% Text title            : Devaih Kritam Shiva Stava
% File name             : devaiHkRRitaMshivastavaH.itx
% Category              : shiva, shivarahasya, stava
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 15 devastavaH | 11-29 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam Shiva Stava ..}##
\itxtitle{.. devaiH kR^itaM shivastavaH ..}##\endtitles ##
(shivarahasyAntargate IshAkhye)

devA UchuH |

vidyutpu~njapisha~Ngacha~nchalajaTAjUTasphuratsvardhunI\-
kheladvAlamarAlavibhramakarashrIchandralekhA~Nkitam |
ambhojAsanamagranAsanihitaprekShaM maheshAbhidhaM
tejaH ki~nchana pUjitaM suravarairnirvAtadIpaprabham || 11||
bhrAjatkoTIrashIrShabhramadamaradhunI lolakallolakhela\-
chchandrodvAntAmR^itAsvAdanamuditahR^idaH pAhi bho nastvajasram || 12||
kaTakitachakShuHshravase
kalitAvanatiH karIndracharmavase |
mastakadhR^itachandramase
kailAsakShetravAsine mahase || 13||
bhajantu kAtichichChrutiM nigamashIrShabhImATavIM
charantu katichitpare paricharantu karmATavIm |
vayaM tridashanimnagA taruNachandralekhAlasa\-
jjaTAmakuTamaNDitaM praNatibhiH pramodAmahe || 14||
marunmaulijjyotiryamamakuTa nIrAjitalasa\-
tpAdAmbhojadvandvaM rajatagirisaudhe maNimaye |
samAsInaM kalpadrumaruchiramUle girijayA (?)
sahopAsyaM devaM bhavajaladhisantAraNapaTum || 15||
puShyaprakhyAtadivyotsavabhavaparamAnandasampUrNamUrtiH
sarvairdevaiH sameto divi bhuvi manujaiH shrImahAdevamUrtiH |
chitraM sa~NgIyamAno maNigaNavilasat hemapuShpe vimAne
bhAti shrIshailakanyAtaTabhuvi saguNaH pAtu nashchandrachUDaH || 16||
kAntaM dAntaM prashAntaM sakaladiviShadaistoShayantaM jvalantaM
kAntaM santaM mahAntaM munihR^idi satataM saMvasantaM vibhAntam |
shAntAhantA mahAntaH shrutishirasi sadA svAntasa~NkrAntachittA
ye dhyAyanti kShaNArdhaM girishamanupamAstebhya evAnatirnaH || 17||
vedAntapratipAdyavastu vijayaprauDhAtmalAbha ##. | . | .##
##(words missing in source text)##
parAvAranimagnachittasanakapreShThAshcha yogIshvarAH |
jAnanti prabhavaM na yasya nigamA vaktuM na dakShAshchaya\-
chChaivaM tatsaviturvareNyamatulaM jyotiH paraM dhImahi || 18||
dhUtaM yadvibhavena khaM sumanasAM vR^indairyadAj~nohyate
mAlevAtulashevadhiM shrutishirobhImATavImadhyagam |
dhanyA mUlikayAdhiyAnti satataM yanmArgayante sadA
shaivaM tatsavitirvareNyamatulaM jyotiH paraM dhImahi || 19||
shuklaM shuklasamasta dharmakaraNaM chitraM yadIyekShaNAd\-
bhedadhyAnakalAM sahasrashanikA nArhanti aho sarvadA |
jyotIMShi pravarANtIndriyadashAM yatrodayeyanti khe
shaivaM tatsavitirvareNyamatulaM jyotiH paraM dhImahi || 20||
pramodUto lokastripurahara shambho kathamahe
tvadIyo.ahaM dUto vasati tadishohaM yadi vadeH |
bhaveyustvaddUtA nahasitavidhIndrAdvipatakA
atastrAyasvemaM nalinarugapA~NgaikakR^ipayA || 21||
prajotpattiM yasya druhiNasuranAthaprabhR^itayo
ghanArabdhAmIkShya kShubhitahR^idayA nirjaragaNAH |
prasAdya stotrairyatsakala surasenApatimaguH
vareNyaM tadbhargaH savituriti bhImairanupamam || 22||
sarvairA~Ngirasairapi pravihitaM kR^ityAdikaM yatsmR^iti\-
dhvastaM syAtpratipAdyavastu girisha sachchitsukhAtmA shivaH |
yasyAstAM ravimaNDalAntaragatAM jyotirmayIM chinmayIM
gAyatrIM hR^idi bhAvayAma sataM tatvaikadhIsiddhaye || 23||
yasya shrImukha sarvadevavanitA nR^ityanti gAyanti ta\-
dbhartArastu mahApradoShasamaye mArda~NgikAH kechana |
prauDhAH kechana veNutAlakR^itinaH prItiM surAH kurvate
shaivaM tatsaviturvareNyamatulaM jyotiH paraM dhImahi || 24||
yo.apArAdbhavasAgarAtsakR^idapi dhyAna svanAmasmR^iti\-
prItastArayati prabhuH karuNayA parNAshanAnAmapi
dhyAnA~Ngasya tanushruti pravachasA dUrIkR^itAtmA paraH
taM shambhuM ravimaNDalAntaragataM jyotirmayaM dhImahi || 25||
prAptaM nityayuvatvamAyuramR^itaM devairmR^ikaNDoH paraM
putreNAmitatejasA dhanadatA sarvAtishAyinyaho |
yakSheshena madIyabhaktiphaladadhyAnAtmavidyarShibhiH
taM shambhuM ravimaNDalAntaragataM jyotirmayaM dhImahi || 26||
dhAtuH sR^iShTiparamparAchaturatA sarvaj~natereshatA
proktaM vyAkaraNaM samastamuniShu vyAteShu vikhyApitam |
kR^itsnaM pANininA purAtigahanaM sadbhaktitaH sUtrataH
tadvyAkhyAtamahIshvareNa sa parAM vAchaM pradishyAchChivaH || 27||
vedAsheShapurANabhAratachiraprakhyAtasarvAmara\-
brahmarShitridasharShisarvamanujaprodgIyamAnaM sadA |
yasyAnvarthamapIshvaratvamatulaM nityaM vijejIyate
shaivaM tatsaviturvareNyamatulaM jyotiH paraM dhImahi || 28||
prApyante bahudhAnyaratnakanaka strIratnasadmottama\-
krIDAchAmarashAradenduruchiraChatrebhaghoTAdayaH |
vairi~nchampadamaindireshamamareshatvaM cha yasyejyayA
shaivaM tatsaviturvareNyamatulaM jyotiH paraM dhImahi || 29||

|| iti shivarahasyAntargate devaiH kR^itaM shivastavaH sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 15 devastavaH | 11\-29 ||
##
- .. shrIshivarahasyam . IshAkhyaH dvAdashamAMshaH . adhyAyaH 15 devastavaH . 11-29 ..

Notes:

Devā-s ##devAH## approach Śiva ##shiva## and eulogize Him profusely before attempting to plead with Him to marry Pārvatī ##pArvatI## so that His son could be born for the purpose of annihilating Tārakāsura ##tArakAsura##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}