% Text title            : dakShiNAmUrtivarNamAlAstotram
% File name             : dakShiNAvarNamAlA.itx
% Category              : varNamAlA, shiva, shankarAchArya
% Location              : doc\_shiva
% Author                : Shankaracharya
% Transliterated by     : Sridhar  Seshagiri seshagir at engineering.sdsu.edu
% Proofread by          : Sridhar  Seshagiri seshagir at engineering.sdsu.edu
% Latest update         : October 27, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dakShiNAmUrtivarNamAlAstotram ..}##
\itxtitle{.. dakShiNAmUrtivarNamAlAstotram ..}##\endtitles ##

dakShiNAmUrtichaturviMshativarNamAlAstotram |

AUMmityetadyasya budhairnAma gR^ihIta.n
yadbhAseda.n bhAti samasta.n viyadAdi .
yasyAj~nAtaH svasvapadasthA vidhimukhyA\-
sta.n pratya~ncha.n dakShiNavaktra.n kalayAmi .. 1..
namrA~NgANA.n bhaktimatA.n yaH puruShArthA\-
ndatvA kShipra.n hanti cha tatsarvavipattIH .
pAdAmbhojAdhastanitApasmR^itimIsha.n
ta.n pratya~ncha.n dakShiNavaktra.n kalayAmi .. 2..
mohadhvastyai vaiNikavaiyAsikimukhyAH
sa.nvinmudrApustakavINAkShaguNAnyam .
hastAmbhojairbibhratamArAdhitavanta\-
sta.n pratya~ncha.n dakShiNavaktra.n kalayAmi .. 3..
bhadrArUDha.n bhadradamArAdhayitR^iNA.n
bhaktishraddhApUrvakamIsha.n praNamanti .
AdityA ya.n vA~nChitasiddhyai karuNAbdhi.n
ta.n pratya~ncha.n dakShiNavaktra.n kalayAmi .. 4..
garbhAntaHsthAH prANina ete bhavapAsha\-
chChede dakSha.n nishchitavantaH sharaNa.n yam .
ArAdhyA~Nghriprasphuradambhoruhayugma.n
ta.n pratya~ncha.n dakShiNavaktra.n kalayAmi .. 5..
vaktra.n dhanyAH sa.nsR^itivArdheratimAtrA\-
dbhItAH santaH pUrNashashA~Nkadyuti yasya .
sevente.adhyAsInamananta.n vaTamUla.n
ta.n pratya~ncha.n dakShiNavaktra.n kalayAmi .. 6..
tejaHstomaira~Ngadasa.nghaTTitabhAsva\-
nmANikyotthairbhAsitavishvo ruchirairyaH .
tejomUrti.n khAnilatejaHpramukhAbdhi.n
ta.n pratya~ncha.n dakShiNavaktra.n kalayAmi .. 7..
dadhyAjyAdidravyakakarmANyakhilAni
tyaktvA kA~NkShA karmaphaleShvatra karoti .
yajjij~nAsA.n rUpaphalArthI kShitideva\-
sta.n pratya~ncha.n dakShiNavaktra.n kalayAmi .. 8..
kShipra.n loke ya.n bhajamAnaH pR^ithupuNyaH
pradhvastAdhiH projjhitasa.nsR^ityakhilArtiH .
pratyagbhUta.n brahma para.n sanramate ya\-
sta.n pratya~ncha.n dakShiNavaktra.n kalayAmi .. 9..
NAnetyeva.n yanmanumadhyasthitavarNA\-
nbhaktAH kAle varNagR^ihItyai prajapantaH .
modante sa.nprAptasamastashrutitantrA\-
sta.n pratya~ncha.n dakShiNavaktra.n kalayAmi .. 10..
mUrtishChAyAnirjitamandAkinikunda\-
prAleyAmbhorAshisudhAbhUtisurebhA .
yasyAbhrAbhA hAsavidhau dakShashirodhi\-
sta.n pratya~ncha.n dakShiNavaktra.n kalayAmi .. 11..
taptasvarNachChAyajaTAjUTakaTAha\-
prodyadvIchIvallivirAjatsurasindhum .
nitya.n sUkShma.n nityanirastAkhiladoSha.n
ta.n pratya~ncha.n dakShiNavaktra.n kalayAmi .. 12..
