% Text title            : Dakshadhvare Virabhadragamanakathanam
% File name             : dakShAdhvarevIrabhadrAgamanakathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 35-107 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshadhvare Virabhadragamanakathanam ..}##
\itxtitle{.. dakShAdhvare vIrabhadrAgamanakathanam ..}##\endtitles ##
(shivarahasyAntargate IshAkhye)

(skanda uvAcha)

himavachChikhare ramye hemashR^i~Nge sushobhane |
yaj~navATastadA tasya ga~NgAdvAre(ra) samIpataH || 35||
taM tatkShaNAtpravishyaiva yaj~navATaM gaNeshvaraiH |
romajaiH sahito bhadraiH kAlAgniriva chAparaH || 36||
uvAcha bhadro bhagavAn yaj~navATAdbahiH sthitaH |
sarvAmarairvR^itaM tatra dakShaM viShNuvidhI tadA || 37||
vIrabhadra uvAcha |

dakSha dakSho.asi nitarAM suraiH saha munIshvaraiH |
ete cha brahmaviShNvAdyA mohitAH shivamAyayA || 38||
vAkyAddevasya bhAgArthaM samAyAtastvadantikam |
satyA viyogaduHkhena bhavasyAtyantaroShataH || 39||
dagdhuM vai preShitashchAhaM bhavatA cha munIshvaraiH |
kva te sAhAyyakR^idviShNurnirgachChatu mayA raNe || 40||
sha~NkhachakradharaH shA~NgI daityasa~NghAdidarpahA |

(skanda uvAcha)

