaM shcha tathA dattvA ShaTkoNaM cha tato nyaset |
tatashcha valaye kuryAchchatuShkoNa tatashcharet || 13||
mantraM dalaM samArabhya mantrAkSharANi pUrayet |
upari tAni savyena sarvANi pUrayet kramAt || 14||
urvaritadale tatra lakShmIbIjaM nyasetsadA |
dikpAlAshchasamAropyakoNe.aShTabhairvAn likhet || 15||
evaM yantraM cha sampUjya svastho bhUtvA japennaraH |
mantrAkSharANAM sa~NkhyAkaistantubhirbrahmasUtrajaiH |
vartti dattvA ghR^itenaiva dIpaM tatra pradApayet || 16||
dIpa dAnamantro yathA |
OM hrIM shrIM klIM hrIM shrIM baM sarvaj~nAya mahAbalaparAkramAya baTukAya
imaM dIpaM gR^ihANa sarvakAryArthasAdhakAya duShTAnnAshaya duShTAnnAshaya
trAsaya trAsaya sarvato mama rakShAM kuru kuru phaT svAhA || 17||
trirAchamya cha mantraishcha hastaM prakShAlya vai tadA |
haste jalaM tato gR^ihya viniyogaM paTheddvayam || 18||
aprakAshyamimaM mantraM sarvashaktisamanvitam |
smaraNAdeva mantrasya bhUtapretapishAchakAH || 19||
vidravantyatimItA vai kAlarudrAdiva prajAH |
paThedvA pAThayedvApi pUjayedvApi pustakam || 20||
nAgnichorabhayaM tatra graharAjabhayaM tathA |
na cha mArIbhayaM kvApi sarvatra sukha bhAgbhavet || 21||
AyurArogyamaishvaryaM putrapautrAdisampadaH |
bhavanti satataM tasya pustakasyApi pUjanAt || 22||
pArvatyuvAcha |
ya eSha bhairavo nAma ApaduddhArako mataH |
tvayA cha kathito deva bhairavaH kalpa uttamaH || 23||
tasya nAmasahasrANi prayutAnyarbudAni cha |
sArasuddhR^itya teShAM vai nAmAShTashatakaM vada || 24||
yAni sa~NkIrtayanmartyaH sarvaduHkhavivarjitaH |
sarvAnkAmAnavApnoti sAdhakaH siddhimeva cha || 25||
Ishvara uvAcha |
shR^iNu devi pravakShyAmi bhairavasya mahAtmanaH |
ApaduddhAraNasyeha nAmAShTashatamuttamam || 26||
sarvapApaharaM puNyaM sarvApadvinivAraNam |
sarvakAmArthadaM devi sAdhakAnAM sukhAvaham || 27||
sarvama~NgalamA~NgalyaM sarvopadravanAshanam |
AyuShkaraM puShTikaraM shrIkaraM cha yashaskaram || 28||
nAmAShTashatakasyAsya Chando.anuShTup prakIrtitam |
bR^ihadAraNyako nAma R^iShirdevo.atha bhairavaH || 29||
aShTabAhutrinayanaM bIjashaktI samIrite |
OM kIlakaM sheShamiShTasiddhau tu viniyojayet || 30||
sarvakAmArthasid.hdhyarthaM viniyogaH prakIrtitaH |
Adau kR^itvA paDa~NgaM cha hrAM vAM bIjAdinirmitim || 31||
a~NguShThAdikarAntaM cha yathokta hR^idayAdikam |
nyAsaM kuryAchcha vidhivadbhaktyA bhairavatuShTaye || 32||
sadyojAtAdibhirmantraiH kaniShThikAdipUrvakam |
dehA~NganyAsakaM chaiva pUrva kuryAchcha sAdhakaH || 33||
yathAkAmanayA dhyAtvA dhyAnaM cha trividhaM yataH |
Adyante stotrapAThasya mUlamantraM japennaraH || 34||
aShTottarashataM dhImAnyathAsa~NkhyamathApi vA |
japAnte.apyuttaranyAsAH kartavyA japasiddhaye || 35||
evaM nyAsavidhiM devi bhairavasya mahAtmanaH |
nAmAShTashatakaM pashchAjjapedApannivArakam || 36||
sthAneShu yeShu nAmAni shR^iNu matprANavallabhe |
