% Text title            : Bahurupagarbha Stotram
% File name             : bahurUpagarbhastotram.itx
% Category              : shiva
% Location              : doc\_shiva
% Proofread by          : Aruna Narayanan, Ruma Dewan
% Description/comments  : See dhyAnam in a separate file.
% Latest update         : February 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bahurupagarbha Stotram ..}##
\itxtitle{.. shrIbahurUpagarbhastotram ..}##\endtitles ## 
OM brahmAdikAraNAtItaM svashaktyAnandanirbharam |
namAmi parameshAnaM svachChandaM vIranAyakam || 1||
kailAsashikharAsInaM devadevaM jagadgurum |
paprachCha praNatA devI bhairavaM vigatAmayam || 2||
shrIdevyuvAcha \-
prAyashchitteShu sarveShu samayolla~NghaneShu cha |
mahAbhayeShu ghoreShu tIvropadravabhUmiShu || 3||
ChidrasthAneShu sarveShu sadupAyaM vada prabho |
yenAyAsena rahito nirdoShashcha bhavennaraH || 4||
shrIbhairavaH uvAcha \- 
shR^iNu devi paraM guhyaM rahasyaM paramAdbhutam |
sarvapApaprashamanaM sarvaduHkhanivAraNam || 5||
prAyashchitteShu sarveShu tIvreShvapi vimochanam |
sarvachChidrApaharaNaM sarvArtivinivArakam || 6||
samayolla~Nghane ghore japAdeva vimochanam |
bhogamokShapradaM devi sarvasiddhiphalAvaham || 7|| (sarvasiddhiphalapradam)

shatajApyena shud.hdhyanti mahApAtakino.api ye |
tadardhaM pAtakaM hanti tatpAdenopapAtakam || 8||
kAyikaM vAchikaM chaiva mAnasaM sparshadoShajam |
pramAdAdichChayA vApi sakR^ijjApyena shuddhayati || 9||
yAgArambhe cha yAgAnte paThitavyaM prayatnataH |
shrotavyaM cha sadA bhaktyA paraM svastyayanaM mahat || 10||
nitye naimittike kAmye parasyApyAtmano.api vA |
nishChidrakaraNaM proktamabhAvaparipUrakam || 11|| (proktaM svabhAvaparipUraNam)

dravyahIne mantrahIne j~nAnayogavivarjite | (yaj~nayogavivarjite)
bhaktishraddhAvirahite shuddhishUnye visheShataH || 12||
manovikShepadoShe cha vilome pashuvIkShite | (vilope)
vidhihIne pramAde cha japtavyaM sarvakarmasu || 13||
nAtaH parataro mantro nAtaH paratarA stavaH | (stutiH)
nAtaH paratarA kAchitsamyakpratya~NgirA priye! || 14||
iyaM samayavidyAnAM rAjarAjeshvarIshvari |
paramApyAyanaM devi bhairavasya prakIrtitam || 15||
prINanaM sarvadevAnAM sarvasaubhAgyavardhanam |
stavarAjamimaM puNyaM shR^iNuShvAvahitA devi! || 16|| (priye)


atha viniyogaH \-
asya shrImadaghorabhaTTAraka\-sakala\-svachChanda\-bhairavamantrasya
shrIkAlAgnirudrabhairava R^iShiH, pa~NktishChandaH,
sakalabhaTTArakAghoramUrtirdevatA, OM bIjaM, hrIM shaktiH, kuru kuru kIlakaM,
shrIbahurUpagarbhaprItyarthaM pAThe viniyogaH |

(shrI gurave namaH |
shrImatsvachChandabhaTTArakAya prahvIbhAvo.astu |
madvaMsha paramparAgatasveShTadevAya svachChandanAthAya namo namaH |

asya shrIbahurUpabhaTTArakastotrasya shrIvAmadeva R^iShiH,
anuShTupChandaH, shrIbahurUpabhaTTArako devatA,
Atmano vA~NmanaH kAyopArjitapApanivAraNArthaM
chaturvargasid.hdhyarthe pAThe viniyogaH ||
(aghoramantreNa nyAsaM kR^itvA)|
aghorebhyo a~NguShThAbhyAM namaH |
atha ghorebhyo tarjanIbhyAM namaH |
ghoraghoratarIbhyashcha/tarebhyashcha madhyamAbhyAM namaH |
sarvataH anAmikAbhyAM namaH |
sharva! sarvebhyo kaniShThikAbhyAM namaH |
namaste rudrarUpebhyaH karatalakarapR^iShThAbhyAM namaH |

