% Text title            : Nandikeshaproktam Bhavalinga Mahimanuvarnanam
% File name             : bhAvalingamahimAnuvarNanaMnandikeshaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 42| 88-101 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandikeshaproktam Bhavalinga Mahimanuvarnanam ..}##
\itxtitle{.. nandikeshaproktaM bhAvali~NgamahimAnuvarNanam ..}##\endtitles ##
alamalamanuvelaM kAlakAlaM salIlaM
       kalaya kalaya kAle vyAlamUlaM sashUlam |
parihara gurubhAraM krUrasaMsAramArAt
       anusara girikanyAsmeradhArAnurAgam || 1||
tripuraharapadAbjAmandamandAramAlA\-
       lalitaparimalashrIsaMshrayAnAM prabhAvaH |
kathamapi mama shakyo vaktumityeva manye
       girishacharaNasevApuNyapuNyArNavAnAm || 2||
anudinamanumodairindukhaNDAvataMsaM
       sakR^idapi sakalAshApAshanAshAvakAsham |
niTilataTataDidbhUbhUtabhUtAnuveshaM
       girishamanishamIshaM saMsmarAmi smarAmi || 3|| (smarArim)

shiva hara bhava shambho bharga bhIma smarAre
       tripurahara yamAre ghorarUpAndhakAre |
parihara duritaM me pAhi pAhIti dhanyo
       japati muhurapArAnandasandohakandam || 4||
kamalavimalabilvArAdhitaM sha~Ngasa~NgaM
       karatalakamalashrIsaMshritaM bhAvali~Ngam |
kalaya kalaya chetashchAruchAmIkarA~NgaM
       sakalabhayavibha~NgaM ma~NgalA~NgAnuSha~Ngam || 5||
hitataramidamekaM chintanIyaM manaste
       kimapi kitavavArtAvartanaM tadvihAya |
pratipadamabhilApAdoShaveShApahAraM
       kuru kuru nigamAnAM bhAvali~NgaM shubhA~Ngam || 6||
idamiha hitavA~nChAtItamachChaM phalaM te
       vitarati navabilvArAdhitaM bhAvali~Ngam |
vimalakamalaleshArAdhitaM vA pradoShe
       kimapi kimapi kAryaM chintanIya mano me || 7||
mama hitamidamekaM vA~nChitArthapradAna\-
       pravaNakaraNametat bhAvali~NgaM sashA~Ngam |
sakalahitakarA~NgaM pApasa~NghAtabha~NgaM
       karakalitatura~NgAsa~Ngatu~NgaM sukhA~Ngam || 8||
idamiha kamalAnAM mAlayA pUjitaM chet
       kalayati kamalAnAM vAsasaMvAdamodam |
idamiha vasatirme tattadetat tavedaM
       tava tava taditi shrIsaMshritaM bhAvali~Ngam || 9||
mama hitamidametat prAyashaH pUrayiShya\-
       tyahitamamitadainyaM vArayiShyatyamogham |
sakR^idapi hR^idayAbjArUDhamevAsti gUDhaM
       dR^iDhamiti dR^iDhabhaktirbhAvali~Nge shubhA~Nge || 10||
saMsArAbdhivishoShaNAya vividhAghaughAndhakArAchala\-
       pradhvaMsAya vipatkulAnalakulApArAmburUpAya te |
bho sha~NgAmalabhAvali~NganilayAmeyaprabhAva prabho
       shambho bharga bhavAbdhibhAvaka kR^itaH ko.api praNAmo.adhunA || 11||
AshApAravinAshanAya vividhApArApadAdhivyathA\-
       dhArAdhvAntanivAraNAya nigamashreNIpramodAhR^itam |
vande sundarabhAvali~NganilayaM mR^ityu~njayaM chAvyayaM
       nityAnandamayaM nirAmayamahaM mohaM vihAyAdhunA || 12||
ashrAntashrutikoTikoTividitashrIbhAvali~NgArchana\-
       vyApAraprabhavaM prabhutvamabhayaM chAdR^iShTamavyAkulam |
tadbhinnaM sakalaM bhayAkulamiti j~neyaM tataH sarvathA
       kartavyaM khalu bhAvali~NgabhajanaM saubhAgyasaMvardhanam || 13||
anyat ki~nchidihochyate muhuridaM sa~NgopanIyaM suraiH
       sarvairapyanishaM shivArchanashivadhyAne nidhAne pare |
tenaivAkhilasiddhayaH pratidinaM saMvAdamodaishchiraM
       hAraM sundaramandiraM harapadAdhAraM shritAH sAdaram || 14||

|| iti shivarahasyAntargate nandikeshaproktaM bhAvali~NgamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 42| 88\-101 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 42. 88-101 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}