atha dehanyAsanAmAni |
bhairavaM mUrdhni vinyasya lalATe bhImadarshanam || 37||
akShNorbhUtAshrayaM nyasya karNayorbhUtanAyakam |
nAsikAyAM trishUlaM cha jihvAyAM raktapaM nyaset || 38||
kaNThamadhye nAgahAraM nAgahAropavItakam |
kShetraj~naM karayormadhye kShetrapAlaM hR^idi nyaset || 39||
kShetradaM nAbhideshe tu kaTyAM sarvAghanAshanam |
trinetramUvarvinyasya ja~Nghayo raktapAyinam || 40||
pAdayordevadeveshaM sarvA~Nge baTukaM nyaset |
evaM nyAsavidhiM kR^itvA sa sAkShAdbhairavo bhavet || 41||
athAtaH sampravakShyAmi a~NgulI nyAsamuttamam |
nyasedbhairavama~NguShThe tarjanyAM bhImadarshanam || 42||
bhUtashreShThaM madhyamAyAmanAmyAM bhUtanAyakam |
kaniShThi kAya kShatriyaM kShetrapAlaM karadvaye || 43||
kShetraj~naM digdishAyAM vai bhairavaM sarvataH punaH |
athA~NganyAsAH |
bhairavaM shirasi nyasya lalATe bhImadarshanam || 44||
netrayorbhUtahananaM sArameyAnugaM bhruvoH |
karNayorbhUtanAthaM cha pretavAhaM kapolayoH || 45||
nAsApuToShThayoshchaiva bhasmA~NgasarpabhUShaNam |
anAdinAthamAsye cha shaktihastaM gale nyaset || 46||
skandhayordaityashamanaM bAhvoratulatejasam |
pANyoH kapAlinaM nyasya hR^idaye muNDamAlinam || 47||
shAntaM vakShasthale nyasya stanayoH kAmachAriNam |
udare cha sadA tuShTaM kShetreshaM pArshvayostathA || 48||
kShetrapAlaM pR^iShThadeshe kShetraj~naM nAbhideshake |
pApaughanAshanaM kaTyAM baTukaM li~Ngadeshake || 49||
gude rakShAkaraM nyasya tathovoM raktapAyinam |
jAnunorghurghurArAvaM ja~Nghayo raktapAyinam || 50||
gulphayoH pAdukAsiddhaM pAdapR^iShThe sureshvaram |
ApAdamastakaM chaiva ApaduddhArakaM tathA || 51||
\ldq{}oM hrIM kShmauM brauM hrIM OM svAhA ApaduddhAraNabhairavAya namaH || \ldq{}||
anena vyApakam |
pUrvaM DamaruhastaM cha dakShiNe daNDadhAriNam |
khaDgahastaM pashchimAyAM ghaNTAvAdinamuttare || 52||
AgreyyAmagnivarNe cha nairR^ityAM cha digambaram |
vAyavyAM sarvabhUtasthamIshAnyAM chAShTasiddhidam || 53||
Urdhve khechAriNaM nyasya pAtAle raudrarUpiNam |
evaM vinyasya deheShu kaga~NgeShu tato nyaset || 54||
rudrama~NguShThayornyasya tarjanyostu shikhIsakham |
shivaM madhyamayornyasyAnAmikyostu trishUlinam || 55||
brahmANaM tu kaniShThAyAM talayostripurAntakam |
mAMsAshinaM karAye tu karapR^iShThe digambaram || 56||
hR^idaye bhUtanAthAya AdinAthAya mUrddhani |
AnandapadapUrvAya nAthAyAtha shikhAsu cha || 57||
siddhashAbaranAthAya kavache vinyasettathA |
sahajAnandanAthAya nyasennetratraye tathA || 58||
shrImadAnandanAthAya astre chaiva prayojayet |
bIjapUrvoddhR^itaM mantraM nyAsaM kuryAdvichakShaNaH || 59||
devIbIjAdR^ite brUyAtsiddhirbhavati nAnyathA |
evaM nyAsavidhiM kR^itvA dhyAyechcha tadanantaram || 60||
dhyAnaM tasya pravakShyAmi yathA dhyAtvA paThennaraH || 61||
atha triguNAtmakaM dhyAnam |