aghorebhyo hR^idayAya namaH |
atha ghorebhyo shirase svAhA |
ghoraghoratarIbhyashcha/tarebhyashcha shikhAyai vaShaT |
sarvataH kavachAyahum |
sharva! sarvebhyo netrAbhyAM vauShaT |
namaste rudrarUpebhyaH astrAya phaT |
aghorebhyo.atha ghorebhyo ghoraghoratarIbhyashcha (tarebhyashcha) |
sarvataH sharva! sarvebhyo namaste rudrarUpebhyaH ||)

atha dhyAnam \-
vAme kheTakapAshashAr~NgavilasaddaNDaM cha vINAShTike
      bibhrANaM dhvajamudgarau svanibhade vya~NkaM kuThAraM kare |
dakShe.apya~NkushakandaleShu\-DamarUn vajraM trishUlAbhayAn
      rudrasthaM sharavaktramindudhavalaM svachChandanAthaM stumaH ||

(atha gAyatrI
OM bahurUpAya vidmahe koTarAkShAya dhImahi | tanno.aghoraH prachodayAt || 3||

atha mUlam \- 
OM hUM aghorebhyo.atha ghorebhyo ghoraghoratarebhyashcha |
sarvathA sharva sarvebhyo namaste rudrarUpebhyaH) 108, OM shrIbhairavaH ||)
(##Notice the stotra verses start with letters from this aghora mantra##)
shrIbhairava uvAcha\-
OM namaH paramAkAshashAyine paramAtmane |
shivAya parasaMshAntanirAnandapadAya te || 1||
avAchyAyAprameyAya pramAtre vishvahetave |
mahAsAmAnyarUpAya sattAmAtraikarUpiNe || 2||
ghoShAdi\-dashadhA shabdabIjabhUtAya shambhave |
namaH shAntograghorAdimantrasandarbhagarbhiNe || 3||
revatIsa~NgavisrambhasamAshleShavilAsine |
namaH samarasAsvAdaparAnandopabhogine || 4||
bhogapANe namastubhyaM yogIshapUjitAtmane | (yogIshaiH pUjitAtmane)
dvayanirdalanodyogasamullAsitamUrtaye || 5||
tharatprasaravikShobhavisR^iShTAkhilajantave |
namo mAyAsvarUpAya sthANave parameShThine || 6||
ghorasaMsArasambhogadAyine sthitikAriNe |
kAlAdikShitiparyantaM pAline vibhave namaH || 7||
rehaNAya mahAmohadhvAntavidhvaMsahetave |
hR^idayAmbujasa~Nkochabhedine shivabhAnave || 8|| (hR^idayAmbhoja)

bhogamokShaphalaprAptihetuyogavidhAyine |
namaH paramanirvANadAyine chandramaulaye || 9||
ghoShyAya sarvamantrANAM sarvavA~NmayamUrtaye |
namaH sharvAya sarvAya sarvapApApahAriNe || 10|| (sarvapAshApahAriNe)

ravaNAya ravAntAya namaste.arAvarAviNe |
nityAya suprabuddhAya sarvAntaratamAya te || 11||
ghoShAya paranAdAntashcharAya khacharAya te |
namo vAkpataye tubhyaM bhavAya bhavabhedine || 12||
ramaNAya ratIshA~NgadAhine chitrakarmiNe |
namaH shailasutAbhartre vishvakartre mahAtmane || 13||
namaH pArapratiShThAya sarvAntapadagAya te |
namaH samastatattvAdhvavyApine chitsvarUpiNe || 14||
revadvarAya rudrAya namaste.arUparUpiNe |
parAparaparispandamandirAya namo namaH || 15||
bharitAkhilavishvAya yogagamyAya te namaH | (yogagamyAya yogine)
namaH sarveshvareshAya mahAhaMsAya shambhave || 16||
charchyAya charchanIyAya charchakAya charAya te |
ravIndusandhisaMsthAya mahAchakresha te namaH || 17||
sarvAnusyUtarUpAya sarvAchChAdakashaktaye |
sarvabhakShAya sarvAya namaste sarvavedine || 18||
ramyAya vallabhAkrAntadehArdhAya vinodine |
namaH prapannaduShprApyasaubhAgyaphaladAyine || 19||
tanmaheshAya tattvArthavedine bhavabhedine | (bhavavedine)
mahAbhairavanAthAya bhaktigamyAya te namaH || 20||
shaktigarbhaprabodhAya sharaNyAyAsharIriNe |
shAntipuShTyAdisAdhyArthasAdhakAya namo.astu te || 21||
ravatkuNDalinIgarbhaprabodhaprAptashaktaye |
utsphoTanApaTuprauDhaparamAkSharamUrtaye || 22||
samastavyastasa~NgrastarashmijAlodarAtmane |
namastubhyaM mahAmInarUpiNe vishvagarbhiNe || 23||
revAraNisamudbhUtavahnijvAlAvabhAsine |
ghanIbhUtavikalpAtmavishvabandhavilApine || 24|| (vishvabandhavibhedine)

