% Text title            : chidambaranaTarAjasuprabhAtam
% File name             : chidambaranaTarAjasuprabhAtam.itx
% Category              : shiva, suprabhAta
% Location              : doc\_shiva
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan, PSA Easwaran
% Latest update         : January 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chidambara Nataraja Raja Suprabhata Stotram ..}##
\itxtitle{.. shrIchidambaranaTarAjarAjasuprabhAtastotram ..}##\endtitles ##

yo.adAdvaiyyAghrapAdaprabhavamapi payolipsayAgre rudantaM
     dR^iShTvA tasmai sudhAbdhiM sadayamatha shilAbhu~NmuneH svasvarUpam |
putraM netrArpaNAdvai harivanacharayoshchakramuktI pramodAt
     tasmai tubhyaM praNAmastyaja sukhashayanaM te prabho suprabhAtam || 1||

utiShThottiShTha deva prakaTitavibhavaiH svAdutalpAdvibho tvAM
     sandraShTuM shrImukundaprabhR^itisUravarA dvAri tiShThanti modAt |
ichChAshaktyA umAyA vadanajalaruhaM vIkShya shambho namaste
     svAminnAyAtu sarvAnavatu shivabhavan suprabhAtaM sujAtam || 2||

kokUyante svanIDasthitimavijahataH pakShivaryAshchakora\-
     praShThAH shItAMshurardhAstamayati bhagavAn saptasaptirhyudeti |
ambhojAnAM vihAsaM kumudamukulatA rI~NkR^itirbhrAmarINAM
     jAtaM brAhmaM muhUrtaM vihara naTapate suprabhAtaM prasannam || 3||

shrImUlAdyAssusiddhAH sanakamunivarA yoginaH kumbhajAtaH
     prAtaH shrIchitsabhAyAM tava padajalajaM ku~nchitaM draShTukAmAH |
premNA vedAntasArapravachanavigalattoyadhArAdR^igantAH
     prArShadbhiH preShitAntAssavidhataTavare melayanto lasante || 4||

divyA hyapsaraso bhavaddhurimudAkartuM cha tauryatrikaM
     brahmA tAladharo mR^ida~NgabharaNo lakShmIpatirveNumAn |
shakro nAradatumburU munivarau vINAkarau gAyakau
     hyAyAntIha bhavantamIkShitumanAste suprabhAtaM varam || 5||

sambandhAdimashAmbhavoktamanaghaM drAviDyabhAShAmayaM
     gAnAlApamanoharaM stavavaraM gAyanti shaivAshcha te |
vIthyAM jhallariDhakkakAdisahakR^idgItyA prabodhAya te
     sarvAMstAn kR^ipayAvalokaya vibho jAtaM hyuSho nirmalam || 6||

pallavyanupallavI tricharaNayuk gItisvaronmelanaM
     tvadbhaktAkhilavR^ittakIrtanavarAlApaiH pratuShTAntarAH |
dvAre gopuramaNDapasya purataH saugandhikaM chandanaM
     lAjAn phANitasharkare karatale dhR^itvA bhajante.anaghAH || 7||

jAgratsvapnasUShuptikAlagaNanA nAsti tvayIti sphuTaM
     nR^itteshAna tathApi mandamatibhirhyAropyate lokavat |
tatsarvaM pariniShThitaM bhavatu te shrIchitsabhAnAyaka
     prAtaHkAlamabhUtsvarUpamaparaM sandarshayAmodataH || 8||

vyAghrA~Nghrishcha pata~njalirjiminajaH kR^iShNena sAkaM mahAn
     shaivAchAryavaropamanyuranagho vyAsashcha saptarShayaH |
pa~nchA~NgaM svakare vahan suragurushchAhnAM shuchi j~nApituM
     nandI vetralasatkaro vijayate shrIbhAnukampAdibhiH || 9||

somAdyadhvaralabdhakuNDalayugashvetAtapatrojjvalAH
     shrIpatrAkShatadivyagandhakusumasvarNAdi pAtrAvalim |
dhR^itvA dvAri bhavantamarchitumumAnAtha prabho dIkShitAH
     tiShThanti svasabhAkapATamanaya prAtaH samAyAdite || 10||

tatkAlanivedanArthamanishaM kArtAntikaiH kalpitAt
     ghaNTAghaTTaghaNaM ghaNAyitaravAjjAgrajjanotsAhitam |
traisAhasramakhIndragehavisarattretAgnidhUmojjvalaM
     prAtaHkAlamabhUttvayA naTanamutkAlI varIvartate || 11||

shaive gA~NgataTe kaShAyavasanAH bhasmAkShamAlAdharAH
     dhR^itvA daNDakamaNDalU cha satataM kaivalyarudrAdikam |
mantraM tvaddaharaM chidambarasabhAsammelanAkhyaM mudA
     jApaM jApamupAsate yativarA mokShArthino vIkShyatAm || 12||

agre govR^iShadantivAjilalanApUrNAmbukumbhAmbujo\-
     ddIpasvastikasha~NkhachAmarayugA.a.adarshekShurambhAphalam |
shrIvatsaM shrutipAThapUtavadanA viprAH kalAchI lasat
     tAmbUlAni bhavannirIkShaNavidhau nyastAni sampashyatAm || 13||

prAtaHkAlabhavannivedanakR^ite.apyannaM bhavADhAbhidhaM
     pakvaM jAtamabhUtprabho dhuri tathA.akhaNDe cha pAtre sthitam |
sarpiM kShIraguDAdidivyarasayugbhakShyAdibhishshobhitaM
     svIkartuM hyararaM nayAdya shivayA te suprabhAtaM dinam || 14||

pUrvedyurvihitAbhiShekakaraNaH shrIratnabhUShojjvalaH
     lakShashrIdalagandhacharchitasumairabhyarchito dIkShitaiH |
sAhasrA~NghriniketanAdabhijityArdrAdine nartayan
     prApto.asi svasabhAM tadadbhutatamaM lAsyaM vijejIyatAm || 15||

etatstotravaraM paThanti nitarAM prAtaH sabhAyAM puraH
     prItaH shrInaTarAjarAjabhagavAn tebhyaH pumarthAn varAn |
iShTAn putrakalatrasampadakhilAn vAkshrImukhAnantime
     brAhmaM vaiShNavamaishvaraM cha nilayaM dadyAjjagatsyAchChivam || 16||

      || iti shrIchidambaranaTarAjarAjasuprabhAtastutiH samAptA ||

##
Proofread by Sivakumar Thyagarajan shivakumar24 at gmail.com and
PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}