% Text title            : BhikshAtanakavyam
% File name             : bhikShATanakAvyam.itx
% Category              : shiva, mahAkAvya
% Location              : doc\_shiva
% Author                : utprekShAvallabhakavi
% Transliterated by     : Ruma Dewan
% Proofread by          : Ruma Dewan
% Description/comments  : Kavyamala 12
% Latest update         : April 17, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhikshatanakavyam by Utprekshavallabhakavi ..}##
\itxtitle{.. utprekShAvallabhakavivirachitaM bhikShATanakAvyam ..}##\endtitles ##
\section{prathamA paddhatiH | kAvyamukham}
kalyANamAhavatu vaH shivayostadekaM
gAtraM yadIyamasitachChavi kaNThamUlam |
vAmetare.api kurute sitabhAsi bhAge
prArabdhashailatanayApariNAmasha~NkAm || 1||
kArshyaM kShiNotu bhavatAM parameshvarasya
bhikShATanaM tadanusaMhitadehishabdam |
yanmAninAmapi vidherviparItabhAve
yAch~noktidainyasahameva manashchakAra || 2||
sadyastuShAragirijauShadhisevayaiva
yaH svopayuktagaralaM shamayA~nchakAra |
anyairashakyashamanAjjananAmayAdvaH
pAyAdapAyanilayAdayamAdivaidyaH || 3||
nityaM karotu bhagavAnsa karIndravaktraH
prArabhyamANashubhakarmavighAtalopam |
doShAnuSha~NgarahitaH sa shivo.api yasya
bhR^i~NgeShu gaNDatalachumbiShu sAbhyasUyaH || 4||
vAlmIkirastu vijayI prathamaH kavInAM
tasyAnusArasaralaH sa cha kAlidAsaH |
anye bhavantu jayinaH kavayo.atha mA vA
eShAM kR^itaH kR^itiShu naiva mayAvagAhaH || 5||
santyeva sUktirasikA bahavo manuShyAH
svargaukaso navasudhArasanirvR^itAshcha |
tau durlabhau kavivachaHskhalitasya soDhA
martyeShu sAgaragarasya cha yaH sureShu || 6||
bhUyAnasatkavijano jagatIti khedA\-
nmaunagrahaH sukavibhirna kadApi kAryaH |
kAkai rasasya ninidairnichite.api loke
kiM kokilA vidayate nahi kUjitAni || 7||
durdAntadurjanachite bhuvane narANAM
prAyo varaM vikalataiva kalopapatteH |
rAhugraheNa na kadApi kalAvihInaH
pUrNastu hanta paribhUyata eva chandraH || 8||
ekena sUktimaNinA hR^idaya~Ngamena
prAj~nasya satkavipadaM kuravi(?)prayAti |
vakShogatena maNineva parasya puMso
ratnAkaratvagaNanA lavaNArNavasya || 9||
nApekShate mahadapi prathamAnadoShaM
nirdoShamalpamapi nandati vastu lokaH |
mUrdhnA bibharti kR^ishamapyanishaM sudhAMshuM
shambhuH kala~Nkara(sa)hitaM na tu pUrNabimbam || 10||
sarve khalAstilakayantu chirAya pR^ithvIM
satsambhavo bahu mataH sujaneShu hetuH |
ghoreShu gharmadivaseShvatila~NghiteShu
ChAyAdrumAnmR^igayate nahi ko.api martyaH || 11||
santaH kShatAni janayantu yatheShTamasyA\-
mAbhAti tairadhikameva sarasvatI me |
dantakShataM priyatamairupabhogakAle
kiM maNDanAya na bhavedvarasundarINAm || 12||
santyeva ke.apyamitavA~NmayadurvidagdhA\-
steShAM puraH sukavibhiH svagiraH prakAshyAH |
tejasyati pravitate sati tigmarashme\-
rmu~nchanti kechidupalA nijamalpatejaH || 13||
bhUtvA chireNa gamitAH kati nAma santaH
pR^ithvIshvarAshcha kati nAma tathetare.api |
adyApi kIrtivapuShA kavayaH pR^ithivyAM
jIvanti teShvabhihitastutayo.athavA taiH || 14||
mA mA paratra viShaye viShamekShaNe me
tasminsadA bhavatu hInaguNApi vANI |
yo mUrdhni mugdhahR^idayo janagarhaNIyAM
dhatte sudhAMshukalayaiva sahAsthimAlAm || 15||
AkarNayantu mama sUktivedaH prabandhaM
tairnandyatAM punarayaM khalu nindyatAM vA |
AkarNagocharatayaiva bhavedgarIyA\-
nasmAkamastu saphalo rachanAprayAsaH || 16||
vR^ittaM vasantatilakaM viShayasya jIva\-
bhikShATanaM kavirasau shivabhaktadAsaH |
shR^i~NgAra eva hi rasastadiha prabandhe
shraddhA na kasya yadi sUktivinodashIlaH || 17||

ityutprekShAvallabhakR^itau bhikShATanakAvye kAvyamukhapaddhatiH prathamA |
\section{dvitIyA paddhatiH | maNDaNam}
bhikShATanena puruhUtapurA~NganAnA\-
mAkasmikotsavavidhAyini bhUtanAthe |
tAsAmana~NgasharajarjaramAnasAnAM
nAnAvidhAni charitAni vayaM vadAmaH || 1||
rathyAgatasya girishasya vilokanAya
nirgantukAmamanaso(?)vanitAgR^ihebhyaH |
naijAbhirUpyaguNadarshitapaunaruktya\-
mAchAra ityabhimataM parikarma chakruH || 2||
chandrasya sa~nchitakalasya sharatprasAdo
gandhadvipasya cha punarmadiropayogaH |
prAgeva yauvanapariShkaraNe sharIre
bhUro.api bhUShaNavidhiH pramadAjanasya || 3||
lAkShAnniya(mas)tumavalambitamAtra eva
sakhyA kareNa taruNAmbujakomalena |
IshAntikavrajavighnabhuvA ruSheva
kasyAshchidagradamAshu babhUva raktam || 4||
kasyAshchidagrapadamAshu sakhI vidhAya
lAkShAkra(kta)mekamAragrahaNe prasakte |
Ara~njitetaravivekamapArayantI
kartuM muhUrtamanayoH stimitAvatasthe || 5||
kasyAshchitA(dA)yatadR^ishashcharaNAravinde
naipathyakarmanipuNena sakhIjanena |
Amuktameva maNinUpuramunmadasya
muktakShaNena nigalo madanadvipasya || 6||
kAchidgatitvaraNaluptamatishchakAra
chUDAmaNiM charaNa eva chakoradR^iShTiH |
yaH sthApayatyasama eva pade svamUrdhnA
sambhAvyamasya kimaho na janasya hAsyam || 7||
uddAmadAmakarachApavikalpamauShTiM
puMvargachittamR^igava~nchanamArgarajjum |
kA~nchI madIyavalayAnna bahiH pumartha
ityUchi(chu)ShI kalaraveNa babandha kAchit || 8||
tAM divyasindhupulinAkR^itibhAji kAchi\-
tkA~nchIM nitambaphalake kalayA~nchakAra |
uttIrNabhImajananAmbudhayo.api muktA
yAmAshritA jaghanasa~Ngamakautukena || 9||
mukterapi priyatamAjaghanopabhogaH
shreyAnna mR^igyamiha vastuni naH pramANam |
tatpashyatAyatadR^ishA rashanAkalApe
muktA api svayamaho punareva baddhAH || 10||
pInastanadvitayadhAraNakarshitasya
madhyasya maNDanavidhInna chakAra kAchit |
niHsha~NkamanyabharanirvahaNaikajAtA\-
tkArshyAtparaM na khalu bhUShaNamasti ki~nchit || 11||
hAreNa cha stanayugaM paribhUShya pIna\-
matyAyataM cha jaghanaM rashanAguNena |
madhyastu hanta na kayApi vibhUShito.abhU\-
driktiH satAM hi ravinaiva hi mAnanIyaH || 12||
pa~NkodbhavatvaparivAdabhayAnmR^igAkShyA
jAtaM sarojayugalaM kuchaveshadhArI |
shakyaM na dhAtR^ivihitaM parihartumasya
bhUyo.api yena ghanachandanapa~NkalepaH || 13||
tasmAni(dattAni)sha~NkhavalayAni kare kayAchi\-
ttAnIndukhaNDaghaTitAni mamaiSha tarkaH |
yasyA nisargamR^idupANisarojameShA\-
mAmochane jhaTiti yanmukulIbabhUva || 14||
ekAvalIkalitamauktikakaitavena
kasyAshchidunnatapayodharayugmasevAm |
chakrurmanAMsi yaminAmatinirmalAni
kandarpamuktasharapAtakR^itAntarANi || 15||
dAsyAmi hAraharichandanaku~NkumAni
dAkShyaM yadA haravashIkaraNaM tadA te |
ityAtmanaH stanamupAMshu nigadya kAchi\-
tsarvetarA~NgaparikarmavidhiM chakAra || 16||
nUnaM vidagdhajanakR^ityamatarkyapAkaM
lAkShArasapraNayinA vanitAjanena |
kasyAshchidoShThapuTa eva kR^itaH samastaM
yUnAM manaH sapadi lambhitarAgamAsIt || 17||
kAchitsvakIyadashanAni vishodhayantI
bimbAdharoShTharuchisa~NgamapATalAni |
Adarsha eva parivArajanopanIte
dR^iShTvA na jAtvapi punarvirarAma rAmA || 18||
prAgeva mohanamathA~njanayojanena
chakre tathA mR^igadR^isho nayanaM sakhIbhiH |
pashyanyathA yuvajano galamIshvarasya
niHsheShaluptagaralaM gaNayedasheShaH || 19||
sAmye mithaH sthitavato.abhyupane(?)narANAM
vaiShamyabuddhirubhayoH samadarshanena |
ityAkalayya kila kApi vilochanAnte
karNadvaye galitamutpalamAtatAna || 20||
nAmArdrachandanarasena sakhIlalATe
lekhAM madAlasadR^isho vidadhe vidagdhA |
yAM vIkShya shambhurapi mugdhajaTAshashA~Nke
sha~NkAkulIkR^itamanAH svakaraM chakAra || 21||
mA jAtu rAhuparibhUtiratarkyayogA\-
nmA bhUtkShayaH kimapi mA cha kala~NkayogaH |
kasyAshchidevamabhidhAya mukhendubimbaM
rakShAmayaM tilakamAptajanashchakAra || 22||
kasyAshchana prachurakeshabhare jalArdre
jADyAspadaM taruNavargamano babhUva |
kAleyadhUpajuShu(Shi)dhUpitamAttapuShpe
puShpAviddhamathama~NghrI(?)nibaddhameva || 23||

ityutprekShAvallabhakR^itau bhikShATanakAvye maNDaNapaddhatidvitIyA |
\section{tR^itIyA paddhatiH | maNDanapratiShedhaH}
nArIShu nirgamanamaNDanatatparAsu
sakhyopachArasaguNo(NA)rthamanoharANi |
IshAvalokanamuhUrtanirodhabhItyA
prArabdhamaNDananiShedhaphalAnyavochan || 1||
arkAbhimukhyasalilasthitisAdhanAni
raktAmbujasya phalitAnyadhunA tapAMsaH(si) |
yadbhIru tasya paribhUtikaraM padaM te
lAkShArasAntaritarAgamidaM karoShi || 2||
gantuM parairaviditaM yadi shambhupArshve
vA~nChA kimAli raNatA navanUpureNa |
kartuM harasya charitAnyamilAShavadbhiH
prArambha eva pishunaH parivarjanIyaH || 3||
mA vishvasaH sakhi kalAM maNimekhalAM tAM
kShaumasya yadyabhimataM parirakShaNaM te |
yAvaM hitApi dR^iDhabandhamihAprayatnA\-
jjAyeta bandhavimukhI purataH purAreH || 4||
yAni vyathanti virahe viralaM na yAti(nti)
yoge hareNa valayaiH sakhi kiM phalaM te |
naivAsti yairviyadi chA(sam)padi chopayoge(gas)
taiH sa~NgamaM na khalu vAha(~nCha)ti ko.api martyaH || 5||
vistAriNI(Ni)stanataTe harichandanaM te
lajjAvahaM kimanu limpati kAtarAkShi |
sambhogasa~NkramitakAnta ##. . ## rA ##. . ##
dantaHpravR^iddhaphalakauShadhilepakalpam || 6||
madhyaH kR^isho vidhivashena samarpito.ayaM
tasyopari stanabharo navayauvanena |
bhUyo.api hAramabhivA~nChasi tatra voDhu\-
mekasya bha~NgakaraNe bahavaH pravR^ittAH || 7||
badhnAsi dagdhamaNinUpurama~NghrIyugme
kasmai phalAya yadi nirgamane.abhilAShaH |
eNIdR^ishA dR^i(sho druM)tagateH pratibaddha(ndha)bhAve
nAsti dhruvaM nigalanUpurayorvisheShaH || 8||
bhasmava limpa kuchayoH sakhi rakShaNArthaM
madhyAvalopanatayA yadimau suduHsthau |
hAreNa kiM kimathavA navaku~Nkumena
labdhvAtmanaH khalu punaH parikarmavA~nChA(m) || 9||
mA chandanena kuchayoH kuru pattrabha~NgaM
labdhvA dR^ishoranumatiM sa tu kalpitavyaH |
yAdR^ichChikapraNayinA virahe hareNa
netradvayAttava patiShyati bAShpapUraH || 10||
paryAptayauvanakR^itonnatishAlinau te
mA tvaM tiraskuru kuchau navaku~Nkumena |
stokodgamaM manasi kashchiramAshashaMse
jetuM yayoH pashupatiM nijapUrvashatrum || 11||
AjanmapATalaruchAvadhare tadIye
rAgo.aparaH punarayaM sakhi dUShaNAya |
jAtAsya ratnashakalasya kR^ito.api dakShai\-
rarghakShayAya navakR^itrimarAgayogaH || 12||
mA kajjalena malinIkuru lochanAnte
yadyastaduktimavamanya tathA kiyanta |
chandrashchirAya vadanena tavAbhivA~nCha\-
nsAmyaM labheta sakhi hanta malImaso.api || 13||
snigdhApi na praNayi chettava netramanya\-
ma(da)nyasya mA bhavatu saMskaraNaprayAsaH |
AkalpitAdapi tayoH sakhi kevalasya
jAnAtu kAntimakhilAmakhilo.api lokaH || 14||
paryAptadIrghanayanotpalabhUritaM(Shite)te
karNe kutaH sakhi nabotpalamAdadhAsi |
yadyanyathA(dA)bharaNamichChasi karNayoste
pathyoktaya(yaH)shravaNabhUShaNatAM labhantAm || 15||
AdarshamAshu sakhi mu~nchatu vAparAdhaM
kastvAM vinApi malinAshayamAshrayeta |
ChAyAM pradR^ishya satataM tava yo.adya rUpe
nirdvandvavAdamadhunA shithilIchakAra || 16||
keyUranUpurashikhAmaNipArihArya\-
hArAdibhiH kimabale shR^iNu sa~Ngrahoktim |
bhUShA trapA mR^igadR^ishaH shuchi sampradAyi
puMsaH shrutaM yadavaraM parama~NgabhAraH || 17||

ityutprekShAvallabhakR^itau bhikShATanakAvye maNDanapratiShedhapaddhatistR^itIyA |
\section{chaturthI paddhatiH | nirgamanam}
premottaraiH priyasakhIvachanairala~Nghyai\-
ruttIrya maNDanavidhAnadhuraM ka(thaM)chit |
vIthIsamAgatavR^iShA~NkavilokanAya
nirjagmurAyatadR^isho nijamandirebhyaH || 1||
kAchitpadAgragalitena gR^ihAtprayAtI
lAkShArasena padavImaruNIchakAra |
sA cha kShaNena saraNIshcharaNAgramasyAH
kasyopakartumupakartari naiva vA~nChA || 2||
kasyAshchidAttarabhase gamane pravR^itte
kA~nchI papAta padayoH karuNaM kvaNantI |
madhyavyapAyagaNanavyathayeva kartuM
vichChittimAshu gamanodyamasAhasasya || 3||
ki~nchidvilambitabhareNa payodharasya
tUrNaM gatAsvapi sakhIShu haropakaNTham |
tAdR^igvidhastanavijR^imbhaNamUlameShA
sarvArthanIyamapi madhyavayo nininda || 4||
kR^ichChreNa kApi guruNaiva janena rodha\-
mulla~Nghya sha~NkarasamIpanabhipratasthe |
hA hanta shIghragamanapratirodhahetu\-
stasyAM punaH stanabharo.api gururbabhUva || 5||
kAchinnivAritabahirgamanA jananyA
draShTuM haraM bhavanajAlakamAsasAda |
tatyA vilopanamadR^ishyata dAshayatna\-
yatnoparuddhashapharopamitaM kShaNena || 6||
kR^itvA masImalinamIkShaNamekamekA
vaikalpabhUShaNamathyAnyadiyAya rathyAm |
kiM naiva jaitramanavo(yo)rmadanAstramekaM
dagdhaM viSheNa yadi rUDhakala~Nkamanyat || 7||
IshAvalokanakutUhalamashruleshai\-
rvAchaM vinaiva jananIM prati kAchidUche |
tasyAstathaiva vidadhe gamanAbhyanuj~nAM
mAtApi pANivalayApalayachChalena || 8||
dhAtrImuhUrtavinivAritanirgamAyA
bAShpasmitadvitayalabdhaviruddhayogam |
kasyAshchidAnanamashAntihimAmbujAlaM
pratyUShapa~Nkajamiva kShaNamAbabhAse || 9||
bhUShAvidhAvapi nivR^ittamanAH svakIye
shambhoH samIpagamanatvarayaiva kAchit |
bhUShodyatAM priyasakhIM paripAlya tasthau
snigdhaM tirAtmani sakhIShviva hanta nAryA || 10
(snihyanti nAtmani sakhIShviva hanta nAryA) || 10||
prArabdhamAtrakalajalpitashikShaNena
vAmaprakoShThavalayAvalisaMshritena |
kAchitsasambhramamumApativIkShaNAya
krIDAshukena saha rAjapathaM pratasthe || 11||
prasthAnasambhramavashAdgalitAlakAyA
lagnA~NghriyAvakarase pathi shoNarUpaiH |
dhammillapuShpanivaho hR^idaye praviShTa\-
raktAktamAravishikhAshriyamAtatAna || 12||
A(a)sthAnagAma(mi)bhirala~NkaraNairupetA
bhUyaH parichChalananihnutiraprasannA |
vANIva kApi kukavermadhupAnamattA
vevA(gA)nnipAtabahulaiva vinirjagAma || 13||
vegaprayANasamaye chalitAlakebhyaH
puShpairatho nipatitairaparA vireje |
IshopakaNThagamanapraNayasya pUjAM
kartuM nijA~Nghriyugalasya kR^itodyameva || 14||
yAne gR^ihAdbahirupAntajanena ruddhe
roShAruNaM sapadi sambhR^itabAShpapUram |
kasyAshchidIkShaNayugaM vidadhe hutAsha\-
niShTaptadattasalilasmarashAstrasha~NkAm || 15||
truTyadguNena nijavR^ittaparichyutena
sa~NkrAntabhUrirajasA hatakantukena |
vyAkurvatA yuvativashyadashAM narANAM
kAchidvihAya vihR^itiM haramAsasAda || 16||
netraM vidhAya dhR^itakajjalamekata(ma)syA
mAtrA parasya karaNe.api tathA pravR^itte |
kAchidbhavAntikagatitvaritapravR^ittai\-
rbAShpaiH kR^itArthamapi tena samIchakAra || 17||
tyAjyA sakhi drutagatiH kachadhArako.ayaM
saMshayyatAM tava yayA samayAti(?)madhyaH |
loke sudurlabhatato guNavAnkR^isho.api
yaH kalpate.anyabharanirvahaNotsavAya || 18||
apyuttarAMshukamidaM haritaprayANau
pInastanA kShipati chellaghubhArabhItyA |
voDhuM kShamA bhavasi tatra niShedusInAM(ShINAM)
bhAraM punastaruNachittaparamparANAm || 19||
yatnAnmayaiva vihitaM tilaka lalATe
gharmAmbunA vilulitaM gatisambhrameNa |
pattrakriyA cha sakhi te kuchayorviluptA
vyApattaye bhavati hanta jale(De)na yogaH || 20||
kaNThotpalAnnayanamApa gatichyutAtte
tanmIlane mukhamayaM na jahAti bhR^i~NgaH |
yenainamadya vinivArayasi pramatte
tasminkare.api na kimambujasAmyadoShaH || 21||
gatvA tathA trichaturANi padAni tUrNaM
gantuM punaH sakhi shanairapi na kShamAsi |
prAyaH svashaktimana(ni)rUpya kR^itA pravR^ittiH
shaktirni (shaktiM ni)jAmapi sharIrabhR^itAM kShiNoti || 22||
lAkShAruNaiH sapadi vishlathakeshapuShpai\-
rbhraShTairashobhata paraM padavI parasyAH |
Ashambhudarshanamanudravata smarasya
bANairvibhinnahR^idayairiva shoNitArdraiH || 23||
svidyallalATamadhikAkulitAlakAntaM
kAchitsta(tta)tastanapayodhararugNamadhyam |
dolAChalena ratishI(shi)kShaNamAcharantI
hitvA tadAshu harapArshvabhuvaM jagAma || 24||
kAchidvihR^itya kila kantukakelira~NgA\-
dbhUreNurUShitatanurniragAnmR^igAkShI |
utphullapa~NkajavaneShu chiraM charitvA
ki~njalkareNuparidhUsariteva lakShmIH || 25||
yAntI haraM prati shashA~NkamukhI karAgra\-
lAkShArasairaruNitAM padavIM chakAra |
sA cha kShaNena padavIpathamanmathasyAH(?)
kiM nopakAriNi bhavedupakAravA~nChA || 26||
pUrvaM dvirephaparibhUtibhayAdbhavatyA
yatkeshapuShpabharaNaM hariNAkShi muktam |
vyarthaM tadadya punarapyalakeShu bhR^i~NgAH
pu~njIbhavanti bakulabhramataH patanti || 27||

