% Text title            : Shri Dashashloki 02 33
% File name             : dashashlokI.itx
% Category              : shiva
% Location              : doc\_shiva
% Author                : Vidyadhar Chakravarti
% Proofread by          : Aruna Narayanan
% Description/comments  : From stotrArNavaH 02-33
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dashashloki ..}##
\itxtitle{.. shrIdashashlokI ..}##\endtitles ##
yadyatprasAdavimukhena purA na labdhaM
      labdhaM yadadya cha guro bhavataH prasAdAt |
vij~nApayAmi tadidaM kutukAtireka\-
      sampreritaH parashivAdvayabodhanAkhyam || 1||
na tvAM smarAmi na bhajAmi yajAmi nAnta\-
      rno vA bahirna cha shivaM na cha daivamanyat |
nAhaM bhavAmi na cha nAhamahaM bhavAmi
      kiM vA bhavAmi tadahaM na hi vaktumIshe || 2||
sAkShAdahaM sa paramaH shiva eva jAto
      jAto.adhunA sa paramo.api shivo.ahameva |
AvAM purA chiramabhUva tamaHprakAsha
      ka ?? parasparayu ?? payase ivAdya || 3||
mattastadetadakhilaM jagadAvirasti
      mattashcha jIvati layaM cha tathA (tathaiva) mattaH |
mattaH sthiro bhavati muktimupaiti matto
      matto na chaitadamuto.api cha nAhamanyaH || 4||
AdhAraye kShitirahaM satataM payo.ahaM
      samplAvaye paripachAmi cha pAvako.aham |
AndolayAmi pavano.ahamihAvakAshaM
      mu~nchAmi chAmbaramahaM sthitaye mamaiva || 5||
mAyAmarudbhirabhitaH kShubhito bhavAmi
      brahmANDakhaNDanavabudbudajAlalolaH |
saMhR^itya sarvamatha shaktitara~NgaDolA\-
      kelikShayAdahamasau stimitashchidabdhiH || 6||
lokAstriviShTapamukhA nirayAvasAnA
      ye sarva eva ta (i) me mama kelirekhAH |
naivAhameShu mama ketuvashaM vadanti
      maddhAmni nArkashashinau na cha pAvako.ayam || 7||
yasyAM vasAmi cha sa kiM nanu naiva kAshI
      vishveshvaraH sa cha yamIshadhiyA spR^ishAmi |
yadvyAharAmi sakalaM praNavastadeva
      muktAshcha te sahacharanti bhayA kShaNaM ye || 8||
nirbandhano.api nijarUpamavekShya baddho
      muchyet kilaitadatha vIkShya cha nityamuktaH |
dhAmatrayAtichakito gatibhoktR^ibhogya\-
      bhogAnvayo.asmi sa paraH shiva eva so.aham || 9||
itthaM bhavAbdhimatila~Nghya bhavatprasAdAt
      dhanyasya me yadudabhUchChivasAmarasyam |
ApiNDavichyuti guro sukhametadIyaM
      divyaM tvada~NghrisarasIruhasAtkaroti || 10||

|| iti shrIvidyAdhara chakravartirachitA dashashlokI sampUrNA ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}