% Text title            : dakShiNAsyanakShatramAlAstotram
% File name             : dakShiNAsyanakShatramAlAstotram.itx
% Category              : shiva, sachchidAnanda-shivAbhinava-nRisiMhabhAratI
% Location              : doc\_shiva
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshinasyanakshatramalastotram ..}##
\itxtitle{.. shrIdakShiNAsyanakShatramAlAstotram ..}##\endtitles ##
shrIkaNThamindvarbhakabhAsichUDaM shrIj~nAnadAnavratabaddhadIkSham |
shrIshAmbujanmaprabhavAdipUjyaM shrIdakShiNAsyaM hR^idi bhAvaye.aham || 1||

harantamAnamrajanAnutApaM hayebhavaktre DitapAdapadmam |
hR^idA munIndraiH parichintyamAnaM shrIdakShiNAsyaM hR^idi bhAvaye.aham || 2||

hastAbjarAjadvarapustamudrAmuktAkShamAlAmR^itapUrNakumbham |
hariddhavAkA~NkShitapAdasevaM shrIdakShiNAsyaM hR^idi bhAvaye.aham || 3||

haMsAgnichandrekShaNamandhakArimAkAranirdhUtamanojagarvam |
hR^itAdimAj~nAnamagodbhaveshaM shrIdakShiNAsyaM hR^idi bhAvaye.aham || 4||

hatvA purA kAlamakharvagarvaM mR^ikaNDusUnoH parirakShaNaM yaH |
chakAra kAruNyavashAttamenaM shrIdakShiNAsyaM hR^idi bhAvaye.aham || 5||

hR^itvA tamaH satvarameva hArdaM datvA cha bodhaM paramArthasaMstham |
mokShaM dadAtyAshu natAya yastaM shrIdakShiNAsyaM hR^idi bhAvaye.aham || 6||

hasanmukhAmbhoruhamindukundanIkAshadantAvalishobhamAnam |
radAmbarAdhaHkR^itapakvabimbaM shrIdakShiNAsyaM hR^idi bhAvaye.aham ||

helAlavAnnirmitavishvavR^indaM bAlAruNAbhA~NghriyugaM dayAlum |
pashyantamutsa~NgagataM ShaDAsyaM shrIdakShiNAsyaM hR^idi bhAvaye.aham || 8||

hrImAnbhaveddevagururyadIyapAdAbjasaMsevakalokavAchA |
taM divyavAgdAnadhurINamAshu shrIdakShiNAsyaM hR^idi bhAvaye.aham || 9||

hArAyitAhIshamana~Ngagarvabha~NgapragalbhAnpraNatAnasheShAn |
kurvantabhiShTapradamaShTamUrtiM shrIdakShiNAsyaM hR^idi bhAvaye.aham || 10||

harirjahArAchalakanyakA cha yadvarShmaNo.ardhaM tapasA hi pUrvam |
ato.asharIraM tamasheShasaMsthaM shrIdakShiNAsyaM hR^idi bhAvaye.aham || 11||

hanyAdasheShaM kaluShaM yada~NghripUjA pradadyAdapi sarvamiShTam |
taM pArvatImAnasarAjahaMsaM shrIdakShiNAsyaM hR^idi bhAvaye.aham || 12||

haThAdiyogAn pravidhAya chittasthairyaM prapadyA~NghriyugaM yadIyam |
dhyAyanti yogipravarA mudA taM shrIdakShiNAsyaM hR^idi bhAvaye.aham || 13||

hitopadeShTA dayayA natAnAM nisargayA yo yaminAM javAddhi |
nyagrodhamUlaikaniketanaM taM shrIdakShiNAsyaM hR^idi bhAvaye.aham || 14||

hatAriShaTkairanubhUyamAnaM nitAntamAnandaghanasvarUpam |
natAparAdhAnsahamAnamIshaM shrIdakShiNAsyaM hR^idi bhAvaye.aham || 15||

hitvA dhanApatyakalatrabandhUn dattvAbhayaM bhUtataterdvijAgryAH |
yaM yAnti loke sharaNaM sadA taM shrIdakShiNAsyaM hR^idi bhAvaye.aham || 16||

hR^idambujAte viniveshya chittaM nirudhya chakShuHpramukhAkShavargam |
dhyAyanti yaM shailasutAyutaM taM shrIdakShiNAsyaM hR^idi bhAvaye.aham || 17||

hAsaprabhAnirjitabhAbhimAnaM prAsArthajuShTAM kavitAM dishantam |
natottamA~NgeShu karaM dadhAnaM shrIdakShiNAsyaM hR^idi bhAbaye.aham || 18||

haiyya~NgavInaM hR^idayamradimnA svareNa haMsaM charaNena padmam |
hasantamaMsAgralasajjaTAlaM shrIdakShiNAsyaM hR^idi bhAvaye.aham || 19||

harervidheshchaiva vivAdashAntyai li~NgAtmanA yaH prababhUva pUrvam |
tamAdimadhyAntavihInarUpaM shrIdakShiNAsyaM hR^idi bhAvaye.aham || 20||

hutAshanAdityamahIpramukhyA yasyAShTamUrtIrnijagAda vedaH |
taM sarvalokAvanasaktachittaM shrIdakShiNAsyaM hR^idi bhAvaye.aham || 21||

hastyantalakShmImapi dInavaryaH prApnoti yatpAdasarojanatyA |
taM kalpavallImadabha~NgadakShaM shrIdakShiNAsyaM hR^idi bhAvaye.aham || 22||

hayAgryamAruhya gajottamaM vA sametya yatpAdayugArchakAya |
yachChanti rAjyaM dharaNIdhavAstaM shrIdakShiNAsyaM hR^idi bhAvaye.aham || 23||

havIMShi sa~njuhvati bhUsurAgryAH kAleShu vahnau yadanugrahArtham |
karmAnuguNyena phalapradaM taM shrIdakShiNAsyaM hR^idi bhAvaye.aham || 24||

hetyA lalATasthashuchermahAghavanaM dahantaM tarasaiva modAt |
kurvantamArAnnatachittashuddhiM shrIdakShiNAsyaM hadi bhAvaye.aham || 25||

hemAshmanoH sAmyamatiM karoti yatpAdapAthoruhasaktachittaH |
vairAgyadAnaikadhurandharaM taM shrIdakShiNAsyaM hR^idi bhAvaye.aham || 26||

hAlAsyagokarNamukheShu divyakShetreShu vAsaM kR^ipayA karoti |
yaH pAdanamroddhataye sadA taM shrIdakShiNAsyaM hR^idi bhAvaye.aham || 27||

haMsena kenApi parAdinemAM kR^itAM prayatnAdatimodatashcha |
nakShatramAlAM dadhatAM narANAM kaNThe bhaviShyatyachirAtparAptiH || 28||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shrIdakShiNAsyanakShatramAlAstotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}