% Text title            : Bhaktivivardhana Stava
% File name             : bhaktivivardhanastavaH.itx
% Category              : shiva, stava
% Location              : doc\_shiva
% Author                : Krishnananda Saraswati
% Proofread by          : Rajesh Thyagarajan
% Description/comments  : Minor works of Shri Krishnananda Saraswati
% Latest update         : November 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhaktivivardhana Stava ..}##
\itxtitle{.. bhaktivivardhanastavaH ..}##\endtitles ##
sakR^idAnatirachanA cha bhUyAdubhayorityanukampayAlasAnAm |
avalambitavigrahaikabhAvaM shivayoH shrIsamavAyamAshrayAmaH || 1||
alikAmbakadakShiNAshrayAshe jagatImeva juhUShatA samayena |
madanaH prathamAhutirvi(?)tene tamupAse yaminAmupAsanIyam || 2||
taruNendukalAkalApinaM samayonmIlitamallikAruchim |
smitachArukarAnanAmbujaM shivayAshliShTatanuM shivaM bhaje || 3||
atasUkR^itakAmakAruNI sutanUbhAvitavAmavigraham |
sharaNAM karavANi sha~NkaraM kimapi jyotirahaM shiva~Nkaram || 4||
kusumAyudhakopito.api yo.alaM dayayA tasya tanuM dadau priyAyai |
akhilArtiharaM haraM vinA taM katamaM devamihAbhirAdhnuyAmaH || 5||
madanaM dahatApi kAntayA kavalIkArayatA kalebaram |
anurAgi jagadvirAgi vA bhavatA sha~Nkara vipralabhyate || 6||
aviShahyatamena tAmyatAM bhavarogeNa paraM bhiShajyatAm |
shivatAtimasI vayaM vibho shR^iNumastvA bhiShajAM bhiShaktamam || 7||
kvachidekapade rasaj~nayA parikR^iShye parato.api chakShuShA |
kvachana shravasA balIyasA tava shambho kimudAsituM kShamam || 8||
avaroddhumidaM na shaknumo viShayAshIviShasa~Ngi mAnasam |
api roddhumudagrachApalaM bata shambho karavAma kiM katham || 9||
kR^ipaNA bahavo.anukampitAH kila shambho shatasho.api mAdR^ishAH |
na cha mAmatidInamIkShase katame te karuNApadaM janAH || 10||
aparAdhashate.api chArthanAmaparAmAH katamAmaya~njanaH
kR^ipaNo girishAvalambatAM kR^ipayaivAnugR^ihANa kevalam || 11||
kR^ipaNaM kR^ipayAvalokase vilapantaM yadi nAtha nAturam |
kvanu yAmi vadAmi kinnuvA vidhipAkena vibho nirAkR^itaH || 12||
nanu dInadayAvashaMvado girisha tvaM parigIyase budhaiH |
avalokaya lochanA~nchalairagatiM mAmanukampayAkhilaiH || 13||
samayaM pratipAlayanti te shamayanto malamAtmano.amarAH |
bhagavan kR^imikaH kiyAnahaM na dayA te yadi dInavatsalA || 14||
bhavate.akhilalokabandhave bhagavanna spR^ihayeta ko nu vA |
nipuNaM parimR^ishya nirgatiM kR^ipaNaM mAM kR^ipayA.avalokaya || 15||
anu \.\.\. viti saMvibhAvyate na mayaikena bhavAnumApate |
shamaya~njagatItamotatiM savitA na hyanu ki~nchidashvati || 16||
uditAruNakoTirochiShaM na hi pashyAmi bhavantamIsha kim |
athavA kathamandhalochano jagatIchakShurudItamIkShatAm || 17||
adhunApi vichIyate padaM tava shambho shiva sampadAM padam |
vibudhairapi vedamauliShu smaratAdasya kathannu mAdR^ishaH || 18||
