% Text title            : Brahmavishnukrita shivastutiH from brahmANDamahApurANa
% File name             : brahmAviShNUkRRitAshivastutiH.itx
% Category              : shiva, stuti
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Latest update         : November 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivastuti by Brahma and Vishnu ..}##
\itxtitle{.. brahmANDamahApurANe brahmAviShNUkR^itA shivastutiH ..}##\endtitles ##
namo.astu te lokasuresha deva namo.astu te bhUtapate mahAtman |
namo.astu te shAshvatasiddhayogine namostu te sarvajagatpratiShThita || 1||
parameShThI paraM brahma tvakSharaM paramaM padam |
jyeShThastvaM vAmadevashcha rudraH skandaH shivaH prabhuH || 2||
tvaM yaj~nastvaM vaShaTkArastvamo~NkAraH parantapaH |
svAhAkAro namaskAraH saMskAraH sarvakarmaNAm || 3||
svadhAkArashcha yaj~nashcha vratAni niyamAstathA |
vedA lokAshcha devAshcha bhagavAneva sarvashaH || 4||
AkAshasya cha shabdastvaM bhUtAnAM prabhavApyayaH |
bhUmau gandho rasashchApsu tejorUpaM maheshvaraH || 5||
vAyoH sparshashcha devesha vapushchandramasastathA || 6||
buddhau j~nAnaM cha devesha prakR^iterbIjameva cha || 7||
saMharttA sarvalokAnAM kAlo mR^ityumayo.antakaH |
tvaM dhArayasi lokAMstrIMstvameva sR^ijasi prabho || 8||
pUrveNa vadanena tvamindra tvaM prakaroShi vai |
dakShiNena tu vaktreNa lokAnsa~NkShipase punaH || 9||
pashchimena tu vaktreNa varuNastho na saMshayaH |
uttareNa tu vaktreNa somastvaM devasattamaH || 10||
ekadhA bahudhA deva lokAnAM prabhavApyayaH |
AdityA vasavo rudrA marutashcha sahAshvinaH || 11||
sAdhyA vidyAdharA nAgAshchAraNAshcha tapodhanAH |
vAlakhilyA mahAtmAnastapaH siddhAshcha suvratAH || 12||
tvattaH prasUtA devesha ye chAnye niyatavratAH |
umA sItA sinIvAlI kuhUrgAyatrya eva cha || 13||
lakShmIH kIrttirdhR^itirmedhA lajjA kAntirvapuH svadhA |
tuShTiH puShTiH kriyA chaiva vAchAM devI sarasvatI |
tvattaH prasUtA devesha sandhyA rAtristathaiva cha || 14||
sUryAyutAnAmayutaprabhAva namo.astu te chandrasahasragaura |
namo.astu te vajrapinAkadhAriNe namostu te sAyakachApapANaye || 15||
namo.astu te bhasmavibhUShitA~Nga namo.astu te kAmasharIranAshana |
namo.astu te deva hiraNyagarbha namo.astu te deva hiraNyavAsase || 16||
namo.astu te deva hiraNyayone namo.astu te deva hiraNyanAbha |
namo.astu te deva hiraNyaretase namo.astu te netrasahasrachitra || 17||
namo.astu te deva hiraNyavarNa namo.astu te deva hiraNyakesha |
namo.astu te deva hiraNyavIra namo.astu te deva hiraNyadAyine || 18||
namo.astu te deva hiraNyanAtha namo.astu te deva hiraNyanAda |
namo.astu te deva pinAkapANe namo.astu te sha~Nkara nIlakaNTha || 19||

|| iti brahmANDamahApurANe brahmAviShNUkR^itA shivastutiH ||

|| brahmANDamahApurANam | vAyuproktaM pUrvabhAgaH | anuSha~NgapAdaH \- 2|
adhyAyaH 26 \- li~Ngotpattikathanam | 32\-50||

##
.. brahmANDamahApurANam . vAyuproktaM pUrvabhAgaH . anuSha~NgapAdaH - 2.
adhyAyaH 26 - li~Ngotpattikathanam . 32-50..

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}