bhoginIsyandanArUDhiprauDhimAlabdhagarviNe |
namaste sarvabhakShyAya paramAmR^italAbhine || 25||
naphakoTisamAveshabharitAkhilasR^iShTaye |
namaH shaktisharIrAya koTidvitayasa~Ngine || 26||
mahAmohamalAkrAntajIvavargaprabodhine |
maheshvarAya jagatAM namaH kAraNabandhave || 27||
stenonmUlanadakShaikasmR^itaye vishvamUrtaye |
namaste.astu mahAdevanAmne parasvadhAtmane || 28||
rugdrAviNe mahAvIryaruruvaMshavinAshine |
rudrAya drAvitAsheShabandhanAya namonamaH || 29||
dravatpararasAsvAdacharvaNodyatashaktaye | (charvaNodyuktashaktaye)
namastridashapUjyAya sarvakAraNahetave || 30||
rUpAtIta namastubhyaM namaste bahurUpiNe |
tryambakAya tridhAmAntashchAriNe cha trichakShuShe || 31|| (chitrachakShuShe )

peshalopAyalabhyAya bhaktibhAjAM mahAtmane | (bhrAntibhAjAM)
durlabhAya malAkrAntachetasAM tu namonamaH || 32||
bhavapradAya duShTAnAM bhavAya bhavabhedine |
bhavyAnAM tvanmayAnAM tu sarvadAya namonamaH || 33|| (tanmayAnAM)
aNUnAM muktaye ghoraghorasaMsAradAyine |
ghorAtighoramUDhAnAM tiraskartre namonamaH || 34||
(upasaMhAraH \-
sarvakAraNakalApakalpitollAsasa~NkulasamAdhiviShTam |
hArdakokanadasaMsthitAmapi taM praNaumi shivavallabhAjAm ||
sarvajantuhR^idayAbjamaNDalodbhUtabhAvamadhupAnalanpaTAm |
varNabhedavibhavAntarasthitAM taM praNaumI shivavallabhAjAm ||)

phalashrutiH \-
ityevaM stotrarAjeshaM mahAbhairavabhAShitam |
yoginInAM paraM sAraM na dadyAdyasya kasyachit ||
adIkShite shaThe krUre niHsatye shuchivarjite |
nAstike cha khale mUrkhe pramatte viplutaujase || (viplute.alase)

gurushAstrasadAchAradUShake kalahapriye |
nindake jambhake kShutre samayaghne cha dAmbhike || (chumbhake kShudre.asamayaj~ne)

dAkShiNyarahite pApe dharmahIne cha garvite |
bhaktiyukte pradAtavyaM na deyaM paradIkShite ||
pashUnAM sannidhau devi nochchAryaM sarvathA kvachit |
asyaiva smR^itamAtrasya vighnA nashyanti sarvashaH ||
guhyakA yAtudhAnAshcha vetAlA rAkShasAdayaH |
DAkinyashcha pishAchAshcha krUrasatvAshcha pUtanAH ||
nashyanti sarve paThitastotrasyAsya prabhAvataH |
khecharI bhUcharI chaiva DAkinI shAkinI tathA ||
ye chAnye bahudhA bhUtA duShTasattvA bhayAnakAH |
vyAdhidurbhikShadaurbhAgyamArImohaviShAdayaH ||
gajavyAghrAdayo bhItAH palAyante disho dasha |
sarve duShTAH praNashyanti chetyAj~nA pArameshvarI ||

iti shrIbahurUpagarbhastotraM sampUrNam |
iti shubham |
shrIlalitasvachChande athavA vR^iddhasvachChandatantraproktaM

##
Proofread by Aruna Narayanan, Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}