ityutprekShAvallabhakR^itau bhikShATanakAvya nirgamanapaddhatishchaturthI |
\section{pa~nchamI paddhatiH | nirgamanam}
yatrAgatiH pashupaternagarapraveshe
tatraiva dhAvanaparasya vadhUjanasya |
sa~njalpitAni pathi yAni mitho babhUvu\-
retAni santu rasikashrutipAraNAya || 1||
pAdAmbujaM sakhi tavedamiyaM dharitrI
sadyaH parAgaparidhUsaritaM vidhAya |
padmena shochyajananena samIkaroti
satyaM bhavatyasamasAmyakarastrisa~NgaH || 2||
mAmapyapetakaruNe paripAlya yAhi
shambhuM vilokayitumutsukatAmatIva |
patnyAM vilAsagamanaM na paratvayAtaM
haMsyA gatI vidhati pakShatisAdhitA cha || 3||
hAro na(nva)yaM kuchabhare nihito bhavatyA
prasthAnasa~ncharitayA tadatIva bhadram |
Ali~NganaM yadi kariShyasi bhUtabhartu\-
rmAdra(bhUt)tvadIyadR^iDhamauktikamarmatodaH || 4||
ma~njIramAli charaNAshritametadetA\-
vAhUya ma~njuninadairgamane tvadIye |
vA~nChA tavAttava madAlasayA na chaurye
chorAyate grahasaraH kalahaMsakAnAm || 5||
muktAvalIM karatale dayatI svakaNThe
vistR^itya kartumabale tvamatIva bhAsi |
mantreNa sAdhayitumAtmayateH sharIraM
vA~nChAvatI ratiriva sphaTikAkShamAlAm || 6||
mardvrarnadIyasya sharadhidvayamastamUrte\-
rja~NghAtmanA pariNataM tava yaddhruvaM tat |
no chetkathaM madanavairisamIpayAne
ja~NghAyutasya gatirAli vilambinI te || 7||
vAme pade nihitamArdramalaktakaM te
chAnyatra yattadatisundarameva manye |
yenAdya labdhanaparAparikarma sAmyaM
nArIvimishravapuShaH parameshvarasya || 8||
kiM chitramatra jaghanaM paramudvahantyA
madrI(ndI)bhavanti yadi te gatayo varA~NgI(~Ngi) |
yadvIkShaNe.api gatadhairyaguNA yuvAno
gantuM manAgapi punarnahi shaknuvanti || 9||
shambhoravekShaNamahotsava eva lapsye
nAyAti shIghramidamAli padAmbujaM te |
j~nAtaM mama dR^i(dru)tagateshcha phalaM prayatnA\-
tsaMlapsyate nayanayugmamitIrShya eva || 10||
vismR^itya yAvakamakAri harIndra(raM di)dR^ikSho\-
rnaivAdhare tava yamasya(?)tadAli yuktam |
AtmopayuktagaralauShadhipAnakAmaH
pAsyatyavasya(shya)madharAmR^itamindumauliH || 11||
prAgeva bandharuchilochanakAntichaurye
(prAgeva vandyaruchilochanakAntichori)
nIlotpalaM yadakaroH sakhi nAdya kanye(?) |
buddhibhramAdidamabhUditi mA viShAdaH
kastaskaraM nijagR^ihAdhipatiM karoti || 12||
indurmukhaM kuchabharo gurureva dattaH
shuklo.adharashcha tava lohita eva jAtaH |
evaM gR^ihAtmavapuShaH sakhi tatra chitraM
yatpAdayorapi shanaishcharatA tayoste || 13||
mA bhUttavAli girishasya vilokanAya
yAntyA na maNDanamakAri mayeti lajjA |
dhatte vilAsijanalochanapeyameta\-
nnirmakShikaM madhu nirAbharaNaM sharIram || 14||
mAtraiva te gatinivAraNamagrato.abhU\-
tsadyastadA parihR^itaM sakhi bAShpapUraiH |
shaktA na gantumadhunAsi nitambabhArA\-
ddoSho nisargajanitaH parihArahInaH || 15||
hastasthitAM tu sakhi te navapuShpamAlAM
mA vistR^itA shirasi kartumiti sma khedaH |
dR^iShTe shive sapadi tasya kutUhalena
karNe nidhAtumuchitA varaNotsavAya || 16||
tyAjyA sakhi dR^i(dru)tagatiH kuchabhArato.ayaM
saMshayyatAM tava yayA samupeti madhyaH |
asmi~njagatyasulabhaH saguNAdirUDhaH
kArye nije bhavati yaH paradhAraNAya || 17||
naiShpalyasha~NkaravashAjjanabhirhitodya
(nUnaM janasya na karotyavakAshadanaM)
yannirmitau shatadhR^iteratimAtrayatnaH |
asya tvadIkShaNayugasya vishAlatA sA
sAphalyameShyati shivasya vilokanena || 18||

ityutprekShAvallabhakR^itau bhikShATanakAvye nirgamanapaddhatiH pa~nchamI |
\section{ShaShThI paddhatiH | darshanam}
netrairmaShImalinitairdadR^ishustameva
rathyAgataM shivamayatnata eva nAryaH |
j~nAnAtmakena vimalena vilokanena
yadvIkShaNAya hR^idaye yatayo yatante || 1||
gaurIkuchakShapitabhasmani kApi dR^iShTiM
chikShepa vakShasi vibhorabhilAShagarbhAm |
tR^iShNAgraha(?)sulabhadurlabhayorviveke
sR^iShTAsti so.apyayamatIva cha kApi mene || 2||
spandairamandajanitairmuhureva yasya
saMsUchitaM jhaDiti sharma bhaviShyatIti |
anyaM nimIlya nibiDaM muditaiva kAchi\-
dvAmena tena nayanena shivaM dadarsha || 3||
nyastA lipiH shirasi yena sharIrabhAjAM
tasyApyajasya harapANibhR^ite kapAle |
dR^iShTvAkSharANi nipuNA druhiNasya kashchi\-
detAnyanena likhitAni kileti mene || 4||
vakShaHsthale.atimahati sarashAsanasya
svasminpayodharayuge cha vijR^imbhamANe |
kasyAshchidIkShaNayugaM vidadhe kahR^itta(?)\-
mAnandashokapishunAni gatAni tAni || 5||
ArAdudaikShata tathA harakaNThamUla\-
mAshleShakautukavashena chirAya kAchit |
tasyA yathA kalitakajjaladR^iShTipAtaiH
kalmo(lmA)ShitaM tadati(?)pArshvajanasya tarkaH || 6||
kAchitkareNa maNidarpaNamudvahantI
tatrAvalokya girishaM pratibimbalagnam |
kaNThe kathaM malinameti gataM galasthaM
mugdhA muhurmukura eva mudhA mamarja(mamArja) || 7||
kumbhasthalaM kuchataTena gatena yAna\-
mUrvo yugena cha karaM kariNo jahAsa |
yA pUrvamadya kila sA vasite hareNa
tasyaiva charmaNi kutUhalinI babhUva || 8||
pUrNendubimbatulitena malena kAchi\-
tprItiM chakAra harahAramahoragasya |
sA tasya bhItimapi bhItinivR^ittikaNThI
sasmAra keshanichayena mayUraga~NgIm || 9||
kasyAshchidIkShaNamalokavilAsalolaM
bimbauShTharaktakumude padapANipadme |
sastAva(pa?)hAriNi harAkhyamahAtaTAke
sadyo nipatya shapharAyitamAchachAra || 10||
Alokya lokaviparItamamuShya kAchi\-
tka~NkAlamaMsashikhare shitashUlabaddham |
ko.ayaM kramaH pramahasAmiti vismayena
nAsAniveshitakarA~Ngulireva tasthau || 11||
kasyAshchidAyatadR^isho harakaNThamUlaM
kaNThagrahotsukatayaiva vilokayantyAH |
trAsAvahastu na garo na cha hArasarpo
yatpArvatIvalayapa~NktipadaM tadeva || 12||
netradvayena hR^itadhIH karuNAmayena
kAchitR^itIyamapi lochanamIshvarasya |
unmIlitaM chiranimIlitamAchakA~NkShe
sA taM na (tanna)devabhuvanendhanavahnigarbham || 13||
kAntyA ratirbhujagahAratayaiva bhAsA
shokashcha durlabhatayA garalena bhItiH |
keshcha(?)nirdayatayA cha yadA kulAkShyA
nAnArasAspadamajAyata shambhukaNThaH || 14||
a~NgAni bhIShaNabhuja~NgavibhUShaNAni
matvetarANi nayanaM vinivarti(?)tebhyaH |
vakraM smitAbharaNamIshiturIkShamANAM
bAlAM rurodha sahasA prati netrapAtraH || 15||
sandhyAnabhaHkapishabhAsi vibhoH kaparde
kAchidvilokya bubhude(budhe)tuhinasya rekhAm |
sraShTuH kapAlashakalAvalisAhacharyA\-
ddaMShTreva potrivapuShaH puruShottamasya || 16||
shambhoshchiraM padayuge chiramUrukANDe
madhyechiraM chiramurasyadhare tathaiva |
evaM muhuH kR^itaparibhramaNAnmR^igAkShyA
dR^iShTirjagAma tR^iShiteva shiraHsravantIm || 17||
ga~NgAmavekShya girishasya jaTAkalApe
dIrghormihastakalitendukalAM chirAya |
itthaM babhUva kila bhartari shailajAyA
dAkShiNyapAka iva kApi muhuH shushocha || 18||
vyAlolakeshakalitaikakaraiva kAchi\-
tkA~nchIguNashlathanadarshitanAbhimUlA |
vakShasyabhIShTadayitAkuchamudrito.ayaM
yogI kileti girishaM kuTilaM dadarsha || 19||
sharmmadbhaviShyati mameti tadIyakampai\-
rbuddhvAnananda yadatIva purA varA~NgI |
tadvAmameva nayanaM shivamIkShamANA
sharvANyasarvasamachittatayA nininda || 20||

ityutprekShAvallabhakR^itau bhikShATanakAvye darshanapaddhatiH ShaShThI |
\section{saptamI paddhatiH | a~NgavarNanam}
ApAdapadmayugamA cha kapardabhArA\-
da~NgAnyana~Ngadamanasya purandhrivargaH |
netrairapAkR^itanimeShakathairvilokya
karNAmR^itAni vachanAni mitho babhAShe || 1||
naivAnyadasti sharaNaM charaNAravindA\-
dgaurIsakhasya sakhi duHkhajuShAM janAnAm |
yatpadmA(?)durbalamapi svayamantakasya
vakSho vibheda dR^iDhamAshritarakShaNAya || 2||
tArApatInsudati pashya pinAkapANeH
pUrNAnimAnpadamupetya nakhachChalena |
asyAyama~NghrikamalAshrayahAnidoShA\-
dadyApi hanta kR^isha eva kapardachandraH || 3||
ja~NghAyugaM sakhi vilokaya bhUtabhartuH
saMvAhaneShu girijAkarapallavena |
sa~njAtakaNTakatayA pratipadyate.ayaM
nityaM padAmburuhakomalanAlakakShyAm || 4||
kakShoragendramiha pashya vibhostamena\-
mAveShTanena vipule kalitaM nitambe |
yenAyamadya labhate purasundarINAM
chittAmburAshimathane sakhi mandaratvam || 5||
nAthasya sundari vilokaya nAbhigarta\-
masyottamA~NgakalitA vibudhasravantI |
AvartamAshu virachayya punaHpunastaM
yatsAmyadurlabhatayA shithilIkaroti || 6||
a~NgIkR^itaM yadamunA vasanatvapakShe
kakShoragendraphaNaratnamarIchishoNam |
mAta~Ngacharma chirakAlanikR^ittameta\-
dadyApi pashya rudhirAktamivAvabhAti || 7||
naisargikAlamaNi(?)shAlini pashya bhikSho\-
rhairaNyagarbhamayi pANitale kapAlam |
AviShkarotyaruNatAmarase vinidre
nidrAvashastimitahaMsagatAmabhikhyAm || 8||
AlepanaM yadidamasya bhujAntarAle
tadbhasmadigdhavapuSho madanasya manye |
no chetkathaM kathaya vIkShitamAtra eva
sammohayetsakhi manaH sakalA~NganAnAm || 9||
gauryA manoharabhujAphaNayogya eva
kaNThe kathaM sakhi harasya bhuja~NgahAraH |
manye tayAnyavanitAsu hR^itopagUDha\-
sAsha~NkayA vasati tatra kR^itAbhyanuj~naH || 10||
shItaM nisargadhavalaM hR^idaye vihAya
hAraM bhuja~NgamatibhIShaNameva dhatte |
svAtantryabha~NgabhayataH prabhavaH kadApi
kurvanti hanta na guNeShvapi pAratantryam || 11||
hArAyitaH sakhi harasya mahAbhuja~NgaH
pArshvasthitiM(tiH)mR^igadR^ishAM viruNaddhi bhImaH |
rundhe vibhuShvadhikavallabhatAM prapadya
prAyaH priyAshrayaNamAshu bhuja~NgavargaH || 12||
nailyaM yadamya galamUlagataM tadeke
(?)mAmagraNaM turagamANimameSha tarkaH |
yA kApi siddhagulikaiva mR^igekShaNAnA\-
mAshleShakautukaniShedhanirUDhashakteH || 13||
yo mUrdhni mugdhashashibha~Ngabhayena soDhA
pArthasya nirghR^iNasharAsanatADanAni |
yo vA karotyubhayadAnamapAyakAle
taM pashya dakShiNakaraM sakhi sha~Nkarasya || 14||
sAkUtamandahasitodayalobhanIyA\-
dAsyAdihAsya sakhi samprati nirgatAni |
dehIti lokabahumAnavivarjitAni
yAch~nAkSharANyapi maheshvaratAM dhvananti || 15||
AlokayaitadakhilekShaNamAli shambho\-
rnirhetunihnutamanobhavaramyadeham |
sarveShu jantuShu vibhuH samadarshano.api
shAThyena yasya viShamekShaNa eva jAtaH || 16||
satyArthameva khalu tadyadihAdru(dbhu)tasya
pAtraM bhuja~NgaparirakSha(kShi)tamAhurAryAH |
pashyAmbikAkalavachomR^itapAtrabhUte
kaNThe.api kuNDalabhuja~NgapariShkriyAsya || 17||
bhAlekShaNAntikacharaM sakhi pashya shambho\-
shchUDAshashA~Nkamatima(ka)rshitagAtramenam |
svapremabandhumadanapluShi havyavAhe
tyaktuM nijAmiva tanuM vihitAvasAyam || 18||
nAsIrapUraNavidhau makaradhvajasya
chakrurvachAMsi sulabhAni cha yAni nAryaH |
tAnIndushekharabhujaM madanAvamAnaM
sadyo mamArjurapi tasya vapuH purAreH || 19||
satyaM samAshritajano bahumAnalAbhe\-
nAprAptavA~nChitaphalo.api vibhuM jahAti |
pashyendureSha kurute shirasA dhR^ito.asI\-
tyetAvatA pashupateH kR^isha eva sevAm || 20||

ityutprekShAvallabhakR^itau bhikShATanakAvye.a~NgavarNanapaddhatiH saptamI |
\section{aShTamI paddhatiH | vilAsaH}
gauryAH samakShamapi yasya vibhorvikAraM
kartuM katha~nchidapi nAlamabhUnmanobhUH |
tasyaiva chittamapahartumaho vilAsA
nAnAvidhA nagaravAmadR^ishAM babhUvuH || 1||
puShpaM karA~njalidhR^itaM chaladuttarIyA
chikShepa kApi purataH smarashAsanasya |
etAvadAdya mayi puShpashareNa muktaM
pashyAstrajAlamiti saMshi(shaMsi)tumudyateva || 2||
AvishchikIrShuratulaM nijabAhumUlaM
kandarpamUladhanamIsha(shi)turagra eva |
kAchidvilolavalayAvalinA kareNa
netrAntikAdalakabhAramapAchakAra || 3||
ekA trapAparibhavA sakalapravR^itti\-
shchikShepa dR^iShTimabalA na tu chandrachUDe |
prAyeNa tiShThati vidagdhavilAsinInA\-
mardhekShaNeShu madanaH paripUrNa eva || 4||
kAchidvilAsachaturaM katichitpadAni
shambhorjagAma purato madamanthareva |
tAM vIkShya tAdR^ishagatiM vishikhaiH kimanya\-
dAtmanyapi svayamabhUnmadanaH praharttA || 5||
kandarpashatrurayamityanurUpayantI
saivApapAta pura eva purAM vijetuH |
ityAtmadoShamaparatra nipAtya kAchi\-
tkA~nchImaho gurumayImaparA nininda || 6||
prAptA svagehamaNitoraNamaNDamekA
rathyAgatatripuravairivilokanAya |
kiM sthANusaMshrayaNamiShTamiti bruvANAM
pANisthakelikamalena sakhIM jaghAna || 7||
kAchitpurA praNatikR^ityamashikShitApi
gaurIvarAya vinayA~njalimAbabandha |
tanmaulichandrakiraNairmukulIkR^itena
lIlAmbujena kR^itatatpravaNopadeshA || 8||
hInA~NgatoparatamArgaNamochanena
prAchInavairakupitena manobhavena |
sa~nchoditava nishitairnikhile.api dehe
vivyAdha kApi madanArimapA~NgabANaiH || 9||
prasthAnavegashithile sati keshapAshe
kAchittathaiva girishasya samIpamApa |
tena smarasya paribhUtimapAsya kesha\-
bandho vidheya iti baddhadR^iDhavrateva || 10||
yenAkulekShaNayugAdaruNendumauli\-
mAndolitena na vilokayituM shashAka |
lIlAmbujena sahasaiva nunoda kAchi\-
dAtmAlakaM chaladalibhrama pashya buddhiH || 11||
kaNThe sakautukasamarpitayA tadIye
vavre svayaM pashupatiM svayameva sadyaH |
kAlA~njanapraNayamechakayA svadR^iShTyA
nIlotpalArachitamAlikayaiva kAchit || 12||
vallIva yastadadharastaruNapravAla\-
statrApi nirmalaruchismitameva puShpam |
tasyodgame janavilochanabhR^i~Ngasevyo
mAso madhurmadhusakhAvirabhUtkShaNena || 13||
rathyopahArakusumaskhalanena kAchi\-
tpAdAgratodamabhinIya puraH purAreH |
AtmanyashR^i~NkhalamanobhavamuchyamAna\-
puShpAstradurviShahatAM prakaTIchakAra || 14||
kAchitprakoShThavalayAvalisaMshritasya
lIlAshukasya mukhasa~NkramitairvachobhiH |
bhikShATanAdilaghukR^ityaniShedhagarbhai\-
rmandasmitottaramayugmadR^ishaM chakAra || 15||
dvAri sthitasphaTikatoraNadIrghadaNDaM
tu~NgastanAgrayugalena nipIDayantI |
mandasmitAnumitachittanigUDhabhAvA
kAchinmuhurmuhuravaikShata chandramaulim || 16||
kasyAshchidIshapadavandanalAlasAyA
nAsIddivA mukulitaM karapadmameva |
chUDAshashA~NkakiraNaiH paribhUyamAnaM
tasyAH karapraNayakelisaroruhaM cha || 17||
ahnAya kAchidaniyantritameva klR^ipta\-
bandhashlathaM chikuramIshvaramAsasAda |
kAmAyamAna ##. . . . . . . . ## santa\-
niHsheShanirharaNabaddhadR^iDhavrateva || 18||
kAchitkalakvaNitaka~NkaNama~njunAdai\-
rIshaM svavIkShaNaparaM vidadhe vidagdhA |
puMsAM mano.abhilaShiteShu vilAsinInAM
prAyeNa bhUShaNaravaH prathamAbhilAShaH || 19||
AchArapuShpamaparA smitapuShpamishra\-
magre vibhoH kShaNamavAkiradAnamanti(ntI) |
lAlATalochanakR^ishAnubhayAdupAtta\-
rUpAntareva kusumAyudhachApayaShTiH || 20||

ityutprekShAvallabhakR^itau bhikShATanakAvye vilAsapaddhatiraShTamI |
\section{navamI paddhatiH | uttarapratyuttaram}
taistairvilAsacharitairvikR^itaM na veti
chittaM parIkShitumayugmavilochanasya |
yAnyUchire yuvatayo vachanAni sArdhaM
tasyottarairanuguNaiH kathayAmi tAni || 1||
sakhyaM vareNyaghaTitaM draviNeshvareNa
kArshyaM tathApi kimidaM tava nApayAtam |
ki~nchaiSha sundari chirAya payodhareNa
sphItena te parichitaH kR^isha eva madhyaH || 2||
sarveShu jantuShu samaM kathamindumaule
tvAmeva hantu viShamekShaNamAha lokaH |
madhyaH kR^isho.api vahati stanayorbharaM te
tasminvahatyapi cha madhyamavAda eva || 3||
doShaM vinaiva bhavatastaruNendumaule
kasmAtpurA vinihataH kariyUthanAthaH |
tvatpIvarastananirAkR^itakumbhakAnti\-
rjIvanmR^ito mayi varA~Ngi mR^iShApavAdaH || 4||
AdyantashUnyamiti vedavido vidanti
tvAmindushekhara jagatyudayAntabhAji |
tadvAdamAtramayamadya hi dR^iShTa eva
sarvaishchakoranayane tava madhyalopaH || 5||
utpATya pAvakamayaM nayanaM lalATe
pluShTastvayA kimiti sha~Nkara puShpaketuH |
dR^iShTyaiva te yadayamApa punaH prasUtiM
taM(tach)chaNDi hAsapadamasmyahamevameva || 6||
muktAmaya(yaH)sphuTami(ma)yaM rashanAguNo me
dhigdhigbhaya~Nkarabhuja~NgamakalpitaM te
muktAmayatvamiti chittvamu tasya bAle
(muktAmayatvamuchitaM nanu tasya bAle)
yaH saMsajettava nitambamajasrameva || 7||
pUrNaM vihAya kathamenamana~Ngashatro
mUrdhnA bhavAnvahasi(ti)nityakR^ishaM shashA~Nkam |
tvadvaktrakAntiparibhUtimanAkalayya
pUrNAdvarA~Ngi vara eva kR^isho.ayaminduH || 8||
ye garhitA girisha te.api bhavantametya
shlAghyA bhavanti sahaseti satAM pravAdaH |
rAgo.adhare kuTilatApyalake kR^ishatvaM
madhye kuche kaThinatA cha tathA na kiM te || 9||
vaivasvatena damitaH sakalo.api lokaH
so.api tvadIyacharaNena pinAkapANe |
padmaM shashI jayati bhIru mukhaM tavaina\-
mekAntato na vijayo na parAjayo vA || 10||
dehIti vAchi padamadya tavendumaule
chakShuH punarmR^igadR^ishAM maNimekhalAsu |
puMso rasArdrahR^idayasya puro vadhUnAM
vAkye cha chetasi cha karmaNi chAnyadanyat || 11||
etena bhaikShacharaNena jagatkuTumba\-
trANakShamA pashupate kimalAbhi pUrtiH |
pUrNo na kiM pratidinaM tvayi bhikShamANo
lAvaNyamAnanagataM pratipachChashA~NkaH || 12||
agresarastvamasi nAtha vilAsabhAjAM
bhikShAmaTasyapi kathaM tvamapAstalajjaH |
svachChandavIkShaNavachAMsi pR^ithagvadhUShu
kartuM na bhaikShacharaNAdaparo.apyu(styu)pAyaH || 13||
etAni nAtha vachanAnyamR^itopamAni
kaNThAdupAttagaralAdapi nirgatAni |
svAdiShThatA vachasi vakra(ktR^i)guNairna jAtA
shroturjanasya guNavattvanibandhanaiva || 14||
krIDAparaH kathamasi tvamanAdivR^iddho
mugdhAsu bhaikShacharaNachChalato vadhUShu |
yaH sa~Ngamo yuvatibhirjarayAturANAM
taM sUrayo jvaraNabhaikShajamAmananti || 15||
dhiktvAM bhuja~Ngamamayastava yasya hAro
muktAmayastava na kiM mama pashya nAtha |
muktAmayatvamuchitaM nanu tasya bAle
pInastanena kR^itasa~NgamanirvR^itasya || 16||
anyatra yAtamapi mAnasamIsha kiM te
naivAdadAsi balimadya nacha prayAsi |
dhatte gurustanabharaH kalakaNThitasya
taddakShiNIkR^itamidaM hR^idayaM mayA te || 17||
dhikkArShNyamIsha bhavato mukhapUrNachandre
bhraShTaM tadeva gaNayAmi galasthametat |
rAgo.adhare sudati yaH sa tavAnanendo\-
rAbhAsi(ti)sa~nchita ivodayashoNabhAvaH || 18||
madhyasthamIsha kathayantyakhilA bhavantaM
kasmAdakAri bhavatA smaradehadAhaH |
puMsAM karoti madirAkShi nitAntapIDAM
madhyasthameva kathamadya valitrayaM te || 19||

