% Text title            : Chatustrimshat RudrastavaH
% File name             : chatustriMshatrudrastavaH.itx
% Category              : shiva, stava, kAshmIrashaivadarshanam
% Location              : doc\_shiva
% Author                : Jayaratha
% Transliterated by     : Ruma Dewan
% Proofread by          : Ruma Dewan
% Latest update         : October 21, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chatustrimshat RudrastavaH ..}##
\itxtitle{.. chatustriMshatrudrastavaH ..}##\endtitles ##
(abhinavaguptavirachitaM tantrAloke jayarathakR^itaM tantrAlokavivekAntargate)

|| namo rudrashaktimanvitebhyaH ||

|| ka\-vargaH | aghoramAheshvaryau / aghoramAheshyau ||
jayatAnnatajanajayakR^itsajayo rudro vinAbhyupAyaM yaH |
pUrayati kaM na kAmaM kAmaM kAmeshvaratvena || ka \- jayaH || 1 || (ta0 2)

khAtmatve.api vichitraM nikhilamidaM vAchyavAchakAtma jagat |
darpaNanagaravadAtmani vibhAsayanvijayate vijayaH || kha \- vijayaH || 2 || (ta0 3)

yo durvikalpavighnavidhvaMse sadvikalpagaNapatitAm |
vahati jayatAjjayantaH sa paraM paramantravIryAtmA || ga \- jayantaH || 3 || (ta0 4)

yo nAma ghoraninadochchAravashAdbhIShayatyasheShajagat |
svasthAnadhyAnarataH sa jayatyaparAjito rudraH || gha \- aparAjitaH || 4 || (ta0 5)

kavalayituM kila kAlaM kalayati yo vyAyatAsyatAM satatam |
jayati sa sujayaH sAkShAtsaMsAraparAkR^itau sajayaH || ~Na \- sujayaH || 5 || (ta0 6)


|| cha\-vargaH | paramaghorabrAhmyau / paramaghorabrAhmaNyau ||
tattanmantrAbhyudayapraguNIkR^itachaNDabhairavAveshaH |
vidrAvitabhavamudro draDhayatu bhadrANi jayarudraH || cha \- jayarudraH || 6 || (ta0 7)

jayakIrtirayaM jayatAjjagadambhojaM vibhaktabhuvanadalam |
raviriva vikAsayati yashchidekanAlAshrayatvena || Cha \- jayakIrtiH || 7 || (ta0 8)

tattvakramAvabhAsanavibhAgavibhavo bhuja~NgamAbharaNaH |
bhaktajanajayAvahatAM vahati jayAvaho jayati || ja \- jayAvahaH || 8 || (ta0 9)

tattattattvavibhedanasamudyatoddyotitnishitashUlakaraH |
jayati paraM jayamUrtiH saMsAraparAjayasphUrtiH || jha \- jayamUrtiH || 9 || (ta0 10)

svAtmamahAbhImaravAmarshanavashashakalitAdhvasantAnaH |
bhavadurgabha~njanajayotsAho jayatAjjayotsAhaH || ~na \- jayotsAhaH || 10 || (ta0 11)


|| Ta\-vargaH | ghorarUpakaumAryau ||
amR^itAtmakArdhachandrapraguNAbharaNo.adhvamaNDalaM nikhilam |
vishramayannijasaMvidi jayado.astu satAM sadA jayadaH || Ta \- jayadaH || 11 || (ta0 12)

jayavardhanaH sukharddhiM vardhayatAtpUrNachandravishadagatiH |
ApyAyayati jagadyaH svashaktipAtAmR^itAsAraiH || Tha \- jayavardhanaH || 12 || (ta0 13)

yo yoginIpriyatayA tirohitivyapagatikramaM jagatAm |
prabalIkaroti balato balAya tasmai baliM yAmaH || Da \- balaH || 13 || (ta0 14)

yaH parameshasaparyAkriyopadeshA~Nkushena bhavakariNam |
kR^itavAMstamanatibalamatibalamasmi nataH phaNabhR^idAbharaNam || Dha \- atibalaH || 14 || (ta0 15)

praNamAmi nikhilapAshapravAhasambhedabhedabalabhadram |
balabhadraM prANAshvaprachArachAturyapUrNabalam || Na \- balabhadraH || 15 || (ta0 16)


|| ta\-vargaH | ghoramukhavaiShNavyau ||
nijashaktijanitakarmaprapa~nchasa.nchArachAturIvibhavam |
bhavataraNabalapradatAM samAvahantaM balapradaM naumi || ta \- balapradaH || 16 || (ta0 17)

