% Text title : Dakshakritam 1 Shiva Stotram % File name : dakShakRRitaM1shivastotram.itx % Category : shiva, brahmapurANa, stotra % Location : doc\_shiva % Proofread by : PSA Easwaran % Description/comments : brahmapurANa | adhyAya 40/2-100|| % Latest update : September 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Dakshakritam 1 Shiva Stotram ..}## \itxtitle{.. dakShakR^itaM 1 shivastotram ..}##\endtitles ## dakSha uvAcha | namaste devadevesha namaste.andhakasUdana | devendra tvaM balashreShTha devadAnavapUjita || 2|| sahasrAkSha virUpAkSha tryakSha yakShAdhipapriya | sarvataHpANipAdastvaM sarvato.akShishiromukhaH || 3|| sardataHshrutimA.Nlloke sarvamAvR^itya tiShThasi | sha~NkukarNo mahAkarNaH kumbhakarNo.arNavAlayaH || 4|| gajendrakarNo gokarNaH shatakarNo namo.astu te | shatodaraH shatAvartaH shatajihvaH sanAtanaH || 5|| gAyanti tvAM gAyatriNo archayantyarkamarkiNaH | devadAnavagoptA cha brahma cha tvaM shatakratuH || 6|| murtimAMstvaM mahAmUrtiH samudraH sarasAM nidhiH | tvayi sarvA devatA hi gAvo goShTha ivAsate || 7|| tvattaH sharIre pashyAmi somamagnijaleshvaram | Adityamatha viShNuM cha brahmANaM sabR^ihaspatim || 8|| kriyA karaNakArye cha kartA kAraNameva cha | asachcha sadasachchaiva tathaiva prabhavAvya(pya)yau || 9|| namo bhavAya sharvAya rudrAya varadAya cha | pashUnAM pataye chaiva namo.astvandhakaghAtine || 10|| trijaTAya trishIrShAya trishUlavaradhAriNe | tryambakAya trinetrAya tripuraghnAya vai namaH || 11|| namashchaNDAya muNDAya vishvachaNDadharAya cha | daNDine sha~NkukarNAya daNDidaNDAya vai namaH || 12|| namo.ardhadaNDikeshAya shuShkAya vikR^itAya cha | vilohitAya dhUmrAya nIlagrIvAya vai namaH || 13|| namo.astvapratirUpAya virUpAya shivAya cha | sUryAya sUryapataye sUryadhvajapatAkine || 14|| namaH pramathanAshAya vR^iShaskandhAya vai namaH | namo hiraNyagarbhAya hiraNyakavachAya cha || 15|| hiraNyakR^itachUDAya hiraNyapataye namaH | shatrughAtAya chaNDAya parNasa~NghashayAya cha || 16|| namaH stutAya stutaye stUyamAnAya vai namaH | sarvAya sarvabhakShAya sarvabhUtAntarAtmane || 17|| namo homAya mantrAya shukladhvajapatAkine | namo.anamyAya namyAya namaH kilakilAya cha || 18|| namastvAM shayamAnAya shayitAyotthitAya cha | sthitAya dhAvamAnAya kubjAya kuTilAya cha || 19|| namo nartanashIlAya mukhavAditrakAriNe | bAdhApahAya lubdhAya gItavAditrakAriNe || 20|| namo jyeShThAya shreShThAya balapramathanAya cha | ugrAya cha namo nityaM namashcha dashabAhave || 21|| namaH kapAlahastAya sitabhasmapriyAya cha | vibhIShaNAya bhImAya bhIShmavratadharAya cha || 22|| nAnAvikR^itavaktrAya khaDgajihvogradaMShTriNe | pakShamAsalavArdhAya tumbIvINApriyAya cha || 23|| aghoraghorarUpAya ghorAghoratarAya cha | namaH shivAya shAntAyaH namaH shAntatamAya cha || 24|| namo