ityutprekShAvallabhakR^itau bhikShATanakAvya uttarapratyuttarapaddhatirnavamI |
\section{dashamI paddhatiH | bhikShApradAnam}
pratyAlayaM kR^ipaNavajjagatAmadhIsha
dehIti dInapadavAdini bhikShamANe |
vAmabhrUvAM manasijAvasa(sha)mAnasAnAM
bhikShApradAnacharitAnyupalAlayAmaH || 1||
kAchitpuraH purariporatisambhrameNa
bhikShAmapAtrapatitAmavabudhya sadyaH |
antarbhayena vidadhe hR^idaye karAgraM
bhikShAhamasmi bhavato bhagavannitIva || 2||
premNApi yAchitanidAnavirodhitA tu
darvIM dadhatyapi kareNa samR^iddhasiddhAm |
bhaikShATaNA(nA)ntamaparA girishena yogA\-
nnishchitya kAlaharaNaM kapaTaishchakAra || 3||
satpAtradAnavidhinA yadanena puNyaM
tanme tavaiva kR^ishabhAvamapAkarotu |
ityevamindushakalAbharaNAya kAchi\-
dbhaikSheNa puNyamapi dAnabhavaM didesha || 4||
AdAtumaichChadadhikaM girisho na bhaikShaM
pAtraM vadhUH sapadi pUrNamiyekSha(Sha)kartum |
Ayastayoryuvatisha~NkarayorbabhUva
bhikShApradAnasamaye satataM vivAdaH || 5||
darvyAH parichyutamidaM tamiyaM cha hastA\-
ddAnAdayaM tadapi durlabhasampradAnAt |
ashrAntameva girishAntarapallavena
kasyAshchidAyatadR^isho smitapuShpakena(Na) || 6||
AyAhi tiShTha jahi bhImabhuja~NgahAra\-
menaM galAttadanu bhaikShyamidaM gR^ihANa |
ityeva IshvaramapekShitabhaikShyadAnA\-
tprAgeva kApi nijaki~NkaratAM ninAya || 7||
ekA katha~nchana chireNa vinamravaktrA
lajjAvashena girishAya didesha bhikShAm |
dAnonmukhasya cha guNAbhyadhike nikR^iShTe
yAch~nAparasya cha samastrapayA vikAraH || 8||
dhigyAchanaM jagati sannihitAvamAnaM
bhaikShyaM pradeyamiti(daM)prArthayate maheshaH |
kAmadvahena(?)khalu deyamiti svavAchA
pratyAdidesha pura eva hi tasya kAchit || 9||
yo bhikShate pratigR^ihaM bhuvaneshvaro.api
tasmai cha yA sakaruNaiva dadAti bhikShAm |
tAvanvavekShya girishaM (cha)sakhIM cha kAchi\-
ttAmeva sarvasahatAM jagate jagarhe || 10||
darvImukhaM drutagatichyutasikthameva
kAchinmudhaiva nidadhe harabhaikShyapAtre |
tasyAH punaH parihR^ito(tau)kirati prakoShThA\-
dbhikShAkapAlapatitairvalayaiH pramAdaH || 11||
bhikShA pradAtumaparA shamanAntakasya
vegAdupAntamupasR^itya babhUva tUShNIm |
dAnAdadhaHkR^itatadIyakarAravindA\-
chChlAghyaM vibhudya(budhya)janashochyamadAnameva || 12||
AhUta eva charito vidhR^itAnnadarvyA
bhikShuH kayApi girisho na kR^itaH kR^itArthaH |
doShAvaranni(raM ni)ravadhervirahAsahiShNoH
snehasya ki~nchidapi chArudR^isho na tasyAH || 13||
bhikShAM pradAtumabhivA~nChya pumAnamuShmai
ka~NkAlaveSha iti bandhuvibodhitApi |
naiva nyavartata vi(va)dhUH shivabhaikShya(kSha)dAnA\-
ddharmAtmanA pariNato nanu kAma eva || 14||
yAvanna nirgalati dehi vacho.asya vaktrA\-
ttAvaddadau jhaTiti ko.api shivAya bhaikSham |
dehIti dInapadanirgamayatnamUlyaM
nAlaM jagattritayamarthijanAya dattam || 15||
yo dakShiNaH purajito vitatAra bhikShAM
kasyAshchidAshu valayaiH sa karoti hInaH |
hA hanta daivatamiti kramakAri vAmaH (?)
saMrakShito valayavA~N malinAlakAyAH || 16||
bhikShodane sthalanipAtini kApi shambho
pAtraM na samyagiti pANigataM jagarhe |
AtmIyaduShkaraNahetukayaiva martyaiH
sarvairvidheH shirasi pAtyata eva doShaH || 17||
mA gachCha shambhumiti mAtR^inivAritApi
bhikShApradAnamapadishya jagAma kAchit |
dharmapratIpagatirapyabhavattadAnI\-
mAlambanaM manasijasya vichitrametat || 18||
kAchitkareNa dayatI gurubhaikShya(kSha)garbhAM
darvImiyAya harapArshvabhuvaM na yAvat |
snehojjvalAM manasijaH svayameva bhikShAM
tAmeva tAvadadishatparameshvarAya || 19||
pAtrottamastvamasi nAyaka pANilagnaM
pAtraM tathApi na pavitramidaM kapAlam |
yAvanna tattyajasi naiva dadAmi tAva\-
diye(tye)va kApi girishAya dadau na bhikShAm || 20||

ityutprekShAvallabhakR^itau bhikShATanakAvye bhikShApradAnapaddhatirdashamI |
\section{ekAdashI paddhatiH | dInoktiH}
bhikShApradAnasamaye vanitAjanasya
shokena shambhumadhikR^itya vachAMsi yAni |
tasyottarANyapi tayA(thA)nunayAnvitAni
vakShyAmi tAni viduShAM shravaNotsavAya || 1||
bhikShATanAdikamama~NgalacheShTitaM te
kiM nAtha sApi sahate girirAjaputrI |
yadyatkarotyavinayaM jagatIha bhartA
sAdhvI vadhUranuguNaiva hi tasya tasya || 2||
bhikShATanaM yadi na te vihR^itipravR^ittaM
yAchasva bhUri purashAsanameva(?)bhaikSham |
loke.atra lobhabahule mitameva yAchyaM
tAvAnalAbhasamaye bhavitA viShAdaH || 3||
bhikShAnasAdhyamabhiyebhipinAkapANe
(bhikShAnnasAdhyamadhehibhipinAkapANe)
ruchyAvahaM tava tadeva hi kAlakUTam |
yadyAchitaM kR^ishajanena tadAshu deyaM
dAtrA kadAchidapi nAsya phalaM vichAryam || 4||
sarveShTasiddhiphalamIshvara ##. . . ## dhanesho
yAchyastvayA priyasakho natu bhikShitavyam |
vittAndhadurmukhanirIkShaNabhItibhAjAM
bhikShAbalaM prati niketama(na)dainyalabhyA || 5||
sarvAH kalA vadanato bhavataH pravR^ittAH
kiM tAsu kAchidapi nAtha na poShahetuH |
anyaiva kApi dhaninAM draviNAtmikA shrI\-
rvidyAtmikA cha viduShAmaparaiva lakShmIH || 6||
ki~nchinmuhUrttamiha tiShTha vibho madIyaM
gehaM pravishya punaretya dadAmi bhikShAm |
abhyarthinAmabhimatasya chireNa lAbhA\-
dabhyarhitaH sapadi nAsti pa(ya)dasya lAbhaH || 7||
tAM tAM samR^iddhimamarAhavato bhavante
bhikShATanavyasanamIsha mi(ki)marthametat |
nIchaiH kadAchanamasthiti(?)ranyadochchai\-
rapyekadA bhavati dehabhR^itAmavasthA || 8||
yatkevalaM tava karAgrakaroTipAtra\-
madyApyalAbhi bhavatA na kimatra bhaikSham |
utsAhasantatikR^itAmapi dehabhAjAM
lAbho na yatnamanudhAvati bhAgyahInam || 9||
mAgAH paratra bhavane bhava pAtramadya
bhikShodanairahamidaM tava pUrayAmi |
vAchAM mudhA kusumitA vidadhAti lokaH
ki~nchittulA phalati nArthiShu dIrghato.api || 10||
sampannamannamakhileshvarabhaikShamAtraM
tubhyaM dadAtumiyadetadapatrape.aham |
nirNItametadakhilArthijanena dAne
deyasya kAlalaghutA laghutAM kShiNoti || 11||
bhaikShArthinA pratigR^ihaM charatA tvayaiva
na sthIyate kimiti hanta muhUrtamAtram |
ekatra puShkalamalabdhavatAM svakAmyaM
kApi sthitirmadhulihAmiva durlabhaiva || 12||
dAsyAmi bhaikShyamakhilesha dine parasmiM\-
stubhyaM hatena vidhinA galito.annakAlaH |
samprIyatAM sa khalu nAma tayA tvaduktyA
(?)yasyAtmanaH sthiramati tvamivAtanoti || 13||
kAlAtyaye.adya bhavatA gR^ihamAgataM me
nAstyeva bhaikShamakhilesha kimatra kR^ityam |
nAstIti yo vadati bhikShusamakShameva
sadbhAvamAtmani niShedhati naiva deye || 14||
aprApaNe vadanameti yathA vikAsaM
bhaikShasya naiva hi tathA tava tasya lAbhe |
vA~nChAmyalAbhamahanA(mA)yatalochanAbhyaH
sadyo viyogavipadAhata eva lAbhaH || 15||
svAminmayA purata eva vikhaNDitAMsho
bhUyo.api mAM kimanudhAvasi bhaikShakAmaH |
bhR^i~NgaH parAmukulanena vimodhakAmaH
puShpaM nu kiM punarupaiti vikAsasha~NkI || 16||
tubhyaM dadAmi kathamadya vareNya bhikShAM
tAM svIkaroti kathameva bhavAnalajjaH |
dAtA yathAruchi dadAtyamitaM mitaM vA
gR^ihNAti vastu mitamapyama(ga)tirdaridraH || 17||

ityutprekShAvallabhakR^itI bhikShATanakAvye dInoktipaddhatirekAdashI |
\section{dvAdashI paddhatiH | pAravashyam}
badhnAti me prathamavairiNi pakShapAta\-
mevaM jano.ayamiti jAtarUShA smareNa |
niHsha~NkaviddhahR^idayasya vadhUjanasya
yatpAravasya(shya)hR^idayaM tadudIrayAmaH || 1||
bhUtaiH kimantikacharaiH sahasA gR^ihItA
daShTA sharIrakalitairuta pannagendraiH |
kA(klA)ntA svidamya galakAlagaroShmaNeti
kAchichChivasya pathi sandidihe sakhIbhiH || 2||
bhUShoragAnavigaNayya vibhorupAnte
kApi sthitaiva nijabandhunivAritApi |
kiM dhArShTyametaduta mauDhyamaho svidasyA
bhaktirvarA kimu manobhavavaibhavaM vA || 3||
Alokya dR^iShTiraruNA prathamAstragAkShyA(?)
gaurIkuchAghaNakiNorasamindumaulim |
pashchAdudashrusalilAbhavadagnitaptA
mArasya dattanishitAshrujaleva shaktiH || 4||
astraM vimuchya nikhilaM prathamaM prayoge
bhUyo.api veddhumabalAM vihitodyamasya |
alpAyudhasya vapureva tadIyamekaM
lakShyaM cha hastasharadhishcha tadA babhUva || 5||
pAdena kiM phaNigaNe chakitaM nitambe
shambhoH kare vivashamagrasare sapAtre |
AdhUsaraM bhasitalepini bAhumadhye
snAtuM shiraH sariti chittamadhIradR^iShTeH || 6||
kAchitpR^ithustanabhare galitottarIye
vyatyAsabha~Ngini hitena bhujadvayena |
Ali~NganaM hR^idayadeshajuShaH shivasya
kartuM samIpsitavatIva chiraM chakAse(she) || 7||
puShpaM vikIrya girishAya puraiva pashchA\-
tsarvo janaH shrayati bandhavimuktimanyaH |
veNIbharo mR^igadR^ishaH prathamaM vimukto
bandhAtpunaH purajite kusumAnmumocha || 8||
AtmAnubandhirashanAgalanAdyavadya\-
manyAsvapi kShaNamavekShya harAgra eva |
kAchittrapAparibhavAnna yayau tadAnIM
lajjAvaho na khalu jAtyavisheShabhAvaH || 9||
Ali~NganAddu(dR^i)tamanA girishaM vilokya
romA~nchakaNTakitamUrtirajAyatAnyA |
rogeNa puMsi nihitAsu(?)cha tAdR^igeva
prAyeNa tattadupabhogasukhaM karoti || 10||
kasyAshchidArdraghanachandanapa~NkilAyAM
saMvardhitaM stanabhuvi smarakarShakeNa |
romAcha(~ncha)sasyamamitishramavArisiktaM
bhedastu nAbhavadayaM khalu dIrghatantraH || 11||
ChinnastanAMshukaga(gu)NA bhara(va)sannidhAne
prItyA yadAyatadR^isho na tadadbhutAya |
yoShidguNA niyamitA vidhinaiva tasyA
lajjAdayaH sapadi yattruTitA babhUvuH || 12||
AsItparA sapadi tasya kR^itAntashatro\-
rAlokanAdanimiSheti kimatra chitram |
yasya kShaNasmaraNamAtravashena martyA\-
yatnaM vinApyanimiShatvapadaM labhante || 13||
chyotatsakhIvasanarakShaNadattahastA
visraMsinI(ni)svavasane purataH purAreH |
anyA punaH kShaNamajAyata dattamUDhA
nAmnA vane vigaNane pararakShakANAm || 14
(nAtmAvanaM vigaNitaM pararakShakANAm) || 14||
kasyAshchiduttaradukUlaviloladR^ishya\-
mAbhogataH kuchayugasya vinirjagAma |
antargataM jhaTiti vaktumivendumauliM
romA~nchamantikagatAya sakhIjanAya || 15||
bandhashlathaH kachabharaH prabalAshru netraM
kampottaraM kuchayugaM galaduttarIyam |
visrastakA~nchi jaghanaM charaNAM prayANe
shaktetaraH(ta)mR^igadR^isho haradarshanena || 16||
hastaH kayApi galitAMshukavAraNAya
vyApAra(ri)to valayavichyutidainyapA(mA)pa |
dhatte(yatne)kR^ite shamayituM vinipAtamekaM
hAniM parAmapi vidhirvidadhAti vAmaH || 17||

ityutprekShAvallabhakR^itau bhikShATanakAvye pAravashyapaddhatirdvAdashI |
\section{trayodashI paddhatiH | pAravashyoktiH}
kandarpamuktashitabANaparamparAbhiH
shambhoH shiraH prahR^itachittamavekShya sakhyaH |
nArIjanaM nijagadurvachanAni yAni
ramyANi santu rasikashrutipAraNAya || 1||
mugdhe smarArti pishunaM vasanA~nchalena
romA~nchamAbraNa(vR^iNu)puraH purasundarINAm |
lokaH paraskhalanadarshanadIpya(rgha)chakShu\-
rjAtyandha eva nijadoShanirIkShaNeShu || 2||
yatpUrvamAttavinayA~njalirIshapArshve
bhUyAH sadeti muhurAli mayApadiShTam |
tasyAvadhIraNaphalaM valayachyutiste
kShema~Nkaro bhavati kiM na shive praNAmaH || 3||
kAmaM vilokaya kR^ishodari kAmashatruM
mA bhUdayaM tava mukhAmburuhe vikAsaH |
Avirbhavatyabhi(hi)mabhAsi vikAsamAtrA\-
ttatpreyasIti nalinI na kimAha lokaH || 4||
AmIlanena kamalasya madhudya(vra)tAnAM
svachChandachAravihR^itistvayi sAnyathaiva |
durlepisha~NkaramukhAmburuhe.api lInaH
shakto.anugantumaparatra kaTAkShabha~NgaH || 5||
vAsachyu(shchyu)taM tava sakhItyabhidhIyamAnA
nIlaM harasya galamUlamiti bravIShi |
unmAdinAM jagati nUnamapArthajalpA\-
dalpAntarANi madanAturabhAShitAni || 6||
shambhoH samIpamupagachChasi nirvisha~NkaM
mugdhe manobhavabhavena matibhrameNa |
hArAhimasya na nirUpayasi kShudhArtaM
da(du)gdhaM cha te mukhamidaM shashinirvisheSham || 7||
srastottarIyamadhunA kuchamaNDalaM te
pAhi(Ni)dvayena pidadhAsi yadambujAkShi |
tatsAdhu samprati punarvalayojjhitasya
tasyAbhi ##. . . ## sakhi kena tiraskriyAstu || 8||
netradvayaM haravilokanalAbhamAnyaM
sarvetarendriyagatau gamiteva shaktiH |
sparshaM na vetsu(tsi)muhara~NgulitApi(Di)tApi
nAhvAnashabdamapi yatsakhi me shR^iNoShi || 9||
sarvA~NgavIkShaNamanobhavabhAgyahInA
nUnaM tvamasya girishasya kimadya kurmaH |
vakShaHsthale prathamamasya dR^ishaM nimagnA\-
muddhartumeva nipuNAsi na yatnato.api || 10||
nevAdya kAntivilayo vapuShIshvarasya
sa~NkochanaM na tava netrayuge prasa~Ngi |
abhyAsamadya sakhi pashyasi roSharUkShaM
pashyantu tA api vR^iShadhvajamAdareNa || 11||
IrShyAkaThoramasakR^ittvamavekShase ki\-
manyo.api taM kamapi pashyatu bhIruvargaH |
mohena sha~Nkaravilokanasambhavena
shvAsaM na ki~nchidapi mu~nchasi tArakAkShi || 12||
bhR^i~NgAstadIyavarasaurabhalAbhalolA\-
dyatnena(yatte na)samprati tavAnanamAshrayante |
mA me khaleti mama vA vanamAkalayya
baddhA tadA kva galitA maNimekhalA te || 13||
##. . . . . . . . . . . . . . . . . . . . . . ##
##. . . . . . . . . . . . . . . . . . . . . . ## |
yo mUDhadhIH svayamayaM punarAptavAkyaM
na shraddadhIta yadi tasya vipattireva || 14||
kA~nchIguNaH patatu kAmamasau nitambA\-
detAni ratnavalayAni cha bAhuyugmAt |
etattu me vyasanamAli sahaiva taistai\-
rlajjAmayasya sahajAbharaNasya pAtaH || 15||

ityutprekShAvallabhakR^itau bhikShATanakAvye pAravashyoktipaddhatistrayodashI |
\section{chaturdashI paddhatiH | vishleShArambhaH}
shlAghyena bhaikShacharaNena chiraM vihR^itya
rathyAsu kAladamane gamanapravR^itte |
jAtAni tasya pura eva nitambinInAM
vishleShabhItikaluShAni(Ni)vicheShTitAni || 1||
gantuM pravR^ittamavalokya vR^iShA~NkamekA
bAlAmbu netrayugule prachuraM babhAra |
tasyAstadIyanayanAni punarvidAhA\-
ttrasyanniva kShaNamalakShyata pa~nchabANaH || 2||
sAkUtamaikShata haraM muhureva kAchi\-
dvishleShavandananimIlanapAdapadmA |
sa.nj~nAM saroruhanimIlanayogyakAle
bhUyaH samAgamamavekShya vitanvatIva || 3||
mandasmitairakalitottaramIshamanyA
dehIndranIlamiti kaNThagaraM yayAche |
AgAmitaM jhaTiti tIvraviyogatApaM
tenaiva kartumabhivA~nChya kilADha(Dhya)buddhiH || 4||
kAchitpatiM gativiShaktamavekShya chihnaiH
kA mAM tathAstvatha cha kApi mamAsti mIti |
ete game hR^idayagehamahaM praviShTo
mAM nirgamediti vilochanamAmimIlya || 5||
mA gA iti vyavasitA vadituM kayApi
sadyo niroddhumapi dattabhujArgalena |
nAnuShThitaM gamanakA~NakShiNi bhUtanAthe
hrIyantriNA(tA)bhavati naiva manaHpravR^itteH(ttiH) || 6||
hastaM mama tvagalitaM valayaM na jAne
bhikShAkapAlamiha nAyaka darshayeti |
kAchichchakAra harayAnamuhUrtavighnaM
bhikShuH shivo.api paribhUtipadaM jagAma || 7||
vIthIvimochanagativyavasAyamekA
dR^iShTvA haraM virahatashchakitA chakAra |
tatsannidhAvapi nimIlya nimIlya chakShu\-
ryatnena bhAvitadavIkShaNasAmyashikShAm || 8||
tAvattrayAtvaritapArshvagatiM mR^i(tirmu)gAkShyA
tAvachChalAdasakalAni vilokitAni |
vIthIparibhramaNakelivipakShabhUto
yAvatprabhornigamane janitA(nA)bhilAShaH || 9||
antarjvarasva(shva)sitamUrti(rmi)tameva bhUyA\-
ngaNDasthale dhavalimA dR^ishi chAnya(bAShpa)pUraH |
jAte hareNa sudR^isho virahapratApA\-
tpUrvaM phalaM tadanu heturaho vichitram || 10||
ki~nchinnirargalavinirgatabAShpapUrai\-
rAsha~NkitaM haraviyogaharaM sakhIbhyaH |
dR^iShTirmameyamalakachyutapuShpareNu\-
spR^iShTetyapR^iShTavachanaiH prakaTIchakAra || 11||
prasthAnamindushakalAbharaNasya kAchi\-
dAsannameva vigaNayya bhavena mugdhA |
AdarshamApatitatatpratibimbahR^idya\-
ma~NgeShvana~NgavivasheShu muhurnyadhatta || 12||
bhagnasya sha~Nkhavalayasya mamaitadeka\-
marthaM nirAya(pya)mR^igaye tadiha dvitIyam |
yanmUrdhni te kuTilabhAsvarametadadya
sandarshayeti vanitA girishaM rurodha || 13||
svachChandarAgarasikasya gatirvi(gatiM ni)roddhuM
shaktAsmi te malayamArutatulyavR^itteH |
asyAH smarArtiriyatIti sakhI pradarshya
prasthAyinaM haramavochadupAMshu kAchit || 14||
sadyaH prayANakaruNodyamagamyamAna\-
nairasyamArdrayitumeva manastadIyam |
petuH pinAkini muhurmR^igalochanAyA
bAShpodayAntaritalochanavIkShitAni || 15||
kAchitprasaktagamanA girishaM pratasthe
ChAyApraviShTavapuShA mukure nidhAya |
taM sarvathA sulabhameva vibudhyamAnA
nArI viyogaharavihvalatAM jagAma || 16||
lIlAmbuje mama ramasva yatheShTamasmi\-
nmA gachCha ShaTpada paribhramaNena kiM te |
ityAshu kApi girishasya gatiprasa~Nge
bhR^i~NgAshrayaM gatiniShedhavache(?)jagAda || 17||
AshAsamullasitapInapayodharAgrA
nAmnAdharasphuraNadarshitasha~NkakopA |
kAchidbabhUva gatikA~NkShiNi nIlakaNThe
bAShpAmbudurdinamukhI jaladAgamashrIH || 18||

