% Text title            : Devadibhih Kritam 3 Shiva Stotram
% File name             : devAdibhiHkRRitaM3shivastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | prabhAsakhaNDa | adhyAya 11/149-168||
% Latest update         : August 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhih Kritam 3 Shiva Stotram ..}##
\itxtitle{.. devAdibhiH kR^itaM 3 shivastotram ..}##\endtitles ##
devA UchuH |
Adidevo.asi devAnAM jAtametatsvayaM tava |
sargasthityantakAleShu tridhA bhedena tiShThasi || 149||
svasti te.astu jagannAtha gharmavarShahimAkara |
indra Agamya taM devaM likhyamAnamathAstavIt |
jaya deva jagatsvAmi~njaya deva jagatpate || 1\.11\.15||
R^iShayashcha tataH sapta vasiShThAtripurogamAH |
tuShTuvurvividhaiH stotraiH svasti svastIti vAdinaH |
vedoktibhirathAgryAbhirvAlakhilyAshcha tuShTuvuH || 151||
vAlakhilyA UchuH |
namaste R^iksvarUpAya sAmarUpAya te namaH |
yajuHsvarUparUpAya sAmnAM dhAmaga te namaH || 152||
j~nAnaikarUpadehAya nirdhUtatamase namaH |
shuddhajyotiHsvarUpAya trimUrtAyAmalAtmane || 153||
variShThAya vareNyAya sarvasmai paramAtmane |
namo.akhilajagadvyApirUpAyAnantamUrttaye || 154||
sarvakAraNabhUtAya niShThAya j~nAnachetasAm |
namaH sUryasvarUpAya prakAshAlakShyarUpiNe || 155||
bhAskarAya namastubhyaM tathA dinakR^ite namaH |
sarvasmai hetave chaiva sandhyAjyotsnAkR^ite namaH || 156||
tvaM sarvametadbhagava~njagachcha bhramatA tvayA |
bhramatyA vishvamakhilaM brahmANDaM sacharAcharam |
tvadaMshubhiridaM sarvaM spR^iShTaM vai jAyate shuchi || 157||
kriyate tvatkarasparshairjalAdInAM pavitratA || 158||
homadAnAdiko dharmo nopakArAya jAyate |
tAta yAvanna saMyogi jagadetattvadaMshubhiH || 159||
R^ichaste sakalA hyetAstathA yAni yajUMShi cha |
sakalAni cha sAmAni nipatanti tvada~NgataH || 1\.11\.160||
R^i~NmayastvaM jagannAtha tvameva cha yajurmayaH |
yataH sAmamayashchaiva tato nAtha trayImayaH || 161||
tvameva brahmaNo rUpaM paraM chAparameva cha |
mUrttAmUrttaM tathA sUkShmaM sthUlaM rUpeNa saMsthitaH || 162||
nimeShakAShThAdimayaH kAlarUpakShaNAtmakaH |
prasIda svechChayA rUpaM svaM tejaH shamanaM kuru |
tvaM deva jagatAM hetorduHkhaM sahasi duHsaham || 163||
tvaM nAtha mokShiNAM mokSho dhyeyastvaM dhyAyatAM varaH |
tvaM gatiH sarvabhUtAnAM karmakANDanivartinAm || 164||
shaM prajAbhyo.astu devesha shanno.astu jagatAmpate || 165||
tvaM dhAtA visR^ijasi vishvameka
eva tvaM pAtA sthitikaraNAya sampravR^ittaH |
tvayyante layamakhilaM prayAti chaita\-
ttvatto.anyo na hi tapanAsti sarvadAtA || 166||
tvaM brahmA hariharasa.nj~nitastvamindro
vitteshaH pitR^ipitarambupaH samIraH |
somo.agnirgaganamahAdharAdirUpaH
kiM na tvaM sakalamanorathapradAtA || 167||
yaj~naistvAmanudinamAtmakarmasaktAH
stuvanto vividhapadairdvijA yajanti |
dhyAyantaH savinayachetaso bhavantaM
yogasthAH paramapadaM prayAnti marttyA || 168||
tapasi pachasi vishvaM pAsi bhasmIkaroShi
prakaTayasi mayUkhairhlAdayasyaMshugarbhaiH |
sR^ijasi kamalajanmA pAlayasyachyutAkhyaH
kShapayasi cha yugAnte rudrarUpastvamekaH || 169||

iti shrIskandapurANe prabhAsakhaNDe prabhAsakShetramAhAtmye ekAdashAdhyAyAntargataM
         devAdibhiH kR^itaM shivastotraM samAptam |

skandapurANa | prabhAsakhaNDa | adhyAya 11/149\-168||
##
skandapurANa . prabhAsakhaNDa . adhyAya 11/149-168..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}