buddhAya shuddhAya saMvibhAgapriyAya cha | pavanAya pata~NgAya namaH sA~NkhyaparAya cha || 25|| namashchaNDaikaghaNTAya ghaNTAjalpAya ghaNTine | sahasrashataghaNTAya ghaNTAmAlApriyAya cha || 26|| prANadaNDAya nityAya namaste lohitAya cha | hUMhU~NkArAya rudrAya bhagAkArapriyAya cha || 27|| namo.apAravate nityaM girivR^ikShapriyAya cha | namo yaj~nAdhipataye bhUtAya prastutAya cha || 28|| yaj~navAhAya dAntAya tapyAya cha bhagAya cha | namastaTAya taTyAya taTinIpataye namaH || 29|| annadAyAnnapataye namastvannabhujAya cha | namaH sahasrashIrShAya sahasracharaNAya cha || 30|| sahasroddhatashUlAya sahasranayanAya cha | namo bAlArkavarNAya bAlarUpadharAya cha || 31|| namo bAlArkarUpAya kAlakrIDanakAya cha | namaH shuddhAya buddhAya kShobhaNAya bhayAya cha || 32|| tara~NgA~NkitakeshAya muktakeshAya vai namaH | namaH ShaTkarmaniShThAya trikarmaniyatAya cha || 33|| varNAshramANAM vidhivatpR^ithagdharmapravartine | namaH shreShThAya jyeShThAya namaH kalakalAya cha || 34|| shvetapi~NgalanetrAya kR^iShNaraktekShaNAya cha | dharmakAmArthamokShAya krathAya krathanAya cha || 35|| sAkhyAya sA~NkhyamukhyAya yogAdhipataye namaH | namo rathyAthirathyAya chatuShpathapathAya cha || 36|| kR^iShNAjinottarIyAya vyAlayaj~nopavItine | IshAna rudrasa~NghAta harikesha namo.astu te || 37|| tryambakAyAmbikAnAtha vyaktAvyakta namo.astu te | kAlakAmadakAmaghna duShTodvR^ittaniShUdana || 38|| sarvagarhita sarvaghna sadyojAta namo.astu te | unmAdanashatAvarta ga~NgAtoyArdramUrdhaja || 39|| chandrArdhasaMyugAvarta meghAvarta namo.astu te | namo.annadAnakartre cha annadaprabhave namaH || 40|| annabhoktre cha goptre cha tvameva pralayAnala | jarAyujANDajAshchaiva svedajodbhijja eva cha || 41|| tvameva devadevesha bhUtagrAmashchaturvidhaH | charAcharasya sraShTA tvaM pratihartA tvameva cha || 42|| tvameva brahmA vishvesha apsu brahma vadanti te | sarvasya paramA yoniH sudhAMsho jyotiShAM nidhiH || 43|| R^iksAmAni tatho~NkAramAhustvAM brahmavAdinaH | hAyi hAyi hare hAyi huvAhAveti vA.asakR^it || 44|| gAyanti tvAM surashreShThAH sAmagA brahmavAdinaH | yajurmayo R^i~Nmayashcha sAmAtharvayutastathA || 45|| paThyase brahmavidbhistvaM kalpopaniShadAM gaNaiH | brAhmaNAH kShatriyA vaishyAH shUdrA varNashrimAshcha ye || 46|| tvamevAshramasa~NghAshcha vidyutstanitameva cha | saMvatsarastvamR^itavo mAsA mAsArdhamevacha || 47|| kalA kAShThA niseShAshcha nakShatrANi yugAni cha | vR^iShANAM kakudaM tvaM hi girINAM shikharANi cha || 48|| siMho mR^igANAM patayastakShakAnantabhoginAm | kShIrodo hyudadhInAM cha mantrANAM praNavastathA || 49|| vajraM praharaNAnAM cha vratAnAM satyameva cha | tvamevechChA cha dveShashcha rAgo mohaH shamaH kShamA || 50|| vyavasAyo dhR^itirlobhaH kAmakrodhau jayAjayau | tvaM gadI tvaM sharI chApI khaTvA~NgI mudgarI