R^itadhAmAnamanantaM balAvahaM taM balAvahaM vande |
jagadidamamandamakhilaM svamahimnA yo.anugR^ihNAti || tha \- balAvahaH || 17 || (ta0 18)

bhavabhedavibhavasambhavasambhedavibhedabalavantam |
balavantaM naumi vibhuM dAruNarUpagrahAgrahataH || da \- balavAn || 18 || (ta0 19)

jayati vibhurbaladAtA mUDhajanAshvAsadAyi yena vapuH |
bahirAdyantavadapi madhyashUnyamullAsitaM satatam || dha \- baladAtA || 19 || (ta0 20)

bhedaprathAvilApanabaleshvaraM taM baleshvaraM vande |
yaH sakalAkalayormitAtmatAyA niShedhamAdadhyAt || na \- baleshvaraH || 20 || (ta0 21)


|| pa\-vargaH | bhImaindryau ||
durvR^ittajanakusaMskR^itisaMharaNavyAvR^itAsyatAM dadhatam |
devamamandaM vande vadanamAnandanaM jagatAm || pa \- nandanaH || 21 || (ta0 22)

AsthAya bhairavavapurnijAkR^iteH saMvibhAgena |
vidadhAtu vaH sa bhadraM sarvata iha sarvatobhadraH || pha \- sarvatobhadraH || 22 || (ta0 23)

yaH paramAmR^itakumbhe dhAmni pare yojayedgatAsum api |
jagadAtmabhadramUrtirdishatu shivaM bhadramUrtirvaH || ba \- bhadramUrtiH || 23 || (ta0 24)

bhImamadhiShThAya vapurbhavamabhito bhAvayanniva yaH |
prabhavati hR^idi bhaktimatAM shivaprado.asau shivo.astu satAm || bha \- shivapradaH || 24 || (ta0 25)

bhavati yadichChAvashataH shivapUjA vishvalA~nChanaM viShvak |
vishvaM jayati sa sumanAH prapannajanamochane sumanAH || ma \- sumanAH || 25 || (ta0 26)


|| ya\-vargaH | bhIShaNayAmye ||
devaM chakravyomagranthigamAdhAranAthamajam |
api parasaMvidrUDhaiH spR^ihaNIyaM spR^ihaNamasmi nataH || ya \- spR^ihaNaH || 26 || (ta0 27)

samayavilepavilumpanabhImavapuH sakalasampadAM durgam |
shamayatu nirargalaM vo durgamabhavadurgatiM durgaH || ra \- durgaH || 27 || (ta0 28)

bhadrANi bhadrakAlaH kalayatu vaH sarvakAlamatulagatiH |
akulapadastho.api hi muhuH kulapadamabhidhAvatIha prasabham || la \- bhadrakAlaH || 28 || (ta0 29)

sahajaparAmarshAtmakamahAvIryasaudhadhautatanum |
abhimatasAdhakasAdhakamano.anugaM taM manonugaM naumi || va \- manonugaH || 29 || (ta0 30)


|| sha\-vargaH | vamanachAmuNDe ||
vidyAmAyAprakR^ititriprakR^itikamadhvasaptakAramidam |
vishvatrishUlamabhito vikAsaya~njayati kaushikaH shambhuH || sha \- kaushikaH || 30 || (ta0 31)

shuddhAshuddhAdhvabhidA dvigahvaraM mudrayatyasheShajagat |
saMvidrUpatayA yaH kalayatu sa kilbiShaM satAM kAlaH || Sha \- kAlaH || 31 || (ta0 32)

paramAnandasudhAnidhirullasadapi bahirasheShamidam |
vishramayanparamAtmani vishvesho jayati vishveshaH || sa \- vishveshaH || 32 || (ta0 33)

sushivaH shivAya bhUyAdbhUyo bhUyaH satAM mahAnAdaH |
yo bahirullasito.api svasmAdrUpAnna niShkrAntaH || ha \- sushivaH || 33 || (ta0 34)

|| chakreshvara | pibanayogIshyau ||
yaH kilataistairbhedairasheShamavatArya mAtR^ikAsAram |
shAstraM jagaduddhartA jayati vibhuH sarvavitkopaH || kSha \- kopaH || 34 || (ta0 4)

|| iti abhinavaguptavirachitaM tantrAloke jayarathakR^itaM tantrAlokavivekAntargate chatustriMshatrudrastavaH sampUrNaH ||

## Notes:

Jayaratha ##jayaratha## in Tantrālokavivekaḥ ##tantrAlokavivekaH##; that is his exposition on Tantrālokaḥ (T0) ##tantrAlokaH (ta0)## by Abhinavagupta ##abhinavagupta##, places 34 ślokāḥ ##shlokAH## in beginning of various chapters (numbered above against T0 ##ta0##) extolling the respective 34 Rudrāḥ ##chatustriMshatrudrAH##.