shuddhasphaTikasa~NkAshaM sahasrAdityavarchasam |
nIlajImUta sa~NkAshaM nIlA~njanasamaprabham || 62||
aShTabAhuM trinayanaM chaturbAhuM dvivAhukam |
daMShTrAkarAlavadanaM nR^ipurArAvasa~Nkulam || 63||
bhuja~NgamekhalaM devamagnivarNashiroruham |
digambara kumAreshaM baTukAkhyaM mahAbalam || 64||
khaTvA~NgamasipAshaM cha shUlaM dakShiNabhAgataH |
DamaruM cha kapAlaM cha varadaM bhujagaM tathA || 65||
AtmavarNasamopetaM sArameyasamanvitam || 66||
atha sAttvikaM dhyAnam |
vande bAlaM sphaTikasadR^ishaM kuNDalodbhAsitA~NgaM
divyAkalpairnavamaNimayaiH ki~NkiNInUpurADhyaiH |
dIptAkAraM vishadavadanaM suprasannaM trinetraM
hastAgrAbhyAM baTukasadR^ishaM shUladaNDopadhAnam || 67||
atha rAjasaM dhyAnam |
udyadbhAskarasannibhaM trinayanaM raktA~NgarAgastrajaM
smerAsyaM varadaM kapAlamabhayaM shUlaM dadhAnaM karaiH |
nIlagrIvamudArabhUShaNayutaM shItAMshukhaNDojjvalaM
bandhUkAruNavAsasaM bhayaharaM devaM sadA bhAvaye || 68||
atha tAmasaM dhyAnam |
dhyAyennIlAdikAntaM shashi shakalagharaM muNDamAlaM maheshaM
digvastra pi~NgakeshaM Damarumatha sR^iNiM khaDgapAshAbhayAni |
nAgaM ghaNTAM kapAlaM karasarasiruhairbibhrataM bhImadaMShTraM
divyAkalpaM trinetraM maNimayavilasaki~NkiNInUpurADhayam || 69||
atha sAdhAraNaM dhyAnam |
karakalitakapAlaH kuNDalIdaNDapANistaruNatimiranIlo vyAlayaj~nopavItI |
R^itusamayasaparyAvighnavichChedaheturjayati baTukanAthaH siddhidaH sAdhakAnAm || 70||
AnIlakuntalamalaktakaraktavarNaM maunIkR^itaM kR^itamanoj~na mukhAravindam |
kalyANakIrtikamanIyakapAlapANiM vande mahAbaTukanAthamabhIShTasid.hdhyai || 71||
AnanasarvagIrvANashirobhR^igA~Ngasa~Nginam |
bhairavasya padAmbhojaM bhUyo.asya naumi bhUtaye || 72||
dhyAtvA japetsusandR^iShTaH sarvAnkAmAnavApnuyAt |
AyurArogyamaishvaryaM siddhArthe viniyojayet || 73||
sAdhakaH sarvalokeShu satyaM satyaM na saMshayaH |
lakShavAraM japenmantraM homaM kuryAdyathAvidhi || 74||
OM asya shrI baTukabhairavastotramantrasya bR^ihadAraNyaka R^iShiH |
anuShTupa ChandaH . shrIbaTukabhairavo devatA |
aShTabAhumiti bIjam |
trinayanamiti shaktiH |
praNavaH kIlakam |
mamAbhIShTasid.hdhyarthe jape viniyogaH |
bR^ihadAraNyakaR^iShaye namaH shirasi |
anuShTupChandase namaH mukhe |
baTukabhairavadevatAyai namaH hR^idaye |
aShTabAhumiti bIjAya namaH guhye |
trinayanamiti shaktaye namaH pAdayoH |
OM kIlakAya namaH nAbhau |
OM viniyogAya namaH sarvA~Nge |
OM hrAM bAM IshAnaH sarvavidyAnAmIshvaraH sarvabhUtAnAM
brahmAdhipatirbrahmaNo.adhipatirbrahmA shivo me astu sadAshivom |
a~NguShThAbhyAM namaH |
OM hrIM bIM tatpuruShAya vidmahe mahAdevAya dhImahi |
tanno rudraH prachodayAt |
tarjanIbhyAM namaH ||
OM hUM bUM aghorebhyo.atha ghorebhyo ghoraghoratarebhyaH |
sarvebhyaH sarvasharvebhyo namaste astu rudrarUpebhyaH |
madhyamAbhyAM namaH ||