tathA || 51|| ChettA bhettA prahartA cha netA mantA.asi no mataH | dashalakShaNasaMyukto dharmo.arthaH kAma eva cha || 52|| induH samudraH saritaH palvalAni sarAMsi cha | latAvalyastR^iNauShadhyaH pashavo mR^igapakShiNaH || 53|| dravyakarmaguNArambhaH kAlapuShpaphalapradaH | AdishchAntashcha madhyashcha gAyatryo~NkAra eva cha || 54|| harito lohitaH kR^iShNo nIlaH pItastathA kShaNaH | kadrushcha kapilo babhruH kapoto machCha(tsya)kastathA || 55|| suvarNaretA vikhyAtaH suvarNashchApyatho mataH | suvarNanAmA cha tathA suvarNapriya eva cha || 56|| tvamindrashcha yamashchaiva varuNo dhanado.analaH | utphullashchitrabhAnushcha svarbhAnurbhAnureva cha || 57|| hotraM hotA cha homyaM cha hutaM chaiva tathA prabhuH | trisauparNastathA brahmanyajuShAM shatarudriyam || 58|| pavitraM cha pavitrANAM ma~NgalAnAM cha ma~Ngalam | prANashcha tvaM rajashcha tvaM tamaH sattvayutastathA || 59|| prANo.apAnaH samAnashcha udAno vyAna eva cha | unmeShashcha nimeShashcha kShuttR^iDjR^imbhA tathaiva cha || 60|| lohatA~Ngashcha daMShTrI cha mahAvaktro mahodaraH | shuchiromA harichChmashrurUrdhvakeshashchalAchalaH || 61|| gItavAditranR^ityA~Ngo gItavAdanakapriyaH | matsyo jAlo jalo.ajayyo jalavyAlaH kuTIcharaH || 62|| vikAlashcha sukAlashcha duShkAlaH kAlanAshanaH | mR^ityushchaivAkShayo.antashcha kShamAmAyAkarotkaraH || 63|| saMvarto vartakashchaiva saMvartakabalAhakau | ghaNTAkI ghaNTakI ghaNTI chUDAlo lavaNodadhiH || 64|| brahmA kAlAgnivaktrashcha daNDI muNDastridaNDadhR^ik | chaturyugashchaturvedashchaturhotrashchatuShpathaH || 65|| chAturAshramyanetA cha chAtuvarNyakarashcha ha | kSharAkSharaH priyo dhUrto gaNairgaNyo gaNAdhipaH || 66|| raktamAlyAmbarAdharo girIsho girijApriyaH | shilpIshaH shilpinAM shreShThaH sarvashilpripravartakaH || 67|| bhaganetrAntakashchaNDaH pUShNo dantavinAshanaH | svAhA svadhA vaShaTkAro namaskAra namo.astu te || 68|| gUDhavratashcha gUDhashcha gUDhavrataniShedhitaH | taraNastAraNashchaiva sarvabhUteShu tAraNaH || 69|| dhAtA vidhAtA sandhAtA nidhAtA dhAraNo dharaH | tapo brahma cha satyaM cha brahmacharyaM tathA.a.arjavam || 70|| bhUtAtmA bhUtakR^idbhUto bhUtabhavyabhavodbhavaH | bhUrbhUvaH svaritashchaiva bhUto hyagnirmaheshvaraH || 71|| brahmAvartaH surAvartaH kAmAvarta namo.astu te | kAmabimbavinirhantA karNikArasrajapriyaH || 72|| gonetA goprachArashcha govR^iSheshvaravAhanaH | trailokyagoptA govindo goptA gogarga eva cha || 73|| akhaNDachandrAbhimukhaH sumukho durmukho.amukhaH | chaturmukho bahumukho raNeShvabhimukhaH sadA || 74|| hiraNyagarbhaH shakunirdhanado.arthapatirvirAT | adharmahA mahAdakSho daNDadhAro raNapriyaH || 75|| tiShThansthirashcha sthANushcha niShkampashcha sunishchalaH | durvAraNo durviShaho duHsaho duratikramaH || 76|| durdharo durvasho nityo durdarpo