% Text title            : Bhavalinga Mahimanuvarnanam
% File name             : bhAvalingamahimAnuvarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 36| 181-206 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhavalinga Mahimanuvarnanam ..}##
\itxtitle{.. bhAvali~NgamahimAnuvarNanam ..}##\endtitles ##
shrImannirmalabhAvali~NgamamarArAdhyaM prasannaM sadA
      pUjyaM matkulasambhavairanudinaM tyaktvA.anyadevArchanam |
evaM sha~NkarashAsanaM cha na samulla~NghayaM shivAsaMyutaH
      shambhurnR^ityati li~NgametadamalaM dR^iShTvA surAbhIShTadaH || 1||
etaddarshanamAtrato.api sakalAbhIShTAmburAshiH svayaM
      nityaM svA~NgaNametya bhAvalalitaM li~NgaM prapashyatyayam |
svAmin asya vashe vasAmi tava chedAj~nA tvadArAdhakaM
      tyaktvA.anyatra na saMvasAmi shapathaH shambho tvada~Nghryambuje || 2||
tvatpAdAmburuhaM vihAya na kadApyanyatra gantuM matiH
      shambho nirmalabhAvali~NgasadR^ishaM li~NgaM kva vA bhUtale |
pAtAle.api na mandare.api sutarAM merau maheshAlaye
      satyaM satyamidaM punaH punarindaM sandehavArtA.api na || 3||
kalyANAni pade pade sukhamapi svAmiMstvadArAdhane
      siddhAnAmapi siddhidaM bahuvidhAbhIShTapradAnonmukham |
nityaM sha~NkarabhAvAli~NgamadhunA siddhipradaM jAtama\-
      pyagre siddhikaraM karoti satataM siddhiprasiddhiM prabho || 4||
sheShAsheShaphaNAmaNisphuraduru shrIkaNThakaNTha prabho
      ga~NgA tu~Ngatara~Ngati kvachidayaM li~Ngaikadeshe punaH |
AnIlA yamunA tara~Ngati punaH sA vAk tara~Ngatyaho
      sA vAchAM viShayo bhavatyapi kathaM shrInIlakaNTha prabho || 5||
li~Nga ma~NgaladaM manorathatatiM tAvat tanotyAdarAt
      Adau dR^iShTamadR^iShTabhedajanakaM sR^iShTaM visR^iShTaM phalam |
tadbhaktapraNataM prapashyati muhuH chintAsamAli~NgitaM
      dhyAtaM pUjitamapyananyasadR^ishaM deyaM kimastItyapi || 6||
anyAlokanadUnamasya nayanAmbhojaM madAlokana\-
      premAviShkaraNaprabhAkarasamutphullaM kimasmai mayA |
dAtavyaM bhuvanatraye.api na tathA bhUtaM phalaM dR^ishyate
      dharmAdyarthachatuShTayAnyadadhikaM deyaM na dR^iShTaM phalam || 7||
shAThyenApyatha mAyayApi sakR^idapyAlokitaM daivataM
      sarvAbhIShTaphalapradatvamabhavat yadbhAvali~Ngasya me |
tasyaitasya kimasti deyamasakR^it sAnandamAlokane
      shaivAyetyatichintayA paramidaM kAlaM nayatyanvaham || 8||
yaH pashyatyasakR^inmudA paramidaM me bhAvali~NgaM prage
      bhaktyA tadvashatAmupetya nivasAmyanyanna kR^ityaM cha me |
tasyAsminnadhamarNatAmupagate mayyapyadeye sa kiM
      kartuM pArayatIti pApavimukhashchintAbdhimadhyaM gataH || 9||
dharmAdyarthachatuShTayAdhikaphalApekShA na bhaktasya me
      yadyapyasti tathApyananyasadR^ishaM kiM na pradeyaM phalam |
matpUjAniratAya tanmama na chet kiM deyamityanvahaM
      chintAsiddhisamR^iddhireva bahudhA matpUjanAbhyuchchaye || 10||
yatki~nchijjalamalpamapyupahR^itaM bhaktyA vinApyarpitaM
      dAsyatyeva phalAni nirmalajalairAsechane kiM phalam |
deyaM komalabilvapallavanavAmbhojAdibhiH pUjane
      kiMvA deyamiti prashAntirahitA chintA na jAtApi kim || 11||
ki~nchichched apariShkR^itAnnamapi me dadyAt tadA tatphalaM
      syAdasyAnnapatitvamuttamamadhukShIrAjyadadhyannadaH |
mahyaM kiM phalamApnuyAditi na kiM chintA.api me jAyate
      jAtA vR^iddhiparamparAmupagatA sadbhAvali~Ngasya me || 12||
divyaiH ku~NkumakesarairmR^igamadeH karpUrakhaNDairnaveH
      anyairapyatigandhasundarara nadravyaiH yutaM chandanaiH |
dattaM chet tuhinAnvitaM mayi tadA deyaM mayA kiM phalaM
