% Text title            : Chittasantosha Trimshika by Nagarjuna
% File name             : chittasantoShatriMshikA.itx
% Category              : shiva, triMshikA
% Location              : doc\_shiva
% Author                : Nagarjuna
% Transliterated by     : Girdhari Lal Koul
% Proofread by          : Girdhari Lal Koul, Ruma Dewan
% Latest update         : April 2, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chittasantosha Trimshika by Nagarjuna ..}##
\itxtitle{.. nAgArjunakR^itA chittasantoShatriMshikA ..}##\endtitles ##
lokottarAnubhavasasmitaghUrNamAna\-
     svAnanda sundara vinirmala nirnimeShA |
yatsphArataH pashurapIshvaratAmupaiti
     sA kApi dR^igvijayate gurupu~NgavAnAm || 1||
diShTyA bhavAnalashikhA shata tApa taptaM
     janmATavIShu viShamAsu kadarthitaM yat |
chetastadetadadhunAmala chitsudhAbdhi\-
     madhye nimagnamasamAM bhajate prashAntim || 2||
vyAmUDhamandhamiva saMshayadoShaduShTaM
     cheto yadetada bhavadbhavaduHkha pAtram |
jAtaM tadadya gurupAdasaroja sevA\-
     sa~njAta nirmalavibodha mahAprakAsham || 3||
sa~NkochamAshritavato nibiDaM vimohA\-
     tyasyAbhavadbhayamihendriyaparvagebhyaH |
chetastadApya vimalorjita saMvidAj~nAM
     niHsha~Nkamadya ramate viShayATavIShu || 4||
kandarpabANaviShamaM hariNekShaNAbhiH
     pItaM hataM kavalitaM muShitaM yadAsIt |
tatpAtratAmupagataM paramokShalakShmI
     premAmR^itAplutakaTAkSha paramparANAt || 5||
kliShTaM yadetadabhavajjapakaShTayoga
     prANapravAhavinirodhakadarthanAbhiH |
chetastadadya paramAdvayasAmarasya
     sa~njAta sammadara sAsavamattamAste || 6||
yo bhedatIvra shishiraprasaropaghAta\-
     bhIto mano madhukaro hatashaktirAsIt |
AsAdya so.adya shivadhAmamadhuM sadAste
     saMvillatAkusumasaurabhapAnamattaH || 7||
tyakta svatantra nijarUpamahAprabhAvaM
     yatkarma bindudharaNIShu vilInamAsIt |
svachCha prabhAprasara pUrita sarvalokaM
     chetashchidambarapadena tadasyamAti || 8||
yatnena vA~nChitamanalpa vikalpajAla
     vighnaistiraskR^itamavApana yatpravesham |
durbheda bhinnaviShamArga labhinnamArgAM
     chetastadasya ramate shivamandirAntaH || 9||
yogavratAdi niyamai rupase vitApi
     nAvApa darshanapathaM kila yasya jAtu |
saMvitpriyAsubhagamUrjita bhAgyasampat\-
     chetastadasya na jahAti muhUrtamekam || 10||
duHkhaikasAra iti bhIma iti prayatnAt\-
     saMsAra eSha kila yasya babhUva heyaH |
diShTyA sa eva parachidrasasAmarasya
     sa~njIvitaH shrayati tasya vimukti sAmyam || 11||
tR^iShNA karAlakaravAla vilupyamAnaM
     yadvismR^itAtma vibhavaM kR^ipANaM babhUva |
uchchairaki~nchana tayApi tadadya chetaH
     svAtmA vamarsha paraharSha mudAramAste || 12||
kasyorjitasya sukR^itasya phalaM tadetat\-
     puNyodayastava kuto.ayamananyalabhyaH |
saMvichChriyA galitabheda vikalpayA ya\-
     dekaM muhUrtamapi naiva vimuchyase tvam || 13|| (yadekaM)

