% Text title            : bhAvopahAraH
% File name             : bhAvopahAraH.itx
% Category              : shiva
% Location              : doc\_shiva
% Author                : chakrapANinAtha
% Transliterated by     : Aaditya Kalyanaraman
% Proofread by          : Aaditya Kalyanaraman
% Latest update         : November 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhavopaharah ..}##
\itxtitle{.. bhAvopahAraH ..}##\endtitles ##
OM namo.anantashaktaye shivAya |
atha bhAvopahAraH |
shrImachchakrapANinAthavirachitaH
(shrI bhaTTajyogdevAtmajabhaTTaramyadevAchAryavirachita ma~NgalashlokAH)
svavimarshavikachakAnana\-
samunmiShadviShayakusumasantatyA |
karaNeshvarIbhirabhitaH
samarchito bodhabhairavo jayati || 1||
vimarshamayyA nijashaktidevyA
vishvaprathAbhairavaklR^iptapUjaH |
jayatyakAmoditarashmirUpa\-
svashaktipu~njAtmaja chakranAthaH || 2||
kramAkramakriyAkrAnti\-
vyatikramanikR^intanam |
devaM chakraM shraye krIDA\-
kroDIkR^itakR^itAntakam || 3||
atha stotraM \-
OM namaH sUryakalAjAlakAladehApahAriNe |
AdhArAdheyapIThAya bhavAyAbhavadAyine || 1||
namaH shishunishAkAntakalAkamalamAline |
paramAnandadehAya shivAyAvyaktamUrtaye || 2||
namaH pAshaughasa~NghaTTalayavishleShakAiriNe |
mantragarbhodarasthAya harAya paramAtane || 3||
yadyapi tvaM guNAtIto vAkaterapyagocharaH |
tathApyA hR^idayAtstotumudyatA vAksadA mama || 4||
atibhaktirasAveshavivashA vishvato mukha |
tvatpreritA yato nAtha nAparAdho.asti me kvachit || 5||
tvatpAdAbjarajaH pUtachitAbhUtivibhUShitAt |
gR^ihANa mattaH shrIkaNTha ? bhAvapUjAmakR^itrimAm || 6||
hR^itpuShkarAkhye snAtvAntastIrthe yoginiShevite |
sambodhadhautavasanaH shyAmakaNThaM yajAmyaham || 7||
prabhUtabhUtasambhUtashoNitairarghabhAjanam |
kriyate te mahAkAla kAya ka~NkAlakandale || 8||
yadyadvikalpanA jAlaM bAhyArthapratipattaye |
tattadvArAdhipakulaM tava pUjyaM manasvibhiH || 9||
asheShAvaraNonmuktaguptasauShuptamaNDale |
pUjyase nagajAkAnta ! grahaNe chandrasUryayoH || 10||
hAnAdAnodayArambhasadasadvibhramojjhitam |
j~naptimAtrapratiShThAnamAsanaM trijagatpate || 11||
mUrtidAnamanAbhAsashaktibhAsopabR^iMhitam |
turyapIThapratiShThAnaM vitarAmi jagatpate || 12||
dikkAladeshakalanAkala~NkojjhitachetasaH |
kaH karoti budhaH sthANorAhvAnAdivisarjanam || 13||
sUryashItAMshunetrAbhyAM mathitvA shaktivAridhim |
parAmR^itarasAbhya~NgaM shivAya vinivedaye || 14||
indriyeShvindriyArtheShu rAgalobhAnuyAyiShu |
niHsnehatvaM prabhutvaM cha rUkShamudvartanaM tava || 15||
saMshodhyAnachChakalayA baindhavaM tIrthama~njasA |
tadvirAmarasasnAnaM deyaM chandrArdhamaulaye || 16||
svaprabodhAmbarodAravikasadvastragharShaNam |
viniveshya bhavatsaMvidvikArAnvikarAmahe || 17||
j~nAnaj~neyaparityAganaganirjharavisrutam |
paramAnandadaM me.antastava pAdyamanAbilam || 18||
amandAnandaniHShyandaspandamandirakandarAt |
galatkaivalyasalilamAdatsvAchamanaM vibho || 19||
prakShAlya dhAraNAmbhobhirgranthipa~nchakamauktikam |
anarghyamarghaM pAdebhyaH prayachChAmi vR^iShAkape || 20||
turIyodyAnavikasatsaMvitsaurabhanirbharaiH |