ityutprekShAvallabhakR^itau bhikShATanakAvye vishleShArambhapaddhatishchaturdashI |
\section{pa~nchadashI paddhatiH | prashnoktiH}
sthA(sthi)tvA vibhorjigamiShoH pathi kAtarAkShyA\-
statprasthitikShaNanivAraNakAraNena |
(?)apyalpakAM viviShadAmahavaM ya eva(?)
prashnAtmikAni lalitAni vachAMsi chakruH || 1||
sa tvaM purANa kathayeha mamAdyaM rUpaM
sakhyA sahaiva chirakAlakR^ito vivAdaH |
yadbhasma te vapuShi tadbhavatA gR^ihItaM
dAhe smarasya kimatho na puratrayasya || 2||
sha~NkAmimAM shamaya nAtha punaryatheShTaM
deshaM bhavAnvrajatu kena tathA virodhaH |
dAkShAyaNIpariNayapraNaye.api kiM te
pANiH phaNIndrapu(pa)ruSho.ayamathAnyathA vA || 3||
pR^ichChAmyahaM kimapi nAtha bhavantameta\-
dbrUhi dvayorapi tayoradhikaH ka eva |
anviShya yastava varAhamalAbhakhedo
vyAdhAkR^iteH suchiramasya cha yo bhavantam || 4||
svAminmadIyahR^idaye chirakA~NkShito.ayaM
kAryastvayA sapadi vipratipattilopaH |
dehIti yatpathamathAbdhibhavaM viShaM vA
jihvAgraduHsahamudIraya kiM tayoste || 5||
jij~nAsayA hR^idayamAkulitaM tathApi
pR^ichChAmi tatkathaya nAyaka tathyameva |
kiM te kapAlamanishaM dayataH karasya
kiM vAnugehamadatashcharaNasya yatnaH || 6||
yAche bhavantamadhunA madhubandhushatro
sha~NkAmimAM prashamayAtichirAnuShaktAm |
tvadbhaktayorvada pulindamukundayoste
netraM yadetadadhikaM katareNa dattam || 7||
abhyarthaye bhava bhavantamapAkuruShva
dIrghaM vivAdamanuyuktavibodhanena |
kA vallabhA tava himAlayajahnuputryo\-
rbhAgena kiM pariNatA shirasA dhR^itA vA || 8||
astyeva yAnavihatIbha(tirbha)vatastathApi
sandehamadya niravadya nirAkuruShva |
sarpairala~NkR^itiriyaM kimu kAntidarpA\-
tkiM sarvayoShidupagUhanasha~NkayA vA || 9||
pR^ichChAmyahaM kimapi nAtha bhavantamadya
tathyaM nigadya kuru mAmapi vItasha~NkAm |
chApAhatiH kimanatiH shirasA svayaM vA
kAmasya dAhasamaye tava kopahetuH || 10||
yatsatyamatra vada nishchayahetuhAnyA
sodyo(dI)yate mama matishchirakAlase(me)va |
kiM te shmashAnamasite kimu sarpahAre
sarvasvabuddhiruta bhaikShakapAla eva || 11||
etatkutUhalavashena mamAsti ki~nchi\-
dvij~nApyamadya bhagavanbhava sAvadhAnaH |
kiM te galasya yadi vA vibudhA~NganAnAM
kaNThasya bhUShaNamavekShya viShopayogaH || 12||
vA mishraNaM kuru madIyavachobhiradya
sandigdhavastukathanena shashA~Nkamaule |
mUrdhnA natistadapi loptumalaktarAgaM
gauryaH pade kimuta vajrashikhoparAgam || 13||

ityuprekShAvallabhakR^itau bhikShATanakAvye prashnoktipaddhatiH pa~nchadashI |
\section{ShoDashI paddhatiH | anugamanam}
bhikShATanavyuparame sati vA(yA)ntamIshaM
yA viprayogabhayadusthi(sthiH , stha)tayA na jagmuH |
tAsAM saroruhadR^ishAmanuyAnakAle
yachcheShTitaM tadapi mAM mukharIkarotu || 1||
pUrvA~Ngama~Ngajaripo pratinetrapAta\-
vrIDAdvilokana(kita?)vatI na purA na babhruH(navabhrUH ?) |
pashchAdapashyadaparA~NgamanuvrajantI
sarvA~NgavIkShaNamahotsavabhAgyahInA || 2||
AndolitAmamarasindhutara~NgapAtai\-
rindoH kalAM shirasi kApi vilokya shambhoH |
eShA patiShyati patiShyati sampratIti
tatsvIkR^itavyavasitAttamanu pratasthe || 3||
tasyA dvi(kasyAshchi)dantikasakhIbhirupekShitAyAH
sakhyo na vA bata harAnugame babhUvuH |
ekA dR^iDhA vyavasitirmahatI varAnyA
kAchitkaThoraguruvarganiShedhasha~NkA || 4||
kAchitsvabandhujanamekapade vihAya
rathyAsamAgatamanAkalitAnvavAyam |
(?)bhikShAM virUpanayanaM vanitAM vihAya
kAmashchiraM praNayamAhava(vaha)ti kShaNena || 5||
kAchijjanasya purato manasAdhyavasya
mugdhenduchUDamanugantumudashrunetrA |
sA yudhyatoratha jayArthatayArgalAbhU\-
dudriktamAnamadanadvipayormuhUrtam || 6||
gachChantamantakavipakShamanuvrajantI
dhAtryA katha~nchidapi kApi nivAritAbhUt |
chakre.atha kevalamiyaM manasA nu yAtrAM
vallI yathA sumanasA malayAnilasya || 7||
gaurIpateranugamena kimityudIrya
pUrvaM punastu vachanairvihitAnuyAtrAm |
tachchitramAptavachanairvanitArthamUDhai\-
rityAtmanaH priyasakhImaparA chukopa || 8||
prate(?)baligrahaNakarmaNi kApi bAlA
yAtuM pravR^ittamavagamya pinAkapANim |
eShyaM nishAghanatamasyabhisartumIshaM
chUDenduyAchanaparA chiramanvidhA(yA)ya || 9||
ekA rahasyabhimataM kila vaktukAmA
dIrghAM vibhoranugatiM vidadhe mR^iShaiva |
sA kiM karotu sakalAsvapi chAtmanaiva
tulyAbhilAShagamanAsu vilAsinIShu || 10||
eShA bhaviShyati manobhavasAyakAnA\-
madyaiva pa(pA)tramiti tAM sahasA vihAya |
tasyAshchidIshamapayAntamiyAya cheto
naivAptirApadi phalAya napuMsakena || 11||
kAchitprayAntamanugamya patiM javena
bAlA padAni katichinna punaH shashAka |
(?)muktAstvayA dishamanena gatAmavekShya(?)
shvAsAnila(lA)stamanu dUrapathA(?)nujagmuH || 12||
(?)nAsmAdavApya nu matinnasakI chaladhvA
sa~NghAdhikA na cha tathAbhyudito.asya deshaH(?) |
kAchittathApyanujagAma haraM prayAtaM
natvApi hanta gaNanA madanAturANAm || 13||
santarjitAbhi(pi)gurubhiH kR^itasatva(sAntva)nApi
jIvopamaiH parijanairanuyAchitApi |
jAtaishcha kApi hasitApyanushochitApi
madhyasthitairna girishAnugatiM mumocha || 14||

ityutprekShAvallabhakR^itau bhikShATanakAvye.anugamanapaddhatiH ShoDashI |
\section{saptadashI paddhatiH | bhikShATanam}
sarveshvaro.api nijashAsanahAnidoShA\-
dgrAmeShu bhaikShacharaNAdiShu yaH prayatnaH(ttaH) |
AdhAtumasya vinayaM girishasya chakruH
shikShAvachAMsi dR^iDhabhaktivashena nAryaH || 1||
etadvibho jahi karAgrakaroTipAtra\-
mevaMvidhAtmavadhapAtakasUchakaM te |
karmAyashasyamavashApatitaM svakIyaM
nAshlAghayatyanugR^ihaM jagati tvadA(da)nyaH || 2||
dAtA jano.astu bhavane bhavato.apyanekaH
kAmaM tathApi na phalAya tavArthito.ayam |
ratnAkaro.api vidhinA yadi nAma shuShye\-
tkastasya pUraNavidhAnaparaH payodaH || 3||
bhikShATanaM tava na yadyapi varjanIyaM
dehIti mA vada kadApi shashA~Nkamaule |
abhyarthinAmavanatAnanadudruyaiva(?)
dAtA dadAti nahi ##. . . . ## girApi lubdhaH || 4||
Amo(tmo)parodhavirasA karuNA na jAtu
bhUyAditaH prabhR^iti te kR^ipaNAmareShu |
chakre nisargavimalasya ta eva kaNThe
kArShNyaM vR^iShadhvaja yadIyavipAkadoShaH || 5||
gIrvANalokasaritA saha nityamenA\-
mahyAvaliM shirasi mA bibhR^iyAH purAre |
tvarya(yya)kramAkalitavishvapadArthavarge
mA bhUtkadApi na visheShavidityavadyam || 6||
bhImaM bhuja~NgamapahAya pinAkapANe
kaNThe kuru prakR^itishItalameva hAram |
tenaiva shAntimupagachChatu kAlakUTa\-
nityAspadasya sahasaiva galasya tApaH || 7||
mA jAtu chandrashakalAbharaNa shmashAne
krIDA vibho saha pishAchagaNairvidheyA |
kShudre chiraM parichayo vihito vidhatte
saujanyabhUShaNabhR^itAmapi chittabhedam || 8||
kastvA niroddhumalamIsha yatheShTachAraM
vij~nApanIyamathavAsti mamaitadekam |
gaurIpayodharanisargaparigrahe.asmi\-
nvakShasyama~NgalachitAbhasitaM nidhAyyam || 9||
shArdUlacharmavasanavyasataM vihAya
kShaumaM suradrumabhavaM paridhehi nAtha |
naitena yadyapi tavAsti visheShalAbhaH
shobhAM tadAshu labhatAM tava saMshrayeNa || 10||
prAgeva jR^imbhitamabhUdayasho jayatsu
puShpAyudhaM(puShpAyudhAya)yadakaronnayanAgnihavyam |
netrAnalopari harAsya sahAyamindu\-
chUDApagormipayasA bhava sAvadhAnaH || 11||
Asyena hu~NkR^itimatA stanitaiH kaThorai\-
ruttu~NgashrR^i~Ngayugalena cha bhIShaNena |
yastrAsamAvaha(hava)ti bhIrujanAsya shambho
bhittvA jagadgadamimaM kuru bhaikShyacharyam || 12||
tenaiva vittapatinA jahi maittrabandhaM
yAch~nA~njaliH shirasi nAtha muhuH kR^ito me |
bhikShATanAduparatiM tava yo na chakre
shaktena chetkarakaroTiviparyayaM vA || 13
(shakto na che kuru karoTiviparyayaM vA) || 13||
mA dayaye(?)padayugaM nalinaH prakAraM
sandhyAsu nAtha pitR^ikAnanasa~NkrameNa |
yatkShAlayatyaharahaH pariShatsurINA\-
muttaMsapuShpagalitairmakarandapUraiH || 14||
yogochite madanasUdana sAndhyakAle
keshAchite shavashatairnichite shmashAne |
pretaiH pramodanaTanaM bhavatA na kAryaM
dhigdeshakAlagaNanAvidhuraM charitram || 15||
AtmIyabhUtiparibhUtikarIM samR^iddhi\-
mAkalyayAlpashashibhUShaNabhR^ityavarge |
Aropyate jalajanairjagadAdhipatyaM
yattvatsamAshrayaNalabdhapade mukunde || 16||

ityutprekShAvallabhakR^itau bhikShATanakAvye bhikShATanapaddhatiH saptadashI |
\section{aShTAdashI paddhatiH | rathyAcharitam}
bhikShApratigrahamiSheNa mR^igekShaNAnA\-
mAdAya mAnamapayAyini lokanAthe |
rathyAsu duHsahanavotkalikAkulAnAM
tAsAM charitramahamadya vijR^imbhayAmi || 1||
hAraH kvachitkvachidalaktarasaH kvachichcha
dhammillapuShpanivahaH kvachiduttarIyam |
kvApyardhabhagnavalayAni mR^igekShaNAnAM
rathyA bhareNa kR^itacha~NkramaNA vivavruH || 2||
kShoNItale ##. . . . . ## nipAtitahAramuktAM
svIkartumAdR^itavatIva niShaNNamUrtiH |
rathyArajaHsu nihitAni vibho padAni
kAchiddadarsha suchiraM purataH sakhInAm || 3||
kAchitpurAripadalA~nChanabhUShitAyA
vIthyAvimokShavimukhI purataH sakhInAm |
bhUmau vikIrya muShato(?)nijahAramuktAM
tAsAM ka(kra)magrahaNasambhramamAchakAra || 4||
AdAya shambhupadamuktimadAdareNa(?)
rathyAparAgamaparA nidadhe kachAgre |
kandarpamuktashitabANanavavraNAnAM
nirvApaNArthamiva siddharasasya chUrNam || 5||
mArge shivasya patitaM kR^itamAlapuShpa\-
mAdAya kApi bahu sa~NkaTamAsasAda |
yatpuShpamAtradhR^itibhUShitamuttamA~NgA\-
nnaivA~Ngamasti cha yadanyata(da)to variShTham || 6||
shambhoH kapardagalitaM kR^itamAlapuShpaM
labdhvA sakhIM pramuditAmavalokya kAchit |
vIthyAgatapraNayinA svayamapyavAptuM
chUDAnadImalabhataiva dR^ishoH kShaNena || 7||
vIthyA yayApa lalitAM kR^itapuShpamAlAM
shambhoH kapardagalitAmaparA vahantI |
tAM vIthikAM na vijahau shashikhaNDalobhA
labdhe.apyuparyupari kA~NkShata eva lokaH || 8||
vIthyAM shivasya charaNAmbujadattamudrAM
kAchidvilokayitumAnanamAnamayya |
dhArAtmanA nipatadashrujalAttadAnIM
jyAbandhanI madanakArmukayaShTirAsIt || 9||
atrasthitaM suchiramatra balirgR^ihItA
sAkUtamatra girishena vilokitAham |
ityAkulA parijanaiH saha tatra tatra
babhrAma naShTamiva kApi manobhave tu || 10||
svIkartumaichChadaparAM ##. . . . . . . . . . ##
##. . . . ## harasya padamudritamAdareNa |
vinyAsalopichakitA muhurIkShamANA
naivAdade na cha mumocha vadhAshchirAya || 11||
Adau vR^iShasya khuradhUlirathAsya ghaNTA\-
nAdaH puraH shishiramaulidhunIsamIraH |
vIthI svayaM tadanu bhUtapateH pravAse
kasyAshchidAshvasatha heturabhUtkrameNa || 12||
sambandhi vastu dayitena yathA kayApi
pratyA manaH sukhayati dhruvama~NganAnAm |
IshAnavAhanavR^iShAni~NghrikhurAhatAyAH
pR^ithvyA rajobhiraviniHsR^itimApa kAchit || 13||
vIthyAM chakAra kR^itamAlamavekShya kAchi\-
nmauleH shivasya nipatediti jAtatarkA |
daivAttadAsyapachichAya punaH shashA~NkaM
labdhe.apyuparyupari kA~NkShata eva lokaH || 14||
yasyAM vira~nchibalasUdanadurlabhAbhyAM
padbhyAM chachAra suchiraM sa vihArabhikShuH |
svachChandakelibhavanAdapi saiva rathyA
pathyeti kApi na kadApi gR^ihaM vivesha || 15||
AtmIyameva dhavalaM valayasya khaNDa\-
mAste shivasya patitaM vanitA vilokya |
sadyaH kapardagalitA shashinaH kaleti
jagrAha kAchidupasR^itya kutUhalena || 16||

ityutprekShAvallabhakR^itau bhikShATanakAvye rathyAcharitapaddhatiraShTAdashI |
\section{ekonaviMshI paddhatiH | charitopalAlanam}
AtmIyanetrapathalambini vR^ittanAthe
rathyAgatA haraviyogaviShAdashAntyai |
vAmekShaNA jagadurasya kathAprasa~NgA\-
dAviShkR^itAdR^itarasAni mitho vachAMsi || 1||
kasmAdayaM sakhi kareNa sibhakti shambhu\-
rbhikShATane vidhishiromayameva pAtram |
kAryA kadAchidapi nArthitakAlahAnAM
dIrghAyuShAmapi dasheyamitIva shAsti || 2||
ko.anyo dadAti himasAnumatastanUnAM
mAradruhe cha jagati shvashuradruhe cha |
taM labdhumadritanayAmapahAya kanyAM
kA vA karoti sukumAratanustavAMsi || 3||
kaivAparA girisutAmapahAya kanyAM
kAmadruhaM jagati kAmayatI vR^iShA~Nkam |
tasyAH piturhimavataH shvashuradruhe.asmai
ko.anyo dadAti tanayAmapahAya bhItaH || 4||
abhyarthitaH suragaNena ##. . . . ##(?)visha~Nka(?)
chakre haraH kimiti tIvraviShopayogam |
manye.ahamuktamaguNA gaNayanti pathyaM
yAch~nA viha~NgakaraNAdviShapAnameva || 5||
netrAnalArchiShi vibhormadanena sAkaM
ploShotsavaM kimiti naiva ratiH prapede |
sA tatra gantumakarodadhabhAgyahAnyA
tasyA babhUva nayanodakamantarAyaH || 6||
kAmapriyA madanameva vibhorvitanvaM
dagdhastadA kimiti naiva hutAshanena |
dAhyo na kiM vyatikaraM shivayA shivasya
mUDhaH svakR^ityamiti darshayituM pravR^ittaH || 7||
shailAtmajAsahacharo.api haraH kimarthaM
mandAkinIM shirasi sAdarameva dhatte |
itthaM na chetkathamayaM bahusho bhavAnyAH
pAdaprahAraphaladaM kalahaM labheta || 8||
dehIti dInapadamAhitapAtrapANiH
kenArthiveShamayamAhvayane(driyate)vR^iShA~NkaH |
sarvo yathA vibhavamAdriyate jano.anyaH
kArshyaM tathA prakR^itidurlabhamIshvaro.api || 9||
bhikShaiva vR^ittirajinaM vasanaM yadasya
vAho vR^iShastadayamichChati kiM maheshaH |
sarvo yathA vibhavamAdriyate jano.anyaH
kArshyaM tathA prakR^itidurlabhamIshvaro.api || 10||
nidrAnimIlitavilochanamUlyameSha
shambhuH svadarshanamadAdgaruDadhvajAya |
kAlAnta eva vibhavaH kuTilasvabhAvai\-
rvR^ittyaiH prasAdhitadhiyo mahate phalAya || 11||
kailAsachAlanakR^itAMhasa eva kasmA\-
dIshaH kR^ipANamadishaddashakandharAya |
santrAsitAdritanayAdR^iDhakaNThapAsha\-
lAbhena tuShTahR^idayaH sa na kiM dadAti || 12||
ArAdhya dugdhajaladhiH sudhayaiva devA\-
ndevAya hanta mahate garalaM didesha |
evaM dhruvaM prakR^itireva kulAshayAnAM
nIcheShu sammatirasammatiruttameShu || 13||
vidvajjano jagati yena pitAmahena
bhikShApratigrahaNapAtramakAri sarvaH |
tasyottamA~Ngamapi sha~NkarapANipadme
bhikShApratigrahaNapAtramaho babhUva || 14||
bANAhave murajitA vijitaH purAri\-
rityeva vishvagaditaH sakhi bhUtavAdaH |
satyA sa eva sa yataH prabhavo layAnAM
bhUtyai parAkramaNakR^ityamatIva hAsyam || 15||
shambho purA yadabhavanmadanena sAka\-
madyApi vairamanuvartata eva kiM tat |
gauryA sahaiva kR^itavigrahasandhinA vA
puShpAyudho vikR^itavigrahasandhireva || 16||