vartAmahe kvachana nAma na chitta diShTayA
     vardhAmahe vayamaho muditA bhavAmaH |
yattvAM sakhe paraniruttara shaivasampat\-
     sambhoga mantharataraM parilokayAmaH || 14||
dhyAne.archane.api na kadAchana kA~nchanApi
     kutrApi nirvR^iti dashAM vata yanna lebhe |
diShTyA nimagnamapi saMvyavahAramadhye
     chetastadadhya na vimu~nchati pAripUrNyam || 15||
sarveShu chittamadhupo viShayadrumeShu
     babhrAma yaH satatamastamitAbhilAShaH |
daivAdavApya parameshvarapArijAtaM
     tR^ipto vilIna iva mu~nchati cha~nchalatvam || 16||
yairindriyairapi vashIkR^itashakti chetaH
     pUrvaM kadarthitamabhUra hitairi vochchaiH |
svachChA niketa parachidrasa saMvibhaktaiH
     diShTyAdya tairanucharairiva rAjase tvam || 17||
chintAtatAna karuNaM pralalApa pUrvaM
     yatsa~Nkuchatsthiti bhayaM ravijAdvichArya |
chetastadadvayamidaM nijarUpamIkShya
     diShTyAdya nirbhayama mandamudAttamAste || 18||
nityaM yadetada bhavadviphalaprayAsaM
     hevAkadurlalitama prathitAtmabhAvam |
saMvitsudhArasa chamatkR^iti ghUrNamAnaM
     diShTyA tadadya nitarAM spR^ihaNIyamAste || 19||
chintAshatAkulataraM na gatiM kadAchit\-
     bhItaM bhavAdabhajataikamapi kShaNaM yat |
chetashchidAtmakamidaM sakalaM vilokya
     suptaprabuddhamiva nirvR^ita rUpamAste || 20||
vandAmahe kimu numaH kimu gauraveNa
     harSheNa chitta kimu nAma nipIDayAmaH |
samprApta durlabha mahodaya shaivasampat\-
     tvAM kautukena kimu mitra vilokayAmaH || 21||
ApR^ichChatAmiyamanAdi ghanaprabandha
     snehAnu viddhahR^idayAhR^idayAdya mAyA |
saMsevyatAM subhaga shaivapada pravesha
     sa.nprApta durlabha mahodaya shaivasampat || 22|| (mahodaya mukti lakShmIH) (sampatam?)

kiM brUmahe.atra bhavate sukR^itena satya (satye)
     sarvAshiShAma viShaya nanu vartase tvam |
yatkAraNAtigata nirmala nirvikalpa
     svachChanda sha~Nkarapade bhajase.anurAgam || 23||
chitraM tadetadasamaM yadabhUtsukheShu
     prApteShu nirvR^itidashamanuvartamAnAm |
duHkheShu dussahatareShvapi chittamadhya
     pUrNa pramoda rasa nirbharametadAste || 24||
vishvaM nigIrya sahasA kavalaM vidhAya
     kAlaM prashAnta gaganopama divyamUrtiH |
yA rAjate nirupamAmR^ita pUrapUrNA
     sA kApi khechara gatirjayati tvadIyA || 25||
te kAraNAdhipatayaH pralayaM prayAnti
     yasminmahAvaTataTa viShame gabhIre |
shaktirnijaM vapurapi prasabhaM jahoti
     taddhAma saMshrayasi vIravara tvamekam || 26||
vidyudvilAsa chapale vibhave natA~NgI
     bhrUbha~Ngabha~Nguratare.api cha jIvite.asmin |
chitta tvayaiva vijitaM shrayatA vinAshi
     digdeshakAlakalanArahitaM padaM tat || 27||
svastyastu te svaravikasvarasampradAya (te.ambaravikasvara)
     samprApta sha~NkarapadoditasammadAya |
durvArasaMsmR^itiashAsvapi nirvikAra
     nityoditAtma vibhavAya bhavAbhavAya || 28||
svachChanda nirmala padodita nirniketa
     saMvitsudhArasachamatkR^iti nirbharo.asi |
diShTyAdya sadgurumukhAmbujamadya labdhA\-
     nushchArya chArakathanodaya vismito.asmi || 29||
bhavamarubhuvishrAnto mohAtya eSha mano.adhvago
     viShama viShaya prodhyattR^iShNAnivesha vashIkR^itaH |
shivapadasudhAsindhuM daivAdavApya sa sAdaraM
     kimapi sukhitaM majjaM majjaM nimajjati sAmpratam || 30||
nirAvaraNa chidvyoma paramAmR^itanirbharaH |
nAgAbhidhAnaM tadidaM chittasantoShakaM vyadhAt || (nAgArjuno vyadhAdenAM chittasantoShatriMshikAm)

iti shrInAgavipashchidvirachitA chittasantoShatriMshikA samAptA |
(vipashchidvara\-nAgArjunavirachitA)

##
Encoded and proofread by Girdhari Lal Koul, Ruma Dewan


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}