prayate pariNAhichetasA padavImeSha davIyasImapi |
adhigantumayugmanetra te viShamaM pashya vimohayantraNam || 19||
mama dhAvayati smaro matiM mR^igayAvIva mR^igImanudravan |
parichArachitAsmi te kadA padayorIshvara tAmanAgasam || 20||
matimIsha mama tvadAshrayAM smaratechApakR^itaM smareNa te |
asatImiva vipralumpanAt tvadalIkAkShi punashcha tR^ipyatu || 21||
ratirAshrayate bhavatpadaM matiranveti mano mamApi tAm |
apunaHshlathasa~NgamaM tayA labhatAmIsha bhavAnivomayA || 22||
tava pAdanakhendumaNDalImavataMsIyati mayyumApate |
sakalAya dayA visR^itvarI shivabhAvAya surApagAyatAm || 23||
na vidhAtaravaimi te vidhAM varivasyAnuvidhau jaDAshayaH |
dayayaiva tathApi pAhi mAmudavAhA iva shuShyadoShadhim || 24||
dayase bhajataH svato vibho kimu dainyena mamAbhichoditaH |
navachandanameva shItalaM nanu kIdR^igghanasAralolitam || 25||
anadhItabhavatpadAmbujAn anavetatvadupAsanAvidhIn |
yadi rakShasi nAma rakShitA shiva ke karmakaraM na vibhrati || 26||
abhiShi~ncha dayArasairvibho bhavadAhajvalano na mAM dahet |
amR^itairapi kiM prasechite bhasitIbhUtarasAlapotakaiH || 27||
yadi nAma tavAnupAsitA dayanIyo na bhavAmi nAtha te |
anapekShitasevamambudaM jagadu~njIvanameSha kiM bruve || 28||
vibhavatyuchitaM dashAnano varivasya~njagatAmadhIshvaram |
udakR^intadayaM shiro nijaM karuNo.apIsha paraM tadaikShathAH || 29||
miShite.api nahi prabhUyate jagatA yena shiva tvayA vinA |
sanisargasuhR^ichchamAtmanA sadR^ishaM te mama yatprasIdati || 30||
shiva satpravaNApyatanna mAmanukampA tava hAtumarhati |
nahi nanditachandrashAlayA vipinaM chandrikA vihIyate || 31||
sukR^itasvakR^itena karmaNA bhagavannirvR^iNute.apunarbhavAH |
anugR^ihya sudInamAshu mAmanukampA saphalAyatAM tava || 32||
yadi nAma yathApuraM vibho parikhidyeya bhavAmbusamplave |
prakR^iti karuNAmR^idIyasImanutaptAsi tavaiva duHsthitim || 33||
vyasanAtmakamIsha mAsmahan vyasanaM mAM viShameva vA viSham |
karuNaM bata vartayiShyate karuNA dInaparA~Nmukhasya te || 34||
vidhidurlalitairaye vibho vividhAdhigrahanirgR^ihItadhIH |
vivasho.ahamuvAcha durvachaM yadupAlambhamadaH kShamasva me || 35||
kamupAlabhatAmaya~njanaH karuNAtmannasukhAvasAditaH |
ayi dInajanAnusAriNI karuNA mR^idvitamA tavaiva cheta || 36||
na bhavantamupalabhe vibho mama dainyantu nivedayAmi te |
paripAkakaTU rujA nijA na nivedyA bhiShaje kimAturaiH || 37||
sharaNAgatavatsalo.asi kiM shamitAsheShashivetaro.asi kim |
anunAtha kathA kadarthanA na viShahyeta kathaM tvayA vibho || 38||
ayi nAtha bhavAnupekShate bhajamAnaM nijatantraveShTitaH |
mama cha tvayi rUDhasa~NgataM hR^idayaM sIdati hA karomi kim || 39||
ayi nAtha bhavAnIshvaro jagatIpUjanayA jaDIkR^itaH |
sharaNaM kamupaimyahaM punastvadR^ite hanta jagannirIshvaram || 40||
abhiyAmi yadanyamIshvaraM vijahattvA jagatIparAyaNam |