A collation of these 34 śloka-s ##16 shlokAH## is made for seamless reading and may have been named severally as interpreted by respective people and more so for convenience of understanding the concept. Here it is named as CatustriṁśatRudraStavaḥ ##chatustriMshatrudrastavaH  ##.

The 34 Rudrāḥ ##chatustriMshatrudrAH## and their respective Śaktiḥ (##shaktiH##) correspond to the CatustriṁśatVyañjanāni ##chatustriMshatvya~njanAni## (34 consonants) i.e. YoniVarṇāḥ ##yonivarNAH## of the Varṇamālā ##varNamAlA##, are outlined in the MālinivijayottaraTantram ##mAlinivijayottaratantram## and can be gleaned from the following Śloka-s ##shlokAH## :##

jayashcha vijayashchaiva jayantashchAparAjitaH |
sujayo jayarudrashcha jayakIrtirjayAvahaH ||
jayamUrtirjayotsAho jayado jayavardhanaH |
balashchAtibalashchaiva balabhadro balapradaH ||
balAvahashcha balavAn baladAtA baleshvaraH |
nandanaH sarvatobhadro bhadramUrtiH shivapradaH ||
sumanAH spR^ihaNo durgo bhadrakAlo manonugaH |
kaushikaH kAlavishveshau sushivaH kopavardhanaH ||
ete yonisamudbhUtAshchatustriMshatprakIrtitAH |
strIpAThavashamApannA eta evAtra shaktayaH ||
     \- mAlinivijayottaratantram || 3 | 20\-24 ||##.

The ṢoḍaṣaRudraBija-s ##ShoDaSharudrabIjAH## corresponding to the ṢodaṣaSvarāḥ ##ShoDashasvarAH## (16 vowels) i.e. BījaVarṇāḥ ##bIjavarNAH## of the Varṇamālā ##varNamAlA## (pertaining to the Mātṛkā ##mAtR^ikA## and Mālini ##mAlini## scheme) are eulogized by Abhinavagupta ##abhinavagupta## in the 16 chapters sequentially in his exposition called ĪśvaraPratyabhijñāVivṛitiVimarśinī ##Ishvarapratyabhij~nAvivR^itivimarshinI## on the composition by Utpaladeva ##utpaladeva## known as ĪśvaraPratyabhijñāKārikā ##Ishvarapratyabhij~nAkArikA##; and are collated for seamless reading as ŚoḍaśaRudraBijāmṛtaVandanā ##ShoDaSharudrabIjAmR^itavandanA##, that can be accessed from one of the links below.

The RudraŚatārdhaVarṇaNāmāvaliḥ ##rudrashatArdhavarNanAmAvaliH## that outlines the RudraŚakti-s ##rudrashaktiH## that each Akṣara ##akShara## is imbibed with; and the ŚivaŚaktiVargatmakaNāmāvaliḥ ##shivashaktivargAtmakanAmAvaliH## that outlines the PuruśaBhāva ##puruShabhAva## and ŚaktiBhāva ##shaktibhAva## Saṁjñā-s ##saMj~nA## that rule each Vargaḥ ##vargaH## - both derived from the ŚrīMālinivijayottaraTantram ##shrImAlinivijayottaratantram## of the Varṇamālā ##varNamAlA## (pertaining to the Mātṛkā ##mAtR^ikA## and Mālini ##mAlini## scheme), can be accessed from one of the links below.

See numbered Links to the related texts in the HTML file
1. ŚoḍaśaRudraBijāmṛtaVandanā ##ShoDaSharudrabIjAmR^itavandanA##
2. ŚivaŚaktiVargatmakaNāmāvaliḥ ##shivashaktivargAtmakanAmAvaliH##
3. RudraŚatārdhaVarṇaNāmāvaliḥ ##rudrashatArdhavarNanAmAvaliH##

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}