% Text title            : bhavAnIshankarasuprabhAtam
% File name             : bhavAnIshankarasuprabhAtam.itx
% Category              : shiva, suprabhAta
% Location              : doc\_shiva
% Author                : Vaidakas of Shri Chitrapur Math
% Proofread by          : Sunder Hattangadi
% Source                : Shri Chitrapura Stuti Manjari,3rd ed. 2008
% Acknowledge-Permission: Shri Chitrapur Math - Publications Committee https://chitrapurmath.net/
% Latest update         : March 2, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhavanishankara Suprabhatam ..}##
\itxtitle{.. shrIbhavAnIsha~NkarasuprabhAtam ..}##\endtitles ##
vAgarthAviva sampR^iktau vAgarthapratipattaye |
jagataH pitarau vande pArvatIparameshvarau || 1||
mAtassamastajagatAM tripurAsurAreH
ardhA~NgahAriNi mahojjvaladivyakAnte |
shaurIndrakAdi\-divijaiH parisevitA~Nghre
shrIvAmadevadayite tava suprabhAtam || 2||
sandhyAmupAsya paripUjya cha kAmadhenUH
tA dohayanti vidhivaddhutavahnimukhyAH |
prAdhyApayanti munayaH shrutimantrapAThAn
kailAsavAsavanite tava suprabhAtam || 3||
prAchya~NganAmaruNakAmbaradhArayantIM
premNA vihasya nanu dhAvati sUryadevaH |
gandhAnilastu shishirashcha shanaiH pravAti
shrIshailanAthalalane tava suprabhAtam || 4||
uttiShTha devi varade kanakAdrivAse
rAjatsahasradalapadmavihArashIle |
nIvArashUkatanubhAsvarapItabhAse
shrIkaNThamAnini shive tava suprabhAtam || 5||
shivAkAnta shambho shashA~NkArdhamaule
maheshAna shUlin jaTAjUTadhArin |
namaste vibho vishvamUrte sumUrte
bhavAnIpate te shivaM suprabhAtam || 6||
rAmeshvarAdhiShThitabhavyali~Nga
saMstUyamAnAmarasArvabhauma |
chitrApurashrImaThamukhyadeva
shambho bhavAnIdhava suprabhAtam || 7||
lipibrahmarUpin guNAtItarUpa
chidAkAsharUpin bhavAtItarUpa |
mahAli~NgarUpin kSharAtItarUpa
bhavAnIpate te shivaM suprabhAtam || 8||
chidAnandamUrte surAnandakartre
parAnandamUrte shivAnandadAtre |
bhavAnandamUrte smarAnandahartre
bhavAnIpate te shivaM suprabhAtam || 9||
trAhi trAhi mahesha sha~Nkara vibho saMsAraduHkhArNavAt 
suj~nAnAshraya sha~NkarAdiyatibhiH chitrApurAdhiShThitaiH | 
shrImachCha~NkaradeshikendravimalaishChAtraiH sadA pUjita 
he shambho tava suprabhAtamamalaM shrImadbhavAnIpate || 10||
purAre smarAre sadA tApahAra
murArervyathAre mahApApahAra |
surAreH parAre trilokopakAra
bhavAnIpate te shivaM suprabhAtam || 11||
ramAkAntakAntaM shivAshokashAntam
vR^iShArUDhadevaM shivAli~NgitA~Ngam |
chitAbhasmalepaM jaTAgA~Ngatoyam
bhavAnIpate te shivaM suprabhAtam || 12||
maheshaM sureshaM girIshaM gaNeshaM
ajaM nirvikalpaM nijaM nirvikAram |
tamIshaM bhaje pa~nchavaktraM trinetraM
bhavAnIpate te shivaM suprabhAtam || 13||
ThakAradvayaM susvasAyujyarUpam