ityutprekShAvallabhakR^itau bhikShATanakAvye charitopalAlanapaddhatirekonaviMshatiH |
\section{viMshI paddhatiH | gR^ihapraveshaH}
gaurIvarasya padapAtapavitrapAMshuM
rathyAH katha~nchidapahAya shanaiH pravR^ittaiH |
gehe praveshacharitaiH puramAninInAM
vANImimAM vayamamI charitArthayAmaH || 1||
kAchitsakhIvihR^itapathyavacho~NkushAnAM
pAtaiH pravR^ittiviparItashirovidhUtiH |
pArthasthitaiH parijanaiH pariNudyamAnA
kR^ichChreNa duShTakariNIva niketamApa || 2||
achChinnayA shruti(?)paramparayaiva vIryAM
gaurIpatiM vihitasannidhimIkShamANA |
sarvAsvapIha nilayaM prati kAminIShu
yAtAsu kApi cha na kApi gR^ihapravesham || 3||
prAksa~Ngame purajitA madashoNarUpaM
shokena pANDuramato nu gR^ihapravesham |
kasyAshchidAnanamabhUdudayAdrimetya
bhUyaH kramAdvijahatA shashinA samAnam || 4||
Ashritya yaM bhavanatoraNadIrghadasma(?)
pUrvaM purArimavalokayati sma kAchit |
tanmoktumeva na shashAka gR^ihapraveshe
prApte tadA kalitamUrtiriva smarAstraiH || 5||
nItAM katha~nchana gR^ihaM priyabandhuvargo
bhUyo.api nirjigamiShuM sahasA rurodha |
(?)snihyanti kAraNamapUrvakapAlinIti
kasyAM kathA jhaTiti hanta bahirgataiva || 6||
ApANDugaNDayugalA galadashrunetrA
svasthAnavichyutakaTIguNavandhapAdA |
AlIjanena paritaH parirakShyamANA
bandIva kApi shanakairvasatiM vivesha || 7||
pUrvaM gR^ihAtprachalitA haradarshanAya
vAmA~NghriyAvakarasairaruNIchakAra |
bAShpairmaShImalinitairvinivartamAnA
tAmeva kApi padavIM malinIchakAra || 8||
kAchitkatha~nchana sakhIjanasAntvavAdai\-
rdvAraM gatApi haramArgavilokanechChuH |
bANI manasvina ivArthanadainyakAle
nAntargatA cha vanitA na bahirgatA cha || 9||
yA pUrvamunnatapayodharagauraveNa
klAntApyavApa haramIkShitumAshu rathyAm |
tasyaiva sA hR^idayadeshajuShA garimNA
gehapraveshamashakanna punarvidhAnA || 10||
nAthe chireNa patitAmanivartya buddhiM
kAchitsvayaM nivavR^ite guruvashyabuddhiH |
tasyAH punarbahuvichArasakhIM vinaiva
buddhiM kR^itaM madanu(?)hAsyamabhUchcharitram || 11||
kAchitkatha~nchidapi naiva gR^ihaM vivesha
rathyAM vihAya bahubhiH kR^itasAntvanApi |
kAmAturasya hR^i(ha)tabandhujanAvakIrNe
kArAnivAsasama eva gR^ihe nivAsaH || 12||
gehaM pravishya punarapyayamAgatasya(syaH , sa)
vIthyAM vR^iShA~Nka iti kApi vinirjagAma |
rathyAsu bhaikShacharaNAdaparaM na kR^ityaM
tasyoraso mR^idumanA gaNayA~nchakAra || 13||
kAchitpradakShiNavi(ni)darshanadurbalA~NgI
vIthyAM nipAtya nijabhUShaNamekamekam |
yAvadgR^ihopagamanaM nanu tAvadeva
rathyAvasheShasakalAbharaNA babhUva || 14||
vIthyA katha~nchana gR^ihaM vachanaprabhedaiH
prAveshayadvirahiNIM priyabandhuvargaH |
chittaM tadIyamasamAkShi(kSha)viraktapAshaM(?)
nAlaM praveshaya(yi)tumeva punarbabhUva || 15||
kAchidvivesha shayanAlayamAptasakhyA
rathyAM vihAya haravIkShaNahAnidUnA |
tasyA manashcha virahavyathayA sahaiva
shrIkaNThasa~NgamamahotsavalambhachintAm || 16||
hastachyutaishcha balayaishchiki(ku)rapramuktaiH
puShpaishcha yAvakarasaishcha padAgramuktaiH |
kIrtyaishcha bhA(hA)ramaNibhirgirishasya rathyA\-
mAkalpya kApi shanakairvasatiM vivesha || 17||

ityutprekShAvallabhakR^itau bhikShATanakAvye gR^ihapraveshapaddhatirviMshatiH |
\section{ekaviMshI paddhatiH | bandhuvachanam}
Alokya mArajanitAM kR^ipaNAmavasthAM
vAmabhruvAM nijagR^ihaM punarAgatAnAm |
sandUyamAnahR^idayo hitabandhuvargo
yAnyapyavochata vachAMsi vadAmi tAni || 1||
hA hanta dagdhamadanastava puShpashayyA\-
sheShaM sharIramakarodasahAya eva |
rAtrAvathAsya navakairavagandhabandhu\-
mandAnilaprabhR^itayo bahavaH sahAyAH || 2||
kAlAnalo yadalikA~NkShi(kSha)NirakShito.abhU\-
tkaNThe cha yadgaralamarpitamIshvareNa |
tatsarvamAtmavirahe sati bAlikAnAM
tApaM vidhAtumiti samprati me vitarkaH || 3||
asyA hareNa virahAdatikarshitAyA
hastachyutaM valayametadalabdhadesham |
Aste punaH sthitimagAdayama~NgulIyaM
sthAnAchyutiM mama ha eva bhavatyanarthaH || 4||
aj~nAtamadya tanaye tyaja shokasha~NkuM
pa~nchAyudhaH kimapi tattvayi jAtakopaH |
rAgo navashcharaNayoranujAtajanmA
muktAvalI virachitA nayanAmbuleshaiH || 5||
a~NgeShvayaM dhavalimaiva yada~NgarAgo
dattaH shivena sakhi vR^ijja ##. . . ## (?)taiSha poShaH |
bhaikShaM pradAtumanaghAya yadodyamaste
tUShNIM sthitA sukR^itabha~NgabhayAdapUrvam || 6||
dhatse tadadya mama pApamabhUttavetthaM
yatsaMshayasthitiriyaM madupekShayaiva |
sarvo.api vakti jana eva shivAbhidhAnaM
bhasmAvalIM pa(pra)ti yathepsitama~NgakeShu || 7||
tanme sutA vidadhatI parihAsapAtre
prAyeNa kAmukajanasya guNo.api doShaH |
ghurghUrakaM shirasi naiva sugandhi puShpaM
bhasma stane na tava ku~NkumachandanAdi || 8||
yatne(tte)sutA mama kimanyadiyaM vR^iShA~Nke
premNA bhaviShyati bhuja~NgamabhUShaNApi |
yasya kShaNaM smaraNameva sudustarANAM
sarvApadAmupashamAya vadanti vR^iddhAH || 9||
tatsatyameva khalu yannavabandhujIva\-
shobhAharaM sakhi harAyanamAmananti |
tasmAnni(da)tIva ratimadya dadhAsi tena
shobhAgataiva tava shaMsayitushcha jIvaH || 10||
dR^iShTvApi taM shivamiyaM punarevamArtA
prAyeNa puNyamapi puNyavatAM phalAya |
tatpAdapadmayugalasmR^itimeva sarve
sarvavyapAyashamanIti vadanti vR^iddhAH || 11||
medhaM vinA sthitimagAnna sarittathaiva
bAlA vR^iShA~Nkamiti bhItirabhUtpurA me |
(?)lobhe mahAlayamaho yadabhUdamupyA(puNya)\-
prAyairnijaiH saha punarbhavanapraveshaH || 12||
yastvAM kShiNoti vishikhaiH svasharaNyabhUtA\-
mevaM sadA sumukhi tena samaH sa mAraH |
shAkhAM svayaM samadhiruhya mahIruhasya
yastAM Chinatti nishitena parashvadhena || 13||
yannyAyyavartmagamanaM nipuNaM tvayAsI\-
lajjA cha yAvadapavAdabhayaM tvadIyam |
tatsarvamAli kathamekapade na(ni)viShTaM
sarva~NkaShaH sa khalu tatrabhavAnana~NgaH || 14||
bAlAmimAM hatamanobhava puShpabANai\-
rmA vidhya samprati vadAmi tathaiva pathyam |
(?)asyAmarasya virataM savatIndumauli\-
smartA na kiM bhavasi tena parAjayaM te || 15||

ityutprekShAvallabhakR^itau bhikShATanakAvye bandhuvachanapaddhatirekaviMshatiH |
\section{dvAviMshI paddhatiH | anurAgaH}
yashche(chche)ShTitaM prakaTitaM purasundarINAM
bhUyo vijetari purAmanurAgabandham |
prastutya tAni virahojjvalamanmathAni
sampAdayAmi viduShAM shravaNAtitheyam || 1||
santarjitA girishamAlapasIti mAtrA
kAchittrapAnatamukhI bhuvamAlilekha |
rekhA tadAkR^itirabhUtkimiyaM vidhattAM
chittAnusAri vachanaM cha vicheShTitaM cha || 2||
pArshvaM prajA(yA)va(?)girishasya nijA(?)ndhakAre
mA te viShAda iti jIvasakhIjanena |
AshvAsitA jhaTiti kApi nimItya chakShuH
sampAditaM tama iti pramadA jagAda || 3||
tu~Ngau yuvAmiha vR^ithaiva prathAsuvR^ittA\-
vanyonyasa~NgamajuShau cha vR^itheti kAchit |
shrIkaNThabAhuyugalAntarakA~NkShayeva
kaNDUbhR^itau karatalena kuchau mamarda || 4||
krIDAshukaM hara hareti shanaiH pravR^ittau
yatnena pAThayitumantaramanmathApi |
mAturbhayena punarevamavochadeta\-
diShTaM phalaM mama karAditi vAkyasheSham || 5||
bAlendushekharamanAratakAlakaNThaM
pi~NgatviShA tilakitAlakamIkShaNena |
sakhyo.api yUyamiha pashyata pashyateti
kasyAshchidAvirabhavadvividho vilApaH || 6||
bandhuShvanAdR^itavatI chirasaMskR^iteShu
bhasmAvaguNThitatanurdR^iDhabandhamaunA |
kAchitsadaiva hR^idaye shivamarchayantI
yogaM viyogavidhurA phalitaM chakAra || 7||
kasyAshchana stanabharo bhasitena shambho\-
rvakShaHsthalapraNayinA vanitaM chakAra |
yaH kartumIpsati samAgamanaM mahadbhi\-
stadvallabhena kurute tadayaM puraiva || 8||
tuShTAva nindati jane tripurArimekA
pArshvasthite stuvati gADhataraM nininda |
maunAvalambini chukopa chakoradR^iShTi\-
snehapriye duravabodhagatirvadhUnAm || 9||
kAchinnijA~Nkamadhiropya shanairvipa~nchIM
gAthAmupAkramata pAThayituM shivasya |
tasyA vilochanajalaiH punarArdrava(ya)dbhi\-
stantrIM svakIyajalatA prakaTIkR^itaiva || 10||
ekA trapodayavashena punaH sakhInAM
chitte vidhAtumasamakShamapArayantI |
bAhyaM vihAya karaNaM paTatUlikAdi
chetaHpaTe smaraNatUlikayA lilekha || 11||
shIghraM nayAtra sakhi samprati nIlakaNTha\-
mityUchiShI sapadi mAtra(tR^i)bhayena kAchit |
tIvrAtapAdupavanAditi pUrayitvA
lIlAmayUraviShayaM vachanaM chakAra || 12||
chakShushchakAra nijasadmani yatra yatra
vishleShaNairgirishamaikShata tatra tatra |
etadhR^ivaM(?)sapadi sa~Ngamato.api manye
vishleSha eva dayitena vanaM(raM)vadhUnAm || 13||
shambhuryathA gR^ihamagAnmama bhaikShakA~NkShI
mAM bhikShayaiva saha dattavatI tadAnIm |
prAptaH sa eva hR^idayAlayamAshu tasmai
kiM deyamadya kathayeti sakhImapR^ichChat || 14||
adhyApito rahasi kelishukaH kayApi
nAmAni manmathariporvirahArtishAntyai |
tAni kShaNAdgurujanasya paro nigadya
tasyA manasthavikR^itiM prakaTIchakAra || 15||
yaH ko.api so.astu viShamA gatireSha rogo
bhasmArpaNaM nikhilarogasamA chikitsA |
mAtuH puro vachanamevamudIrayantyAM
sakhyAM nyasakta taralAM dR^ishamAshu kAchit || 16||
kAchinnijAshayatiraskaraNAya shambho\-
rnindAparANyakathayadvachanAni bAlA |
tAni prakopamadhikaM janayAmbabhUvu\-
stasyAH punaH parimarairanubhAShitAni || 17||
gAthAH shivasya vilapannaparo mR^igAkShyAH
krIDAmR^igo virahatApamapAchakAra |
saMsmArayannijagalena sitetareNa
kaNThaM tadIyamasakR^idgR^ihabarhiNo.api || 18||

ityutprekShAvallabhakR^itau bhikShATanakAvye.anurAgapaddhatirdvAviMshatiH |
\section{trayoviMshI paddhatiH | guruvachanopAlambhaH}
yAbhyo durApaharasa~NgamalolupAbhyo
bandhurjanasya kaTupathyavacho babhAShe |
tAsAM tadIyavachanashravaNArditAnAM
brUmo vachAsyanuguNArthamanoharANi || 1||
mAtaH sadA girishasa~Ngamavighnameva
yAche karoShi na tataH svadhijAtaroShAH(?) |
snehaM mitho na gaNayanti yataH purandhryAH
sApatnyameva karaNaspR^ihayA vadanti || 2||
mAM durnivAraviShamAstrakR^itAvasAdAM
yA tarjayatyasakR^ideva shaThairvachobhiH |
aprApya yauvanamana~NgavidheyameShA\-
manye madIyajananI jaratI babhUva || 3||
adyApi shaishavanavaM parivartate me
tanmaiva mAM prati savitra(tri)hitopadeshaH |
ye yauvanasthitijuSho jagatIha teShA\-
mAchAryakaM vahati manmatha eva nAnyaH || 4||
kandarpamuktavishikhapraNi(Na, hi)tAshayasya
yo durvidagdhagurusannidhideshavAsaH |
truTyatkirAtashatarAgaNano(?)mR^igasya
manye kShudhArtamR^igavairiguhApraveshaH || 5||
pathyopadeshasamayaH sa gataH sadUro(sudUre)
yasminna santi madanajvarasannipAtAH |
kiM naiva vetsi janani tvamimAmavasthAM
yasyAH katha~nchidapi jIvitameva rakShyam || 6||
shAmyedapi svayamayaM madanAri(gni)rIshe
nairAshyato janani mA kuru taM pradIptam |
edhAMsi nIrasaniShedhavachAMsi manye
kAmAnalasya gurubhirbahushaH kR^itAni || 7||
sneho na te mayi paraM mama deha eva
mAtaH kimanyaditama(ra)tra mama pramANam |
IshAnusAravinivAraNamAcharantI
yanme jhaTityasuratervidadhAtyanuj~nAm || 8||
mAtastvadIyavachanaiH shitashUlakalpai\-
rnAhaM mR^itA kimiti marmasu tADitApi |
prAyaH priyeNa virahavyasane vadhUnAM
prANaprayANamapi puNyaphalaM vadanti || 9||
ChAyAM samAshrayati kAmamahAdrumasya
sarvo.api saMsmR^itimarusthalachArutaptA |
nandatyathApi kimayaM vachaso vipAke
manye jarA janayati smR^itimUlanAsham || 10||
(?)astyeva shambhuviShayAnmanaso vikArA\-
drAgo bhamAdya sakhi mA parasa~NgamUlam |
pauShpaM rajaH sapadi mAlagha(ya)mArutArthyaM
mUrdhno vadhAyamaparaM(?)puruShaM janasya || 11||
mAtaH samastamaparaM vachanaM vimu~ncha
shaivI(?)samAgatikathA yadi tAM shR^iNomi |
(?)ta(u)tkaNThayojjvalitakAlahutAshataptA
nArAchapAtasadR^ishAnyavachaHpraveshaH(shA) || 12||
dhAmAnni(yA mAM ni)yachChati sudurlabhakA~NkShiNI bhU\-
rmA meti ki~nchidapi sA jananI na vetti |
sarvairvinA priyatamaiH sukhamAsitavyaM
svApekShayA yadi bhavedabhilAShabandhaH || 13||
mAmadya shikShayasi sha~NkaravAdamAtrA\-
dromA~nchakaNTakitamUrtirasi tvameva |
vR^iddhaH karoti viShaye viShayaM parasmai
tasmAnmamApi vinivartitumakShamo.api || 14||
kaShTA nitAntamasharIrishareNa pIDA
tasyA yadasmya(?)titarArtigato visheShaH |
prAyeNa shatrurapi shochati martyamAtraM
mAtApi naiva dayi(ya)te madanAtureShu || 15||
trAtuM kR^itAbhilaShitaiH smarayantravR^ittA\-
nmaunavratairgurujanairbhavitavyameva |
svAdUkaroti sukR^itAmapi kAmavR^ittiM
shAstreNa vA gurujanena cha vA niShedhaH || 16||
yo vakti pathyavachanaM hR^idayAnukUlaM
yo vA bhiShajyati bhiShakpriyabheShajena |
tAveva bAndhavajanashcha chikitsakashcha
prachChannashatruraparo na suhR^inna vaidyaH || 17||
etannama(?)prathamamamba mayi tvadIye
premNe punastadanurUpavicheShTitebhyaH |
yanmAM pratItthamupadeshavidhistavAyaM
mA bhUdvijetari purAmanurAgabandhaH || 18||
adyApi shailasutayA vapuraikyayoga\-
ma~NgIkaroti girishaH svayamAdivR^iddhaH |
keShA~nchidatra tadayaM jaratAM janAnAM
kAmAnavApya vara eva viraktivAdaH || 19||

ityutprekShAvallabhakR^itau bhikShATanakAvye guruvachanopAlambhapaddhatisrayoviMshatiH |
\section{chaturviMshI paddhatiH | virahiNyavasthAH}
rathyA vimuchya kathamapyaniveshasheShai\-
rAlIjanairbhavanamAshu niveshitAnAm |
vAmabhruvAM shashikalAdharaviprayoge
dehAshrayANi charitAnyupalAlayAma || 1||
kasyAshchidakShiyugalAddharayorviyoge
jAtaH prasAdhanavidherviparItabhAvaH |
bAShpaistayoH prathamamAhitarAga AsI\-
datyashvasanmalinitashvasitoShmaNaiva || 2||
bhasmAlilepa kuchayorharichandanAdi\-
lepaM vihAya virahe vanitAM hareNa |
bAShpodakaM tadapi hanta punarnirAse
shudhyanyayornirasanena jalasya bhedaH || 3||
tyakte.api ratnavalayaiH sakhi kelipadmai\-
rhastAdapAtakathane maNikantuke.api |
kasyAshchideva na jahau karabhUShaNatvaM
krIDAshukaH paThitasha~NkaranAmadheyaH || 4||
shvAsAnilashcha nayanodakanirgamashcha
jAtAgasI(sau)virahiNIkuchayorabhUtAm |
AkShepaNena laghuno varaNAMshukasya
lopena cha prachura chandanakardamasya || 5||
vishleShadurbalamakAraNapATalena
saMsR^ijyamAnamapi gaNDatalaM kareNa |
ApANDurachChavi babhUva mR^igekShaNAyAH
saMsargajA iti mR^iShaiva guNAshcha doShAH || 6||
sammAnapAtramahamasmyamR^itAMshumaule
yA satyamityadhikachiddhitakautukaiva |
(?)anyA vadhUrapaharAtparikarshanena
sAkaM shashA~NkakalayA samameva dhatte || 7||
kasyAshchiraga(raM gla)pitachampakakAnti gAtraM
jAtaM hareNa virahe ghanasAragauram |
(?)niHshR^i~NkhalaprabhR^itibhistadasannidhAne
vyAptaM manobhavayashogirivA(rA)babhAse || 8||
dR^iShTe purA puravirodhita(ni)kAchida~Ngai\-
ryA kaNThakogatimayIM(?)ha ratiM prapede |
tAnnaiva jAtu virahau(?)virahe.api tasmi\-
nnantarhite.api savitaryaravindanai(tai)va || 9||
tulyA shashA~Nkakalayeti mR^igekShaNAyAH
sthaulyAtirekamaNitAvaparaH prakAraH |
a~NgAni sha~NkaraviyogabhuvAM tanimnA\-
madhya~NgasAmyamitarANyapi shochyamApuH || 10||
AtmIya eva sati dhAryadR^ishAM prapanne
kastasya dhAraNamR^ite paradhAraNAya |
yatkhedapANDaramathA(?)mukhapadmamekA
hastodakairvirahiNI na tu kelipadmam || 11||
kasyAshchidashrusalileShu hitAbhiShekaM
shokAnalena sadayajvalitena taptam |
gaurIpaterupari labdhumiva pradeshaM
tIvraM tapaH pR^ithukuchadvayamAchachAra || 12||
nAla~NkR^itau na shayane na mithaH pralApe
na krIDaneShu na cha bhojanapAnayorvA |
AsthAvatI shivasamarpitachetanaikA
rAgo niratyayasukho.anyaviraktihetuH || 13||

ityutprekShAvallabhakR^itau bhikShATanakAvye virahiNyavasthApaddhatishchaturviMshatiH |
\section{pa~nchaviMshI paddhatiH | atidInoktiprayuktiH}
niShprApa eva girishe vihitaspR^ihANAM
vAmabhruvAmativibhedanakAraNena |
Apto jano rahasi yAni jagAda tAni
pratyUShirai(?)saha vadAmi punastadIyaiH || 1||
indIvarAkShi viShamAkSha iti prasiddhe
mA tvaM kR^ithAH puravirodhini pakShapAtam |
vairUpyameva sakhi tasya chirAya kA~NkShe
yenAyamanyavanitAjanavarjanIyaH || 2||
kaNThe harasya na varaM parirambhaNaM te
hArorageNa na kadApi yadeSha shUnyaH |
trAtA payodhigaralAdapi yena lokA\-
strAtuM na mAmahiviShAtikimayaM samarthaH || 3||
yaH kAmadehadahanAdvirasaH prasiddha\-
stasmai kutaH spR^ihayasi tripurAntakAya |
ko.anyaH kShameta madanugrahamantareNa
rakShAM vidhAtumiva manmathapIDitAnAm || 4||
AshleShaNeShu kathamichChasi sha~Nkarasya
bhasmakrayaM surabhiNA kuchaku~Nkumena |
nyUnArdhameva bhasitAdapi ku~NkumaM ta\-
dardhasthitiH paramabhij~nama(kR^i)taikamantrAt || 5||
yenArdhagAtramanurAgavashAdvitIrNaM
kasyaichidenamadhikAmara(ya)se kimartham |
chakre dhruvaM sa punarardhasharIradAnA\-
danyA~NganApraNayasa~NgamanAbhyanuj~nAm || 6||
bhUlokabhR^i~NgavanitA yadi divyapuShpa\-
mAghrAtumichChati tathA harasa~Ngamaste |
asmAkamakShiviShayaH sahasaiva yo.abhU\-
tkiM sambhavenna viraheNa samAgamo.api || 7||
pANiM hareNa yadi vA~nChati gR^ihyamANaM
bhIru tvayApyuragakautukameva baddham |
satyaM tadeva dR^iDhakautukabandhine(ndhanaM)me
vyarthaH kare shithilakautukatantubandhaH || 8||
bhartAramichChasi shivaM yadi tena sArdhaM
vastavyamAli niyataM pitR^ikAraNe (kAnane)Shu |
eNIdR^ishAM hR^idayavallabhasannidhAne
saudhasthalasya vipinasya cha ko visheShaH || 9||
hitvA tapAMsi paruShANi haro durApaH
kartuM kShame na khalu tAvakamantametat |
mugdhe tadIyavirahAnalatIvratApA\-
dasmAdasAtaramasti tapaH kimanyat || 10||
shailAtmajaiva haramarhati kAminIShu
mugdhe kathaM kathaya tena samAgamechChA |
arhetarANi gaNanAparaveShavanti
sarvo.api sarvamapi vA~nChitumarha eva || 11||
unmAdinI tvamiti nishchitamAli kiM tu
tanmAtraveShacharite yadi te riraMsA |
unmAdinI yadi bhaveyamahaM tathA tvaM
no mantrashikShaNavidhiH prakR^itisthitAnAm || 12||
gaurIM vinA sakhi kadApi na shambhurAste
kAlo.anyayA saha na tasya samAgamAya |
rAtryA sahaiva chari(ra)to divasasya nityaM
kiM sandhyayA na samamasti muhUrtayogaH || 13||
vrIDAM tanoti madirAkShi visheShato.api
vAmabhruvAmananurAgiNi rAgabandhaH |
shlAghAvaho bhavati naiva kimApagAnA\-
mambhonidherupari yastvayameva pAtaH || 14||
kAmaM haraH sulabha eva vihAya bhUtiM
sApatnyamichChasi kathaM jagatAM jananyAH |
asthAnadhAvanaparasya manobhavasya
prAyeNa naiva hi jalasthalayorvipAtaH || 15||
gauryAH puro vahati yaH shirasaiva ga~NgAM
visrambhabhUmiriyamAli kathaM parasya |
strIshabdamAtratarale taruNendumaulau
tasminmamApi khalu pAkShikalobhasha~NkA || 16||