      shaivAyeti vichArasAgaramahAkallolamAlAkulaH || 13||
yo nityaM navapaTTakUlavapanaiH dhUpaiH pradIpairmuhuH
      mANikyAbharaNArpaNena vilasachChatrastathA chAmaraiH |
AdarshaiH dhvajasaMyutairapi mahApUjAM karotyAdarAt
      tasmai kiM mama deyamityanudinaM chintA nirantA na kim || 14||
yo bhaktyA praNato nidhAya dharaNIpR^iShThe shiraH sAdaraM
      taM devAH praNamanti tAvadasakR^it daNDapraNAmodyatAH |
kiM tAvatphalamApnuyAditi na kiM chintA.api me jAyate
      gandhAdhiShThitabhAvali~Nganilaye vedaprameye mayi || 15||
yo bhaktyA niyataH pradoShasamaye pa~nchAmR^itairnirmalaiH
      nIrairapyabhiShichya vastravimalashrIchandanAlepanaiH |
puShpaishchampakamAlikAbhirabhitaH shrIbhAvali~NgArchanaM
      kR^itvA nR^ityati tanmanasyanudinaM vR^ittirhi me chintayA || 16||
rudrAdhyAyasahasranAmapaThanaiH matsannidhAne nayet
      yaH kAlaM sa vibhUtipUtahR^idayo mukto mahApAtakaiH |
syAdityatra kimadbhutaM shivamanusmR^ityA.api tatsannidhiM
      yAsyatyAptatamatvameShyati na sandeho.atra chitraM cha kim || 17||
mAM draShTuM yadi jAyate matirapi prAtaH pramodAnvito
      muktaH pApagaNairapArasukR^itaiH yuktaH sa mAM pashyati |
AdhAraH sukhasampadAmapi bhavatyAyuH paraM prApnuyAt
      ArogyaM nigamAgamAdivihitaM shrIbhAvali~NgArchane || 18||
yo madbhaktapadArchakaH sakR^idapi prApnoti shaivaM padaM
      matpUjAnirato bhavedyadi tadA vaktavyamatrAsti kim |
tasmAdanvahamarchanIyamamalaM shrIbhAvali~NgaM gaNaiH
      ArAdhyaM tadananyasaktamanasA santyajya dharmAntaram || 19||
kiM tairadhvarakoTibhirbahuvidhadravyApahArodyataiH
      dAnaiH sAmapadakramAdisahitaiH kiM vedapArAyaNaiH |
kiM yogaistapasA.api kintu sakR^idapyashraddhayA.apyarchitaM
      dAsyatyeva hi bhAvali~NgamamarAH prApyAtibhAgyAnyapi || 20||
shrImR^ityu~njaya bhAvali~NganilayApAyAmayAnAM layaH
      tvannAmasmaraNodyame sati paraM vR^ittaH punaratadbhayam |
na svapne pralayespi nApi maraNe.apyasyAntakAdvA bhayaM
      tenetthaM dR^iDhanishchaye sati phalaM kiM nAmasa~NkIrtane || 21||
bho shambho bhava bhAvali~Nganilaya tvatpUjanodyoginaM
      lakShmIstAvadupetya kiM tava mataM vA~nChA.asti te kutra vA |
akleshA~NgaNari~NkhaNapraNatibhiH stheyaM mayA tvadgR^ihe
      svAminnityapadhAvatIti bhagavan kiM kiM phalaM pUjane || 22||
tvatpUjAniratAtishA~NkarapuradvAreShu tAvat surAH
      sAnandA~njalimastakAH pratidinaM taddarshanAkA~NkShayA |
tiShThantyatra kimadbhutaM tvayi mahAdeve prasanne phalaM
      kiM kiM nAsya bhaviShyati pratidinaM shrIbhAvali~NgAlaye || 23||
AshAsyaM mama bhAvali~Nga sakalaM siddhaM tvadanyAshrayaM
      vyAvR^ittaM yadi mAnasaM taditi te dhyAnena kiM pUjayA |
kiM vA tvatparicharyayApi phalamityasmin vichAre kR^ite
      tAvavdyAkulatA na te bhavatu sA tyAjyeti samprArthyate || 24||
etAvadvada bhAvali~Nganilaya svAmin mamAdyAvadhi
      tvatpAdAmburuhAnyachintanaparAvR^ittaM vikArairvinA |
chetastatpuruShArthabhinnamapi te deyaM mamAstvityapi
      pratyAshA shivapUjanasya phalamastyanyanmama syAditi || 25||
kiM namrAmarabhUruhaiH nijagR^ihadvArAshritairAshritaiH
      kiM chintAmaNikAmadhenunivahaiH kiM vA nidhInAM gaNaiH |
AkalpaM kamalApatiprabhR^itibhiH vR^indArakairAshritaiH
      AnamrA~njalimastakairanudinaM shrIbhAvali~NgArchane || 26||

|| iti shivarahasyAntargate bhAvali~NgamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 36| 181\-206 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 36. 181-206 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}