OM haiM baiM vAmadevAya namo jyeShThAya namaH shreShThAya namo rudrAya
namaH kAlAya namaH kalavikaraNAya namo balavikaraNAya namo balAya
namo balapramathanAya namaH sarvabhUtadamanAya namo manonmanAya namaH |
anAmikAbhyAM namaH ||
OM hrauM bauM sadyojAtaM prapadyAmi sadyojAtAya vai namonamaH |
kaniShTikAbhyAM namaH ||
OM hraH baH pa~nchavakrAya mahAdevAya namaH |
karatalakarapR^iShThAbhyAM namaH |
atha hR^idayAdinyAsaH |
OM hrAM bAM IshAnaH hR^idayAya namaH |
OM hrIM bIM tatpuruShAya shirase svAhA |
OM hUM bUM aghorAya shikhAyai vaiShaT ||
OM hraiM baiM vAmadevAya kavachAya hum |
OM hrauM bauM sadyojAtAya netratrayAya vauShaT |
OM hraH baH pa~nchavakrAya mahAdevAya namaH astrAya phaT |
atha dehanyAsaH |
OM hrIM bhairavAya namaH mUrdhni |
OM hrIM bhImadarshanAya namaH lalATe |
OM hrIM bhUtAshrayAya netrayoH |
OM hrIM bhUtanAyakAya karNayoH OM hrIM trishUlAya nAsikAyAm |
OM hrIM raktapAya  jihvAyAm |
OM hrIM nAgahAranAgayaj~nopavItine kaNThamadhye |
OM hrIM kShetraj~nAya karayoH |
OM hrIM kShetrapAlAya hR^idaye |
OM hrIM kShetradAya nAbhau |
OM hrIM sarvAghanAshanAya kaTyAm |
OM hrIM trinetrAya UrvoH |
OM hrIM raktapAyine ja~NghayoH |
OM hrIM devadeveshAya sarvA~Nge |
atha karanyAsaH \-
OM hrIM bhairavAya a~NguShThAbhyAM namaH ||
OM hrIM bhImadarshanAya tarjanIbhyAM namaH ||
OM hrIM bhUtashreShThAya madhyamAbhyAM namaH ||
OM hrIM bhUtanAyakAya anAmikAbhyAM namaH ||
OM hrIM kShatriyAya kaniShThikAbhyAM namaH ||
OM hrIM kShetrapAlAya karatalakarapR^iShThAbhyAM namaH ||
OM hrIM kShetraj~nAya digdishAyAm |
OM bhairavAya sarvA~Nge |
athA~NganyAsaH |
OM hrIM bhairavAya shirasi |
OM hrIM bhImadarshanAya lalATe |
OM hrIM bhUtahananAya netrayoH |
OM hrIM sArameyAnugAya bhruvoH |
OM hrIM bhUtanAthAya karNayoH |
OM hrIM pretavAhakAya kapolayoH |
OM hrIM bhasmA~NgAya nAsApuTe |
OM hrIM sarpabhUShaNAya oShThayoH |
OM hrIM AdinAthAya mukhe |
OM hrIM shaktihastAya gale |
OM hrIM daityashamanAya skandhayoH |
OM hrIM atulatejase bAhvoH |
OM hrIM kapAline karayoH |
OM hrIM muNDamAline namaH hR^idaye |
OM hrIM shAntAya vakShasthale |
OM hrIM kAmachAriNe nama stanayoH |
OM hrIM sadAtuShTAya udare |
OM hrIM kShetreshAya pArshvayoH |
OM hrIM kShetrapAlAya pR^iShThe |
OM hrIM kShetraj~nAya nAbhau |
OM hrIM pApaughanAshanAya  kaTyAm |
OM hrIM baTukAya li~Nge ||
OM hrIM rakShAkarAya gude ||
OM hrIM raktalochanAya UrvoH |
OM hrIM ghurghurAya jAnunoH ||
OM hrIM raktapAyine0 ja~NghayoH ||
OM hrIM siddhapAdukAya  gulphayoH ||
OM hrIM sureshvarAya pAdapR^iShThe ||
OM hrIM ApaduddhArakAya ApAdatalamastakaparyanta nyaset |
OM hrIM kShmrauM bauM hrIM OM svAhA ApaduddhAraNabhairavAya namaH |
anena sarvA~Nge vyApakaM kuryAt |
atha di~NnyAsaH |
OM hrIM DamaruhastAya namaH pUrve |
OM hrIM daNDadhAriNe namaH dakShiNe ||