ityutprekShAvallabhakR^itau bhikShATanakAvye.atidInoktiprayuktipaddhatiH pa~nchaviMshatiH |
\section{ShaDviMshI paddhatiH | udyAnacharitam}
udyAnamAshu vivishurharaviprayuktA
nAryo nijAtiparihAramatibhrameNa |
pUrvaM nigUDhapatanaishcha sharai ##. . . . . . ##
stasyAtha dR^ishyapatanaishcha susaMskR^itaiva || 1||
kAchinnijopavana eva viyogarugNA
puShpANi vIkShya vikR^ipA nibhR^itaM dudUye(?) |
hasto nijasya nijachApaladarshanaH sa
savyasmarAturajanairnatu puShpahAsaH || 2||
AlolakiMshukatarostaruNaM prasUna\-
mApATalaM parijahAra bhayena kAchit |
nirbhinnakAmihR^idayakShatajAvasaktaM
nUnaM smarAstramidamityupajAtabuddhiH || 3||
kAchidvadhUH shamaya shambhuviyogatApa\-
mityAdareNa malayadrumamAlili~Nga |
lebhe sa siddhimatulAM taruNairalabhyAM
naiShA smarArtishamanaM phalamApa ki~nchit || 4||
kandarpabANanikaShachyutachUrNakalpaM
sadyaH parAgamavalokya dishAsu pauShpam |
AsUchitAkhilaviyogijanavyapAya\-
muptAtapAMsu(?)maparA gaNayA~nchakAra || 5||
kAchidgatA virahiNI sahakAramUla\-
mAkarNya shabdamashanisvananirvisheSham |
sadyaH kimityupari lochanamarpayantI
pApAdavaikShata bhaya~NkaramanyapuShTam || 6||
kaNThe kayApi karapallavamarpayantyA
bhR^i~NgasvanavyathitayA gR^ihavATikAyAm |
vyAkhyAtameva cha sakhIjanadIrghamAna\-
karNAvataMsanavapallavanaiva(?)ramyam || 7||
dR^iShTvA palAshamukulAnkuTilasvabhAvA\-
nkAchidbhayAdapasasarpa sudUrato.api |
mithyA prakAshya kathane nijasaumanasyaM
kauTilyamAtmani bhavanparivarjanIyaH || 8||
Alambito virahaduHkhitayA kayAchi\-
dAmradrumasya sahasA taruNapravAlam |
kR^iShNachChaviryadabhavannanu yuktamasya
prAgeva pANitalashoNimataskarasya || 9||
yasyaiva champakataroma(ra)panIya(?)pUrvaM
mUle dadau ta(vi)malashItalavAridhArAm |
tasyetarAkusumitasya vinishchikAya
dAtuM punarvirahiNI nishitAstradhArAm || 10||
bhR^i~NgasvanAsya(Dhya)kusume kurave purasthe
gADhaM nimIlya nayane virahiNyayatnAt |
karNadvaye tu nijasiddhividhAnahIne
kAchinnananda cha nininda cha padmayonim || 11||
kAchitpurA pratidinaM parivR^iddhiheto\-
ryasyai didesha salilaM navamAlikAyai |
sA puShpitaiva jalamashrumiShaM viyoge
tasyai pradAya kathamapyanR^iNA babhUva || 12||
puShpeShu saMstutimatIM kvaNitAlimAlA\-
mAlokya kApi mahadeva bhayaM prapede |
shambhostR^itIyanayanAni(na)ladhUmanIlA
sA manmathasya dhanuSho yata eva maurvI || 13||
yo lambito virahadharmitayA kadAchi\-
dudyAnachUtaviTapo madhusambhramashrIH |
mAnapravAlakusumekShaNameva jAta\-
sparsho.api kAmukajanaiH kurute vipattim || 14||
a~NgArasa~nchayamatirvirahAturAyAH
puShpeShvajAyata palAshamahIruhasya |
sA sthApitaiva madhupaiH punareva lInaiH
ki~nchitprashAntyuchitakArShNyadhiyaM vidhAya || 15||
mA puShpito.ayamiti naiva chakAra kAchi\-
dudyAnabhAji padaghAtamasheShayUni |
nyakkArakR^ityamapi nAbhilaShanti kartuM
prAyaH prasAdaviShayAdaparatra nAryaH || 16||
kAmAstrametaditi jAtaruShA latAsu
vishleShiNI sumanasA haraNe pravR^ittA |
kAmAstrarakShakajanairiva sadya eva
saiShA nyaroShi(dhi)kR^itahu~NkR^itibhirdvirephaiH || 17||
snigdhena kokilarutena navodgatena
chUtA~NkureNa pavanena cha mAlayena |
kAlaM vasantamavalokya janopakaNThe
kAlaM vasantamaparA kalayA~nchakAra || 18||
AlambitA virahadharmitayA kayAchi\-
tklAntapravAlakusumAbhavadAmrashAkhA |
tAM vIkShya tAdR^ishadashAM praNayinyathAsyAM
dIrghaM svakIyamajugupsata bandhubhAvam || 19||
AmUlapuShpitamavekShya palAshamanyA
vishleShiNI jvalitabuddhirimaM shashApa |
a~NgArakArakaragochara eva pUrvaM
pashchAttvamevamaruNachChavirAshu bhUyAH || 20||
yasyAshchirAya vidadhe gR^ihayUthikAyAH
puShpottamAya bahudaivata(ta)rpaNAni |
tAM puShpitena parigR^ihya chakAra kAchi\-
dvishleShiNIyuvatijAtisamAnakakShyAm || 21||
apyAshmanIparihR^itena mukhaM samIkShe
dR^iShTvA vasantasamaye lakulaM sapuShpam |
kAchivdyathAM virahiNI mahatIM prapede
satyaM nahi pratinidhirbhavitavyatAyAH || 22||

ityutprekShAvallabhakR^itau bhikShATanakAvya udyAnacharitapaddhatiH ShaDviMshatiH |
\section{saptaviMshI paddhatiH | udyAnoktiH}
udyAna eva nanu puShpitashAlavarge
vishleShitapramanasAM madirekShaNAnAm |
taM taM vineyamanubhUya viShAdavegA\-
dvAkyAni vaktragalitAni vijR^imbhayAmaH || 1||
yannAma te jagati gUDhamayAtavR^ityA(?)
jAtaM purA kurabakadruma vAchyameva |
bhUyastadadya bhavatA kR^itamanvitArthaM
vAchAlamattamadhupAvasathaM(?)pradAya || 2||
udyAnabhUShaNa tavedamanuktarUpaM
ChAyApradAnahR^itataptajanashramasya |
asmi~njane virahapAvakatApavR^id.hdhyA
shokAture.api dayasi tvamashoka eva || 3||
vAchAlakokilatayA madhurANi pUrva\-
mApIDayeti vidhuraM tava kUjitAni |
dhAnyaM dhinoti vachanaiH shravaNAnukUlai\-
ranyaM dunoti paruShaiH parapuShTajAtiH || 4||
kiM kiMshuka tvamapi samprati pInalajjaH
karta(rtuM)vyavasyasi rujaM kusumairagandhaiH |
abhyarthito.ahamiti viklavamAnasAnA\-
mastyeva dArkShya(kShya)masatAM pari(ra)pIDaneShu || 5||
bhR^i~NgA~Ngane sakhi tavApi mamApi tulyA
shrIkaNTha(kaNTha)ruchiratra hi kopa(.api)bhedaH |
puShpeShucheShTitamatIva tavAnukUlaM
satyaM tadeva hi mama pratikUlamAsIt || 6||
ApIyasIShu(?)rasamAgalamunmiShatsu
puShpeShvamI tata itashcharakAyiteShu |
manye kaladhvanimiSheNa manobhavasya
gAyanti mattamadhupA vijayaprashastim || 7||
pUrvaM mayA chirataraM sahakArabud.hdhyA
yaH poShitaH pratividhAnamukhaiH prayatnaiH |
jAtaH sa samprati jagattrayanAshahetu\-
rA hanta puShpasamaye viSha eva ##. . . . ## || 8||
nR^ittodyamo.asi phaNisa~Ngamanirbhayo.asi
barhinyadapyasitabandhurakandhu(ndha)ro.asi |
taistairguNairanukaroShi pinAkapANiM
hantuM ##. . . . ## mo(?)kimadhunA kathamakShamo.asi || 9||
ambhonidhau nipatito yadi setuhetoH
shailo.api dakShiNasamIraNajanmabhUmiH |
sItaikakAntaviraheNa ka(va)raM kapIndraiH
saMrakShitA yuvatayaH sakalA bhaveyuH || 10||
yatte nisargalaghimA yadabhUllatAnAM
saMsR^ijya puShparajasA tava dhUsaratvam |
maitraM cha yattava jalairuchitaM tadA tai\-
rmandAnila tvamasi yatpratikUlavR^ittiH || 11||
AragvadhAdanila korakamAhara tvaM
sadvA prasUnamathavA dalametadIyam |
saurabhyameva yadi vA karuNA tavAho
kiM nA~njaneyajanakasya viyoginIShu || 12||
atyuchChritAsu sahakAramahIruhANAM
shAkhAsu puShpanibiDAsvadhirUDhavantaH |
prAyaH kuhUriti pikA nijakUjitena
pathyAM nishAmabhivadanti viyoginIbhyaH || 13||
poShaM svakIyajananIparivarjitAnAM
kurvanti ye balibhujaH pikapotakAnAm |
taiH samyageva viditaM parirakShyapAtraM
kR^iShNAtmanAM sukR^itarUpamapi kriyAsu || 14||
pUrvaM madIyavadanAsavapuShpitastva\-
madyAhamasmi vidhinA haraviprayuktA |
hA hanta pIDayasi mAM bakula prasUnai\-
rbhoktavyamAtmakR^itaduShkR^itamAtmanaiva || 15||
bANaH(?)suvarNavijayI shuchireSha gandha(dhaH)
sambhAvanA shirasi te parameshvareNa |
etattathApi kR^itamAla tavAsti doSho
yatsa~Ngato.asi malinairasakR^iddvirephaiH || 16||
udyAnakelikamalAni cha tAni hitvA
shambhoH padAmbujayuge yadi te riraMsA |
gIrvANanAthagaNakasya janArdanAde\-
rAruhyatAM sapadi lAlata(?)maulimAlA || 17||
kvApyuchchayaH sumanasAM kuhachitparAgo
gandhaH kvachitkvachana dakShiNagandhavAhaH |
diShTyA vasantasamaye maraNAbhyupAya(yaH)
sArvatriko virahadurbharajIvitAnAm || 18||
pUrvaM pravAlamatha puShpamatho nu gandhaM
pashchAnmadhuvratakulaM punarasya shabdam |
chUte vidhAya vidhirevamabhadramAlAM
kiM kiM kariShyati viyuktanirUDhavairaH || 19||

ityutprekShAvallabhakR^itau bhikShATanakAvya udyAnoktipaddhatiH saptaviMshatiH |
\section{aShTAviMshI paddhatiH | shishiropachAraH}
udriktasha~NkaraviyogaviShAdashAntyai
nAnAvidhe sapadi bandhujanaiH pravR^itte |
shItakriyAprakaraNe varavarNitA(nI)nAM
yadyadbabhUva charitaM kathayAmi tattat || 1||
sa~nchAritaishcha kadalIdalatAlavR^intai\-
rutthApitaH parijanaiH shishiraH samIraH |
nAntarjvaraM mR^igadR^ishAM shamayAmbabhUvu\-
ryatne kR^ite.api na phalAya duduHkhavAdaH(?) || 2||
mAlAM navotpalamayIM virahoShmitAyAH
sakhyA nidhAya hR^idaye kR^itamAnukUlyam |
puShpAstramochanaparasya manobhavasya
visrambhaNaM na vanitAsu kadApi kAryam || 3||
yaH kalpitaH kuchataTe virahAturAyAH
shaityAya sAndratarachandanapa~NkalepaH |
antaH satAmadhikR^itaM janayannayAsI\-
dApAkalAsyanavakardamalepakakShyAm || 4||
kasyAshchidIshavirahe shayanIkR^itAni
pa~NkeruhANyapi tayA saha shokamApuH |
anyArtinirvR^itimashaknuvatAM vidhAtu\-
rmAniShvayaM sumanasAmuchitaiva vR^ittiH || 5||
dhArAgR^ihaM virahavahnishamAya tanvyA
bhUyo.api mugdhaparivArajanashchakAra |
tasyAH sadA kuchataTe patitAmbudhAre
dhArAgR^ihatvamadhikurvati netra eva || 6||
hAraH payodharayuge vihitaH kayApi
vishleShitApajuShi nIladR^ishAmavApuH |
santApashAntikaraNAkShamatApavAda\-
mAdhAtumindramaNimUrdhani bandha eva || 7||
visrambhitA priyasakhIvachaneShu rambhA\-
mAshliShyati sma virahoShmashamAya kAchit |
kasyAshchana stanayuge nishitaM mR^iNAla\-
sAnnidhyatena(?)suShuve.ambujamAnanasya || 8||
ApItaraktakapishA kimu jAlajihvA
jvAlA kimadya jagataH kimuta kShayAgneH |
Alokya kAchidatisandidihe sakhIbhi\-
rnItAni shambhuvirahe navapallavAni || 9||
hArAdibhUShaNavidhiH sarasairmR^iNAlaiH
pattrairnitAntapR^ithubhirvyajanopayogaH |
padmaishcha kalya(lpa)rachanA virahAturAyA\-
statpadminIvidhiraho virahaikasheShaH || 10||
kasyAshchidAntaraghanajvarashAntiheto\-
rAlIjanena vihite shishiropachAre |
reje kuchopachitachandanapa~NkalagnA
muktAvalI bisalateva mukhAmbujasya || 11||
sakhyArpitena kuchayornavachandanena
bhUrijvalA virahiNI kupitA kShaNena |
tasyAstu devaghanasannahanAvi(di)leptuM
kAchitkR^ipAmR^idumanA na vR^ithA chakAra || 12||
kasyAshchidIshavirahAnalatApashAntyai
vA~nChAM vibhorbahumate bhasite vahantyA |
bhasmAtmanA pariNataH kvathito.a~Ngasa~NgA\-
tsakhyA kR^itaH sarasachandanalepa eva || 13||
kalhArasAraghanasArahimAdi vastu
yatpaThyate hR^idayatApaharaM vidagdhe |
tatsarva(meva sa)mabhUtkuchayoH parasyAH
kiM chauShadhaM girishashabditameva shiShTam || 14||
jitvA sarojanilayAmalayAgR^ihItAM
sauryaM tamaH kamalinIniyataM parasyAH |
padmairakAri shayanaM vyajanaM vishAlaiH
pattrairmR^iNAlarachitAni vibhUShaNAni || 15||

ityutprekShAvallabhakR^itau bhikShATanakAvye shishiropachArapaddhatiraShTAviMshatiH |
\section{ekonatriMshI paddhatiH | sakhyupAlambhaH}
nArIjano haraviyogamahopashAntyai
shItakriyAM priyasakhIShu vitanvatIShu |
niHshR^i~NkhaladviguNavardhitatIvratApa\-
statkR^ityabhUShaNaparAmiti vAchamUche || 1||
shItakriyAM phalavatIM yadi kartumAsthA
sakhyau madIyamukhataH shR^iNutAbhyupAyam |
AnIya sha~NkaramihAdya madIyapArshve
kAryAstato nu vividhAH shishiropachArAH || 2||
satyaM tvayA prakaTito mayi bhAvabandhaH
shItakriyAsu viramAdya vR^ithApravR^itteH |
shaknuH(kyaH)kathaM shamayituM sakhi nirvikalpa\-
kalpAvasAnadahanashchulukodakena || 3||
jIhAgadhena(?)harichandanasaurabheNa
sAndreNa kiM tava digantavijR^imbhitena |
baddhAdaraH puruShabhasmavilocha(lepa)ne.api
yattatparA~NmukhamanA jagadekanAthaH || 4||
kiM chandanena kimu pallavasaMstareNa
kiM mu(mau)ktikairbisaguNairatha bhUShaNairvA |
mUDhe sakhi priyasamAgama eva yadvA
mArajvarasya maraNaM shishiropachAraH || 5||
prArabhyate pratividhiH sakhi yo bhavatyA
mUrChAsu me harasamAnadhanaM vinAnyaH |
kArAgrahAjjhaTiti nirgamato janasya
dvAroparodha(napareNa)shaThena tulyaH || 6||
AdityatApasadR^ishaM virahoShmatApaM
buddhveva yA prayatate shishiropachAre |
sA tvaM payodhisalilairvaDavAmukhAgneH
shAnti karoShyaparavahni sasambhrameNa || 7||
sAmyaM pratItya sakhi sAmpratamanyarogai\-
stasyedR^ishaH pratividhAnamanorathaste |
so.ayaM punaH smaragato viparItavR^itti\-
ryasyaika eva janakashcha nivArakashcha || 8||
krIDAshukaM sakhi kalInavachAMsyajasraM
jalpantamenamapasAraya shIghrameva |
asyA na shikShaNagiraM muhurudgirantyA
kAryastvayApi mama sannidhito.apasAraH || 9||
nirvApaNaM sarasavastubhireva kartuM
mUDhaiH kimasya sakhi vA~nChasi chandanAdyaiH |
kiM tvaM na vetsi saraseShu manobhavAgni\-
rvR^iddhiM prayAti sutarAmiti lokavAdaH || 10||
aurvAnalaM jalanidhernahi sha(kyate yai)\-
rhetuM davAgnimathavA na vanadrumANAm |
tairmoktikaiH kisalayairapi tairidAnIM
shakyaH kathaM shamayituM sakhi manmathAgniH || 11||
ye shItalaprakR^itayo bhuvane padArthA\-
ste.apyadya hanta mayi tApakarA madAdyAH |
yaH sarvasarganikare nipuNaH sa vedhAH
kartuM kShamo na kimayaM guruvaiparItyam || 12||
shayyAM karoShi mama tApanivR^ittaye che\-
dAdityamaitryajanitauShNyaguNaiH sarojaiH |
sakhyAvayorhR^idayajIvitayorabhedA\-
nmArajvaro mayi ghanastvayi hanta moghaH || 13||
yaM pannagAriniviShoShmanitAntataptAH
shrIkaNThapAdapamivAnishamAshrayante |
antarjvaraM shamaya me sakhi tasya shambhoH
kArAgrahAnnahi varaH shishiropachAraH || 14||
naivAmunA shrutikaTukvaNanA shukena
naiva tvayAnupama ##. . . . ## vyadadhAnayApi |
nItau yuvAM hitavidhAyi padaM yathaiva
manye mayaiva sakhi samprati me.aparAddham || 15||
hArastvayA sakhi kR^ito yadi me mR^iNAlai\-
rvIre na kena yadi vA viditaM mayaiva |
nAthena vakShasi dhR^ito yadato mamAshu
santApahAryapi bhavetsa bhuja~NgahAraH || 16||
matteva(tto.ava)gachCha sakhi samprati shItavidyAM
(matteva(tto.ava)gachCha sakhi shItavidhAnavidyAM)
vishleShiNImalamalaM viphalakriyAbhiH |
loke sukhapradatayA prathitAni yAni
tairvastubhirvaraNa eva paraM bhiShajyA || 17||
prArambhato.api purataH parapIDanAnAM
yAntyA padaM svayamakAraNarUDhavairAH |
yanmAM viyogavidhurAM paritaptukAmo
niShpIDyate mama(?)yato bhavatIbhiradya || 18||
vAkye.api yArjanakabhUrvirabha~Nga(?)dIyo
##. . . . ## rAkShasIbhiranishaM na vR^itA sakhIbhiH |
tasyA api priyasakhIjanasa~Ngama che\-
chchitraM kriyAmahamivAnubhavedasasyAm(?) || 19||