kanakaM parihR^itya bAlishaH kaTakIyAmi vibho na kintamAm || 41||
vyasanairupatApinA mayA na chiraM krIDitumIsha te kShamam |
parikhelati hanta jambuko vyathate kintu kulIrajIvitam || 42||
asukhAni chiraM chikIrShatA vidhinA me viparItavartinA |
karuNArasakomalaM vibho hR^idayaM kiM tava karkashIkR^itam || 43||
yadananyagatInupekShase viShamAkShAkhilakAmado.api san |
paritApajuSho.api mAdR^ishaH tadabhavyaM tava dushshravaM mama || 44||
aviturjjagatAmayaM janaH kimitIshAna bharAyate tava |
apachAtakamambudAvalirnahi tApopashamAya varShati || 45||
samayan svayamaindavIM kalAmapi ka~NkAlamala~NkriyAvidhau |
ashuchiM parihartumIhate kathamIshAna bhavAnimaM janam || 46||
avataMsayasI nimnagAmapi hAlAhalatApashAntaye |
atihAlahalAdhishAntaye mama chApIDaya pAdyamambu te || 47||
abhivanditumaindavIM kalAmahamI hebhavatAvataMsitAm |
ayi nAtha bhavArkatApitaM hR^idayaM shItalayiShyate tayA || 48||
dashamI bhagavaddashA purA kila mAmAvirudeti duHsahA |
adhunaiva mamAvalambatAmabhayaM te hR^idayaM padAmbujam || 49||
amR^itasruti pAdapa~Nkaje tava shambho na paraM svade tataH |
svadate na hi kAshakorako makarandasruti pa~Nkaje.aline || 50||
api durlabhamIsha mAnasaM na bhavantaM mama hAtumIhate |
na hi kAmaparo manohare manute lAbhamalAbhameva vA || 51||
bhagavanbhavagochare.api me dhiShaNA tvatpadapadmakAmyati ||
asitAsu tamIShu lipsate na chakorI kimu chArukaumudIm || 52||
sakR^idapyavabhAhi mAnase mamAcha vyetu bhavAdhisamplavaH ||
mihire hi nabhasyuditvare timiraM satvarameva shAmyatiH || 53||
bhagavannavadhIritastvayA parigR^ihyeya pareNa kena vA |
na hi mAturasammato jano bhajati grAmajanasya sammatim || 54||
nanu bhUsalilAnalAniladyushashA~NkAruNasomapAkR^itim |
bhuvanaM paribhAsi bhUtaye jagatAmeva bhavadvibhUtayaH || 55||
tvadadhInamidaM yadasti me tava chAhaM paramesha yo.asmyaham |
sharamevamumApate mama praNataM mAM paripAlaya prabho || 56||
jananI janakastvameva meM gururArAdhyatamashcha daivatam |
sharaNaM paramaM parA gatiH shivaH sarvasvamapi tvameva me || 57||
ahimAMshukalAvataMsakaiH analIkA~nchita divyalochanaiH |
amarairavarairupAsitairanumAjIvitavallabhairalam || 58||
yadi te padapa~NkajaM naman yadi vA nAma sadAma vAlapan |
yadi ma~NgalavigrahaM smaran bhava bhUyAsamahaM bhave bhave || 59||
vihitA~njalisampuTena mUrdhnA vigaladbAShpakalA kulena chAkShNA |
vapuShA pulakA~nchitena shambho bhajatastvAmabhipadyatAM mamAyuH || 60||
iti bhaktivivardhanastavaM yaH paThati shrIshivasannidhau yatAtmA |
duritAni vidhUya dUrato.asau sakalaM ma~Ngalamashnute sadaiva || 61||
         shrIrAmabhadrayogIndracharaNAmbujareNunA |
      kR^iShNAnandena rachitaH stavo bhaktivivardhanaH ||
    kR^iShNAnandakR^itiShu bhaktivivardhanastavaH sampUrNaH ||
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}