girIsha tisR^ibhirvAgbhiH stutipuShpaiH prapUjyase || 21||
prANavahnishikhAstreNa bha~NktvA brahmabilaM lasat |
dhUpavartinibhAbhAso dhUpaste nagajAdhava || 22||
anAhatA nadatyantaryA gaurdhAmni pare parA |
sA ghaNTA vAdyate shambhoragre granthArtha garbhiNI || 23||
kandAnalollasachChaktishikhAM dIpashikhopamAm |
uddIpayAmi bhagavanmohadhvAntApanuttaye || 24||
vR^ittityAgAmR^itakalAchandrashchandrakirITinaH |
samAlambhanavevAstu mumukShUNAM vimuktaye || 25||
nAdashaktyuditaM dhAma malatrayavivarjitam |
uShNIShamastu te rudra vidrAvitanabho.argalam || 26||
bhavadbhaktisudhAsArasamplAvitahR^idambudheH |
prollasadbrahmakamalamamalaM te.astu shekharam || 27||
bodhAravindasandoho hara hAralatA tava |
nityoditAntaravyAptikalA chandrakalA cha te || 28||
AkR^iShyArkakaraiH shAktairvishvAkAshakusheshayAt |
chichchandrAmR^itaniHShyandamAsvAdaya jagatpate || 29||
mantraM manasi tachChaktau tAM svadhAmni sadodite |
kR^itvA japavidhiM samyak shivAya vinivedaye || 30||
niHsheShArthaparityAge grahaNe vAmitAddyute |
anAbilAM parAM vyAptiM mudrAM badhnAmi dhUrjaTe || 31||
shaShkulIkarNayorbaddhvA yo rAvo.atra vijR^imbhate
tadgItamatha te vAdyamAdyasampuTaghaTTanAt || 32||
bhavadbhAvarasAveshAttANDavADambaroddhataH |
mantrAdhvani nadAmyantaH kimu bAhyArthabhAvanaiH || 33||
akhaNDamaNDalAkArashivatAbhAvanAmbaram |
upariShTAnmayA shambhorvitAnamupakalpitam || 34||
rechayitvA karandhreNa bhAchakraM hR^idayAmbarAt |
dhAryate dhUrjaTeragre chAruchAmaravanmayA || 35||
nAsApuTakuTIkoTivisR^itaiH prasR^itaiH puraH |
tAlavR^intairiva vibho vIjyase haMsamArutaiH || 36||
sarvAtapavinirmuktaM bhavadbhaktisudhAsitam |
AtapatramathAsmAbhirdhAryate te mahAshaya || 37||
mamatAmandurAtyAgAttrailokyAkarShaNakShamaH
aha~NkAratura~Ngaste vAhanAya prakalpitaH || 38||
svasaMvinnandanAnandanAgavallIdalojjvalam |
sphuratspandendusurabhi tAmbUlaM te nivedyate || 39||
bhogyabhoktR^ivibhedotthavAsanendhanasa~nchayam |
advaitAgnau juhomyantaH shA~Nkare shreyasAM nidhau || 40||
prakAshAkAshahastAbhyAmavalambyonmanAsrucham |
dharmAdharmagalatsnehapUrNAM vahnau juhomyaje || 41||
yuShmad.hdhyAnanishAnAthakiraNairupara~njitaH |
antarmAnavidhau te.astu chittachintAmaNirmama || 42||
mokShalakShmIkarAmbhojapAtre vinyasya saMskR^itAm |
nivedayAmi bhagavan prANasarvasvadakShiNAm || 43||
saMsAravAridheH santaHparaM pAraM titIrShavaH |
chandramauleH shrayantUchchairbhAvapUjAtaraNDakam || 44||
itthamIshAnacharaNanuteryatsamupArjitam |
shreyastena jagatkR^itsnaM dveShadoShAdvimuchyatAm || 45||
stotraM gR^ihANa parameshvara vishvasAkShin
mAnAvamAnamamatojjhitachittavR^itteH |
mattastvada~NghriyugapIThanilInamauleH
bhasmAvaguNThitatanornR^ikapAlapANeH || 46||
mahApAshupatodyAne kashchidvishramya tApasaH |
chakre vichichchakranAthasya shambhorbhAvanutiM parAm || 47||

|| iti shrIchakrapANinAtha virachitaM bhAvopahArastotraM sampUrNam ||

gurukramavandanam \-
adR^iShTavigrahAgataM marIchichakravistaram |
anugrahaikakAraNaM namAmyahaM gurukramam ||


##
Encoded and proofread by Aaditya Kalyanaraman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}