ityutprekShAvallabhakR^itau bhikShATanakAvye sakhyupAlambhapaddhatirekonatriMshatiH |
\section{triMshatI paddhatiH | pradoShacharitam}
tApaM saroruhadR^ishAmachikitsanIyaM
vij~nAya shItalavidhAbhirapi kShaNena |
antardadhe karuNayA kila tigmabhAnu\-
stAsAM punashcharitamadya vayaM vadAmaH || 1||
tigmadyutAvaparadikpraNayapravR^itte
duHkhaM vibhAvya rajanImukhabhAvatIvram |
kasyAshchidaMshumalinaM virahAturAyAH
pUrvaM mukhaM tadanu pUrvadishastamobhiH || 2||
jAlAntareNa pavanaH pravishankayApi
kru(ru)ddho mR^idu ##. . . . ## DhakavATasamarpaNena |
lapte yathAtmani tathA vishati svagehe
mandAnilena virahiNyavarodavajrAm || 3||
kasyAshchidastamayalambitapATalimnA
pUShNA sahaiva patata ##. . . . ## mAyAm |
sakhyA viyogaparagAraniyu(ru)dyamAyAH(?)
kopAtpapAta shanakairaruNaH kaTAkShaH || 4||
bhItiM yadaiva vidadhe kusumairhasadbhiH
##. . . . ## toyadataTAntaritasvarUpA |
vAmabhruvo virahadarvi ##. . . . ## tAshayAyAH
prAdurbhavannapi punarnata ##. . . . ## himAMshuH || 5||
Alambate dinamaNiH sakhi pashchimAyAM
sadyaH kayApi vi(pyabhi)hitA haramAnayeti |
kAchitsaraHsarasijaM mukulAyamAna\-
mAlokya pANikamalaM mukulIchakAra || 6||
yaH pAvakaH praNayibhirdivase pR^ithivyA\-
mAdAyi chaNDamahasaH kiraNairanekaiH |
sarvo.api hanta nishi manmathapIDitAyAH
kasyAshchidAshu hR^idayaM sa vivesha tApaH || 7||
yA tu~NgasaudhashabalIbhidhitA(?)viyuktA
yA tatsamIpagatama~NgaladIpikA cha |
sakhyaH pramAdamabhisha~Nkaya tayorvinetu\-
rjAlapraviShTapavanaM samateva(?)rakShAm || 8||
kAchitsahAyarachi(hi)tAM nishi chakravAkIM
dR^iShTvA satIShvapi sakhIShvanurAgiNIShu |
tasyai shanairakathayannijakAmapIDAM
nUnaM dashAsadR^ishatA praNayasya hetuH || 9||
bhImaM tamastadapi kApi nananda tasmA\-
dyasmAtrilochanagalasmR^itimAtatAna |
kAchidvilokya kamalAni nimIlitAni
vishleShiNI vikasitAni cha kairavANi || 10||
shokaH satAM paravipadyasatAM cha harSho
dhAtre cha(traiva)sR^iShTa iti kApi vinishchikAya |
gaurIpaterabhisR^itiM sudR^ishA kayApi
kartuM prasAdhanamasha~NkitamAcharantyA || 11||
nAbandhi ratnarashanA vipule nitambe
vAchAlatA guNavatAmatidUShaNAya |
sandhyAnabhashcharamasImani kApi pAMsuM
saMsarpiNI virahiNI sahasA nirIkShya || 12||
mene jagattritayanirjayavaijayantIM
kAmasya ratnapaTikAM bhavavihvalaiva |
##. . . . . . . . . . . . . . . . . . . . . . ##
##. . . . . . . . . . . . . . . . . . . . . . ## || 13||

ityutprekShAvAllabhakR^itau bhikShATanakAvye pradoShacharitapaddhatisviMshatiH |
\section{ekatriMshI paddhatiH | pradoShoktaH}
prAptaH pradoSha iti vIkShya nirargalena
puShpAyudhena bhR^ishapIDitamAnasAnAm |
vAmabhrUvAM virahatApavijR^imbhitAni
vAkyAni vaktumabhivA~nChati chetanA me || 1||
##. . . . . . . . . . . . . . ## svayameva bhItiM
vidhyanti mugdhahariNAnvijane pulindAH |
AchAryamuchcharitagopativaMshagItaM
kAmastu vidhyati viyoga(gi)janaM prapede(padya) || 2||
tubhyaM namo bhavatu vAsaralopasandhye
nAntaHshlathAmanukaroShi jaTAM shivasya |
AshAsmahe vayamamI tata eva heto\-
rmA bhUtkadApi shashinaH shakalA ##. . . . ## || 3||
neyaM nishA hatanishAcharayoShideShA
hantuM viyogavidhuraM janamAjagAma |
asyA mukhe sapadi yaH prathate prakAmaM
rAgaH sa kopajanito na tu sAndhyarAgaH || 4||
sandhukShayatyavirataM hR^idayaM madIya\-
mantaH pravishya madanAgnirasauramIraH(masau samIraH)(?) |
asminnamuShya viShamAstravimuktabANai\-
rApAdyamAnavivare sukaraH praveshaH || 5||
##. . . . ## pashchime kShaNamadarshi nabhaHpradeshe
rAgaH kva yAta iti samprati me va(vi)sha~NkA |
satyaM hareNa virahe hariNekShaNAnAM
chitteShu puShpadhanuShA kR^itasaMvibhAgaH || 6||
AsannachandraramaNapraNayAvi(va)liptA
kAmavyathAM manasi kairaviNI karotu |
ambhojini tvamapi samprati vallabhena
vishleShiNImayi(dhi)kathaM rujamAdadhAsi || 7||
dagdhuM jagattrayamayaM kila ko.api vahni\-
rujjR^imbhate viyati sAndhyamahashChalena |
itthaM na chetkimapi samprati vAri viprAH
sashraddhama~njalibhirUrdhvamamI kShipanti || 7||
yasya prayANasamaye prakaTAnurAgaH
so.avashyameShyati punaH saviteti suptim |
ambhojinI vrajati suptikathA kathaM syA\-
nniHsa~Nga eva girishe mama bhaktimatyAH || 9||
sAsve(?)sa vAsarapatirdishi pashchimAyAM
tejaHkShayaM mayi vashena babhUva raktaH |
sA hanta pAtayati sA tamiyaM varA~NgI
kasyApade jagati nAnyatarAnurAgaH || 10||
manye.ahamitthamudayAruNachandranAmA
svIkAriNaH pralayakAlahutAshanasya |
dhUmo.ayamagrajanitastimirachChalena
vishleShisArthanayanAshrunipAtahetuH || 11||
ekasya rAtrimukhaveShaviShadrumasya
sa~njAtasAndhyakiraNAruNapallavasya |
AgAmipUrNashashibimbamahAphalasya
tArAgaNaM vigaNayAmi navaprasUnam || 12||
atyuchChritAdanila te malayAtprasUti\-
rnityaM yataH parichayaM sumanobhireva |
dAkShiNyavAniti jagadvidito.asi tasmA\-
nmA jAtu jArasaraNIM vraja nIchasevyAm || 13||
pUrNendupUramarudatra himAmbugarbho
gandho.ayamasya mukulasya vijR^imbhamANaH |
nAma pradoSha iti doShasamagrabhAvA\-
tsraShTA yathArthamakarodrajanImukhasya || 14||
dhanyA hi sA bhagavatI divasAntasandhyA
yAmaM gatAM bhuvi suvIkShya pinAkapANiH |
vishliShTabandhanajaTAbharaNasya harShA\-
gauryAH samakShamapi kR^i(nR^i)tyati vItashokaH || 15||

ityutprekShAvallabhakR^itau bhikShATanakAvye pradoShoktapaddhatirekatriMshatiH |
\section{dvAtriMshI paddhatiH | chandrodayaH}
kandarpashAsanavila~NghrivijaneShu roShA\-
drUpAdivendumudayasthamavekShya tAmram |
jaj~ne hareNa virahe vanitAjanasya
yachcheShTitaM tadadhunA kathanIyamAste || 1||
uShNAyamAnamudayAruNamindubimbaM
kAchidrave(?)virahiNI na shashAka bhettum |
tasyA vivekamatidAyitayA tadAnIM
tasyopayogamahitaM shashalA~nChanatvam || 2||
anyA vihAya madanAtura(?)jIvitAshA
jAtaspR^ihA maraNashabditama~NgalAya |
labdhaH shivo bhavatu me parajanmanIti
chandrAtape virahiNI sahasA papAta || 3||
Alokya kAchidudayAruNamindubimbaM
vishleShiNAmaviShahaM shishiraM pareShAm |
drohI na vA khalu mameti janaM bibhitsoH
kAmAstrataH paragavIgaNanAM chakAra || 4||
j~nAto janairvirahatApajuShaH parasya
netradvayasya nalinasya cha ##. . . . ## ti bhedaH |
padmeShu chandrakiraNairmukulIkR^iteShu
yajjAgarUkamabhavannishi netrayugmam || 5||
chUDAmaNe pashupateriti jR^imbhitAstA(?)
tApAvaho virahiNAmiti jAtabhItaH |
chandrasya kAchidubha(da)ye vidhurA nijAkShNo\-
runmIlane.api na shashAka nimIlane.api || 6||
bhikShATanaM pashupatiH kR^itavAniheti
yAM hAtumahni galite.api hi na kShamAbhUt |
tAM vIthikA nishi mayUkhabhayAdvihAya
ChAyeva kApi shanakairvasatiM vivesha || 7||
kasyAshchidIshavirahavyathitAshayAyAH
kAmaM vadantu mukhameva hi chandrakAntam |
tasyA dR^isho yugalamapyudaye himAMsho\-
rnirdishyamAnabahalodakamindukAnti(nta)m || 8||
yAvAndineshapatane virahAturAyA\-
stAvAnhimatviShi manAgudite vitApaH |
pAto yathA parahitAya yathArtibhAjAM
khedAya nUnamudayo malinAshayasya || 9||
pluShTirmanAgvirahiNIstanamindupAtaiH
kAchiddadau priyasakhImukhamArutAya |
pArabdhamanyadaparaM palitekShaNena
jajvAla hanta hR^idaye madanAgmirasyAH || 10||
ekA shashA~NkakiraNopanipAtabhItyA
vAtAyanAntaravidhA(na)kR^itaprayatnA |
AmIlanavyavahR^itendukaraprayatnA\-
llakShmyA sarojavasatiM manasA nininda || 11||
spaShTaM muhurbhuvanajAlakR^itapraveshai\-
rindoH karairvirahiNI vyathayA~nchakAra |
spaShTaM jagatprakR^iti rAjati kAminInA\-
(?)ma~NgaM manasthitimanAkkalayAnkareNa || 12||

ityutprekShAvallabhakR^itau bhikShATanakAvye chandrodayapaddhatirdvAtriMshatiH |
\section{trayastriMshI paddhatiH | chandrodayaH}
chandrodaye virahavihvalamAnasAnAM
yA nirgatAH phaNitayo vadanAdvadhUnAm |
mAdhuryayogapunaruktasudhAnvitAnAM
tAsAmihAsmi kathanena vidagdhamanyaH || 1||
kiM kR^ityamadya sakhi pashya jagatsamastaM
vyApnoti sAndramapahR^itya nishAprakAram |
trailokyasaMharaNakarmaNi kAmashatroH
kopATTahAsa iva ko.api shashiprakAshaH || 2||
etasya chandrahatakasya kaThorabhAvaM
sakhyastadeva gamayeti vikalpameva |
ambhonidherakhilarakShaNajAgarUko
jagrAha yatpashupatirgaralena sAkam || 3||
anyeShu jantuShu sudhAsahajatvamindo
vyaktIkaroShi kiraNairiti shItapAtaiH |
asmAdrateShu tu punarvidhiva~nchiteShu
tairduHsahairgaralasodarabhAvameva || 4||
vedhAH sukhI bhavatu sAmpratamAtmashiShTaM
kR^itvA jagattritayamindusamAnanena |
sadyonimIlitajanArdananAbhipadme
gUDhaM sthitasya nihitasya shashA~NkabhItiH || 5||
kiM rAvaNA~NkavalitaH kimu chandramauleH
sarvAtmanAmaTanabhAvamala~Nkaroti |
nirmUla eva kimu shIkarataH pralIno
ya(dda)ttarAjyamayamuShNakaraH karoti || 6||
pUrtaM vihAya nihatadyutimadya shochyaM
kArshyaM tadeva kumudaikapate. bhajasva |
yasmiMstvayA nikhilachandanahetubhUtaM
prAptaM purArdanakapardinshikhAmaNitvam || 7
(prAptaM purArdanaH purAriH shivaH maNitvam) || 7||
a~NgAragarbhakaramindumimaM vidhAya
yAdR^ichChikAgamana ##. . . . ## kuru me.adya rakShAm |
kAlapratIkShaNaparo bhuvanopakAre
##. . . . ## jAtiriti mA stutaye.apavAdaH || 8||
antaHkala~NkamudayAshritashoNabhAva\-
mAlochayAmi sakhi samprati chandrabimbam |
a~NgArachakramupashAntakarAlamantaH
kAmasya du(da)gdhavapuShastripurAntakena || 9||
kiM kShemamadya sakhi naH kathayAmburAsheH
se(so).ayaM kalAbhirakhilAbhirudeti chandraH |
shailAtmajAvapurabhedaphalAM smarAj~nA\-
mekaiva vartayati kasya kalAbhare.api || 10||
shANopalaM makaraketanasAyakAnAM
pUrNendubimbamidamAli vitarkayAmi |
no chettathA kathamidaM nishi tattvameShA\-
masminnuda~nchati kathaM cha punaH kShayo.asya || 11||
induchChalena jaladheH pralayAnalo.aya\-
mujjR^imbhate sakhi viyogijanakShayAya |
mUrdhnA bibharti saritaM parameshvaro.api
kAleyachandritakalAparitApagItaH || 12||
yadyAniyaM(?)yadi sa samprati rAhurinduM
diShTyA bhavedvirahiNAmapi jIvalAbhaH |
bhujyA svayaiva yadi bhUriphalaM pareShAM
manye kadAchidapi hanta khalo na bhu~Nkte || 13||
pAtraM karAlagaragarji(rmi)tadeva satyaM
naivendubimbamidamAli yatashchirAya |
utkaNThate mama manaH shivakaNThameva
yaH kAlakUTagaralAma(ramapya)khilaM rarakSha || 14||
hR^idyAni mIlayasi hanta saroruhANi
hA chandra jR^imbhayasi samprati kairavANi |
yuktaM tavaitadubhayaM malinAshayasya
havyAvadhIraNa ##. . . . ## mabhAjanaM cha || 16||
AlokitaM ramaNabhUShaNama~NganAnAM
tApaM viyogasamaye.ahamitIti vAdaH |
chUDAmaNiH pashupatemiya(?)mindurAshiM
hA hanta vardhayati me vidhinA shaThena || 16||

ityutprekShAvallabhakR^itau bhikShATanakAvye chandrodayapaddhatistrayastriMshat |
\section{chatustriMshI paddhatiH | dUtIpreShaNam}
avyAjadustaranishIthapayodhimadhye
vairAyamANavidhinaiva nipAtitAnAm |
eNIdR^ishAM harabhayAplavakA~NakShiNInAM
dautyatvayAni(?)charitAni janaH shR^iNotu || 1||
kAmAturo nahi nirUpayati svadainyaM
kAchitsamastavanitAjanapUjanIyA |
dUtyAnmuhuH sakR^idapi tripurAntakasya
kaNThagrahAya ##. . . . ## varaNaM chakAra || 2||
yaH pANDurastvayamathAbdhiviShaM nilI(pI)ya
nailyaM bibharti bhuvanatrayarakShaNAya |
dautyaM tathAvidhatathA(yA)rhasi sha~Nkarasya
tasyeva kApi navamambudharaM yayAche || 3||
kalyANabAndhavaparo jagatIha mAtu\-
ranyo jano.ayamiti jIvasakhIShu rUkShA |
kAchitsvamAtaramayAchata shambhudautyaM
kiM naiva kArayati kAmabhavo vikAraH || 4||
sAmoktibhiH priyasakhImanucharya kAchi\-
ddautyAya vAchyamanayA paripR^ichChyamAnA |
tUShNImajAtanijasa~Ngamane vR^iShA~Nke
vaktavyahAniparidUyamanA babhUva || 5||
yAmeva jIvitasakhIM parirabhya gADha\-
mIshopakaNThagamane tvarayA~nchakAra |
tAM prasthitAM sapadi vIkShya rurodha kAchi\-
dIshAntikAnyavanitAgamanAsahiShNuH || 6||
sandeshagarbhitapuTe smaralekhapAtre
vinyastasAndranavachandanapa~NkamR^itke |
shambhorbhaviShyati karapraNayIti kAchi\-
nmudrAM vyathAvirahiNI kuchachUchukena || 7||
mA gAstvamadya harasannidhimasmadarthe
prANAsikA yadasi me tadihAsitavyam |
prANAH prayAntu sukhamadya mameti kAchi\-
tsnehoktibhiH priyasakhIM tvarayA~nchakAra || 8||
na preShitA priyasakhI girishasya pArshvaM
sA strIti sha~NkitadhiyA sudR^ishA kayApi |
matvA napuMsakamiti prahitaM mano.abhU\-
ttachchApi tatra ramate kimayaM vidhattAm || 9||
kR^itvAdharaM rachitachihnamalaktakena
tasyAH kuchAgramapi ku~Nkumakardamena |
kAchidgabhIrahR^idayA harasannidhAnaM
gantuM punaH priyasakhIM vanitA nyayu~Nkta || 10||
yo.apIdR^ishaM vitanute parakIyamiShTaM
tAdR^ikphalaM sa phala(labha)te punarityabhij~nAm |
mAmadya yojaya hareNa vidhAya dautya\-
mityAjagAda vidhurA nishi chakravAkIm || 11||
rAgaH shaTho niyatamanyatarAnurAgaH
svasthaH sa eva puruShasya nira~Nkushasya |
mAnagraho hi maraNAya vadhUjanasya
AchakShva nAthamiti kApi jagAda dUtIm || 12||
vArtAharImanadhigamya hareH shuchAnyA
tApo.arjite stanataTe.ashrujalaM mumocha |
tasmai hR^idi sthitavate sthita etadIyAM
vaktuM praviShTamitarannahi tatra dR^iShTim || 13||
sandeshamIshaviShayaM svayameva kAchi\-
dyamminvilekhitumupAkramatA~nchitAkShI |
tatraitadAshu dhR^itakajjalabAShpapAtaiH
prAgakSharArpaNavidhermalinIchakAra || 14||
kiM kiM paribhramasi ##. . . . ## kudale me
puShpojjhite.api madhupArthitayA tathaiva |
AnIya shambhumiha sa drutamAptakAmo
bhUyAditi bhramaramAha shucheva kAchit || 15||
dIrghaM mayaiva kalajalpitashikShaNaM te
taddIkShatAmaviratasya sa eSha kAlaH |
kAlAntakAya kathayA mama kAmapIDA\-
mityantara~NgamaparA shukamAbabhAShe || 16||
kaNThAvataMsakusumAshrayaNApadeshA\-
tkasyaiva kaNThavivaraM pratipAdya sadyaH |
vArtAharo bhava harAya mamaiva kAchi\-
dAtmAlakAntikacharaM bhramaraM babhAShe || 17||
sa shleShaduHkhashamanAya saroruhiNyAH
sandhyA prayAntamanugamya kaThorabhAsam |
AyAsa(si)tena na vineti kathAprasa~NgA\-
tsakhyuH puro virahiNI vachanaM jagAda || 18||
AhUya dautyagamanAbhimukhIM vayasyAM
sandeshamIshaviShaye bahu vaktukAmA |
tatpArshvameShyasi yadItyasamAptitokti\-
rbAShpairavochadaparA kathanIyasheSham || 19||

ityutprekShAvallabhakR^itau bhikShATanakAvye dUtIpreShaNapaddhatishchatutriMshat |
\section{pa~nchatriMshI paddhatiH | dUtIvachanam}
asmAdR^ishAmasulabhasya vibhorashakye
dautye pade yuvatibhirviniyojitAnAm |
taM vyApinaM gagana eva vidhAya lakShyaM
dautyochitAni vachanAnyabhavansakhInAm || 1||
kAlAntako.ayamiti vishvajanaprasiddhaM
satyAM vidhAtumiti chedgirijAbhilAShaH |
yo bAdhate tvayi dR^iDhapraNayAM sakhIM me
kAlaM tamadya jhaTiti kShapaya kShapAkhyam || 2||
sakhyAM vasantasakhabANagaNArditAyAM
tAM ki~nchidatra karuNAM taruNendumaule |
mA vA (?)na naH kShitirato maraNaM variShThaM
jIvasthitestvamanurAganimittamasyAH || 3||
kiM vistareNa shR^iNu sha~Nkara sa~NgrahoktiM
vaktavyavastuni mayA sati pR^ichChyamAne |
naivAkSharaiH sapadi kaNThagatairmR^igAkShyAH
prANairabhANi haritavyamasheShameva || 4||
gaurIsakhasya tava mA bhavatu prasaktiH(ttiH)
kalyANakAmamitarAsu mR^igekShaNAsu |
kaNThe chiraM ruchimatI garanIlamUle
bhUyAtsadaiva karuNAdhikavallabhAya || 5||
shambho tadA tvadavalokanapuNyakAle
yAntyAmabhUnnipatitaH prathamAshrupUraH |
shokAshruNaH paribhave.api kimAyatAkShyA\-
stasyAstayornayanayoranurUpameva || 6||
sarvaj~natA nirupayichCha(?)kR^ipApi siddhe\-
ravyAhatatvamiti nAtha guNAstrayaste |
tatra traye niyatamanyatarasya lopa\-
stasyA na chediha vidhAsyati jIvarakShAm || 7||
pANDutvamAvahati bhasmakR^itiM vinA~Nge
dhUmaM vinA cha nayanAshrunipAtahetuH |
shambho vinA jvalati chendhanamadbhutaM ta\-
ttasyAstvadIyavirahaprachito hutAshaH || 8||
yAche bhavantamidamadya jaTAkalApe
pUrNaM nidhehi shashinaM vikalaM vihAya |
dainyaM cha te vikalachandraparigrahotthaM
tasyAshcha mA bhavatu durviShaho.adya tApaH || 9||
yattAdR^ishaM mayi tathA praNipAtadainyaM
sakhyA girIshasahite.atra ninAdametat |
sadyastvayA cha naranaipuNarUDhayaiva
yannidrayA nishi vibho praNayavyavAyaH || 10||
tvAM yAchate mama sakhI nishi manniketa\-
mAgamyatAmiti purArdana manmukhena |
nAtaH paraM mR^igadR^ishAmabhimAnabha~Ngo
labhyeta chedabhimataM nanu so.api mahyam || 11||
magha(dhya)sthitiM tava manobhavapIDitAyAM
yAche na pakShapatanaM chirajIvasakhyAm |
etAvataiva hi bhaviShyati kAmyasiddhi\-
rmAdhyasthyamAturajaneShvapi pakShapAtaH || 12||
AshleShaNaM tava sudurlabhamastu shambho
sakhyAH prayachCha lalitaM tava bAhumUlam |
tasyA gale vinihitA(?)masavaH prayANe
prArambhiNI(?)punarimaM na vila~NghayeyuH || 13||
gaurIkuchArpaNamahAvalayAhidhanye
kaNThena te.anyavanitAjanasa~NgamohaH |
tatra sva(tva)yArpitamavekSha(navena)bhuja~Ngamena
tasyA bhujo.api ghaTatAmiti nAtha yAche || 14||
kurvantu tApamavare virahAH pareShAM
yAchyAvibha~njanamidaM tava naiva yuktam |
shambho yatastvamapi vetsi virohabhikShuM
nityaM sudurviShamayAchanabha~NgapIDAm || 15||
tvatsaMshrutApi bhavataivamupekShitA che\-
tsA naH sasheH(?)varada hanta tavaiva hAniH |
yannIlimA tava gale sahasaiva jasyAt(?)
kAruNyahemanikaShopalashailalakShmIH || 16||
sA padmachArunayanA viShamekShaNastvaM
sA ku~nchitAlakabharA hara dhUrjaTistvam |
sA sadguNaikavasatirguNavarjitastvaM
tasyAstathApi kimidaM tava durlabho.asi || 17||
yA vIkShya nAtha garalaM tava kaNThamUle
yA pannagendu(ndra)mapi tatra purA nininda |
jAtaspR^ihaiva bhagavanbhavatIyamAtre(rtA)
pApAdiyaM na sahate virahaM ta(tva)dIyam || 18||
kAmaM vR^ithA bhavatu me tvayi kAmadautyaM
praShTavyametadabhidhehi pinAkapANe |
tasyAratathA smarasharairvihitaprahAre
chitte vasannapi kathaM tvamakAmaviddhaH || 19||
ga~NgApayaH sakalameva kapardakoNe
sadyo vilInamiti nAtha kiyAnmadaste |
sAmarthyamasti yadi te nayanAmbupUraH
sakhyAstvadIyavirahaprachito nivAryaH || 20||

