% Text title            : Devadibhih Kritam 6 Shiva Stotram
% File name             : devAdibhiHkRRitaM6shivastotram.itx
% Category              : shiva, lakShmInArAyaNIyasaMhitA, stotra
% Location              : doc\_shiva
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 171/67-90||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhih Kritam 6 Shiva Stotram ..}##
\itxtitle{.. devAdibhiH kR^itaM 6 shivastotram ..}##\endtitles ##
dakShoktiM cha satIchChAM cha samprApya munayaH surAH |
pUjAM prApya satIM natvA jagmuH kailAsabhUbhR^itam || 67||
sAvitrIhito brahmA lakShmInArAyaNastathA |
ramayA sahito viShNurdevIbhiH sahitAH surAH || 68||
saptarShayaH svapatnIbhiH sahitA manavastathA |
jagmuH kailAsashikharaM yatra devo maheshvaraH || 69||
gatvA shambhuM praNamyaiva dR^iShTvA shAntaM cha yoginam |
tuShTuvurvividhaiH stotrairbaddhA~njalipuTA mudA || 70||
namo.akSharasvarUpAya kR^iShNanetrAtmane namaH |
namaH sadAshivAkhyAya tejaHpUjAya te namaH || 71||
vairAjaputrarUpAya brahmacharyAya te namaH |
namo brahmasvarUpAya sadA shAntAya te namaH || 72||
nirguNAya guNADhyAya vaiShNavAya namo namaH |
avyaktarAtridehAya nirvikArAya te namaH || 73||
maheshAya pareshAya shivA.adhipataye namaH |
kvachichChAntikR^ite kAdAchitkasaMhAriNe namaH || 74||
namaH sheShAya sa~NkarShaNasvarUpAya te namaH |
namo vairAgyavAsAya satIrAgAya te namaH || 75||
na yasya devA R^iShayaH siddhAH sAdhvyashcha sAdhavaH |
viduH padaM svarUpaM cha tasmai shivAya te namaH || 76||
padaM didR^ikShavo yasya yatante yoginaH sadA |
tasmai namaH pareshAya yogasthAya namo namaH || 77||
anantasiddhiyuktAya girAM dUrAya te namaH |
nama AtmaprakAshAya nirvANasthAya te namaH || 78||
j~nAnine te namashchAstu niShkriyAyA.a.atmavedine |
tapasA drAk prasannAya sarvadAtre cha te namaH || 79||
trinetrAya sachandrAya sarvAdhyakShAya te namaH |
sharaNAyAtaprArthyArthalAbhadAya cha te namaH || 80||
aishvaryANAM pradAtre te mokShadAya cha te namaH |
bhakteShTapUrakAyA.amnAyodadhaye cha te namaH || 81||
svaprakAshAya nityAya pratyakdraShTre cha te namaH |
sakAmA vAtha niShkAmA bhaktAste sharaNAgatAH || 82||
aprApya siddhiM yasmAnna nivartante cha te namaH |
kAchitkanyA tvadarthaM vai karoti tapa utkaTam || 83||
tvaM kathaM chA.akaruNo.asi prasanno bhava te namaH |
lokakAryapravAhArthaM vichAraM kuru sha~Nkara || 84||
adhyAtmayogagamya tvAM praNamAmaH stumo vayam |
na tvaM devo.asuro martyo na tirya~Nn dvijaH pashuH || 85||
na strI na ShaNDho na pumAn yo.asi so.asi cha te namaH |
vishvalayakR^ite vishvadhAriNe praNatA vayam || 86||
sA~NkhyA j~nAnena pashyanti samAdhau yoginashcha yam |
bhaktAH kR^ipayA pashyanti trayImayaM cha te namaH || 87||
namo bhaktoddhArakartre namaste gUDhavarchase |
namaH pratyakShadevAya chA.aparokShAnubhUtaye || 88||
kAlarAtrivilAsAya dakShaputryArthitAya cha |
pravR^ittAya namastubhyaM nivR^ittAya cha te namaH || 89||
bhaktechChApUraka! svAmin pUrayechChAM cha vedhasaH |
tUShNImAsannitistutvA shrutvA shambhurjahAsa vai || 90||

iti shrIlakShmInArAyaNIyasaMhitAyAM prathame kR^itayugasantAne 171\-adhyAyAntargataM
devAdibhiH kR^itaM shivastotraM sampUrNam |

lakShmInArAyaNIyasaMhitA | khaNDa 1| adhyAya 171/67\-90||
##
lakShmInArAyaNIyasaMhitA . khaNDa 1. adhyAya 171/67-90..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}