% Text title            : Dakshaprati Rishidadhichiproktam Shivajnanopadesham
% File name             : dakShapratiRRiShidadhIchiproktaMshivajnAnopadesham.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 5 satIdehatyAgaH | 33-60 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshaprati Rishidadhichiproktam Shivajnanopadesham ..}##
\itxtitle{.. dakShaprati R^iShidadhIchiproktaM shivaj~nAnopadesham ..}##\endtitles ##
(shivarahasyAntargate IshAkhye)

dadhIchiruvAcha |

brahmaNo mAnasaH putro dakSha dakSho.asi dIkShitaH |
kasmAnna yajase rudraM sAkShAdadhvaranAyakam || 33||
devadevaM virUpAkShaM yaj~neshaM parameshvaram |
kasmAnna yajase rudraM sAkShAdadhvaranAyakam || 34||
vishvatashchakShuShaM devaM vishvato mukhamIshvaram |
kasmAnna yajase rudraM sAkShAdadhvaranAyakam || 35||
vishvAdhikaM mahAdevaM viShNubrahmAdinAyakam |
kasmAnna yajase rudraM sAkShAdadhvaranAyakam || 36||
vishvajAteShu pashuShu sa kathaM pashupo bhavet |
kasmAnna yajase rudraM sAkShAdadhvaranAyakam || 37||
yanmAyAmohitAH sarve viShNubrahmAdayaH surAH |
bhavAnapi mahAdevaM kiM na jAnAsi sha~Nkaram || 38||
kasmAnna yajase rudraM sAkShAdadhvaranAyakam |
brahmaNo.asya shirashChinnaM maheshena pinAkinA || 39||
brahmaNe.asmai dadau shambhushchakraM daityavinAshakR^it |
viShNave.asmai mahAlakShmIM bhAryAtvena dadau haraH || 40||
vaikuNThasyAdhipatyaM cha nIlakaNTho dadau purA |
garvodrikto mahAviShNurabhUllokavinAshakR^it || 41||
matsyavArAhasihmAdyairdehairlokApakArakaH |
saMshikShitashcha bahudhA mahAdevena shUlinA || 42||
tavAyaM kopadagdhasya mahAdevo hi rakShakaH |
ko vA.ayaM viShNurevAdya rakShakaste kathaM bhavet || 43||
mR^igendranakharAghAtaM jambukaH kiM sahiShyati |
yadbhaktairdhikkR^ito viShNuH sahalakShmyA.ati kopane || 44||
shApAstrairdArito viShNurastraiH shivagaNairapi |
viShNoH kapAlaM nirbhidya papau raktaM sa bhairavaH || 45||
viShvakseno gaNo.asyaiva viShNoH sampashyataH puraH |
IShIkA protalIkSheva shUlaprotamathAkarot || 46||
indrasyAsya bhujastambho yenAkAri pinAkinA |
savajraH sasuraiH pUrvaM guruNeshaH prasAditaH || 47||
tadA mumochaiva hasan mahesho bhaktavatsalaH |
yamo.ayaM nihataH pUrvaM shivapAdAgratADitaH || 48||
mR^ikaNDutanayasyAsya rakShArthaM shUlapANinA |
vAyuropo.ashitaH pUrvaM tR^iNAgrachalane.apyayam || 49||
mahAdevasya purato nAdahattR^iNamapyayam |
agniH shikhAvalIDho.ayaM yaddhavirbhakShaNeritaH || 50||
chandro.ayaM tava shApena yakShmarogArditaH purA |
prasAdito maheshena sudhAdhAmaikamaulinA || 51||
sUryo.ayaM netrapAtR^itvamagachChachCha~Nkarasya hi |
kubero.apyayamIshasya prasAdAtsakhyamAptavAn || 52||
varuNo jalarogArto maheshena prasAditaH |
vasavo.api maheshena dayayA samprasAdhinaH || 53||
tatprasAdAya karmANi kurvantimunayaH surAH |
tasya li~NgaM sadAkAlaM pUjayanti surAsurAH || 54||
AdityA marutaH sarve shakreNa saha bhAginaH |
chakAra paramesho.ayaM prasAdena maheshvaraH || 55||
tathAnye munayaH siddhA maheshena prasAditAH |
pashubhUteShu yuShmAsu kathaM pashupatiH shivaH || 56||
gaNyate devadevo.asau mahAdevaH sanAtanaH |
vishvAdhiko mahArudraH pUjanIyastvayejyayA || 57||
pUjyo.ayaM devadeveshaH sarveShAM sarvakarmabhiH |
tasya prasAdena tava saphalo.astu manorathaH || 58||
tatprasAdena sarvasya bhuktirmuktirhi sidhyataH |
tasmAnmA vipadaH santu shR^iNu madvachanaM mudA || 59||
rudrakrodhAgnidagdhasya tava nAnyatparAyaNam |
na brahmA.ayaM naiva viShNuH na chAtra(nye)surapu~NgavAH || 60||

|| iti shivarahasyAntargate dakShaprati R^iShidadhIchiproktaM shivaj~nAnopadeshaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 5 satIdehatyAgaH | 33\-60 ||
##
- .. shrIshivarahasyam . IshAkhyaH dvAdashamAMshaH . adhyAyaH 5 satIdehatyAgaH . 33-60 ..

Notes:

Ṛṣi Dadhīci ##R^iShi dadhIchi## reprimands Dakṣa ##dakSha## for not inviting Śiva ##shiva## to the Yajña ##yaj~na## following his feelings of insolence; and delivers Upadeśa ##upadesha## to him about the Stature of Śiva ##shiva## - who Himself is Adhvaranāyaka ##adhvaranAyaka##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}