% Text title            : Shiladakrita Chamaka Vidhana Varnanam
% File name             : chamakavidhAnavarNanaMshilAdakRRita.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 34| 116-175 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiladakrita Chamaka Vidhana Varnanam ..}##
\itxtitle{.. shilAdakR^itachamakavidhAnavarNanam ..}##\endtitles ##
namo namaste girijAsahAya namo namaste sukR^itasvarUpa |
namo namaste.annapate mahesha namo namaste.astu namo namaste || 1||
tvatpAdAmbujabhaktirme nishchalA bhavatu prabho |
tvameva sharaNaM shambho gatistvaM jagatAM prabho || 2||
karmANyasya phalonmukhAni bhagavaMstvatpAdapadmaM yato
dR^iShTaM doShavivarjitaM sukhayutaM yAvatkaroti svataH |
tattAvanmunivR^indamAnasamanaHpadmapraviShTaM prabho
tanme mAnasapa~Nkaje kShaNamapi svAmin prabho jAyatAm || 3|| (mude jAyatAm)

vAjashcha me.astu prasavashcha me.astu tvatpUjayA sA prayatishcha me.astu |
maheshvarAnuprasitishcha me.astu dhItishcha me.astu kraturastu shambho || 4||
svarashcha me.astu svaradesha shambho shlokashcha me.astu shrutigItakIrte |
shrAvashcha me.astu shrutirastu shambho shivAbhidhAnashravaNAya nityam || 5||
jyotishcha me.astu jvalanasvarUpa suvashcha me.astu tripurAsurAre |
prANashcha me tAvadapAnayukto vyAnashcha me.asuva tathaiva chittam || 6||
AdhItaM cha tathA vAkcha manashchakShushcha me prabho |
shrotraM dakSho bala~nchau~njaH sahashchAyushcha me prabho || 7||
jarA chAtmA cha me shambho tanUH sharma cha varma cha |
a~NgAnyasthIni bhagavan parUMShi cha bhavantu me || 8||
sharIrANi bhavantvIsha tAni ramyANi me prabho |
jyaiShThyaM cha me.adhipatyaM cha manyurbhAmashcha me prabho || 9||
amashchAmbhashcha jemA cha mahimA varimA cha me |
prathimA chAstu gaurIsha varShmA cha drAghuyA cha me || 10||
vR^iddhaM vR^iddhishcha satyaM cha shraddhA chAstu jagattraye |
dhanaM vashA.astviShi~nchAstu krIDA modashcha me prabho || 11||
jAtaM janiShyamANaM cha sUktaM me sukR^itaM cha me |
vittaM vedyaM cha bhUtaM cha bhaviShyachcha sugaM cha me || 12||
supathaM R^iddhamR^iddhishcha klR^iptaM klR^iptishcha me matiH |
sumatiH shaM mayashchAstu priyaM chAstu shivaM shubhe || 13||
anukAmashcha kAmashcha shambho saumanasaM cha me |
bhadraM shreyashcha vasyaM cha yasho me.astu jagattraye || 14||
draviNaM chAstu yantA cha dhartA kShemashcha me dhR^itiH |
vishvaM mahashcha saMvichcha j~nAtraM sUshcha prasUshcha me || 15||
sIraM laya R^itaM chAstu bhagavannamR^itaM cha me |
ayakShmaM chAnAmayaM cha jIvAtushchApi me sadA || 16||
dIrghAyutvAnamitre cha sarvadA.apyabhayaM cha me |
sugaM cha shayanaM sUShA sudinaM chAstu me sadA || 17||
Urkcha me sUnR^itA chAstu payashchAstu rasashcha me |
ghR^itaM madhu cha sagdhishcha sapItishcha kR^iShishcha me || 18||
vR^iShTicha jaitramaudbhidyaM rayishchAstu sadApi me |
rAyaH puShTaM cha puShTishcha vibhu cha prabhu cha prabho || 19||
bahu bhUyashcha pUrNaM cha tathA pUrNataraM cha me |
akShitishchAstu bhagavan kUyavAshcha bhavantu me || 20||
annamannapate me.astu tenAstvakShuchcha me prabho |
vrIyashcha yavA mAShAH tilA mudgAshcha me shiva || 21||
khalvAshcha santu godhUmAH masurAshcha priya~NgavaH |
aNavaH santu me nityaM shyAmAkAH santu me prabho || 22||
nIvArAdyAshcha me santu gR^ihe sarvAnnakalpakAH |
ashmA cha mR^ittikA chAstu girayaH parvatAshcha me || 23||
sikatAH santu bhagavan me vanaspatayashcha me |
hiraNyamastvayashchAstu tathA sIsaM trapushcha me || 24||
shyAmaM lohaM cha me.agnishcha gR^ihe tiShThantu sarvadA |
Apashcha vIrudhaH santu tathaivauShadhayo.api me || 25||
kR^iShTapachyaM cha bahudhA mama tiShThatu veshmani |
tathaivAkR^iShTapachyaM cha vanasambhavamastu me || 26||
gomahiShyAdayo grAmyAH pashavaH santu me gR^ihe |
sadA yaj~nena kalpantAmAraNyAH pashavashcha me || 27||
vittaM vittishcha bhUtaM cha bhUtishcha vasatirvasu |
shivapUjAdikaM karma shaktishcha shivapUjane || 28||
emashchAstu mametishcha gatishchAstu shivArchane |
agnirindrashcha somashcha savitA cha sarasvatI || 29||
pUShA bR^ihaspatirmitraH tvaShTA cha varuNashcha me |
dhAtA cha viShNurapyastu gR^ihakarmakarastu me || 30||
