% Text title            : Dakshakrita Shivastutih
% File name             : dakShakRRitashivastutiH.itx
% Category              : shiva
% Location              : doc\_shiva
% Proofread by          : Ruma Dewan
% Description/comments  : Brihaddharmapurana  madhyakhaNDaH | adhyAyaH 39| 1\-26
% Latest update         : March 19, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshakrita Shivastutih ..}##
\itxtitle{.. dakShakR^itashivastutiH ..}##\endtitles ##
dakSha uvAcha |
namaste devadevesha surAsuranamaskR^ita |
vishvabhAvana vishvesha tubhyaM bhagavate namaH || 1||
tvAmAdimAdikartAraM vishvAdyaM vishvarakShakam |
pashavaH kiM nu jAnanti dakShAkhyo.ahaM pashuH paraH || 2||
kiM me daivaM para jAtaM janma vai vyarthamAhitam |
bhagavantaM mahAdevaM bhavantaM vai tvajAnataH || 3||
tvamAtmA sarvabhUtAnAM tvaM gatiH paramA tataH |
tvaM bhavo bhagavAnAdistvamananto bhavApahaH || 4||
tvaM shivAkhyo mahAbhAgaH parameshaH purAtanaH |
haraH sanAtano devaH paramAtmA parekShitaH || 5||
kShamAshIlashchAshutoShaH santoShashcha pratoShakaH |
karuNAsAgaraH shAntaH kamanIyaH prajApatiH || 6||
vishveshvaro vishvabandhuH pUrNAnando vikhaNDadhIH |
kevalAnubhavAnandasvarUpaH parameshvaraH || 7||
virUpo vishvarUpashcha kAlaH kAlIpatiH patiH |
satInAthaH satIbandhuH sabandhurbandhurUpavAn || 8||
bhagavAn bhagahA nandI mahAnando mahAmanAH |
vishvodbhavaH prasannAtmA kAmarUpaH pratApavAn || 9||
kAlAnalaH kAlakartA kAlarUpI kalAnidhiH |
kAminInAyakaH kAmI kautukI kAmalAlasaH || 10||
kAmaH kAlAgnirudrAtmA kauSheyAmbarabhUShaNaH |
kaparddI kUTaka~NkAlaH kUTasthaH kevalAtmakaH || 11||
ko~NkAraH ko~NkarIkAraH ko~Nkave~NkaTavAsakaH |
krIDAtrayaparishrAntaH krIDAkArI kaliH kalaH || 12||
kAyI keyI keyakeyI kekayI shokayadhvanaH |
kAlIparaH kapAlI cha karapAlIvibhUShaNaH || 13||
kapAlabhUShaNo bhavyo yogavidyogarUpavAn |
yaj~narUpo yaj~nakartA yajanIyo yamaH svayam || 14||
ya~NkArashoShako yAtA yambhano yambhayambhakaH |
yonidevo yonimAlI yashasvI yatnavAn paraH || 15||
yakShanAtho yakSharAjo yakSharAjeshvaro yamI |
puNyaH pavitrarUpI cha paramAnandavigrahaH || 16||
pUrNaH pUrayitA pAtA puNyashravaNakIrtanaH |
padmagandhaH padmahastaH padmamudrApadAmbujaH || 17||
paTuH paTIyAn pavanaH paNDitaH paramArthavAn |
gopanIyo gopanAtho gopAlo gaganasthitaH || 18||
gururgaganavAsI cha gaurA~Ngo gauramastakaH |
golokavAsI gatimAn geyo gAnakR^itI gadI || 19||
gaNAdhyakSho gayArishcha pitA mAtA pitAmahaH |
sadbuddhidAtA sadbuddhiH sAtvikaH satvarUpavAn || 20||
sAkShI tryakSho dayAsAro divyabhAvI divisthitaH |
pretabhUmIpriyo bhUtipratibhUShita eva yaH || 21||
tvaM pretastvaM jIvarUpo nindyastvaM pUjito bhavAn |
yaduktaM bhavate pUrvaM nindAvAkyena bhUtida || 22||
taishcha tvaM pratipAdyo.asi nindyarUpaH svarUpavAn |
vedAgamyo vedakartA vedavedyo vidAmbaraH || 23||
dakShastvaM kashyapastva~ncha chandraH sUryo bhavAnapi |
tvaM viShNustva~ncha vai brahmA rAjasastAmaso bhavAn || 24||
sumatiH kumatistva~ncha shAstrakartA prakarShaNaH |
jR^imbhaNo mohanastvaM vai drAvaNaH kShobhaNo bhavAn || 25||
ekAdashAtmA rudrastvaM jagadgrAsakaraH paraH |
ko.ahamekaH pashurdakShastvAM jAne parameshvaram |
yasyodara idaM sarvaM jagatsthAvaraja~Ngamam || 26||

|| iti bR^ihaddharmapurANe dakShakR^itA shivastutiH sampUrNA ||
|| bR^ihaddharmapurANam | madhyakhaNDaH | adhyAyaH 39| 1\-26 ||

##
Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}