yena j~nAtenaiva samasta.n vidita.n syA\-
dyasmAdanyadvastu jagatyA.n shashashR^i~Ngam .
ya.n prAptAnA.n nAsti para.n prApyamanAdi.n
ta.n pratya~ncha.n dakShiNavaktra.n kalayAmi .. 13..
matto mAro yasya lalATAkShibhavAgni\-
sphUrjatkIlaproShitabhasmIkR^itadehaH .
tadbhasmAsIdyasya sujAtaH paTavAsa\-
sta.n pratya~ncha.n dakShiNavaktra.n kalayAmi .. 14..
hyambhorAshau sa.nsR^itirUpe luThatA.n ta\-
tpAra.n gantu.n yatpadabhaktirdR^iDhanaukA .
sarvArAdhya.n sarvagamAnandapayonidhi.n
ta.n pratya~ncha.n dakShiNavaktra.n kalayAmi .. 15..
medhAvI syAdinduvata.nsa.n dhR^itavINa.n
karpUrAbha.n pustakahasta.n kamalAkSham .
chitte dhyAyanyasya vapurdrA~NnimiShArdha.n
ta.n pratya~ncha.n dakShiNavaktra.n kalayAmi .. 16..
dhAmnA.n dhAma prauDharuchInA.n parama.n ya\-
tsUryAdInA.n yasya sa heturjagadAdeH .
etAvAnyo yasya na sarveshvaramIDya.n
ta.n pratya~ncha.n dakShiNavaktra.n kalayAmi .. 17..
pratyAhAraprANanirodhAdisamarthai\-
rbhaktairdAntaiH sa.nyatachittairyatamAnaiH .
svAtmatvena j~nAyata eva tvarayA ya\-
sta.n pratya~ncha.n dakShiNavaktra.n kalayAmi .. 18..
j~nA.nshIbhUtAnprANina etAnphaladAtA
chittAntaHsthaH prerayati sve sakale.api .
kR^itye devaH prAktanakarmAnusaraH sa.n\-
sta.n pratya~ncha.n dakShiNavaktra.n kalayAmi .. 19..
praj~nAmAtra.n prApitasa.nbinnijabhakta.n
prANAkShAdeH prerayitAra.n praNavArtham .
prAhuH prAj~nA viditAnushravatattvA\-
sta.n pratya~ncha.n dakShiNavaktra.n kalayAmi .. 20..
yasyA.nj~nAnAdeva nR^iNA.n sa.nsR^itibodho
yasya j~nAnAdeva vimokSho bhavatIti .
spaShTa.n brUte vedashiro deshikamAdya.n
ta.n pratya~ncha.n dakShiNavaktra.n kalayAmi .. 21..
Channe.avidyArUpapaTenaiva cha vishva.n
yatrAdhyasta.n jIvapareshatvamapIdam .
bhAnorbhAnuShvambuvadastAkhilabheda.n
ta.n pratya~ncha.n dakShiNavaktra.n kalayAmi .. 22..
svApasvapnau jAgradavasthApi na yatra
prANashvetaH sarvagato yaH sakalAtmA .
kUTastho yaH kevalasachchitsukharUpa\-
sta.n pratya~ncha.n dakShiNavaktra.n kalayAmi .. 23..
hA hetyeva.n vismayamIyurmunimukhyA
j~nAte yasminsvAtmatayAnAtmavimohaH .
pratyagbhUte brahmaNi yAtaH kathamittha.n
ta.n pratya~ncha.n dakShiNavaktra.n kalayAmi .. 24..
yaiShA ramyairmattamayUrAbhidhavR^ittai\-
rAdau klR^iptA yanmanuvarNairmunibha~NgI .
tAmevaitA.n dakShiNavaktraH kR^ipayAsA\-
vUrIkuryAddeshikasamrAT paramAtmA .. 25..
iti shrImatparamaha.nsaparivrajakAchAryasya
shrIgovindabhagavatpUjyapAdashiShyasya
shrImachCha.nkarabhagavataH kR^itau
shrIdakShiNAmUrtivarNamAlAstotra.n sa.npUrNam ..
##
Encoded and proofread by Sridhar Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}