ashvinau cha mameshAna tiShThatAM sarvadA gR^ihe |
marutashcha prasarpantu vishvedevAshcha me gR^ihe || 31||
tvadAj~nAvashagAnetAn agnIndrAdisurAn shiva |
madvashAn kuru vishvesha dakShAn madgR^ihakarmaNi || 32||
antarikShaM cha pR^ithivI dyaurapyastu dishashcha me |
mUrdhA prajApatishchAstu me bhavatkR^ipayA bhava || 33||
aMshushcha rashmirapyastu me dAbhyo.adhipatishcha me |
upAMshurantaryAmashcha mama syAdaindravAyavaH || 34||
me maitrAvaruNashchAstu tathaivAstu mamAshvinaH |
pratiprasthAnashukrau cha manthI chAgrayaNashcha me || 35||
vaishvadevo dhruvashchApi tathA vaishvAnarashcha me |
R^itugrahAshcha me santu sAtigrAhyAshcha sha~Nkara || 36||
aindrAgA vaishvadevashva grahAH somopayoginaH |
tathA marutvatIyAshcha grahAH santu sadA.api me || 37||
mAhendrashcha tathA.a.adityaH sAvitrashchAstu me grahaH |
sArasvatashcha pauShNashcha tathA pAtnIvatashcha me || 38||
sahArIyojanashchAstu mamedhmashchAstu sarvathA |
barhivendirdhiShNiyAshcha sruvashcha chamasAshcha me || 39||
grAvANaH svaravaH santu tathaivoparavAshcha me |
te me dhiShavaNe santu te droNakalashashcha me || 40||
vAyavyAni cha me santu pUtabhR^ichchAstu me prabho |
tathaivAghavanIyashcha tadAgnIdhraM cha me prabho || 41||
havirdhAnaM cha me svAmin gR^ihAshchaiva sadashcha me |
puroDAshAshcha me svAmin pachatAshcha bhavantu me || 42||
tathaivAvabhR^ithaH santu svagAkArashcha me prabho |
agnirgharmashcha me.arkashcha sUryaH prANashcha me prabho || 43||
ashvamedhashcha pR^ithivI dyaurapyaditirastu me |
me shakvarIra~Ngulayo dishashcha vidishashcha me || 44||
tathA yaj~nena kalpantAM R^ik cha sAma cha me prabho |
somo yajushcha dIkShA cha tapashchastu R^itushcha me || 45||
tathA.ahorAtrayorvR^iShTyA vrataM cha niyamAtmakam |
bR^ihadrathantare yaj~ne kalpetAM bhAlalochana || 46||
garbhA vatsAshcha bhagavan tryavishchAstu maheshvara |
tryavI cha me dityavAT cha dityauhI cha sadAshiva || 47||
pa~nchAvishcha mahAdeva pa~nchAvI cha trilochana |
trivatsashcha trivatsA cha turyavADastu me prabho || 48||
turyauhI paShTavAT chAstu paShThauhI cha maheshvara |
ukShA vashA cha R^iShabho veho.anaDvAMstathAstu me || 49||
dhenurapyastu bhagavan kShIrAyAtimanoharA |
yaj~nena kalpatAmAyuH prANo yaj~nena kalpatAm || 50||
apAno.api sa yaj~nena vyAnena saha kalpatAm |
chakShuH shrotraM cha yaj~nena manasA saha kalpatAm || 51||
vAgAtmApi tathA yaj~no.apyevaM yaj~nena kalpatAm |
tvadadhInamidaM sarvaM taveti prArthitaM mayA || 52||
sarvasvatantro.asi mahesha yasmAt tvameva dAtA.asi tavApi deyAH |
uktAshcha tAvachchamakena dehi tAnasvatantrAn shivapUjakAya || 53||
teShAM pradeyatvavinishchayena tAn dehi mAM shivapUjakAya |
te tAvadasmadgR^ihakarmayogyAH yogyena yogyasya kilAnyavo.api || 54||
ete padArthAH prathitAstvadIyAH te sharva deyAstava dAnayogyAH |
ahaM shivarAdhanasaktachittaH ko vA madanyo.asti sa dAnayogyaH || 55||
dAtApi deyaM sati dAnayogye vihAya kasmai pradadAti bhaktyA |
vidvAnato dehi mahesha tAn me loke madanyastu na ko.api pAtram || 56||
tvaddattametAdR^ishabhAgyametya tvatpAdapUjAnirato bhavAmi |
pramAdalesho.api tadA na bhAvI bhave bhave tvatpadapUjakasya || 57||
manye sha~Nkara devadeva bhavato dAtR^itvamavyAhate (tava te dAtR^itvamavyAhate)
      tenAgnipramukhAn surAnapi sadA tAnasvatantrAn svataH |
mahyaM dehi madichChayA paramamI kurvantu kR^ityAni me
      shaktiryasya yathA tathA.asti bhagavan sarvasvatantra prabho || 58||
mahAprabhuH shambhurumAsahAyo dayAmayo bhUtimayo.api dAtA |
mAtA pitA me sahitapradAtA dhAtA vidhAtA na sandR^ik (?) || 59|| (paramo.atra sandR^ik)

deyatvena vinishchitAstava surAH sarve.api vedairamI
      dAtA tvaM tava bhAgyamapyavilayaM bhUyaH samujjR^imbhate |
asmAkaM tu mahAprabhuH bhava bhavAneveti chittaM muhuH
      svAnandAmbudhivIchikA.atichapalA lIlAvilAsAspadam || 60||

|| iti shivarahasyAntargate shilAdakR^itachamakavidhAnavarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 34| 116\-175 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 34. 116-175 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}