% Text title            : Brahmakritam 06 Shiva Stotram
% File name             : brahmakRRitaM06shivastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | mAheshvarakhaNDa | aruNAkhaNDa | uttarakhaNDa | adhyAya 16/1-19||
% Latest update         : April 27, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam 06 Shiva Stotram ..}##
\itxtitle{.. brahmakR^itaM 6 shivastotram ..}##\endtitles ##
brahmovAcha |
devadeva tavaishvaryaM kena shakyeta veditum |
vinA bhAgyaikyasulabhaM bhavadIyamanugraham || 1||
akartR^ikANi vAkyAni aishvaryaM te niratyayam |
na stotuM shakyate kiM tu namaskurvanti dUrataH || 2||
ko viShNuH ko.ahamete vA dikpAlA vAsavAdayaH |
tvameva deva karttAsi jagatsR^ijanarakShayoH || 3||
patistvaM pArvatInAtha pashavo vayamapyamI |
baddhaM pAshena moktuM vA tvamevAsmAnpragalbhase || 4||
ShaDviMshattattvarUpastvamabhitashchAbhivarttase |
kovidaH ko vinirNetuM tava yAthAtmyamIshvaraH || 5||
kirAtaH kila devastvaM sArameyaiH kilAgamaiH |
ShaDvargahiMsrAnsaMhartuM karoShyAkheTakautukam || 6||
deva dakShAdhvare pUrvaM varibhadrastvadAj~nayA |
kAM kAM shikShAmakArShInna iti kApi viDambanA || 7||
tava kAlAgnirUpasya sarvabrahmANDadAhinaH |
poShaNAtpuShpachApasya prAyo jihveti shemuShI || 8||
kR^itAparAdhaH shUlena tvayA dIrNo jalandharaH |
antakondhakadaityashcha prativIrashcha ko.asti te || 9||
adhArayiShyatkaNThena kAlakUTaM na chedbhavAn |
kathaM cha dhArayiShyAmo vayaM sarve.api jIvitam || 3\.2\.16\.10||
devadAruvane pUrvaM munInkevalakarmaThAn |
prakShobhya dhUrtaveShastvaM dayayAnvagrahIstathA || 11||
a~NghriNAkrAntavAnno chedatyugrAM tvamapasmR^itim |
tayAkrAntamidaM kR^itsnamandhakArAyate jagat || 12||
ardhanArIshvaraM rUpaM tvayA chenna prakAshitam |
prabhavAmi kathaM sraShTuM jagadetachcharAcharam || 13||
bhavatA stambhitaH shambho saMrambhAjjambhajidbhujaH |
kiyantaM hanta kAlaM te jayastambha iva sthitaH || 14||
bhikShoH kapAlamApUrya rudhireNAtmano hariH |
shUlenotkShipya mumuhe hyetattvamavadhAraya || 15||
na chedashikShayaH sarvashastrAstrANyanukampayA |
nirvApayetkathaM vairaM kruddho.api jamadagnibhUH || 16||
nR^ihariM sharabhAkAraH samahArShInna chedbhavAn |
sa eva saMharedvishvaM hiraNyakashiporapi || 17||
tvamAchakR^ikShaH kalpAbdhau kaivartto matsyakachChapau |
hariM baddhvAhirATsUtrairnR^isiMhamatha sUkaram || 18||
ekone padmasAhasre svanetreNa kR^itArchanam |
shUlinsudarshanaM dattvA daityadviShamatUtuShaH || 19||

iti shrIskandapurANe mAheshvarakhaNDe.aruNAchalamAhAtmye
uttarArdhe ShoDashAdhyAyAntargataM brahmakR^itaM shivastotraM
samAptam |

skandapurANa | mAheshvarakhaNDa | aruNAkhaNDa | uttarakhaNDa | adhyAya 16/1\-19||
##
skandapurANa . mAheshvarakhaNDa . aruNAkhaNDa . uttarakhaNDa . adhyAya 16/1-19..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}