ityuktvA yaj~nashAlAM tAM dadAha gaNapu~NgavaH || 41||
bhAlanetrAnalajvAlAjAlamAlAbhireva hi |
gaNA nardanti sotsAhaM dArayanti surAn munIn || 42||
trishUlamUlanirbhinnA nirviNNA bAShpavAribhiH |
si~nchanti svAni chA~NgAni dvijA devAH savAsavAH || 43||
dhAvanti kAndishIkAste visrastamukuTA~NgadAH |
skhalatpadAH patantashcha muktakeshaikavAsasaH || 44||
vasavashchAsubhirhInA petuH pretA ivAtra gAm |
kubero.atha virUpo.abhUt varuNaH sharaNojjhitaH || 45||
vAyurAkAshayuktAtmA bhAskaro niShprabho.abhavat |
nirR^itirdhR^itihIno.abhUt AdityA nityamAninaH || 46||
somo bhayAmayayutaH pitaraH kAtarAstathA |
kR^itAntashcha bhayodrekasa~NkrAntaH pUrvakhedataH || 47||
sudhanvAno vidhanvAnohyabhayA bhayamohitAH |
nirvIryAshchAbhavan sarve gandharvA dhairyavarjitAH || 48||
tarjitA gaNarAveNa tatraivApsarasAM gaNAH |
visrastakabarAshchaiva vigalatkaraka~NkaNAH || 49||
dhAvanti vidishaM tatra siddhavidyAdharAdayaH |
kimpUrShA nAgayakShAshcha vyAkulAkShAH pradudruvuH || 50||
nAgA nagAshcha bhUnAgA nadyo vidyAdharAstathA |
hAhAkArakR^itastatra bhramanti parito muhuH || 51||
drumasImA samUhena shAlAM tAM saMsthitA dvijAH |
vidagdhAshchaiva mugdhAshcha shAlAdAhena mohitAH || 52||
vaDavAnalasa~NkAsho jvAlAmAlAnalairyutaH |
shAkhAshikhAbhirvahneshcha lelihAnamabhUjjagat || 53||
dhUmajvAlA.avR^itAlokA abhavan gandhamedurAH |
mAMsAni chaiva bhakShyANi annamuchchAvachaM bahu || 54||
rasavanti cha pAnAni somAjyahavirAdayaH |
vAsAMsyAbharaNAnyatra sa dadAhojjvalachChikhaH || 55||
gaNeshvarAshcha sa~NkruddhA yUpAnyutpATya chikShipuH |
prastotrA saha netrA cha yoktrA neShTrA gaNeshvarAH || 56||
ga~NgAsrotasi vegena pashubhistAnapAtayan |
bhANDAni yaj~napAtrANi Chindanti gaNapA mudA || 57||
bhakShyANi tatra peyAni pibanto bhakShayanti cha |
dhAvanti paritastatra anupR^iShThaM surAn munIn || 58||
bibhiduH sharavarSheNa harSheNa mahatA gaNAH |
kuntashAtAn surAMstatra krUrA AkroshakAriNaH || 59||
hA hA heti vadantyanye tAtAmbeti vadanti te |
bhrAtarhanteti sambhrAntA dhAvanti munayaH surAH || 60||
gatadaNDAjinAH sarve khaNDitA gaNakhaDgataH |
chUrNitAshchAshmabhiH kechin ghUrNitAH prApatan kShitau || 61||
jaTAshchotpATya gaNapAnadhashchApAtayanmunIn |
shmashrubhishcha gaNAshchAShTau dantairniShkAsayantyapi || 62||
munInAM R^itvijAM tatra sadasyAnAM tadA gaNAH |
hAvayantaM somavAsaM bhR^iguM tADya kapolayoH || 63||
pAtayanti mahIpR^iShThe nisR^iShThoShThamakurvata |
vIrabhadro mahAtejA shakraM nakravadAsthitam || 64||
airAvatena dhAvantaM pAtayAmAsa khaDgataH |
AkhaNDalakaraM tatra chApAkR^iShTeShubhistadA || 65||
tilashaH khaNDayAmAsuH sampUryAkShINyapAtayan |
makuTenApaviddhena patannurvyAM sa vAsavaH || 66||
lambamAno gajapade kakShAsaktapado.aluThat |
nistriMshena hatastatra varuNo yAdasAM patiH || 67||
lulAyenaiva nihato gaNabANairyamastadA |
AryaM chAnarmayA vAchA abhayaM samayAchata || 68||
shareNochchakire netre tasya te gaNapu~NgavAH |
vIrabhadro mahAtejA muShTyA shakramatADyat || 69||
bhAsvannetre chotpATya karajAgreNa lIlayA |
nipAtya muShTinA dantAn pUShNashchAtha nyapAtayat || 70||
tadA chandramasaM devaM pAdA~NguShThena lIlayA |
shiro yaj~nasya sa tadA chiCheda karavAlataH || 71||
vahnerhastadvayaM ChitvA jihvAshchopATayan drutam |
nirgatAsUn vasUMshchekre pAdAhatijaghAtataH || 72||
vishvedevAshvinau tatra marutaH pitarastathA |
tena santADitA pAdAghAtAchchApi vidhIrNitAH || 73||
yamaM sadanDaM gamapaH pAdaghAtairathAhanat (rahan tadA) |
jaghAna tatracheshAnaM trishUlena mahAbalam || 74||
patnIshAlAM dadAhAsya kroshantInAM gavAmiva |
dakShapatnyAstu kabaraM karavAlena chAharat || 75||
sarasvatIM ChinnanAsAM akarodasidhArayA |
kShatajenokShitAstatra devarAjA~NganAgaNAH || 76||
visrastavAmabharaNA galaddhammillamallikAH |
sasvedAshrugaladgandhasvA~NgarAgabhayAkulAH || 77||
kurarya iva kroshantyo dhAvanti surayoShitaH |
trayastriMshatsurAnevaM tadgaNAMshcha gaNeshvaraH || 78||
jaghAna bhagavAn rudraH khaDgayaShTyasisAyakaiH |
gadAparighanistriMshairnirdayaM mardayangaNaiH || 79||
etasminnantare tatra vIrabhadraM vacho.abravIt |
yAchamAnashcha sharaNaM vR^iddhabhAvAtpitAmahaH || 80||
rathasthamapi sArathyaM svayaM kurvantamIkShya vai |

brahmovAchaH |

sArathiste bhavAmyadya vR^iddho no yoddhumutsahe || 81||
surANAM charaNe me.adya pashya me rashmilAghavam |
purA tripurasaMhAre shambhoH sArathyakarmaNi || 82||
nyayu~Nkta mAM prasAdena bhagavAnagajApatiH |
sthApayanmAM rathasyAgre vijayAyAsurAhave || 83||
(skanda uvAcha)