OM hrIM khaDgahastAya pashchime ||
OM hrIM ghaNTAvAdine uttare ||
OM hrIM agnivaNIya AgneyyAm ||
OM hrIM digambarAya nirR^itye ||
OM hrIM sarvabhUtasthAya vAyavye ||
OM hrIM aShTasiddhidAya IshAnye ||
OM hrIM khechAriNe Urdhvam |
OM hrIM raudrarUpiNe pAtAle |
atha karanyAsaH ||
OM hrIM bhairavAya a~NguShThAbhyAM namaH ||
OM hrIM bhImadarshanAya tarjanIbhyAM namaH ||
OM hrIM bhUtashreShThAya madhyamAbhyAM namaH ||
OM hrIM bhUtanAyakAya anAmikAbhyAM namaH ||
OM hrIM kShatriyAya kaniShThikAbhyAM namaH ||
OM hrIM kShetrapAlAya karatalakarapR^iShThAbhyAM namaH ||
OM hrIM rudrAya namaH a~NguShThAbhyAm ||
OM hrIM shikhIsakhAya namaH tarjanIbhyAm ||
OM hrIM shivAya namaH madhyamAbhyAm ||
OM hrIM trishUline namaH anAmikAbhyAm ||
OM hrIM brahmaNe namaH kaniShThikAbhyAm ||
OM hrIM tripurAntakAya namaH karatalayoH |
OM hrIM mAMsAshine namaH karAgreShu |
OM hrIM digambarAya namaH karapR^iShThayoH |
atha ShaDa~NganyAsaH |
OM hrIM bhUtanAthAya namaH hR^idaye |
OM hrIM AdinAthAya mUrdhani |
OM hrIM AnandanAthAya shirase svAhA ||
OM hrIM siddhashAbaranAthAya kavachAya hum ||
OM hrIM sahajAnandanAthAya netratrayAya vauShaT ||
OM hrIM shrIAnandanAthAya astrAya phaT ||
OM asya shrIbaTukabhairavamantrasya bR^ihadAraNyaka R^iShiH |
anuShTup ChandaH |
shrIbaTukabhairavo devatA |
baM bIjam |
hrIM shaktiH |
OM kIlakam |
shrIbaTukabhairava prasAdasiddhayarthaM stotrAdau
aShTottarashatamUlamantrajape viniyogaH |
atha mantranyAsaH |
OM hrIM a~NguH |
OM baTukAya na0 OM ApaduddhAraNAya0 ma0 OM kurukuru a0|| ?
atha sakalamanorathaprAptyarthamidaM dhyAnam |
shuddhasphaTikasa~NkAshaM sahasrAdityavarchasam |
nIlajImUtasa~NkAshaM nIlA~njanasamaprabham || 75||
aShTabAhuM trinayanaM chaturbAhuM dvibAhukam |
daMShTrAkarAlavadanaM nUpurArAvasa~Nkulama || 76||
bhuja~NgamakhilaM devamagnivarNashiroruham |
digambaraM kumAreshaM baTukAkhyaM mahAbalam || 77||
khaTvA~NgamasipAshaM cha shUlaM dakShiNabhAgataH |
DamarUM cha kapAlaM cha varadaM bhujagaM tathA |
AtmavarNasamopetaM sArameyasamanvitam || 78||
evaM dhyAtvA \ldq{}oM hrIM bhairava bhayakarahara mAM rakSharakSha huM phaT svAhA || \ldq{}
iti mantreNa prArthayitvA pUrvoktayantrapIThe AvAhanAdimudrA pradarshayet |
ShoDashopachArairabhyarchayet |
atha balidAnam |
shuddhAsana upavishya |
hAM hIM kuM ebhirbIjaiH tribhirAchamya mUlena prANAyAmaM kR^itvA
deshakAlau sa~NkIrtya |
mamAsukaphalAvAptaye shrIbaTukaprItaye balidAnamahaM kariShye |
iti sa~Nkapya |
gaNapatiM durgAM raktaishchandanAkShatapuShpairabhyarchya devasyAgre trikoNaM
chaturasraM maNDalaM kR^itvA tatra gandhAdyairabhyarchya pAtrasthaM
kavalAkAraM sampAditaM baliM nidhAya gandhapuShpAbhyAM mUlAnte balirUpAya namaH iti baliM sampUjya devaM tatra sa~nchitya sampUjya haste jalamAdAya mUlamantramuchchArya jalaM bhUmau nikShipya svahaste balimAdAya devAya samarpayet . tataH sa~NkalpaM kuryAt |