ityutprekShAvallabhakR^itau bhikShATanakAvye dUtIvachanapaddhatiH pa~nchatriMshat |
\section{ShaTtriMshI paddhatiH | rajanIyApanoktiH}
vishleShitairyuvatayo virahe triyAmaM
ninyuH suduHsahaviyoganitAntadIrghAm |
teShAM vichakShaNavachasyupavarNanena
vANImimAM vayamamI charitArthayAmaH || 1||
kasyAshchidindumalayAnilachakravAka\-
ke~NkArasantamasakairavasaurabhAdyaiH |
vishleShavaMshamathanairnichite nishIthe
mUrChAprasAdakR^ita eva hi jIvalAbhaH || 2||
pratyagrapuShparachite shayane na shishye
nAshliShTa(?)kutra cha na chaiva sakhIM babhAShe |
nApi kvachisthitimatI na yayau na vidmaH
kiM kiM vidhAya vidhurA rajanImanaiShIt || 3||
chandrakShayaM bhava muhurbhujagAmiShasya(?)
bhUyAH kala~Nkanilayo jalatAM bhajasva |
kasyAshchidityapunaruktamudIritAbhiH
shApoktibhiH saha nishAviratiM prapede || 4||
tachchchintanaistadanubandhikathAprasa~Ngai\-
statsa~NgamAnuguNakarmanirUpaNAbhiH |
tannAmabhAShishukasaMhananaishcha kAchi\-
drAtriM ninAya rahitA parameshvareNa || 5||
paryAptashIkara ##. . . . ## maNDalatAlavR^intA
nIrandhrasaMstavadR^iDhapraNayA sakhIva |
kasyAshchidIshavirahavyasane pravR^itte
pArshvaM na jAtu vijahau vipulA triyAmA || 6||
santaptamUrtiratishItalarAjarambhA
shambhostatAra rajanIcharitaM viyuktA |
kintu chyute dayitapotadR^iDhaupagUDhe
yasmAnna bhAvi punaruttaraNaM vadhUnAm || 7||
vyAjoktibhishcha gamanAya gatiprasaktA\-
mAhUya sha~NkaravashIkR^itishAstribhishcha |
dUtIM prakR^itya punareva punaH kR^itAbhi\-
ryAtA nishA mR^igadR^isho na tu sA prayAtA || 8||
pauShpaiH sharaiH praharato ratinAyakasya
puShpAstraviddhavapuShashcha mR^igekShaNAyAH |
prAyeNa naiva nishi suptirabhUttathApi
mUrChAsu sA virahitApi nimIlitAkShI || 9||
kiM kAlarAtrirathavA kimu kAladUtI
kiM pApasaMhatiranekavidhapravR^ittA |
kiM marmakR^intanakarI shitahetireShe\-
tyekA vyala~Nghayadapoktibhireva rAtrim || 10||
chandrAbhidhAnavaDavAgnimadR^iShTapAraM
kandarpaketumakarabhramaNAtibhImam |
achChinnabandhaharachintanasetunaiva
kAchidgabhIrarajanIjaladhiM tatAra || 11||
shaityArthinI kusumatalpamavApa pUrvaM
pashchAtpravAlashayanaM tadapi pramuchya |
shrIkaNThakaNThasarasImatishakyahetoH
kAchidgatAmabhinavaishcha nishAM ninAya || 12||
vApImavApa navachandanapa~NkaliptA
pratyagrapuShpashayanAtpunaretadasyAH |
itthaM dvayorapi tayoraratiM vahantI
kAchidgatAgatagatena nishAM ninAya || 13||
yasyAH kShaNAdapagatiM haraviprayuktA
yasyAshcha kAchana samAgamamAshashaMsa |
na prasthitA cha rajanI na samAgatA vA
nidrAvidhAtari virodhini neShTasiddhiH || 14||
ekakShaNapratisa ##. . . . ## divasArjavena
yogAnnishA cha virahAdapanAmadIrghaH |
tAbhyAM vivarjitaraho divasakShapAbhyAM
dehaM vichintya virahiNyaparA chachAra || 15||
Alambite priyasakhIbhirathAtmanApi
paryAyataH kShaNamashAntivashena muktaiH |
bAlA shilAmiva vishAlatamAM katha~nchi\-
tkAchidguNaiH purajito rajanIM chakAra || 16||
shakyetarAya girishAya ruchairvachobhi\-
rdautyAya jIvitasakhImaparA nyayu~Nkta |
prANavyaye virahiNI rajanImasheShAM
tasyAshchirAyitavashena chirAyate sma || 17||
gaurIpateratha cha chauryamavekShya kAchi\-
drAtriM ninAya nikhilAmapi jAgareNa |
labdhe.api raktakumudinyavitandraga~NgA
jAgarti taskarajano nishi puShkalo.api || 18||
kAchitkShapAM kShapayituM vipulAM sakhIbhiH
samprastutasya vR^iShavAhanakIrtanasya |
AkarNanena charametarayoH pravR^ittAM
sandhyAM dvayorapi tayoryugapaddadarsha || 19||

ityutprekShAvallabhakR^itau bhikShATanakAvye rajanIyApanoktipaddhatiH ShaTtriMshat |
\section{saptatriMshI paddhatiH | rajanIyApanoktiH}
dIrghAM nishAM shamayituM virahe hareNa
nidrAprasaktirahitasya vadhUjanasya |
nAnAvidhAni charitAni sakhIM prakR^itya
jAtAni yAni kathayAmyahamadya tAni || 1||
AhUta eva na samIpamupaiti bhikShAM
gR^ihNAti naiva muhu ##. . . . ## mbayate tathApi |
yatte chirAdanusR^ito.api na chAbhimukhyaM
bhikShu mR^igAkShi vada ko.ayamadR^iShTapUrvam || 2||
bhikShApradAnasamaye na mayA tadAnI\-
mAli~Ngito.abhavadahaM punaradya dUye |
chintAmaNiM karatalasthamupekShayorvyAM\-
sadyo nipAtya mR^igaye tamitastato.api || 3||
bhikShAtisarjanamiShAdahamindumaule
vakShaHsthalena mama yojayituM pravR^ittA |
atrAntare shvasitamUrjitamutsasarja
hAro harasya sakhi bhAgyaviparyayeNa || 4||
bhikShAM dadAtyabhavatI(?)mudite shivena
tAM dAtumodanamayIM mayi so.adya mAyAm |
yattasya garbhita ##. . . . ## rarahaHpravR^itta\-
mandasmitaM sakhi na te hR^idayAdapaiti || 5||
gAtraM vikarShitamabhUdgirishAnavAptyA
vArdhAsramIkShaNamadarshanataH shivasya |
labdhvA shivaM satatamAhitasannidhAnaM
santapyate sakhi kathaM hR^idayaM madIyam || 6||
yadyAgamiShyati madIyagR^ihopakaNThaM
bhikShATanAya girishaH samanantare.api |
tasyopagR^ihanavidhirbhavitavya eva
dAtuM pradAnasamaye svavasho hi bhikShuH || 7||
nATye kR^itashramamivAsya padaM gatena
dehIti dInapadamapyanuShaktarAgam |
patrAvalambyahikaraH karaNapravINaH
prAyeNa ko.api naTa eSha na bhikShureShaH || 8||
ikShurdhanurmadhukarAvalireva maurvI
shastrANi pa~ncha navapuShpamayAni kasya |
lokatrayaM vijayate madanastathApi
##. . . . ## mayAya nijadhairyamatantrametat || 9||
puShpAyudho gi(ri)shanetrahutAshanena
prAgbhasmasAtkR^ita iti sma kathA vR^ithaiva |
Ali~NgitAnanamamuShya tayopadiShTo
manye viyogijanadAhavidhiprakAshaH || 10||
baddhA jaTA nayanamapyasamaM chitaista\-
nnItaM vapushcha bhasitairatidhUsaratvam |
evaM ya ##. . . . ## noha ##. . . . ## bhaikShachAre
kAntIvigUhitamaho vibabhUva shambhuH || 11||
tAM pArvatIM manasi me parameshvareNa
yo yena yojayitumakShamatAM prapede |
tenaiva mAM shamayituM yatate mudhaiva
kAmo.api kAmukavadeva vivekahInaH || 12||
vIthyAM tathA purata eva janasya shambhuM
kaNThe grahItumabhayaM vihitodyameva |
lajjA rurodha sakhi mAM sahasA kimanya\-
tstrIvAtra sApyabhavadeva hi me sapatnI || 13||
strIjAtimAtrahR^idayArtikake vR^iShA~Nke
kandarpadautyamanutiShThati kevalasyAH(?) |
krIDAshukaH sharaNamanyatamo mamAyaM
loke punaH phalitamAtravachAna(?)dUtaH || 14||
sAkShAtpurasthitamapohya vR^iShA~Nkamadya
chitre niveshya parirambhaNamAcharantI |
bhittvA vihArasarasIM parivR^iddhapUrAM
vA~nChAmi gAhitumahaM mR^igatR^iShNikAyAm || 15||

ityutprekShAvallabhakR^itau bhikShATanakAvye rajanIyApanoktipaddhatiH saptatriMshat |
\section{aShTatriMshI paddhatiH | svapnaH}
nIrandhramuktasharapIDitamAnasAnA\-
meNIdR^ishAmakaruNena manobhavena |
vishleShasuptiviShayANi nishAvirAme
jAtAni yAni charitAni vadAmi tAni || 1||
nidrAvatIM girijayA kR^itadehasandhi\-
rapyAjagAma vidhurAM svayamindumauliH |
apyanyayoShidupadhAnapade niruddha\-
prItyA dhruvaM prabhujano bhava(ja)te.anyanArIm || 2||
vAme vidhau bhavati bandhujano.api vairI
suptAM katha~nchidapi jIvasakhIM nishAnte |
mUrChAbhayAdvirahiNIM pratibodhayantI
vichChanti(?)mAshu vidadhe harasa~Ngamasya || 3||
lAbhaM parArthamaparatra nayedvidhAtA
suptyAgate vidhurayA girishe kayAchit |
gADhopagUhanavidherasakR^itkR^itasya
pArshvopadhAtamabhavatsahasaiva pAtram || 4||
romA~nchitairavayavaiH sphuritAdhareNa
ki~nchidvilagnanavatA cha kuchadvayena |
j~nAtvA sakhI harasamAgamanaM charantI
nidrAM svakIyaharanirvahaNAM nananda || 5||
kAchitkatha~nchana nishAviratiprasuptyA
sammIlitAkShiyugalApi shivaM dadarsha |
yA puNDarIkavadanA cha mR^igAyatAkShI
tasyA viruddhacharitAspadatApi yuktA || 6||
sAkShAtkR^ite pashupatau na kadApi shochyA
jAyeta mIlanadashA niyataM narANAm |
yaddR^iShTavadgirishamahni tadAyatAkShyA
yatnaM vinaiva nishi mIlitamakShiyugmam || 7||
jAtaprabodhajanalabhyanijAnubhUtiM
supyai(ptvai)va kApyanubabhUva shivaM viyuktA |
snehaH shive yadi bhavedamito narANAM
mArgeNa vidhyati na karShavatApi shambhuH || 8||
yatsuptibha~NgakaraNaM smR^itibhirniShiddhaM
tenaiva sarvaviShayaM virahArtalakShyam |
sakhyA prabhAtamiti kApi nibodhayantyA
hA hanta bha~njitashivAnubhavA babhUva || 9||
uddishya kApi vidhurA girishAnubhUtiM
suptyaiva lochananimIlanamAchakA~NkShe |
tasyAstadetaduchitaM khalu yena sarve
pashyanti taM shamamanA(no)vinimIlitAkShaH(kShA) || 10||
Ali~NganaM kimathavAdharapAnamasya
mandasmitaM kimuta vA sthitireva tR^iShNIm |
anyakriyA kimapi kApi sakhImapR^ichCha\-
tsvapnAgatena girishena ratiM chikIrShuH || 11||
sarvo.api chauryamaparA(?)vanitAsu kurva\-
nkAmI samIpsati parasya janasya suptim |
AshcharyametadachalendrasutAbhayena
yatsuptayaiva vidadhe rasachauryameva || 12||
yogaprabuddhaharinAbhisarojasR^iShTau
sambhAvyate na khalu ##. . . . ## girijApareNa |
sR^iShTyantare kuru tadAgamanapradhAnaM
suptyeti kApi nayanAmburuhaM yayAche || 13||
vAmabhruvAM harasamAnayanAya nidrA
nAbhyarthitA tadapi saiva na mAnanIyaH |
abhyarthitApi vidadhe na sakhIti dR^iShTaM
kiM kasya kena phalamityupatarkyameva || 14||
pArshve tavendumukhi sha~NkaramAnayeti
vishvasya mAM nayanamIlanamAchareti |
svapne samAgamamanena vibudhya tanvyA
nidrAvatIM priyasakhI vidadhe viyuktAm || 15||
jAgratprapa~nchaviparItavidhAnadakShe
devyadya me nayanayoH kShaNamAtramAssva |
kAmyArthasiddhiriyataiva mameti nidrA\-
mantarnigadya vidhurA na cha talpamApa || 16||

ityutprekShAvallabhakR^itau bhikShATanakAvye svapnapaddhatiraShTatriMshat |
\section{ekonachatvAriMshI paddhatiH | svapnoktiH}
sa~Ngatya rAtriviratau kathamapyavApta\-
nidrAprasAdasulabhena maheshvareNa |
svapnopabhogamavadanpramadAH pramoda\-
tsadyo harasya hi matAya sakhIjanAya || 1||
svapno hareNa ratimadya vidhAtumISha\-
tsaktastvayAratakR^ipayA pratibodhitAham |
suptiM vrajeyamadhunAsya samAgamAya
bhUyo.api naiva sakhi me pratibodhinI bhUH || 2||
Ali~NgitA~NgamabhayaM shashibhUShaNena
svapne mayA tu na sa yanna gale gR^ihItaH |
brIDAvashastimitayA sakhi hanta pApA\-
nno.aj~nAsiShaM kimiti suptivijR^imbhitaM tat || 3||
svapne hareNa vihite.api tathaiva bhAge
nAsItkShataM vapuShi me sakhi hA hatAsmi |
yannaiva kR^iShTamadharaM na ratikShatasya
kShattraM tadevamubhayaM phalahInametat || 4||
yaH prasthito gataghR^iNaH sakhi chandramauliH
svapnAgataH prathamameva mayopagUDhaH |
vIthIgato yadi bhavettrapayAbhibhUtA
tasyAgrato nahi yathaiva purA bhaveyam || 5||
susvapnadarshanaphalaM bhavati prabodhe
pashchAditi sma kathayanti tadanyathApi |
svapne shivasya nishi vIkShaNamAli jAtaM
tasyopagUhanavidhiM tadasUta sadyaH || 6||
svapne hareNa paribhogarasepsunA me
vAso gR^ihItamidameva tadA vibuddham |
sakhyAvayorupari yAni vicheShTitAni
j~nAtA paraM viShamasAyaka eva teShAm || 7||
yanme hareNa saha sa~Ngamasaukhyahetau
netronnimIlanadashAM svayamAsasAda |
soDhA svayaM vipadamartyapahArakR^ityaM
netropamasya charite kimuta svadR^iShTeH || 8||
svapnopalambhanadashA mama saiva nityaM
bhUyAtprajAgaradashA sakhi mAdadApi (?) |
yasyAmavApadachalendrasutaikasheShaM (?)
vaktuH prajAgarasudurlabhamIshvarasya || 9||
svapne shivaH sudati samprati dehi bhikShA\-
mityUchivAnahamadAmavilambya tasmai |
naivAdade na gata(vAn)smitameva chakre
dattA mayAsya tu gale dR^iDhama~NkapAlI || 10||
yo vIkShito.aha(ni)nishi ##. . . . ## supralabdha\-
sharyApta(?)##. . . . ## madhiriraMsurivAsasAda |
dR^iShTvA tamAshu galatA vasanAMshukena
jArAyitaM chiranitambaniSheviNA ##. . . . ## || 11||
AlambyamAnavasanA sakaleshvareNa
mu~nchetyavochamapatachChithilo.asya hastaH |
svapne sakhi kShaNata eva hato bhujo me
jagrAha kaNThamayamastadayasya tasya || 12||
svapne hareNa sati nirdayamArayuddhe
lupto na chandanarasaH kuchayorayaM me |
naivAdhare.api dashanakShatamIkShyate ya\-
jjAgraggatAdapi varaM sakhi suptabhogaH || 13||
Avismitena girishena hR^itA sma lajjA
nidrAgame sakhi gR^ihItakarAbha(ha)mAsam |
AmUlakaNTakitapa~NkajanAlakalpa\-
madyApi pashya charitArthamidaM prakoShTam || 14||
ratyutsavAya mama lambitamIshvareNa
vAso.anishaM rati ##. . . . ## samAgatena |
bodhena tadgalitamaikShata hanta gantuM
so.ayaM purA na khalu tiShThati chandramaulI(liH) || 15||
nidreva jIvitasakhIM manasaiva sakhyo
yUyaM mR^iShApraNayasaMvaramAcharantyaH |
yA durlabhaM girisutAvaramadya dUrA\-
dAnIya me shayanamadhyagataM chakAra || 16||
nimnIkR^itastanayugaM vihitopagUha\-
svapnAgatena yadahaM parameshvareNa |
tenaiva hAragalitAH sakhi pashya muktAH
satyaM bhavatyanR^itameva kR^itaM shivena || 17||

ityutprekShAvallabhakR^itau bhikShATanakAvye svapnoktipaddhatirekonachatvAriMshat |
\section{chatvAriMshI paddhatiH | gaurIprashaMsA}
svapne muhUrtamanubhUya pinAkapANiM
niHsheShaluptasaraha(?)vyasanA yuvatyaH |
tenaiva nityamapi sevitayauvanAyA
gauryAH prashastigiramAtmagatAM shashaMsuH || 1||
sA shailarAjatanayA vanitAsu varyA\-
mAlabhya rUDhisulabhe virahe hareNa |
pAdodakAyitajalA muhureva yasyA\-
stanmaulidivyataTinIpata(taTa)yornipatya || 2||
sA pArvatI stanavatI bhuvane pR^i(vR^i)thAnyAH
kleshAvahA yuvatayaH stanamudvahanti |
yasyAH payodharayugena manojashatro\-
rvakShaHsthale.api vihitA ratimardamudrA || 3||
sA rAjate jagati shailasutA vadhUnAM
yA jAyate haragalagrahaNotsaveShu |
AnandanirbharatayA mukulIkR^itAkShI
mohaM gateravagarasya mahoShmaNaiva || 4||
saivottamA jagati parvatarAjaputrI
pItvA yadIyamadharAmR^itamindumauliH |
AtmIyamapratimR^iduH saha kAlakUTa\-
kShveDopatApamakhilaM shamayA~nchakAra || 5||
sA pArvatI vijayatAM bhuvanasya mAtA
sthemAnamAjagatama~NgalabhUShaNasya |
nishchitya yA gatabhayA vidadhe.abhyanuj~nAM
bhartrA kR^itasya garalAshanasAhasasya || 6||
saubhAgyajanbhavasatiH kila shailakanyA\-
kAmAbhibhUtyuchitamasya ##. . . . ## saMvidhAtum |
kaNThe muhurmadanashatrumapetasha~NkA
badhnAti yAni bhujagadvayashR^i~Nkhalena || 7||
sA rAjate jagati parvatarAjaputrI
sambhogakelikalahe bahushaH pravR^itte |
Ishasya mauliparitaH paripUrNachandro
yUnAM purAshrikaShaNA kR^ishamevamAsIt || 8||
sA pArvatI vijayatAM jagadekamAtA
yasyA vihArakalahe sulabhe hareNa |
pAdAmbujAshrayaNakA~NkShitayaiva tasya
prAgeva maulikusumAnmadhupAH shrayante || 9||
taptaM tayaiva hi tapo girirAjaputryA
yasyA pipAsa ##. . . . ## mame parameshvareNa |
hastA ##. . . . ## ho na manasaiva kR^itaH kR^ito.abhU\-
dagnyAdhi(?)rohaNamiShAchcharaNAvalambam || 10||
sA pArvatI jagati bhAgyavatI vadhUnAM
yA ruShTapArthadR^iDhamuShTinipAtapIDAm |
sadyo jahAra girishorasi ghaTTitena
kAmoShmaNena(va)kuchapuTTalikadvayena || 11||
dhanyA girIndratanayA khalu yadbhavena
sandhyApraNAmasamaye sa pinAkapANiH |
evaM nimIlati saroruhamadya pashya
gaurItyudIrya karamIlanamAtanoti || 12||
sA nAyikA vijayatAM praNayena ruShTA
yA sAkkanAya(?)vinatasya purArdanasya |
pradyotitAmbhasi kapardasurasravantyAM
bAShpairapUrvasaritaM punarAtanoti || 13||
tAM pArvatImanishameva sadA svameva
sandhyApraNAmasamaye parameshvarasya |
kopena yAruNatanuchChavirAjabhUtvaM
niryAtpunaH pariNatA svayameva sandhyA || 14||
saubhAgyajanmavasatergirirAjaputryAH
kurmastayoshcharaNayorasakR^innamasyAm |
nityaM yayoH svayamalaktakasannidhitsvo\-
shcheTIjanena sulabhaH kalahaH shivasya || 15||
dAkShIyaNIchirasamIpsitalAbhaheto\-
rvidyAsamastayuvatIspR^ihaNIyavR^ittA |
unmattavR^ittirapi yatsahachArasaktyA
shambhurjagattrayagariShThakusumbadhuryaH || 16||
nityA hi sA bhagavatI girirAjakanyA
namrasya kelikalahepu navendumauleH |
mandAkinIshirasi yA padayAvakena
sandhyAyamAnasalilAmasakR^itkaroti || 17||
sA pArvatI jagati vibhramajanmabhUmi\-
ryAM yAchate sma girishaM(?)surasa~Nghamadhye |
yanme vyalIkamabhavanmadanA~NgadAhA\-
ttatkShamyatAmiti karagrahaNachChalena || 18||

ityutprekShAvallabhakR^itau bhikShATanakAvye gaurIprashaMsApaddhatishchatvAriMshat |

|| sampUrNamidaM kAvyam ||

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}