vijayo jayaH | shashaH shashA~NkanayanashItoShNaH shruttR^iShA jarA || 77|| Adhayo vyAdhayashchaiva vyAdhihA vyAdhipashcha yaH | sahyo yaj~namR^igavyAdho vyAdhinAmAkaro.akaraH || 78|| shikhaNDI puNDarIkashcha puNaDarIkAvalokanaH | daNDadhR^ikchakradaNDashcha raudrabhAgavinAshanaH || 79|| viShapo.amR^itapashchaiva surApaH kShIrasomapaH | madhupashchApapashchaiva sarvapashcha balAbalaH || 80|| vR^iShA~NgarAmbho vR^iShabhastathA vR^iShabhalochanaH | vR^iShabhashchaiva vikhyAto lokAnAM lokasaMskR^itaH || 81|| chandrAdityau chakShuShI te hR^idayaM cha pitAmahaH | agniShTomastathA deho dharmakarmaprasAdhitaH || 82|| na brahmA na cha govindaH purANaR^iShayo na cha | mAhAtmyaM vedituM shaktA yAthAtathyena te shiva || 83|| shivA yA mUrtayaH sUkShmAste mahyaM yAntu darshanam | tAbhirmAM sarvato rakSha pitA putramivaurasam || 84|| rakSha mAM rakShaNIyo.ahaM tavAnagha namo.astu te | bhaktAnukampI bhagavAnbhaktashchAhaM sadA tvayi || 85|| yaH sahasrANyanekAni puMsAmAvR^itya durdR^ishAm | tiShThatyekaH samudrAnte sa me goptA.astu nityashaH || 86|| yaM vinidrA jitashvAsAH sattvasthAH samAdarshinaH | jyotiH pashyanti yu~njAnAstasmai yogAtmane namaH || 87|| sambhakShya sarvabhUtAni yugAnte samupasthite | yaH shete jalamadhyasthastaM prapadye.ambushAyinam || 88|| pravishya vadanaM rAhoryaH somaM pibate nishi | grasatyarkaM cha svarbhAnurbhUtvA somAgnire cha || 89|| a~NguShThamAtrAH puruShA dehasthAH sarvadehinAm | rakShantu te cha mAM nityaM nityaM chApyAyayantu mAm || 90|| yenApyutpAditA garbhA apo bhAgagatAshcha ye | teShAM svAhA svadhA chaiva Apnuvanti svadanti cha || 91|| yena rohanti dehasthAH prANino rodayanti cha | harShayanti na kR^iShyanti namastebhyastu nityashaH || 92|| ye samudre nadIdurge parvateShu guhAsu cha | vR^ikShamUleShu goShTheShu kAntAragahaneShu cha || 93|| chatuShpatheShu rathyAsu chatvareShu sabhAsu cha | hastyashvarathashAlAsu jIrNodyAnAlayeShu cha || 94|| yeShu pa~nchasu bhUteShu dishAsu vidishAsu cha | indrArkayormadhyagatA ye cha chandrArkarashmiShu || 95|| rasAtalagatA ye cha ye cha tasmAtparaM gatAH | namastebhyo namastebhyo namastebhyastu sarvashaH || 96|| sarvastvaM sarvago devaH sarvabhUtapatirbhavaH | sarvabhUtAntarAtmA cha tena tvaM na nimantritaH || 97|| tvameva chejyase deva yaj~nairvividhadakShiNaiH | tvameva kartA sarvasya tena tvaM na nimantritaH || 98|| athavA mAyayA deva mohitaH sUkShmayA tava | tasmAttu kAraNAdvA.api tvaM mayA na nimantritaH || 99|| prasIda mama devesha tvameva sharaNaM mama | tvaM gatistvaM pratiShThA cha na chAnyo.astIti ne matiH || 100|| iti brahmapurANe chatvAriMshAdhyAyAntargataM dakShakR^itaM shivastotraM samAptam | brahmapurANa | adhyAya 40/2\-100|| ## brahmapurANa . adhyAya 40/2-100.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}