% Text title            : Devaih Kritam 07 Shiva Stotram
% File name             : devaiHkRRitaM07shivastotram.itx
% Category              : shiva, lingapurANa, stotra
% Location              : doc\_shiva
% Proofread by          : PSA Easwaran
% Description/comments  : lingapurANa | uttarabhAga | adhyAya 18/1-39||
% Latest update         : October 12, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam 07 Shiva Stotram ..}##
\itxtitle{.. devaiH kR^itaM 7 shivastotram ..}##\endtitles ##
devA UchuH |
ya eSha bhagavAn rudro brahmaviShNumaheshvarAH |
skandashchApi tathA chendro bhuvanAni chaturdasha |
ashvinau grahatArAshcha nakShatrANi cha khaM dishaH || 1||
bhUtAni cha tathA sUryaH somashchAShTau grahAstathA |
prANaH kAlo yamo mR^ityuramR^itaH parameshvaraH || 2||
bhUtaM bhavyaM bhaviShyachcha vartamAnaM maheshvaraH |
vishvaM kR^itsnaM jagatsarvaM satyaM tasmai namo namaH || 3||
tvamAdau cha tathA bhUto bhUrbhuvaH svastathaiva cha |
ante tvaM vishvarUpo.asi shIrShaM tu jagataH sadA || 4||
brahmaikastvaM dvitridhArthamadhashcha tvaM sureshvaraH |
shAntishcha tvaM tathA puShTistuShTishchApyahutaM hutam || 5||
vishvaM chaiva tathA.avishvaM dattaM vA.adattamIshvaram |
kR^itaM chApyakR^itaM devaM paramapyaparaM dhruvam |
parAyaNaM satAM chaiva hyasatAmapi sha~Nkaram || 6||
apAma somamamR^itA abhUmAganma jyotiravidAma devAn |
kiM nUnamasmAnkR^iNavadarAtiH kimu dhUrtiramR^itaM martyasya || 7||
etajjagaddhitaM divyamakSharaM sUkShmamavyayam || 8||
prAjApatyaM pavitraM cha saumyamagrAhyamavyayam |
agrAhyeNApi vA grAhyaM vAyavyena samIraNaH || 9||
saumyena saumyaM grasati tejasA svena lIlayA |
tasmai namo.apasaMhartre mahAgrAsAya shUline || 10||
hR^idisthA devatAH sarvA hR^idi prANe pratiShThitAH |
hR^idi tvamasi yo nityaM tisro mAtrAH parastu saH || 11||
shirashchottaratashchaiva pAdau dakShiNatastathA |
yo vai chottarataH sAkShAtsa o~NkAraH sanAtanaH || 12||
OM kAro yaH sa eveha praNavo vyApya tiShThati |
anantastArasUkShmaM cha shuklaM vaidyutameva cha || 13||
paraM brahmA sa IshAna eko rudraH sa eva cha |
bhavAnmaheshvaraH sAkShAnmahAdevo na saMshayaH || 14||
UrdhvamunnAmayatyeva sa o~NkAraH prakIrtitaH |
prANAnavati yastasmAt praNavaH parikIrtitaH || 15||
sarvaM vyApnoti yastasmAtsarvavyApI sanAtanaH |
brahmA harishcha bhagavAnAdyantaM nopalabdhavAn || 16||
tathAnye cha tato.ananto rudraH paramakAraNam |
yastArayati saMsArAttAra ityabhidhIyate || 17||
sUkShmo bhUtvA sharIrANi sarvadA hyadhitiShThati |
tasmAtsUkShmaH samAkhyAto bhagavannIlalohitaH || 18||
nIlashcha lohitashchaiva pradhAnapuruShAnvayAt |
skandate.asya yataH shukraM tathA shukramapaiti cha || 19||
vidyotayati yastasmAdvaidyutaH parigIyate |
bR^ihattvAdbR^iMhaNatvAchcha bR^ihate cha parApare || 20||
tasmAdbR^iMhati yasmAddhi paraM brahmeti kIrtitam |
advitIyo.atha bhagavAMsturIyaH parameshvaraH || 21||
IshAnamasya jagataH svardR^ishAM chakShurIshvaram |
IshAnamindrasUrayaH sarveShAmapi sarvadA || 22||
IshAnaH sarvavidyAnAM yattadIshAna uchyate |
yadIkShate cha bhagavAnnirIkShyamiti chAj~nayA || 23||
Atmaj~nAnaM mahAdevo yogaM gamayati svayam |
bhagavAMshchochyate devo devadevo maheshvaraH || 24||
sarvAMllokAn krameNaiva yo gR^ihNati maheshvaraH |
visR^ijatyeSha devesho vAsayatyapi lIlayA || 25||
eSho hi devaH pradisho.anusarvAH pUrvo hi jAtaH sa u garbhe antaH |
sa eva jAtaH sa janiShyamANaH pratya~NmukhAstiShThati sarvatomukhaH || 26||
upAsitavyaM yatnena tadetatsadbhiravyayam |
yato vAcho nivartante hyaprApya manasA saha || 27||
tadagrahaNameveha yadvAgvadati yatnataH |
aparaM cha paraM veti parAyaNamiti svayam || 28||
vadanti vAchaH sarvaj~naH sha~NkaraM nIlalohitam |
eSha sarvo namastasmai puruShaH pi~NgalaH shivaH || 29||
sa eSha sa mahArudro vishvaM bhUtaM bhaviShyati |
bhuvanaM bahudhA jAtaM jAyamAnamitastataH || 30||
hiraNyabAhurbhagavAn hiraNyapatirIshvaraH |
ambikApatirIshAno hemaretA vR^iShadhvajaH || 31||
umApatirvirUpAkSho vishvasR^igvishvavAhanaH |
brahmANaM vidadhe yo.asau putramagre sanAtanam || 32||
prahiNoti sma tasyaiva j~nAnamAtmaprakAshakam |
tamekaM puruShaM rudraM puruhUtaM puruShTutam || 33||
bAlAgramAtraM hR^idayasya madhye vishvaM devaM vahnirUpaM vareNyam |
tamAtmasthaM ye.anupashyanti dhIrAsteShAM shAntiH shAshvatI netareShAm || 34||
mahato yo mahIyAMshcha hyaNorapyaNuravyayaH |
guhAyAM nihitashchAtmA jantorasya maheshvaraH || 35||
veshmabhUto.asya vishvasya kamalastho hR^idi svayam |
gahvaraM gahanaM tatsthaM tasyAntashchordhvataH sthitaH || 36||
tatrApi dahraM gaganamo~NkAraM parameshvaram |
bAlAgramAtraM tanmadhye R^itaM paramakAraNam || 37||
satyaM brahma mahAdevaM puruShaM kR^iShNapi~Ngalam |
UrdhvaratesamIshAnaM virUpAkShamajodbhavam || 38||
adhitiShThati yoniM yo yoniM vAchaika IshvaraH |
dehaM pa~nchavidhaM yena tamIshAnaM purAtanam || 39||

iti shrIli~NgamahApurANe uttarabhAge aShTAdashAdhyAyAntargataM
         devaiH kR^itaM shivastotraM samAptam |

li~NgapurANa | uttarabhAga | adhyAya 18/1\-39||
##
lingapurANa . uttarabhAga . adhyAya 18/1-39..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}