mama sakalakAmanA siddhayarthe
shrIbaTukabhairavastotrasyaikAdashasahasrapurashcharaNA~Ngatvena
pratistotraM mUlamantrasyottarashata sa~NkhyAjapasampuTitapaM
chAshatsa~NkhyApAThamahaM kariShye vA yathAshaktyaikaprabhR^itipAThamahaM
kariShye . mUlamantramaShTottarashatavAraM japet |
mUlamantraH |
\ldq{}oM hrIM baTukAya ApaduddhAraNAya kurukuru baTukAya hrIM om || \ldq{}
evaM aShTottarashatamUlamaMlatrajapakR^itena shrIbaTukabhairavaH prIyatAm |
baTukAya namaskR^itya pa~nchopachAraiH sampUjya stotraM paThet |
OM hrIM bhairavo bhUtanAthashcha bhUtAtmA bhUtabhAvanaH |
kShetradaH kShetrapAlashcha kShetraj~naH kShatriyo virAT || 79||
shmashAnavAsI mAMsAshI kharpa rAshI smarAntakR^it |
raktapaH pAnapaH siddhaH siddhidaH siddhasevitaH || 80||
ka~NkAlaH kAlashamanaH kalAkAShThAtanuH kaviH |
trinetro bahunetrashcha tathA pi~NgalalochanaH || 81||
shUlapANiH khaDDapANiH ka~NkAlI dhUmralochanaH |
abhIrurbhairavInAtho bhUtapo yoginIpatiH || 82||
dhanado dhanahArI cha dhanavAnprItibhAvitaH |
nAgahAro nAgapAsho vyomakeshaH kapAlabhR^it || 83||
kAlaH kapAlamAlI cha kamanIyaH kalAnidhiH |
trilochano jvalannetrastrishikhI cha trilokapaH || 84||
trinetratanayo DimbhaH shAnta shAntajanapriyaH |
baTuko baTuveshashcha khaTvA~NgavaradhArakaH || 85||
bhUtAdhyakShaH pashupatirbhikShukaH parichArakaH |
dhUrto digambaraH shUro hariNa pANDulochanaH || 86||
prashAntaH shAntidaH siddhaH sha~NkaraH priyabAndhavaH |
aShTamUrtirnidhIshashcha j~nAnachakShustapomayaH || 87||
aShTAdhAraH ShaDAdhAraH sarpayuktaH shikhIsakhaH |
bhUdharo bhUdharAdhIsho bhUpatirbhUdharAtmajaH || 88||
ka~NkAladhArI muNDI cha nAgayaj~nopavItavAn |
jR^imbhaNo mohana stambhI mAraNaH kShobhaNastathA || 89||
shuddhanIlA~njanaprakhyo daityahAmuNDabhUShitaH |
balibhugbalibhuDnAtho bAlo bAlaparAkramaH || 90||
sarvApattAraNo durgo duShTabhUtaniShevitaH |
kAmI kalAnidhiH kAntaH kAminIvashadvashI || 91||
sarvasiddhiprado vaidyo prabhurviShNuritIva hi |
aShTottarashataM nAmnAM bhairavasya mahAtmanaH || 92||
mayA te kathitaM devi rahasyaM sarvakAmadam |
ya idaM paThati stotraM nAmAShTashatamuttamam || 93||
na tasya duritaM ki~nchinna cha bhUtabhayaM tathA |
na cha mArIbhayaM tasya gR^iharAjabhayaM tathA || 94||
na shatrubhyo bhayaM kvApi prApnuyAnmAnavaH kvachit |
pAtakAnAM bhayaM naiva paThetstotramanuttamam || 95||
mArIbhaye rAjabhaye tathA chaurAgnije bhaye |
utpattike mahAghore tathA duHsvapnadarshane || 96||
bandhane cha tathA ghore paThetstotramananyadhIH |
sarve prashamanaM yAti bhayaM bhairavakIrtanAt || 97||
ekAdashasahasraM tu purashcharaNamuchyate |
yastrisandhyaM paTheddevi saMvatsaramatandritaH || 98||
sa siddhiM prApnuyAdiShTAM durlabhAmapi mAnavaH |