taM brahmANaM gaNashreShThaH sArathye samayojayat |
tasya rashmInprajagrAha tadashvAMshchApyachodayat || 84||
gatapratyAgataishchitrairapavAhanayojanaiH |
santuShTamakarodvedhA vIrabhadraM surAjiShu || 85||
pakShapAtena dakShasya dakShaM kR^itvA.atha pR^iShThataH |
tadR^itvijo munigaNAn prAhatAn surasattamAn || 86||
punaryojya sahasrAkShaM rathe mAtalichodite |
vAmadakShiNabhAgasthau sahasrAkShasudakShakau || 87||
niSha~NgakArmukadharau varShantau cha sharA~nChitAn |
madhye svayaM rathopasthe samAsthAya yayau hariH || 88||
devAnIkaishcha koTIbhiH saMvR^ito vividhAyudhaiH |
niSha~NgibhiH kavachibhirgadAprAsAsipANibhiH || 89||
sharAsAraM pramu~nchan vai shA dhunvanhariryayau |
prAdhmApya sha~NkhAn bherIshcha paTahAhatiniH svanaiH || 90||
vIrabhadraHprayAhIti mAdhavaM chodayadvidhim |
gaNairnAnApraharaNairhetishUlahalAyudhaiH || 91||
niSha~NgasthasanAgaishcha dhanurbANAsisAyakaiH |
kuntairgadAbhirmusalaiH paTTishaishcha parashvathaiH || 92||
dadhmurmuraja bherIshcha saMvAdyapaTahAnakAn |
bR^ihmitAsphoTanaravaiH patAkAdhUtaniHsvanaiH || 93||
niShkoshitAsividyotachChatArkamiva bhAskaram |
Ahara praharasveti gaNaiH suragaNAravaiH || 94||
dhanUMShi karShatAM tatra sharANAmAshu dhanvinAm |
kR^itakre~NkArasItkArairhayaheSharathasvanaiH || 95||
bhramachchakrAkShasa~NkajadgadAmusalapAtanaiH |
evaM yuyodha bhadro.api hariNA dAnavAriNA || 96||
hariH suragaNaiH sArdhaM bhadrameva yayau tadA |
tayoH samabhavadyuddhaM sughoraM romaharShaNam || 97||
surANAmatha bhIrUNAM dAruNaM maraNopamam |
devA gaNaishcha yuyudhurvasvashvimaruto.arkakAH || 98||
vishvedevAshcha pitaraH sAdhyA vidyAdharAstathA |
yakShA dakShaikapakShasthakuberavaruNAdayaH || 99||
sudhanvAno.atha maruto dhanvinaH sAyakaistadA |
viShvakasenAdigaNapAH svagaNaiH koTibhirvR^itAH || 100||
sha~NkhachakragadAhastA yuyudhuH svAyudhaistadA |
garuDo.api gaNAMstatra vidadAra nakhaiH shitaiH || 101||
pakShatuNDaprahAraishcha gaNaiHsuragaNaistadA |
udyatAyudhajAlaishcha yuyudhurvarasAyakaiH || 102||
viShNuH sAyakasAhasrairvIrabhadraM jaghAna ha |
vIrabhadro.achChinadbANAn viShNostatpashyatAM tadA || 103||
tribhiH sharaistadA viShNuM jaghAna gaNapu~NgavaH |
dhanurjyAM kavachaM tatra ChitvA chaivApyapAtayat || 104||
navatyA vIrabhadraM cha sharairAnataparvabhiH |
santADya marmasu hariH sha~NkhaM prAdhmApayattadA || 105||
tuhuNDahuNDaheraNDamaNDalI bAShkalirbaliH |
ete gaNendrA vasvashvimarudbhiryuyudhU raNe || 106||
gadAparighanistrishaiHsharairmarmasvatADayat |
gajA gajairhayairashvA rathasthA rathibhiH saha || 107||

|| iti shivarahasyAntargate dakShAdhvare vIrabhadrAgamanakathanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 35\-107 ||
##
- .. shrIshivarahasyam . IshAkhyaH dvAdashamAMshaH . adhyAyaH 6 vIrabhadraviShNuyuddham . 35-107 ..

Notes:

Skanda ##skanda## narrates (to Jaigīṣavya ##jaigIShavya##); about the formidable Vīrabhadra ##vIrabhadra## (a.k.a Bhairava ##bhairava## due to His frightening appearance) who had manifested from the dreadlocks of Śiva ##shiva## and as commanded by Him, arrives at the venue of Dakṣa-Adhvara ##dakSha adhvara## with a terrifying army. Vīrabhadra ##vIrabhadra## sets fire to the stage and with His army of Gaṇa-s ##gaNAH## unleashes terror and chaos amongst the participants of the Dakṣādhvara ##dakShAdhvara##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}