raviglau mahAbhUtahotR^isvarUpam |
bhaje.ahaM nirAkArao~NkAravedyam
bhavAnIpate te shivaM suprabhAtam || 14||
uttiShThottiShTha devesha uttiShTha vR^iShabhadhvaja |
uttiShTha girijAkAnta trailokIma~Ngalaprada || 15||
uttiShTha shambho karuNArdrapA~Nga
R^igbhiryajurbhishcha susAmagItaiH |
tvAM stauti devarShimaharShisa~NghaH
tvaddarshanepsushcha sureshasa~NghaH || 16||
tvayi supte jagatsuptaM tvayi jAgarti jAgrati |
tasmAduttiShTha lokesha asmAkaM ma~NgalaM kuru || 17||
prAtaH smarAmi bhavadIyapadAravindam
gaurIkarAbjamR^idusaMhananAvalIDham |
stutyAvadAnamapi tumburunAradAdyaiH
sambodhayAmi mama chetasi suprabodhe || 18||
kailAse sumanohare maNimaye saudhe mahAmaNDape
parya~Nke shayanIyatalpamR^idule vAmA~NgI vAmAMsake |
tvadvAristhitanandinanditapade gaurAdrigaurIpate
saMviShTaM tava suprabhAtamamalaM shrImadbhavAnIpate || 19||
gokarNakShetramadhyastha parij~nAnAshramairvaraiH |
saMsevitapadAbjAya bhavAnIshAya ma~Ngalam || 20||
chitrApuramaThAchArya prathamaishsha~NkarAshramaiH |
bhaktyArAdhitabhavyAya bhavAnIshAya ma~Ngalam || 21||
j~nAnavairAgyasampanna\-parij~nAnAshramaishshubhaiH |
sampUjita\-maheshAya bhavAnIshAya ma~Ngalam || 22||
sha~NkarAchAryasachChiShyasa~njAtaishsha~NkarAshramaiH |
saMstutAmarapUjyAya bhavAnIshAya ma~Ngalam || 23||
tattvaj~nAnasudhAsindhuvidhubhiH keshavAshramaiH |
shraddhayArchitali~NgAya bhavAnIshAya ma~Ngalam || 24||
aj~nAnatimiravrAtabhAskarairvAmanAshramaiH |
sannutAya girIshAya bhavAnIshAya ma~Ngalam || 25||
vedavedAntaniShNAtakR^iShNAshramagurUttamaiH |
sannutAya triNetrAya bhavAnIshAyama~Ngalam || 26||
chitrApuranavonmeShapANDura~NgAshramairbudhaiH |
vanditAmaravandyAya bhavAnIshAya ma~Ngalam || 27||
sArasvatajanAnandairAnandAshramayogibhiH |
dR^iShTAnandasvarUpAya bhavAnIshAya ma~Ngalam || 28||
AshritAshrayasandakShaiH parij~nAnAshramaiH paraiH |
parij~nAtAya bhargAya bhavAnIshAya ma~Ngalam || 29||
j~nAnayogatapodIptaiH sadyojAtasha~NkarAshramaiH |
sampUjitAya sAmbAya bhavAnIshAya ma~Ngalam || 30||
bhasmoddhUlitadehAya pa~nchavaktrAya shambhave |
ga~NgAdharAya sharvAya bhavAnIshAya ma~Ngalam || 31||
devadAnava\-gandharva\-siddhayakShoragAdibhiH |
vanditA~NghrisarojAya bhavAnIshAya ma~Ngalam || 32||
ma~NgalaM te maheshAya ma~NgalaM mR^igadhAriNe |
ma~NgalaM mahate tubhyaM bhavAnIshAya ma~Ngalam || 33||
yatpAdasmaraNaM mudA kalayatAM baddhAdarANAM hR^idi
sarvAghaughaharaM kalermalaharaM prAtaH smaraM ruggharam |
sarvaishvaryakaraM sadA sukhakaraM sanmArgadIpaM mR^iDa
tvatpAdasmaraNaM bhavet pratibhavaM sanma~NgalaM ma~Ngalam || 34||

iti shrI bhavAnIsha~NkarasuprabhAtaM sampUrNam |
##
Proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}