% Text title            : Brahmakrita 6 Shiva Stuti
% File name             : brahmAkRRitA6shivastutiH.itx
% Category              : shiva, shivarahasya, stuti
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | 7 mahAdevaprasAdanam | 23-42 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakrita 6 Shiva Stuti ..}##
\itxtitle{.. brahmAkR^itA 6 shivastutiH ..}##\endtitles ##
(shivarahasyAntargate IshAkhye)

brahmovAcha |

sadayaM hR^idayaM tavaiva shambho
dayanIyoM.ayamiti smarAdhunA mAm |
iyatA mama tAvakaM mano me
mama tAvatprabhaveta muktaye || 23||
sahamAnastvamevesho mahesho bhaktavatsalaH |
saMharAtra mahAmanyuM dakShaM cha surasattamAn || 24||
rakSha jIvitadAnena lokaguptyarthamIshvara |
tvayaiva sR^iShTA nikhilA lokAH sarve charAcharAH || 25||
viShNustvatkR^ipayA shambho pAlako.abhUttvadAj~nayA |
surA indrAdayaH sarve anilAnalavArbhuvaH || 26||
sUryachandrendravaruNA vAsavoshvisudhanvinaH |
marutaH pitaraH sAdhyA nAgA vidyAdharAdayaH || 27||
kiM pUruShApsaraHsa~NghA nirR^itirdhanapo yamaH |
munayo mAnavA daityA yakSharakShogaNA narAH || 28||
nadyashcha sAgarAH saptadvIpAshcha vanarAjayaH |
garuDAH patagAH sarpA lokAH sarve charAcharAH || 29||
graharkShAshcha dhruvashchApi rudrA bhUtAH pishAchakAH |
guhyashcha siddhagandharvA nAradAdyA maharShayaH || 30||
diggajAH shishumArAdyAH kUrmAH sheShAdayo.akhilAH |
dharmAdharmau tathA shAstraM vedAshcha shrutayo.api cha || 31||
purANajAlaM nikhilaM vaiShNavaM shAmbhavaM tathA |
AgamAshcha tvayA proktAH sarvametat tvayAvR^itam || 32||
tvayaiva pAlitaM shambho tvayyante layameShyati |
jagachchakramidaM shambho bhUtaM bhavyaM bhavattathA || 33||
tvaddayApAtrabhUtaM hi vivR^iddhaM bhavatu prabho |
tvatkopadagdhaM sakalaM bhUyAchcha sacharAcharam || 34||
rakSha devAn sadakShAMshcha tvatkopAnalapIDitAn |
mahAmanyo manyumimaM saMharAtra makhaM prati || 35||
satI mAyA tava vibho mAyI tvaM parameshvaraH |
kAlaH karoti nikhilaM kAlaH saMharate prajAH || 36||
kAlena vardhate sarvaM kAlakAla tavAj~nayA |
kAlaM ka~nchitpratIkShasva satI prakR^itirIshvarI || 37||
jAtA haimavatI shambho tvAmAyAti patiM satI |
bhAvyevaM bhUtabhavyesha trikAlaj~no.asi sha~Nkara || 38||
tvatpAdapa~NkajaM smR^itvA sarvaduHkhakShayo bhavet |
duHkhaM satIviyogotthaM nivartaya maheshvara || 39||
tvaM vetsi yo.asi so.asIti jAnAsyAtmAnamAtmanA |
tvamAtmA sarvabhUtAnAmantaH shAstA sanAtanaH || 40||
brahma tvaM nirguNaH sAkShI chetA netA parAtparaH |
R^itaM satyaM paraM dhAma bhUmA sImA virAT svarAT || 41||
samrAT prajApatirdhAtA vedavedyo maheshvaraH |
praNavaH prANa IshAnastvatto nAnyo.asti kashchana || 42||

|| iti shivarahasyAntargate brahmAkR^itA 6 shivastutiH sampUrNA ||

\- || shrIshivarahasyam | IshAkhyaH dvAdashamAMshaH | 7 mahAdevaprasAdanam | 23\-42 ||
##
- .. shrIshivarahasyam . IshAkhyaH dvAdashamAMshaH . 7 mahAdevaprasAdanam . 23-42 ..

Notes:

Brahma ##brahmA## eulogizes Śiva ##shiva##; who had appeared at the devastated Dakṣādhvara ##dakShAdhvara##, to appease and pacify Him.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}