% Text title            : Devaih Krita Shiva Stuti 9
% File name             : devaiHkRRitAshivastutiH9.itx
% Category              : shiva, stuti, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 9-10 | vAvRittashlokAH ||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Krita Shiva Stuti 9 ..}##
\itxtitle{.. devaiH kR^itA 9 shivastutiH ..}##\endtitles ##
(shivarahasyAntargate IshvarAkhye)

devA UchuH |
shambho bAlamR^igA~Nkashekhara jaTAjUTorukoTIradhR^ik
sphArorvIdhara dhairyadAraNa mahAga~NgA tara~NegaughahR^it |
kAlAndhAntaka kAmadakShabhagadR^iksaMhAra pAhyadya no
devAn ma~NkaNanR^ittabhItiparamAnAshvAsayAdya prabho || 9\.32||
prAleyAchalakanyakAvilasitashrImanyudeha prabho
manyuM saMhara dainyanAshaka hara tvatto hi nAnyaH suraH |
dhanyAnnaH kuru pApajanyasuratAduHkhaM vihanyAH prabho
svarvApIndukalAlalAma bhagavan tvaM chAhananyo gatiH || 9\.33||
bhava bhUtapate sureShu bhAvyaM
bhavaduHkhaM bhuvi nAshayAshu bhAvaiH |
bhavabhAvavibhAvanA bhavenno
vibhavAH santu bhavAya te namo.astu || 9\.34||
abhyarNaM bhava tAvakInacharaNaM santArNamevAstu naH
bhAvodyaM bhavakArNavaikataraNe uddIrNameva prabho
pAhyasmA~nCharaNAya pUrNadayayA dIrNaM surANAM gaNaM
tUrNaM ghUrNitametadadya sumunernR^ittaM hi nirvApaya || 9\.35||
hari shashi shikhi bAla ghoNaghUrNa \-
tripuravitAraNa sheShabhUShaNAdya |
phaNimaNighR^iNika~NkaNoruhasta
pramathAdhIsha sanAthayAshu hR^idya || 9\.36||
guruvaragaragauravorubibhyat
tridashAnAM shiva durdashAvinAsha |
avinAshasharIra vyomakesha
jagadAkAshasharIra koshakAsha || 9\.37||
munayaH prashamAyanAH sadA te
shamanAghAtapadaM hR^idAbhidhAya |
samudAyamimaM mudA tvaghAnAM
madanAre kila nAshayanti shambho || 9\.38||
shambho tvada~NkavasateH kila ma~NkaNo.ayaM
tulyaprabho bhasitabhAsitanuH sadaiShaH |
krau~nchAntakasya sadR^ishaH sudR^ishA tamIkShya
taM vArayAshu naTanAjjagato.avanAya || 9\.39||
gIrvANavargakR^itasaMstutibhiH pratuShTaH
IShTe haro munimasAvabhidraShTumeva |
yAto dayAsurasayA suravR^indavandyo
modAya parvatavarAtmajayA sametaH || 9\.40||
kailAsagopuravarAnniragAtpurAriH
pAdAmbujaM turagavairivahAntakaM svam |
sandarshayannuragavairivahAdidevA\-
nAlokayanhimagirau munilokanAya || 9\.41||
devAdimastvamasi somakalAlalAma\-
ssAmAdisaMstutapadaH shrutisImabhUmA |
vyomAvakAsha mahimA garimA tvamIsha\-
ssarveShu hR^itsu sudhiyAmavano mahesha || 10\.12||
hemAchalattadhanuShA karamutkaTaM te
kAmAdidarpavinivArakasatpadaM te |
bhAmArdhakAyamatisundaramIkShitaM te
tryakShAdhunA suragaNeShu bhavatkR^ipA te || 10\.13||

|| iti shivarahasyAntargate devaiH kR^itA shivastutiH 9 sampUrNA ||

\- || shrIshivarahasyam | IshvarAkhyaH dashamAMshaH | adhyAyaH 9\-10 | vAvR^ittashlokAH ||
##
- .. shrIshivarahasyam . IshvarAkhyaH dashamAMshaH . adhyAyaH 9-10 . vAvRRittashlokAH ..

##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}