ShaNmAsaM bhUmikAmastu japitvA prApnuyAnmahIm || 99||
rAjashatruvinAshAya japenmAsAShTakaM punaH |
rAtrau vAratrayaM chaiva nAshayatyeva shAtravAn || 100||
japenmAsatrayaM martyo rAjAnaM vashamAnayet |
dhanArthI cha sutArthI cha dArArthI yastu mAnavaH || 101||
japenmAsatrayaM devi vAramekaM tathA nishi |
dhanaM putraM tathA dArAnprApnuyAnnAtra saMshayaH || 102||
rogI rogAtpramuchyeta baddho muchyeta bandhanAt |
bhIto bhayAtpramuchyeta devi satyaM na saMshayaH || 103||
nigaDaishchApi baddhau yaH kArAgAre nipAtitaH |
shR^i~NkhalAbandhanaM prAptaM paThechchaiva divAnisham || 104||
yaM yaM chintayate kAmaM taM taM prApnoti nishchitam |
aprakAshyaM paraM guhyaM na deyaM yasya kasyachit || 105||
sukulInAya shAntAya R^Ijave dambhavarjite |
dadyAtstotramidaM puNyaM sarvakAmaphalapradam || 106||
iti shrutvA tato devI nAmAShTashatamuttamam |
jajApa parayA bhaktyA sadA sarveshvareshvari || 107||
bhairavasya pradR^iShTo.abhUtsarvalokamaheshvaraH |
varaM dadAti bhaktebhyo paThetstotramananyadhIH || 108||
santoShaM paramaM prApya bhairavasya mahAtmanaH || 109||
vAraM vAraM bhuvanajananI prochyate sAdhuvAdaH
satyaM satyaM jagati sakale bhairavo deva ekaH |
yAM yAM siddhiM bhuvanajaThare kAmayenmAnavo ya\-
stAM tAM siddhiM vitarati sadA bhairavaH suprasannaH || 110||
pANibhyAM paritaH prapIDya sudR^iDhaM nishchotya nishchotya cha
brahmANDaM sakalaM prachAlitarasAlochchaiH phalAbhaM muhuH |
pAyampAyamapAyayatrijagati unmattavattai rase\-
rnR^ityaMstANDavamambareNa shirasA pAyAnmahAbhairavaH || 111||
bibhrANaH shubhravarNaM dviguNanavabhujaM pa~nchavaktraM trinetraM
j~nAnaM mudrendrashastraM saviShamasutakaM (1)sha~NkhabhaiShajyachApam |
shUlaM khaTvA~NgabANAnDamarumasigadAvahnimArogyamAlA\-
miShTAbhItiM cha dorbhirjayati khalu mahAbhairavaH sarvasid.hdhyai || 112||
kvAkAshaH kva samIraNaH kva dahanaH kvApashcha vishvaM bharaH
kva brahmA kva janArdanaH kva taraNiH kvendushcha devAsurAH |
kalpAntebhadishATanapramuditaH shrIsiddhayogIshvaro
krIDAnATakanAyako vijayate devo mahAbhairavaH || 113||
likhitvA parayA bhaktyA bhairavastotramuttamam |
aShTAnAM brAhmaNAnAM cha deyaM pustakamAdarAt || 114||
yAnyAnsamIhate kAmAMstAMstAnmApnotyasaMshayam |
iha loke sukhaM prApya pustakasya prasAdataH |
shivalokamanu prApya shivena saha modate || 115||
likhitvA bhUrjapatre tu trilohapariveShTitam |
saumye cha vastuvasane karpaTe cha sushobhane || 116||
kare bAhau gale kaTyAM mUrdhni triloha gopitam |
yastu dhArayate stotraM sarvatra jayamApnuyAt || 117||

iti shrIharikR^iShNavinirmite bR^ihajjyotiShArNave dharmaskandhe
upAsanAstabake shrIbaTukabhairavopAsanAdhyAye
rudrayAmaloktApaduddhAraka shrI baTukabhairavastotranirUpaNaM
nAma prakaraNamekAdasham || 11||

##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}