% Text title            : Bhillakanyakrita Shiva Stuti
% File name             : bhillakanyAkRRitAshivastutiH.itx
% Category              : shiva, shivarahasya, stuti
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 29 | 103-129 ||
% Latest update         : February 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhillakanyakrita Shiva Stuti ..}##
\itxtitle{.. bhillakanyAkR^itA shivastutiH ..}##\endtitles ##
dAtA tvameva bhagavAn vishvasya sakalasya cha |
pAlako nAshakashcha tvaM janako.api saMshayaH || 103||
bhUmaNDalotpAdanakAraNAya tatpAlanasyApyatha kAraNAya |
tannAshakAyApi namo namaste gaurIsahAyAya maheshvarAya || 104||
apArasaMsAravinAshakAya saMsAraduHkhapralayodyatAya |
namo.astu te kAraNakAraNAyApyakAraNAyApi namo namaste || 105||
vedAntavedyAya namo namaste vedasvarUpAya namo namaste |
apArakalyANaguNArNavAya namo namaste girijAsahAya || 106||
namo namashchandrakalAvataMsa gaurIsphuranmAnasarAjahaMsa |
gaurIvihAronnatakandharAMsa namo namo bilvavarottamAMsa || 107||
kashchandrachUDacharaNAmburuhArchanena
nAbhIShTasiddhimasakR^it samavApa rUpam |
shaivaM sametya navabilvadalA~NkurairvA
li~NgArchanena vijaye rajanImukhe vA || 108||
pradoShe bilvaM vA yadi navajalenApi sahita
pradadyAdyo bhaktyA sitamasitali~Nge.api vimalam |
sa tAvatsarveShAmapi bhavati pUjyo janijarA\-
vinAshAnAM duHkhaM pariharati dR^iShTo.api sahasA || 109||
puNyAni tAvanna purA kR^itAni yattatsmarArismaraNaM na pUrvam |
adyApi tAvanna kR^itAni puNyAnyathApi li~NgaM nayanAtithirme || 110||
alaM puNyabhArairalaM yogadAnaiH alaM sarvabhUmaNDalAvartanairvA |
yadA sharvali~NgaM navairbilvapatraiH pavitraiH prasannaM tadA taishcha kiM vA || 111||
aho mahadbhAgyamidaM vane.asmin vR^iShTiprasa~NgAdapi shA~Ngali~Ngam |
dR^iShTaM mama prANaviyogakAle na bhAvikAlAdbhayamalpato.api || 112||
sakR^idapyavalokito maheshaH shivali~NgeShu samarchito.atibhaktyA |
kR^itakR^ityavaraM karoti martyaM sa kR^itAnto.api bibheti teja nUnam || 113||
kR^itAntAntakaM kaH prapUjyAtibhaktyA navairbilpatrairjalairvA phalairvA |
sa yAtIshapAdAravindadvirephasvabhAvo bhavAmbhodhirAsheshcha pAram || 114||
prapannArtinirvApaNe shaktamekaM mahAdevamekaM prapadye mahesham |
visheSheNa mAtA pitA bandhureva prakR^iShTAni kaShTAni dUrIkaroti || 115||
anAyAsalabhyaiva muktirmaheshe shrute.api smR^ite.apIti manye tadanyaH |
na kopyasti bhaktArtisaMhArahetuH sa setuH sukhAnAM sa keturmakhAnAm || 116||
maheshaM bhajantaH smarantaH sakR^idvA na saMsArabhItiM prapashyanti kAlam |
na pashyanti duHkhAni kAnyapyato hi maheshaM vinAnyaM na jAne na jAne || 117||
janistena tAvadbhavatyeva tena sthitistena saMhArakAle samAptiH |
samastasya lokasya tasyAdhunA.ahaM prapashyAmi li~NgaM kR^itAna~Ngabha~Ngam || 118||
grahAstAvadadyAdhunA me prasannAH punastAvadekAdashasthAnayuktAH |
samastAshcha te tena ghore vane.asmin prakR^iShTaM hi li~NgaM mayA dR^iShTameva || 119||
vinaShTAni kaShTAni duHkhapravAhaH kShaNenaiva naShTo gatA vR^iShTireShA |
idaM li~NgamapyambunA siktamevaM navaM bilvapatraM vahatyAshu dattam || 120||
anenaiva dattena bilvena pApaM praNaShTaM prakR^iShTaM sukhaM dAtumeva |
samarthaM na sandehavArtApi dhanyaM sharIraM mamedaM tathA jIvanaM cha || 121||
bilvA~NkureNa girijAramaNaH kathaM vA prIto bhavatyaghavinAshakaraH kathaM vA |
muktiprayAvitaraNapravaNaH kathaM vA vedo na veda tadayaM shivakautukAni || 122||
dhuttUrapuShpamapi ketakapuShpatulyaM kR^itvA japAkusumamapyaparAdhinApi |
gR^ihNAtiM dattamasakR^it sakR^ideva vA.ayaM kiM kautukaM tadidamityapi naiva vidmaH || 123||
kiM kaNTakArikusumAnyapi kautukena gR^ihNAti kiM kushadalAnyapi ki shubhAni |
bhaktAbhitApaharaNAya jalAni gR^ihNAtyalpAni tAnyabhinavAnyanavAni vA.ayam || 124||
kalyANasAgara iti prathito haro.ayaM sarvAgharAshiharaNAt sa haro varo.ayam |
taM tAdR^ishaM girisutApatimAshraye.ahaM bhaktepsitArthadamapArasukhapravAhaiH || 125||
AloDya chaiva chirameva mayApi loke nirNItamIshacharaNAmbujamAdareNa |
saMsevanIyamakhilAghavinAshanAya gaurIpatiM chiramahaM hR^idi bhAvayAmi || 126||
gaurIkuchorugirishekharachAruhIra hArasphuradgirishapAdasarojabhR^i~NgaiH |
manmAnasaM bhavatu tena vimuktirasya sambhAvitApi jagatAmapi mAnanIyaH || 127||
madIyasukR^itApArapArAvArairmaheshvaraH |
kuladaivatamasmAkaM akasmAdabhavat katham || 128||
kvAhaM kva vA vR^iShTiriyaM prabhUtA santoSharUpA shivadarshanena |
alaM kR^itArthaM mama mAnasaM me kR^ityaM cha nAtaH paramasti loke || 129||

|| iti shivarahasyAntargate bhillakanyAkR^itA shivastutiH sampUrNA sampUrNA ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 29| 103\-129||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 29. 103-129..

Notes:
Bhillakanyā ##bhillakanyA##; who has taken shelter due to rains, in a Śiva temple ##shivamandira##, eulogizes and prays to Śiva ##shiva##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}